لديك مشكلة ,شكوى فى سيارتك الكيا (خط اتصال مباشر مع التوكيل)

[dreamer10]

أنا عربيتى كبا بيكانتو 2010 لسة مبقلهاش معايا أسبوع و عاملة أقل من 300 كم
الفتيس بيعلق و أنا على المارشدير و مبيرضاش يغير إلا بصعوبة بالغة .... يا ترى أية السبب ؟؟؟ مع العلم أن كل السرعات مافيهاش مشاكل ...

[EDC]

هو ماحدش بقا يرد على النس اللى بتشتكى وللا ايه؟
يا جماعة عليكم و على جهاز حماية المستهلك, اثبت حقك و المفروض لو مش عندهم قطع الغيار يبقى تأجر عربية على حسابهم او يوفرولك سيارة مؤقتا, و اعمل محضر اثبات حالة و تابع مع الجهاز.
على فكرة انا حاولت الطريقة دى مع راية و كلمت جهاز تنظيم الاتصالات و جريو على طول كلمونى و حلوا المشكلة

كلامك صح والمفروض الناس تاخد بالها من الحاجات دي علشان حقوقهم ماضيعش وخصوصا ان العربيات اللي اشترناها مش رخيصه

[م. عمرو شرف]

السلام عليكم جميعا
دى أول مره أكتب فى المنتدى, أنا رحت أعمل صيانة عربيتى نيو سيراتو وقلتلهم على موضوع السخونه فى الفتيس ( اللى بأسمع عنه لكن مش حاسسها ) ورفعو العربيه قدامى و ورونى المصفحه موجوده وهى جايه كده من بلدها

شكرا لأهتمامكم

[م. عمرو شرف]

أنا معايا نيو سيراتو 10000 كم
صوت الموتور بقى عالى فجأه وكمان السحب بقى ضعيف بمعنى أن لازم أعمل كيك داون علشان تسحب على أى سرعه من 20 - 80 كم
لو حد يعرف السبب أرجو يبلغنى
لكم جميعا تحياتى

[msameer]

السلام عليكم

أنا عندى كيا سيراتو 2010 كاملة من غير سمارت بس عندى مشكله فى الجنط ال 17 أخدت عليه مطب فالكاوتش بق من الجانب و عايز أعرف لو ممكن أغير الجنوط ل 16 و لا هى فابريقة 17 أرجو الإفاده و شكرا

[mody1979]

مشكلة بالكيا سبكترا

انا عندى سيارة كيا سبكترا 2005 عندى مشكلة ان مروحة الرداتيير بتشتغل على طول مع دوران السيارة وقلولى عاوز اغير حساس الحرارة الخاص بالمراوح جبت واحد جديد لكن المشكلة مازالت موجودة والكمبيوتر بيعطى error بخصوص حساس الحرارة ماذا افعل.... ارجوكم افيدونى

[ebn7azm]

السلام عليكم ورحمة الله وبركاته
لدى بعض الاستفسارات بخصوص النيو سيراتو خليجى 2010
1- صوت الموتور عالى جدا بعد 120 طبيعى ولا لا
2- هل يمكن ظبط الزوايا خارج التوكيل ام التوكيل افضل وماهى التكلفه لو داخل التوكيل

هل سير الكاتينة فى النيو سيراتو معدنى ام لا
واذا كان معدنى هل هو المسئول عن ارتفاع صوت السيارة وخاصه بعد 120 كم

الرجاء الرد وشكرا

[hkhalaf35]

السادة الأعزاء /
رجاء المساعدة فى الرد على إستفسارى بخصوص سيارتى ، لدى بيكانتو 2010 ضمان الوكيل
عند محاولة بدء تشغيل السيارة من المفتروض أن تضىء جميع لمبات التحذير ثم تنطفىء بعد ذلك إذا لم يكن هناك أى مشكلة فى السيارة ، ولكن فى سيارتى لمبة البنزين لا تضىء أبدا فهل هناك مشكلة تستوجب الذهاب للتوكيل أم من الممكن الإنتظار حتى صيانة 1000 ك

[ebn7azm]

لماذا لا يوجد ردود على الاسئلة

[elganzory]

السلام عليكم ورحمة الله وبركاته

انا أشتريت عربيه كيا رايو 2001 ومعرفش ايه عيوبها ومميزتها
بس لما ركبتها النهارده أكتشفت انها وطيه جدا من الارض فا ياريت حد يقولى أيه هى العيوب عشان أحاول اتفادها
وفى سؤال تانى بالنسبه للعتب بتاع العربيه الكيا الرايو فيه خبطه أعلجها أزاى من غير ما أبوظ شكل العربيه

وشكراًً

أرجو الافاده

[wisambasha]

السلام عليكم ورحمة الله وبركاته

انا أشتريت عربيه كيا رايو 2001 ومعرفش ايه عيوبها ومميزتها
بس لما ركبتها النهارده أكتشفت انها وطيه جدا من الارض فا ياريت حد يقولى أيه هى العيوب عشان أحاول اتفادها
وفى سؤال تانى بالنسبه للعتب بتاع العربيه الكيا الرايو فيه خبطه أعلجها أزاى من غير ما أبوظ شكل العربيه

وشكراًً

أرجو الافاده

الف مبروك العربية وربنا يديك خيرها ويباركلك فيها

[mohamed_ibrahi]

بخصوص كيا سيراتو الخليجى موديل 2010

سؤال بخصوص كيا سيراتو الخليجى موديل 2010
العربية موديل 2010 كاملة بفتحة سقف جنط 17 بوصة
هناك مشكلة فى العربية عند السير على طرق متعرجة يحدث عنه اهتزاز فى عجلة القيادة من ناحية اليسار يشدة على الرغم من ذهابى الى التوكيل وعرض المشكلة عليهم فتم تربيط العفشة وضبط الزوايا والمشكلة ما زالت موجودة
مع العلم تم تبديل هواء الاطارات بغاز النيتروجين

فهل هناك حالات مماثلة - وما هو الحل

[NoRmAl]

هو انا ممكن أقول هنا مشكله الكلكس بتاعى
ولا هو مخصص للشكاوى بس ولا أيه
على العموم عندى مشكله فى الكلكس
ودى المواضيع الى كتبت فيها عن المشكله..

http://www.nilemotors.net/Nile/121365-a.html

http://www.nilemotors.net/Nile/123656-a.html

[mameen]

انا عربيتي سيراتو ex وكيل 2010 عامل 500كم عندي حدفة شمال ممكن اعمل ايه

[abouwesam]

المشكلة مستمرة من أول يوم

عندى عربية سيراتو 2008 الشكل القديم و من يوم ما استلمت العربية و انا سامع تخبيط فى التعليق المامى يمين و رحت التوكيل اكتر من مرة و كل مرة يقولوا مفيش حاجة هى العبيات الكورى كدة, دة انت بس بيتهيئ لك و انا اقةل لهم الصوت بيقي عالى قوى و العربية باردة و بدأت ابعت لكوريا اشتكى من الأهمال و بعت شكوى لجهاز حماية المستهلك و هنا المهندس خالد مدير الصيانة جالى عند البيت و جرب العربية و هى باردة و سمع الصوت و قرر انة يغير المساعدين و يربط العفشة الصوت قل شوية لكن ما راحش و ابتدى يزيد لغاية لما رجع زي ما كان بعد اسبوعين و اقل من 300 كم. ودلوقت و من شهرين ابتدا كمان صوت خشونة من نفس المكان صوت زي صوت رولمان بللى و بيزيد و كمان بدأت العربية ساعات تسقف و فى الغالب لا رحت لورشة الصيانة فى روكسى المهندس محمد قال دة بس بيتهيئ لك اصل العربية دى كاتينتها صلب و طبعا و صوتها عالى شوية. ياسلام صوت الكاتينة على كدة فجأة و العربية عاملة 15000 كم أمال بعد خمسين الف حتعمل أية. و كمان بدأت العربية تعوم من قدام مع الفرامل بالذات اذا كان الطريق مش مستوى قوى, وكمان لما بوحد سمال على مطلع و بسرعة قليلة يبقى صوت التخبيط عالى قوى.
الحقيقة فكرت ابيع العربية بس قلت جرام الوكيل يهرب بفلوسى و كمان اعرض حد تانى للخطر.
الخلاصة الغربية شكلها فيها عيب صناعة في نظام التعليق الأمامى لكن الوكيل شكلة كدة كورى أكتر من كيا نفسها بدليل انة بيشكك فى قواى العقلية و ان انا اللى بيتهيئ لى حاجات مش موجودة لكن كيا تغلط عيب.
انا اسمى طارق و سنى 56 سنة و رقم شاسية العربية 85590032