فضيحة توكيل كيا فى مصر

[cameeron]

انا بقى يا جماعة كلمت القصراوى على الكارينز و زى ماقالكوا على السيراتو بس الاوفر برايز عشرة الاف جنيه كاملة تقولش مرسيدس يعنى و قمت مكلم كذا معرض لقيت النهاردة السيراتو و الكارينز مرطرطة فى المعارض يعنى الوكيل عنده عربيات اهه و كله التسليم فورى و كله بالاوفر الثابت تقريبا عشر الاف جنيه و لقيت المحمل الوحيد اللى كاتب سعر التوكيل فلما كلمته قاللى اه سعر الوكيل و تستلم بعداربع شهور يا خفيف انما عاوز فورى بالاوفر برايز المتفق عليه بين الوكيل و كل تجار العربيات

[alaalord]

ياريت كل واحد حاجز يكتب امتى حجز و تاريخ استلامة امتى

[aymanyouness]

المهم فى حد هيتحرك ولى ديت لغة المصريين

[aymanyouness]

انا ممكن الغى الحجز بتاعى من بكرة واجيب i30 فى حد جاهز

[Ahmad Mahfouz]

انا ممكن الغى الحجز بتاعى من بكرة واجيب i30 فى حد جاهز

وأنا معاك أجيب i30 cw
ونبعد عن كيا مصر الغير محترمين

[ahmedhee]

بداية الغيث قطرة.
من اسبوعين كان معظم المعارض بتبيع الفوري باوفر برايس 8000 جنية.
دلوقتي بقا خمسة. نصبر كمان شهر ولا شهرين حنلاقيها بالسعر الرسمي و عليها هدية كمان. و هي فعلا بقت مالية كل المعارض يعني العرض سيكون اكبر من الطلب

[alaalord]

ياريت كل واحد حاجز يكتب امتى حجز و تاريخ استلامة امتى

فين الناس اللى حاجزة
يا رجالة انتو ناوين تكملوا ولا زى عادة المصريين كلام كلام و بدون فعل

[Abo_Lina]

المثل بيقول اللي خلف ماماتش
لكن اللي بنقراه أحيانا عن توكيل كيا يدل إن اللي خلف مات ..

[Ahmed.TV]

يا جماعة بجد محدش يسكت على الجشع ده وياريت اللى حاجز باوفر بريس يسحب فلوسه كدا حرام والمصحف

[m_o_sakr]

السلام عليكم ورحمة الله وبركاته
يا جماعه محدش حيلغى الحجز, كل الى حجز عايز العربيه النهردا ابل بكره, وكلو مستعد يدفع اوفر حتى لو ال غير كدا, احنا مصريين نسيتو ولا إيه, إحنا بتوع كلام و بس

سبحانك اللهم وبحمدك ، أشهد أن لا إله إلا أنت أستغفرك وأتوب إليك

[AHMED12345678]

المصريين اهمة كسل ونوم وفتة
جيل بعد جيل متأخرين
(مصرى مفقوع)

[gebreel]

يا جماعة الاوفر برايس ده مهزلة فعلا بس فيه ناس محترمين زي مثلا محمد زكي بيجبلك العربية في خلال 15 يوم و لو في عنده تسليم فوري بيبيعو بالسعر الرسمي لكن قصة الاوفر برايس ده حاصل بين التجار و بعضهم لما لقيو الناس مش قادرة تستنى و كلو عاوز يركب النيو سيراتو حاجة اخر استهبال و الله

[Ignition-Kid]

All Talk, No Actions !!

[alaalord]

للاخوة الحاجزين محدش قال نلغى الحجز بس على الاقل نتكاتف كلنا و نروح الشركة و نضغط عليهم

[Ahmad Mahfouz]

للاخوة الحاجزين محدش قال نلغى الحجز بس على الاقل نتكاتف كلنا و نروح الشركة و نضغط عليهم

لازم نحدد موعد ومكان علشان نتجمع ونروح مع بعض

وليكن يوم السبت القادم الموافق 17-10-09 الساعة 12 ظهرا في داندي مول.