تواريخ استلام النيو سيراتو

[de3bis]

بما ان المناقشات على النيو سيراتو هدأت خالص فى المنتدى ده يعطى انطباع ان الناس استلمت فعلا او على وشك لذلك انا بأقترح ان كل واحد استلم يدخل و يكتب الأتى :

تارخ الحجز : .... / .... / 2009

تاريخ الإستلام : ..... / ..... / 2009

مكان الشراء : التوكيل - الطارق - جابر عبد الشهيد - ........ - .......

أوفر برايس : 00000 جنيه - بالسعر الرسمى المعلن

الموضوع ده ح يوضح للناس اللى لسه ما استلمتش امتى ح يجى عليهم الدور و بالنسبة للإستلم مش ح تفرق معاه غير انه يساعد الأخرين على معرفة دورهم

و للجميع الشكر

[Hosam_Optrawy]

فكره جيده ياباشا

بس اللى لاحظته ان مش شرط اللى حاجز الاول يستلم الاول

يعنى البشمهندس غازى اول واحد حجز كان فى اواخر شهر 3

وقبل ما شهر 4 يخلص كان مستلم من غير اوفر برايس من التوكيل sx

مع ان فى زميل لنا فى المنتدى حاجز فى نفس الميعاد تقريبا ولسه مستلمش لحد دلوقتى !!!!!

[ghabbour]

حاجز من اول مايو الهاى لاين من فرع روكسى و لم استلم حتى الان

[sameh_vip]

حاجز من يوم 5 ابريل الهاي لاين من فرع روكسي ولم استلم حتي الان

[ghabbour]

يا استاذ سامح من قبلى بشهر ولسة مستلمتش طب بيقلولك اية لما بتتصل بيهم
ربنا يستر شكلى هجنن عليهم دول ولاد المجانين

[deeho]

حاجز من 29/3 من الوكيل فرع روكسى وما استلمتش و رحت الأسبوع اللى فات سحبت فلوسى و اشتريت من الدولية بأوفر 6000 جنيه, وما حدش يقوللى انى مغفل أو باشجع جشع التجار لأنى بايع عربيتى و متبهدل أنا و عيالى فى الحر بقالى 3 شهور و صرفت مواصلات بأكتر من الأوفر برايس و بصراحة مل لقيتش عربية تانية أحسن منها ب122000

[mishtawy]

حاجز 19/6/2009 من فرع روكسي ولم استلم طبعالكن ياتري اللي بيسحب فلوسه دوره بيروح لمين

[HassanKhalil]

تارخ الحجز :8 / 7 / 2009

تاريخ الإستلام : 1 / 11 / 2009

مكان الشراء : التوكيل فرع المعادي

أوفر برايس : بالسعر الرسمى المعلن

[sameh_vip]

يا استاذ سامح من قبلى بشهر ولسة مستلمتش طب بيقلولك اية لما بتتصل بيهم
ربنا يستر شكلى هجنن عليهم دول ولاد المجانين

انا المفروض كان معاد الاستلام خلال 3 شهور من يوم الحجز روحت بعد 3 شهور يوم الجمعه اللي فاتت قالي حاتم سمير اللي انا حاجز معاه انا المركب اتاخرت واقعد يحلف ويعتذر ان هما ملهمش اي ذنب في اللي بيحصل ده هما كانو فاكرين ان الضغط هيكون علي الفئات الاولي بس زي السيراتو الشكل القديم بس هما طلبو طلبيه كبيره من ال اس اكس والهاي لاين وقالي ان العربيه هتكون موجوده النص التاني من الشهر ده واداني نمره واحد اسمه امجد المفروض انه مدير المبيعات علشان اتاكد منه بس كلمته مش بيرد.

[de3bis]

تصدقوا انا مقترح الفكرة و نسيت اكتب بياناتى .

تاريخ الحجز : 17 / 04 / 2009

تاريخ الإستلام : ..... / ..... / 2009 ربنا يسهل

مكان الشراء : الطارق

الموديل : نيو سيراتو sx

أوفر برايس : 0 بالسعر الرسمى المعلن ... و حتى النهاية " لا للأوفر برايس "

[de3bis]

انا المفروض كان معاد الاستلام خلال 3 شهور من يوم الحجز روحت بعد 3 شهور يوم الجمعه اللي فاتت قالي حاتم سمير اللي انا حاجز معاه انا المركب اتاخرت واقعد يحلف ويعتذر ان هما ملهمش اي ذنب في اللي بيحصل ده هما كانو فاكرين ان الضغط هيكون علي الفئات الاولي بس زي السيراتو الشكل القديم بس هما طلبو طلبيه كبيره من ال اس اكس والهاي لاين وقالي ان العربيه هتكون موجوده النص التاني من الشهر ده واداني نمره واحد اسمه امجد المفروض انه مدير المبيعات علشان اتاكد منه بس كلمته مش بيرد.

الحقيق ان الكلام ده صحيح و المراكب بتيجى دلوقتى مليانة sx و اعتقد ان شهر 7 ح يكون فيه تسليم كتير جدا للحاجزين بالسعر الرسمى انا كمان واخد وعد و شفت كشوف التسليم بنفسى للنصف الثانى و بالذات أخر اسبوع من يوليو و كمان العربية بقت موجودة فى كل النعارض مع الأوفر برايس بس وجودها معناه ان موجة الأوفر برايس بدأت تنحصر.

[aymanh5]

استلمت لكن ورق العربية لسه

تاريخ الحجز : 6/ 7 / 2009

تاريخ الإستلام : 7/ 7/ 2009

مكان الشراء: هاكتبه بعد الترخيصإن شاء الله

السعر : 122 (بدون ضمان)
انا مش عارف اسم الموديل بالضبط (الموديل فتحة سقف تكييف تاتش جنوط 16 abs بيقولو خليجى) يا ترى اسم الموديل ايه والسعر عامل ايه

وعلى فكره العربية تحت البيت وخايف اركبها واتهنى بأول عربيه زيرو علشان ورقها لسه فى الجمارك

[ahmed000]

محدش جاب سيرة المانيوال خاااااالص
عموما يمكن ان شاء الله تعالى احجزها الاحد
وهابقى اقولكم على التفاصيل

[iseddik]

حاجز من يوم 30 مايو هاى لاين من الوكيل فرع المعادى ولم استلم حتى الان

[TeMoON]

تاريخ الحجز : 7/4/2009
تاريخ التسليم : الى حين ميسرة
مكان الشراء : ناشيونال موتورز
سعر الشراء : 125.900
ولا للاوفر برايس وانا مش مستعجل