لديك مشكلة ,شكوى فى سيارتك الكيا (خط اتصال مباشر مع التوكيل)

[NaderNabil]

ياريد لو ينفع أقناع التوكيل بتوفير أنذار أخر

او لو ينفع ان اللي معاه العربية يجيب انذار تاني وهما يركبوه وياخده من مصنعيات بس ولا ده صعب ؟؟؟

يا جماعة بلاش تركيب الإنذار في التوكيل...650 جنيه ملهاش لازمة...
ممكن تركبه ب 250 و بنفس الجودة و لن تلاحظ فرق
ممكن تروح أدريان أو كلاريون أو أرابكوم...لو عايز شغل نظيف و مضمون

أنا رحت عملت صيانة 1000 كيلو في توكيل أبو رواش وبصراحة الناس هناك محترمين جدا وكلهم بيحولوا يريحوك
بس أنا عندي مشكلة اني عايز أركب انذار في العربية النيو سيراتو بس الإنذار الي بيركبوه في التوكيل صيني وكل الناس نصحتني مأركبوش
عايز المهندس خالد يرد عليه في الموضوع ده أو أي حد يكون عنده معلومة

اللي في التوكيل صيني و اللي بره صيني...مافيش فرق..
المهندس خالد إقترح تركيب الإنذار بأي من المحلات اللي انا كتبتها فوق..بس طبعاً الضفيرة هاتكون خارج الضمان

[Ghost2]

الاستاذ هشام النجار ... انا مش شايف مشكلة .. الراجل عرض مشكلته .. وعشان احنا عارفين ان المهندس خالد ده شخص محترم .. قلناله كلمه .. الراجل ذو صدر رحب ومعاملتة ممتازة مع كل الناس مش مع نايل موتورز بس ..وده راجل مهندس في توكيل .. مش هيقعد على النت يجاوب على الناس.. المنتدى هنا والناس مشكورين عملو حلقة وصل بين الاعضاء اصحاب سيارات كيا و بين الوكيل ومراكز الصيانة عن طريق اشخاص محترمين زي حضرتك كده تقبل تحياتي .. وكل سنه وانت طيب

[NaderNabil]

عندى مشكله فى العربيه
1 احيانا لما بشغل التكييف العربيه بتترعش جامد جدا وساعات بتبطل
2 العربيه ساعات حلوة وناعمه وساعات خشنة
3 كتيير وانا مشغل التكييف اسمع صوت شخللة من حاجة اعتقد انها تحت الموتور
عموما العربيه حاجه مخلفة وانا مشخل التكييف
ملحوظة العربيه ودتها التوكييل حوالى 4 مرات لنفس المشكلة وييقولولى مافيهاش حاجة

ممكن رقمك على الخاص؟

[YaSSerwIN]

المهندس خالد إقترح تركيب الإنذار بأي من المحلات اللي انا كتبتها فوق..بس طبعاً الضفيرة هاتكون خارج الضمان

ماهى المشكلة فى خروج الضفيرة من الضمان
ياعنى لو يمكن توفر مثلا أنذار وولف
حتى لو هانروح عدد لتركيبه

[rishinko]

توكيل الغردقه...محتاج شوية اهتمام يا كيا..

باختصار التوكيل ما فيهوش مهندس سيارات متخصص واحد..مفيش غير صنايعى واحد هو عفشجى أصلا بس مفيش مانع يشتغل كل حاجه والتوكيل نفسه معتمد عليه فى كل حاجه.المكان نفسه تقدروا تقولوا كده أووضه وصاله.ورشه يعنى.عملت عندهم صيانه مرتين لحد دلوقتى وما شفتش منهم فاتوره واحده .بعدين فهمت انهم مش بيدوا فاتورة أصلا عشان حاجتهم أغلى من سعر التوكيل .طبيعة شغلى صعبه شويه مفيش وقت انزل القاهره مخصوص علشان ااعمل صيانه مثلا أو أسال عن حاجه فى العربيه.للأسف سمعة المكان نفسه فى الغردقه مش كويسه"كصنايعيه يعنى " لكن ما باليد حيله. أرجو من الساده القائمين على صنع القرار فى كيا باتخاذ اللازم .

[YaSSerwIN]

كلاكيت تانى مرة

بعد ذهابى لأبو رواش بسبب مشكلة ظهور صوت تكتكة أثنا الضغط المتغير على دواسة البنزين وتم حلها بواسطة المهندس سامح كما قال بأنه قام بتغير عدد 2 كبولين ظهرت معى اليوم المشكلة مرة أخرى ..

انا خلاص زهقت والله من العربية دة حاسس ان رحلة أبو رواش دة بقت كل أسبوع

أعمللللللللللل اية قولولى

[jimmy86]

انا كنت عاوز اسل عن حاجه بالنسبه لكيا نيوسيراتو دلوقتي انا عندي نيوسيراتو موديل 2009 مانيوال وكنت عاوز اضيف فيها شوية حاجات زي فوانيس شبوره وسينسور للركنه انا عارف انا تاني حاجه ده ممكن الواحد يركبها بره التوكيل بس انا عن نفسي بفضل التوكيل لان في التوكيل كل حاجه هاتم بنضافه ولاني بامانه معرفشي حد بره يعرف يركب الحاجات ده بنضافه انا سؤالي دلوقتي هل الحاجات ده ينفع الواحد يركبها في التوكيل ولا مفيش الموضوع ده هناك؟؟؟؟

[هشام.النجار]

المهندس خالد صعب عليه التواجد بصورة يومية و التواصل مع أعضاء المنتدى بشكل دائم...
لذلك يتم التنسيق بينه و بين الأعضاء محاولة لحل المشكلات

و أكيد مش هانعرف نحل المشكلة هنا على صفحات المنتدى...لكن أي مشكلة بنلاقيها بتبعتها عليه علطول و هو بيقولنا على الحل..لكن ما بنقولش كلم المهندس خالد...هو بيبقى عنده خلفية عن الموضوع و مستنى زيارتك

في أسئله و إستفسارات صعب يتلاقى لها جواب لأن صاحب الإستفسار يسأل عن مشكلة و لم يفحص السيارة بالتوكيل مثلاً...هنا إحنا مش هايكون عندنا رد..و هكذا..

لو عند حضرتك مشكلة أو إستفسار...يا ريت تشرفنا بيها :)

شكراً على الرد وأتمنى لك النجاح

الاستاذ هشام النجار ... انا مش شايف مشكلة .. الراجل عرض مشكلته .. وعشان احنا عارفين ان المهندس خالد ده شخص محترم .. قلناله كلمه .. الراجل ذو صدر رحب ومعاملتة ممتازة مع كل الناس مش مع نايل موتورز بس ..وده راجل مهندس في توكيل .. مش هيقعد على النت يجاوب على الناس.. المنتدى هنا والناس مشكورين عملو حلقة وصل بين الاعضاء اصحاب سيارات كيا و بين الوكيل ومراكز الصيانة عن طريق اشخاص محترمين زي حضرتك كده تقبل تحياتي .. وكل سنه وانت طيب

أتمنى أن تنجح الفكرة

[romeio]

السلام عليكم و رحمه الله وبركاته ..

عندى السيراتو 2009 الشكل القديم وكيل.. الكامله .. (جنط 16 و فتحه سقف و abs , airbags) :
1. الكاست الكيينوود مش بيشغل mp3 >>
2. الساعه مش بتنور
(مع انى شفت نفس الموديل و وكيل برده بس مش الكامله و كان الكاسيت بيشغل mp3 ,و خلفية الساعه بتنور اخضر ).. برجاء افادتى فى الموضوع ده

[NaderNabil]

السلام عليكم و رحمه الله وبركاته ..

عندى السيراتو 2009 الشكل القديم وكيل.. الكامله .. (جنط 16 و فتحه سقف و abs , airbags) :
1. الكاست الكيينوود مش بيشغل mp3 >>
2. الساعه مش بتنور
(مع انى شفت نفس الموديل و وكيل برده بس مش الكامله و كان الكاسيت بيشغل mp3 ,و خلفية الساعه بتنور اخضر ).. برجاء افادتى فى الموضوع ده

ممكن تقولنا موديل الكاسيت إيه؟

الساعة ممكن تكون لمبتها محروقة...لو رحت الصيانة قولهم عليها و هما هايعملوا اللازم

[veritas]

السلام عليكم
اولا: حبيت اشكر المنتدي لانه فعلا بيساعد ناس كتير في جميع مجالات السيارات
ثانيا:انا معايا سيراتو 2008 اللي بقت شكل قديم و فيها بعض المشاكل
اول مشكله: عندي صوت بيظهر بعد ال180 و قولتلهم عليه في صيانه 5000 و قاولولي مش حنعرف نجرب علي السرعه دي, الصوت كان بيجي من عند فتحات التكيف الوسطي في الكونسول و انا في صيانه 10000 احد المهندسين قاللي ده احتمال يكون منالبربريز الامامي علشان الصوت فعلا بيظهر ال سرعات من 120 الي 180 مش ثابت و قاللي مش حينفع يغيره علشان احتمال كبير البربريز يتكسر منه و انا في صيانه 3000 احد المهندسين قاللي ده طبيعي علشان كبس الموتور العال لكن في السلانسيه مبيظهرش لكن دلوقتي بقي يظهر من جميع فتحات التكييف و ممكن يظهر من اول 80 ال140 و بعد كده يستمر و هو صوت صفاره هواء
تاني مشكله: اني غيرت المساعدين مرتين و جيت تالت مره اشتكي من نفس صوت الدبدبه قالولي برضه الساعدين عايزه تتغير بس كده هي خرجت بره الضمان فاغيرها علي حسابي مع انهم اكدولي انه عيب في مساعدين هذه السياره

[Samer_Ibrahim]

كل عام و الجميع بخير ان شاء الله

لى استفسار سيارتى نيو سيراتو شغلت التكييف لمدة حوالة 20 الى 30 دقيقة و السيارة واقفة فى الشمس
و لاحظت وجود تساقط مياه بغزارة من السيارة طبعاً ده من تشغيل التكييف لكن ده كده طبيعى و لا فيه حاجة تستلزم صيانة .

و شكراً

[NaderNabil]

كل عام و الجميع بخير ان شاء الله

لى استفسار سيارتى نيو سيراتو شغلت التكييف لمدة حوالة 20 الى 30 دقيقة و السيارة واقفة فى الشمس
و لاحظت وجود تساقط مياه بغزارة من السيارة طبعاً ده من تشغيل التكييف لكن ده كده طبيعى و لا فيه حاجة تستلزم صيانة .

و شكراً

ده حضرتك عادي جداً...

زي تكييف البيت بالظبط...ده فايظ الماء المكثف على مواسير الفريون...

[deeho]

السلام عليكم انا عندى نيو سيراتو و ارغب فى تركيب زينون فى النور المتوسط (العالى) و انا هاشترى نوع فيليبس من برة و هو متوافق مع السيارة هل فى اى مشكلة فى ذلك ز وهل فى صيانة عند 5000 كم و شكرا

[wisambasha]

نفس المشكله بالظبط بتحصل معايا
الغريب انها ظهرت فقط بعد صيانه ال 120 الف وتغيير طقم دبرياج وقاعده فتيس بالتوكيل ......... اضافه ان العربيه داخله الصيانه عفشتها مظبوطه طلعت العربيه بتعوم و الطاره بتترج مع الفرامل على سرعات اعلى من 100
وفي صوت حديد بيحك في بعضه في اول الطلعه (ظهر مرتين فقط) من الفتيس
وسحب العربيه سيئ جدا

مش عارف كل الكلام ده ظهر بعد الصيانه الاخيره
وحاولت احجز صيانه مسائيه والكول سنتر رفض عشان العربيه عدت ال 50 الف


انا حاسس ان الموضوع بسيط ومش مستاهل يوم اجازه ومشوار ابو رواش مع الصيام صعب ....... بس محتاج تدخل مهندس خالد

السلام عليكم وكل سنة وحضرتك طيب
احب ان ابلغك باني عرفت صوت الرجرجة جاي منيييييييييييييييييييييييييين
من قفل الكبوت (تصدق) ودي انا اكتشفتها بالصدفة البحتة بعد تعب ومعاناة عندما كنت راكن في الانتظار ومشغل التكييف والعربية في السلانسيه والرجرجة بدا صوتها يعلي ثم يختفي رحت قايم فاتح الكبوت يمكن اسمع حاجة من الموتور ثم دخلت العربية (والكبوت مفتوح) ركزت شوية لقيت الصوت اختفي ومن هنا بدأت اربط العلاقة بين الصوت واغلاق الكبوت
استعملت ال w40 في تزييت المفصلات والقفل ولكن دون جدوي الي ان اكتشفت وجود بوش عند اغلاق الكبوت روحت جايب (سلوتب لاصق) وعملت تخشينة للسان اللي بيسقط جوة القفل من اعلي وقفلت الكبوت وهنا كانت الفرحة الكبرى عندما دخلت العربية وزودت بنزين ولم اسمع او اشعر بالرجرجة (سوي الفصل الطبيعي للكمبروسور)

ماقدرش اوصفلك احساسي كان شكلة ايه وقتها :10D5C8~1107:

علي العموم الحمد لله اني توصلت اليها بعد كل هذا الجهد