تواريخ استلام النيو سيراتو

[GasDealer]

اخر الشهر

[iseddik]

اخر الشهر

هو حضرتك اتصلت بيهم ولا عديت عليهم
وهل اخر الشهر ده ميعاد نهائى ولا لسه احتمالات
وهل بالنسبه لكل الفئات يعنى الهاى لاين جايه ان شاء الله اخر الشهر ولا لسه مش عارفين
وشكرا للافاده

[GasDealer]

كنت هناك اول امبارح فى توكيل كيا داون تاون الاسكندرية ..........قالولى اخر الشهر sx

[ghabbour]

و انا سالت فى فرع روكسى قالولى يوم 10/9
و كمان الى رد عاليا بارد جداا كان نايم فى الثلاجة و ادولو التليفون
بقالو اخرتها اية فى المواعيد
و ان المنتديات كلها بتتكلم عليكو
يردو يقولى ليه اية السبب
بصراحة قولتلو تصبح على خير و هكلمك اول اسبوع من شهر 9
هو على كلامة المركب هتيجى نهاية الشهر و وهو بيقول باقى ال10 ايام دول مقابل الافراج
و يالا بجملت الايام

[de3bis]

و أنا كمان سألت فى الطارق كارفور اسكندرية و قالولى على اخر الشهر

و سيبكم انتم أهم حاجة رمضان كريم

[de3bis]

الغريب ان الخليجى بقت مرطرطة فى السوق عند كل المعارض بس لسه سعرها عالى

[A.Saad]

بعد ما قريت الموضوع اللى شايفه
ان التوكيل بيطلع عربيات اللى حاجزين عنده ويديها للموزعين
والللى اعرفه من موزع معتمد ان التوكيل سمح للموزعين بالبيع بالاوفر برايس
واللى اعرفه كمان ان الشحنة بيكون معروف فيها العربيات اللى داخلة بارقام الشاسيه والمواتير والالوان ليه
علشان المفروض لو هيسلم اول 9 ان المركب تكون خلاص طلعت من كوريا
واللى انصحكم بيه حاجتين

اميل من كل واحد للشركة الام
فاكسات على العضو المنتدب للشركة وتوضحوا فيه بيانات الحجز وسالوا فيه سبب سماح التوكيل للموزعين بالبيع اوفر برايس

من الواضح سؤ ادارة المبيعات فى كيا مصر

[popeto]

يا جماعه ليه مفيش حد راح اشتكى فى جهاز حمايه المستهلك ؟

[weekend]

السلام عليكم
انا بجد مليت من الانتظار و عندى سؤال مهم لكل اللى حاجزين و منتظرين دفعة 10-9 دى
هو الواحد يعرف ازاى انو عربيتو فى الدفعة دى لما المعلومة دى مش موجودة عند التوكيل لما بسأل بيكون الرد بمنتهى البرود الدفعة لسة متسكنتش اتصل بينا يوم 20-8 اتصل يزفلى خبر وصول الكارينز و يقوللى اصل مش عارف ايه نظام السيراتو 23 هيكون كل المعلومات متاحة اتصل يكون الرد مين قال كده يوم 28 و عليك خير تكون الدفعة اتسكنت و هنتصل بالناس كلها هل قلتلو يعنى اريح نفسى من حرق الاعصاب و استنى تكلمونى انتو يقولى لا يا فندم برضو تابع معانا ........... ما علينا السؤال بقى هو الواحد يعمل ايه لو بعد العذاب ده اتقاللى ان الدفعة خلصت و الا انا لسة مش معمول حسابى او اى حاجة تخلى يوم 10-9 ده اكبر اشتغالة فى حياتى علما انى حاجز sx من يوم 12-6 من فرع المعادى يعنى 10-9 اتم 3 شهور بالظبط

[Amro_Gamal]

عزيزى weekend
انا حاجز من يوم 25/4/2009 و لسه بأسمع اشتغالات التوكيل كيا - روكسي الي الآن و مش عارف أعمل ايه. اتمني انه يكون فيه حل و حتى كمان اتمني من السادة المشرفيين على المنتدي و لهم اتصال بالتوكيل يحاولوا يساعدونا في المشكلة دي. بقالى 4 شهور يحدفونى من نص الشهر لأول الشهر اللى بعده و بعدين لنص الشهر و هكذا القصة