لديك مشكلة ,شكوى فى سيارتك الكيا (خط اتصال مباشر مع التوكيل)

[ebn7azm]

فى الاول
السلام عليكم و رحمة الله و بركاته
بجد شكرا شكرا على المجهود اللى اكتر من رائع و ربنا يوفقكم على خدمة الناس
المهم انا كان عندى بعض الاستفسارات اللى مش عارف عنها اى حاجه
1- صوت الموتور بيعلى جدا بعد سرعة 120 كم / ساعة
2- دايما ال usp بيفصل و يعمل restart لوحده
3- العربيه فعلا بتعوم جدا بعد180وداه كان على سبيل التجربه يعنى انا مش بامشى كده
بجد ارجوا الافادة لكى يكمئن قلبى اكتر
عربيتى ( نيو سيراتو 2010 - مانيوال خليجى فول اوبشن )

الصوت عالى لان سير الكاتينه جنزير وده كلام التوكيل

[roland_yamaha]

كيا سيفيا 2000

السلام عليكم ورحمة الله
أنا معايا كيا سيفيا موديل 2000 مشكلتي هي إن التكييف بتاعها لا يسقع وتدفق الهوا ضعيف يعني لازم أشغله ع الرابع عشان أحس بيه بس.
ده كل حاجة فده ممكن يكون عيب ايه أرجو الرد بسرعة أحسن الواحد هيتسلق في الحر ده وشكرا

[abouwesam]

انا صاحب السيارة السيراتو الشكل القديم اللى من يوم ما استلمتها و فيها مشاكل فى التعليق المامى الأيمن و تخبيط و حاول التوكيل اصلاحة من سنة بتغيير المساعدين بدون فايدة و من 3 شهور بدأ صوت زى رملمان بللى مع رجوع اصوات التخبيط من التعليق تانى و كمان مرة التوكيل خدها اسبوع و تانى غيروا المساعدين و حاجات تانية و رجعوا العربية يمكن التخبيط قل شوية لكن لسة موجود و بيزيد يوم مع يوم ولسة صوت الخشونة اللى زي صوت رولمان البللى موجود. يعنى ببساطة مع كل اللى غيروة مش هو السبب لأنة فى عيب صناعة ومش عارفينة. هل التوكيل هياخد العربية كمان مرة اسبوع و يرجعها تانى زي ما هي, يعنى اسبوع معاى و اسبوع مع التوكيل مش عارف, ولا يغيروا العربية ولا خلاص اروح لجهاز حماية المستهلك.
ممكن حضرتك من اتصالاتك مع التوكيل تفيدنى بالخطوة التالية لأنى خلاص زهقت من العربية و القرف اللى انا فية من سنة ونص كل الناس مبسوطة و فرحانة بالسيراتو وانا عايش فى كابوس اسمة سيراتو.

انا بقالى اكتر من اسبوع باحاول اتصل باحد المسؤليين فى التوكيل و الكل بينكر نفسة. مش عارف لية مدينى الأحساس انى بشحت منهم مع انة حقى و إذا كانت العربية فيها عيب صناعة دى مش سبة فى حق كيا الناس كلها يتغلط و بتصلح غلطها. لكن الأنكار دة بيزود غضبى و احساسى بالقهر و الأحساس ان حد سرقك و جرى و كمان بيطلع لسانة. و بعدين حضرتك قلت انك عندك اتصال بالوكيل اذا فى شكوى و كتبت لحضرتك هنا اكتر من مرة, فاذا كنت حضرتك عرضت الشكوى و هم رفضوا التعاون قلنا علشان نعرف.

[mostafa_alaa16]

بعدقراءة المشاركات أنا بدأت أكون قلقان أنا ناوى أشترى سيراتو sx وبدأت أكون قلقان
أولا : موضوع الحدفه الشمال
ثانيآ: موضوع صدق الوكيل

[mostafa_alaa16]

هل العدادات بها مشاكل مع الشمس أكثر من واحد قالها أ رجو ارسالها الى الشركه الأم

[Mahmoud Mosaad]

please, i want your advice

I've a TOYOTA COROLLA 1300 model 2000 and i am gonna replace it with a new car ,finally i decided to replace it with cerato 2010 SX HIGHLINE but becaise of the bad feedback of some customers that faced some problems with this car, i decided to think another time for that descision,so i want your advice,please.


Many thanks,
Eng. Mahmoud Ali

[ameenabu2010]

ما هوافضل زيت لموتور كيا كارينز

[mameen]

ما هوافضل زيت لموتور كيا كارينز

الموصى به من كيا هو زيت شل حتى حطين العلامة بتاعة شل على العربية

[minarafat]

تاخير تسليم العربيات بسبب الضغط الكبير عليها والحجوزات لفترة كبيرة

[Atrees]

صفارة مستفزة جدااااااااااااا

عاندي صفارة زي صوت خرطوم هواء فايص كدة بيظهر مع التباطوء فقط ويختفي مع التسارع او الفرملة صادر من الجنب الشمال للمحرك علي السيرعلي سرعات من 30 كم ل 20 كم - الصوت كان ضعيف في الاول وزاد حاليا ويختفي مع N النقلة - ويظهر بعد سخونة السيارة او بعد مشوار مش طويل - وهو صوت مش عادي في السيراتو كما شرح بعض الاعضاء انهم عندهم الصوت دة


الصوت ظاهر ومستفز جدا انة يصدر من عربية زيرو sx - وظهر فقط بعد صيانة ال 1000 فرع روكسي- صفارة مستفزة جدااااااااااااا


رجاءا الرد علي الموضوع للاهمية واذا كان الممكن الانتظار لصيانة ال 10000 ولا لاء حيث اني عامل 6000 كم حاليا


شكراااااا

[ghost1900]

عتريس أنا عارف اللى بتقوله ده لان عندى صوت مشابه بس خفيف جدا، عموما أنا رايح يوم السبت التوكيل وهشوفه ولو وصلت لحل فيه هقولك يا باشا

[Atrees]

عتريس أنا عارف اللى بتقوله ده لان عندى صوت مشابه بس خفيف جدا، عموما أنا رايح يوم السبت التوكيل وهشوفه ولو وصلت لحل فيه هقولك يا باشا

تسلملي يا باشا - بجد صوت مستفز جدا مش معروف من اية وخايف يكون لية علاقة بحاجة مهمة واحنا مش عارفين - مثلا الفتيس - لازم نعرف من اية لانة اكيد مش صوت عادي يعني في العربية والا كان حيبقي ثابت - لكن دة بيظهر ويختفي - عيب قوي نبقي راكبين عربية زيرو وبتصفر في الوقفة في الاشارات


والله فيك الخير يا جوست وتشكر علي سؤالك في التوكيل - بس ابقي اكد عليهم انة مش عادي لانة اكيد حيقولك اول حاجة انة طبيعي - ودة مش في كل السيراتو يبقي ازاي بقي ؟؟؟

[basemrami]

Guys i wanna ask about something , i bought Kia cerato 2010 like 2 months ago , when i took it i put in it zenon and gehaz raf3 el ezaz and parking sensors , after a week or something i had a problem ma3 el 3arbayea w heya betdoor , kanet bet3azbni 3ashan tedoor wadetha el tawkeel el ragel 2alli enta 3ashan rakebt zenoon men 3`er matzabato 3la el computer 3amal moshkela fel system beta3 el 3arbaya , w 2alli 7aga esmaha el immobilizer mesh metzabat.2ally hatly el mofata7 e7tmal yekoon 3awez yet3melo code men awel w geded then el ragel garrab w 2alli most probably the control unit is ....ed up..and the control unit b 3000 geneh ..please any help ..i dont really believe that guy w mesh3 aref a3mel eh..
please any1 could help me
thanks so much

[ghost1900]

تسلملي يا باشا - بجد صوت مستفز جدا مش معروف من اية وخايف يكون لية علاقة بحاجة مهمة واحنا مش عارفين - مثلا الفتيس - لازم نعرف من اية لانة اكيد مش صوت عادي يعني في العربية والا كان حيبقي ثابت - لكن دة بيظهر ويختفي - عيب قوي نبقي راكبين عربية زيرو وبتصفر في الوقفة في الاشارات


والله فيك الخير يا جوست وتشكر علي سؤالك في التوكيل - بس ابقي اكد عليهم انة مش عادي لانة اكيد حيقولك اول حاجة انة طبيعي - ودة مش في كل السيراتو يبقي ازاي بقي ؟؟؟

بص يا بوب، أنا روحت التوكيل عملت صيانه 5000 هى عباره عن تربيط عفشه وتشيك فرامل وزيوت وخلافه (مجانا لعربيات الوكيل - نصيحه روح أعملها)، وقلت لهم على الصوت العجيب ده فبعد الصيانه المهندس محمد اللى استلم منى العربيه جاب الجوب أوردر وراجعناه ملقناش أى حاجه فيه غير الحاجات اللى فوق بتوع ال 27 نقطه صيانه.

طب الصوت ده ايه قالى العربيه مفيهاش حاجه غريبه وجرب لو فيها حاجه هاتهالنا المهم أنا مش سامع الصوت هجرب شويه وأشوف وهقولك.

خد عندك دى بقى بسؤال المهندسين هناك قالوا أن العفشه واحده فى كل موديلات السيراتو يعنى المساعدين اللى شايله الجنط 15 هى هى اللى شايله ال 17 ازاى يا جماعه وفرق الوزن وااااااااااااااا مخدتش أجابه مفهمومه .

على فكره أنا قابلت هناك العضو Conspirator وكعاده كل أعضاء نايل موتورز شخص محترم جدا وعلى خلق.

[NOOR]

الريو الجديدة مقلب وشربتو ولا اية

انا معايا الريو الجديدة 1600
اولا يوجد سخونة جامدة تحت التابلوة ناحية الارجل واستنيت ممكن علشان جديدة وانا كملت الاف كيلو ولسة موجودة
مفتاح السواق مش بيقفل السنتر بس الباب التانى بيقفل السنتر

المشكلة انى فى الغردقة ومركز الخدمة سىء جدا شوية صنايعية مش بيفهمو ومش عارق اعمل اية ياريت المساعدة