Eit الوكيل الأكثر احتراما في مصر ....كلمة حق . (6-2009)

[ahmadyusuf]

ان شاء الله تستلم بسرعه و حذاري اشوفك في الميدان
اقصد الشارع لأني حتي الأن عامل بيها بلاوي بس لسه هاحكي عنها في التقرير القادم

شوقتنا للتقرير القادم ده , يا ترى حيبقى امتى

[Ahmed Samy]

الحكاية وما فيها ...
اني قررت اشتري عربية كيا سيراتو الهاي لاين ....

كلمت الكول سنتر ...رد عليا بعجرفة شديدة و قاللي ان العربية هاتكون موجودة في أكتوبر :t_thum1[1]:

ومش هاييجي أبيض ..وكان بيقفل في الكلام ..

سألته طيب ممكن العربية لو جبتها خليجي ....تدخل الصيانة ؟؟

قام رادد بكل برود ...لأ طبعا شوف انت جايبها منين و هو يصونهالك و قاللي كلام ما عجبنيش الصراحة فقصرت و قفلت و أنا مضايق ...

وحجزت الخليجي برضه لأني مش هاستنى لشهر اكتوبر

المهم ...

وانا في المعرض يوم الأربعاء ...وقفت مع حد من مبيعات eim اسمه عبد الكريم أو عبد الرحيم حاجة كده وواحد من مبيعات كيا ماعرفوش ...و سمعت نفس الكلام و من الأخر عربيتك فيها موتور تاني غير اللي في مصر وشوية الكلام بتاع توكيل ميتسوبيشي ...و البنزين التسعة وتسعين ...

و طبعا اتخنقت

لأني شاري عربية أثق فس أخلاق توكيلها من الي سمعته من ملاك رينو و كيا عن معاملتهم و ان مالهومش في شغل التلات ورقات و لوي الدراع بتاع الوكلا التانيين ...

وقلت ما بدهاش ...

ورحت باعت الميل ده على الفيد باك بتاع كيا وورلد ..

[mark=#221f78]

dears kia,

i called your local dealer in egypt to purchase a new cerato - 2009, i went to order a white, 1.6 highline car . The answer was that they don't import white at the time , and the delivery estimated time for the highline category will be after at least 3 months ..as this doesn't suit my needs, i've already called for the car from your dealer at an arabian gulf country - saudi arabia- and it should be arriving within days ... The problem is the customer service personnel appearing at automach motor show in cairo told me that my car will not be accepted for any repairs or even regular maintenance at kia workshops ...i was surprised as he began to tell me "stories" about "different engines parts" supplied for the egyptian market for special fuel types and some ps like this.

i do like the car and the new trend in your promising model ..but if this is your policy please inform me, to change my plan and go for a mazda or lancer, not because they are better but i can find somewhere to fix them at .

i don't believe that this is the policy of a car maker as kia , i am a senior member and moderator in the biggest egyptian auto forum and that info is really a concern for more than 7 other clients already owning your car . I know that large corporations are keen to serve their clients and their products ....

please , do not only transfer this to the local agency ...i want kia motors reply (the mother company)

i want to know if my car can at least make regular services and repairs at the local dealer workshops or not and also about the guarantee, is it valid in egypt or not.

is there any engine difference between cars sold in egypt / saudi arabia (i mean the gamma 1.6 motor) and if there is ..please explain it

thank you for your concern and sorry for the long letter .

dr. Ahmed

egypt

[/mark]

و بعد 48 ساعة من ارسالي الميل
ومن ربع ساعة تقريبا
وصلتني مكالمة من المهندس / خالد الشيخ مدير الصيانة في كيا

الحقيقة انا فعلا مش متعود على النبرة دي في مصر

و حسيت اني مستهلك وليا حق ...وده احساس نادر في مصر الحقيقة

المكالمة بدأت بتعريف نفسه و السؤال عن الموقف لأن الميل وصله مباشرة بتحويل مباشر من الموقع (زي ما أنا كنت مش عايز)

وبعد ما وضحتله اتضايق من اللي حصل و فهمني ان الكول سنتر دول مش هما كيا ..دي شركة وسيطة

يعني يا جماعة اللي عايز يستفسر عن حاجة يكلم الوكيل مباشرة

و طلع ان الأستاذ بتاع معرض اوتوماك كان بيجتهد بشكل شخصي علشان يحجز عربية و المهندس خالد طلب مني اسمه ..بس الحقيقة مش عايز أدور عليه علشان مايحصلوش حاجة أو يؤذى بسببي ...

المهم ...

النص المفرح الذي أثلج صدري (حضرتك عربيتك كيا ..و حقك تدخل الصيانة زي أي عربية كيا في مصر لأننا الوكيل و مافيش فرق بين محرك العربيات المصري أو الخليجي بس طبعا مش هاتتمتع بالضمان بتاعنا)

و المهندس خالد قالي شاف خط التصنيع في كوريا بنفسه و عارف هو بيقول إيه

و كرر اعتذاره الشديد عن التصرف الغير مسئول من الموظف بتاعه وطلب مني اسمه مرة تانية ...

و في النهاية عرفني مواعيد الصيانات و ان شاء الله هاقابله في أول صيانه للألف كيلو لما العربية ان شاء الله توصل وتعملهم ...و انا فعلا لازم اشوفه لأنه من الناس اللي لازم تتشاف .

و على فكرة هو بيدخل على المنتدى و متابع قسم كيا بشكل مستمر لأنه بيشوف فيه ردود الفعل عن مستوى الخدمة ...الحمد لله ان لينا مكان بيسمع صوتنا و اللي بيسمع على قدر كبير من التعاون ولازم نفهم ده و نحطه في حسابنا قبل ما نهاجم ...
__________________________________________________ ____________________

انا مش عارف وصلت احساسي ولا لأ ؟؟

لأني بجد سعيد جدا و أنا عارف ان عربيتي ليها مكان اعمل فيه الصيانة و التصليح في حالة الحاجة اليه .

مش هاحتاج ألف على مراكز صيانة ولا قطع غيار و لا انزل الحرفيين زي ماركات تانية ...

امال لوكانت عربية بضمان الوكيل بقى ؟؟؟

و الله لولا الوقت يفرق معايا ...كنت استنيت عربيت الوكيل ست شهور كمان مقابل الضمان و المعاملة دي بس



[img3]http://www.dotcomegypt.com/v3/en/images/portfolio/clients/eim.jpg[/img3]


هاختم بكلمة ...

نصير - الله يرحمه- ما ماتش

وزي ما اتقال قبل كده ان الراجل ده ساب وراه كوادر من مديرين و مهندسين على مستوى كافي لدفع نجاحه للأمام .:s_thum1[1]:.

و ادعولي ادخل صيانة الألف للسورينتو 2019 (بضمان eim) لأني هاحجز :b4_564: من بدري من 2015 كده على ما أحوش

طبعا بعد الحادث الأخير أحب اني أعلق كل كلمة قلتها في الموضوع ده لاختلاف وعد الوكيل و تغيير و سحب كلامه

و هو ما أعتبره تغرير و و خداع

و يبدو أن محمد نصير ترك غالبيه كوادره المحترمه في رينو و لم يسعفه الوقت لانتقاء ادارة كيا بشكل كامل .

بس الشكوى اللي هاتتبعت قريب جدا هاتعرف كل واحد مسؤولياته
وهاتعرفنا برضه الوجه الحقيقي لشركة كيا بعد ما عرفنا وجه وكيلها
اللي حتى لو تراجع عن قراره "بالغصب" فسيل مثله مثل فولكس و سكودا
ادارة تحتاج لتقويم ....


إن غدا لناظره قريب

[mizo6030]

توكيل أيه يا جماعة إلى زى الفل وزى العسل ده.
يا جماعة انا حاجز كيا سيراتو هاى لاين من 03/10/2009 ولحد دلوقتى مش عارف هستلمها إمتى ومحدش بيعطينى رد قاطع كله ربنا يسهل ان شاء الله احنا محرجين واشياء من هذا القبيل
انا بس لولا إنى حاجز من زمان وصعبان على اسحب فلوسى كنت عملتها بس بجد سياسة المبياعات فى هذا التوكيل زفت - المبيعات هى الحاجة إلى أقدر أحكم عليها الآن لأنى لسة مجربتش الصيانه هناك وشكلى مش هجربها

[Ahmed Samy]

توكيل أيه يا جماعة إلى زى الفل وزى العسل ده.
يا جماعة انا حاجز كيا سيراتو هاى لاين من 03/10/2009 ولحد دلوقتى مش عارف هستلمها إمتى ومحدش بيعطينى رد قاطع كله ربنا يسهل ان شاء الله احنا محرجين واشياء من هذا القبيل
انا بس لولا إنى حاجز من زمان وصعبان على اسحب فلوسى كنت عملتها بس بجد سياسة المبياعات فى هذا التوكيل زفت - المبيعات هى الحاجة إلى أقدر أحكم عليها الآن لأنى لسة مجربتش الصيانه هناك وشكلى مش هجربها

حضرتك أولا الموضوع ده قديم من سنة تقريبا
ثانيا احنا "كنا بنتكلم" عن سياسة طلع انها فشنك
أما موضوع المبيعات الفاشلة ....فهي من يومها فاشلة لحد النهاردة

عموما حضرتك ممكن تبعتلي صورة من وصل الحجز
و أوعدك انه هايكون في كوريا نفسها مع ملف الشكوى بتاعنا خلال أسبوع

[heshamsalah]

يا جماعة بس لا شك برده أن التوكيل بيلعب لعبة مش حلوة فى البيع لأنه لا يلزم الموزعين المعتمدين بالبيع بالسعر الرسمى. الوحيد اللي بيبيع كدة محمد زكى والباقيين كلهم القصراوى والمحمل وكلهم بيبيعوا أغلى 4 ألاف و 6 الاف جنيه. أمال إيه الفرق بين المعرض والموزع المعتمد؟
وبعدين هو بيعطل الناس الحاجزة معاه على الفاضى نتيجة اللعبة دى. لأن لو حاجز عنده 100 شخص وجاله 100 سيارة هيسلم 50 ويدى 50 للموزعين وعشان كدة اللى بيحجز مع التوكيل بيقعد مستنى فترة أطول.
فى لعبة دنيئة فى الموضوع

[Ahmed Samy]

حضرتك أولا الموضوع ده قديم من سنة تقريبا
ثانيا احنا "كنا بنتكلم" عن سياسة طلع انها فشنك
أما موضوع المبيعات الفاشلة ....فهي من يومها فاشلة لحد النهاردة

عموما حضرتك ممكن تبعتلي صورة من وصل الحجز
و أوعدك انه هايكون في كوريا نفسها مع ملف الشكوى بتاعنا خلال أسبوع

يا جماعة بس لا شك برده أن التوكيل بيلعب لعبة مش حلوة فى البيع لأنه لا يلزم الموزعين المعتمدين بالبيع بالسعر الرسمى. الوحيد اللي بيبيع كدة محمد زكى والباقيين كلهم القصراوى والمحمل وكلهم بيبيعوا أغلى 4 ألاف و 6 الاف جنيه. أمال إيه الفرق بين المعرض والموزع المعتمد؟
وبعدين هو بيعطل الناس الحاجزة معاه على الفاضى نتيجة اللعبة دى. لأن لو حاجز عنده 100 شخص وجاله 100 سيارة هيسلم 50 ويدى 50 للموزعين وعشان كدة اللى بيحجز مع التوكيل بيقعد مستنى فترة أطول.
فى لعبة دنيئة فى الموضوع

بالضبط

في أكتر من لعبة

و ان شاء الله الوضع ده هايوصل للشركة الأم

ياريت نساعد بعض

ممكن تشاركو في الموضوع ده من فضلكم

أي عضو حاجز من فترة طويلة عربية وكيل و ماستلمش يتفضل ياخد حقه

و التفاصيل في الموضوعين دول

يا بتاع المبيعات ......أنــــــــــــــــــــــــــــــا مش خرنج

السادة ملاك كيا سيراتو خليجي 2010.......برجاء التفاعل