بفكر اشترى فيرنا وخايف - طمنونى

[HEEEEERO]

يا جماعة انا عايز اجيب فيرنا وخايف وقفت مع ناس كتير قالولى
1- العربية ورقة على الطريق يعنى لو انت ماشى 180 او 190 ممكن الهوا يقلبك
او ممكن لو جيت تهدى الفرامل تقلبك لو سمحت طمنونى .

2- تانى حاجة بقى والاهم الفيرنا ينفع يركبلها abs فى التوكيل ولا لاء ولو ينفع يعملو فى حدود كام ولو فى التوكيل مش بيوفقو يبقى برا التوكيل بكام.

3- قالولى انها عربية مبتستحملش حتعوز تغير مساعدين ادام شوية والتكيف حيفصل منك وكلام كتير اوى عن العربية زبالة وعفشتها زبالة وانت سايق العربية تحس انك راكب 128 مش عارف اعمل ايه بجد انا احترت يقولولى ان الزراير اللى فى التبلوه بتقع بيقولولى كمان افتح الباب بتعها وشوف سومك الباب اد ايه ورقة مش عارف الكلام دة كله حقيقى ولا ايه ولو سمحت جاوبونى بسرعة واللى يكتب يجاوب على كله ابوس ايديكووو

واسف جدا على يعن انى طولت فى الكلام

[kind]

يا جماعة انا عايز اجيب فيرنا وخايف وقفت مع ناس كتير قالولى
1- العربية ورقة على الطريق يعنى لو انت ماشى 180 او 190 ممكن الهوا يقلبك
او ممكن لو جيت تهدى الفرامل تقلبك لو سمحت طمنونى .

2- تانى حاجة بقى والاهم الفيرنا ينفع يركبلها abs فى التوكيل ولا لاء ولو ينفع يعملو فى حدود كام ولو فى التوكيل مش بيوفقو يبقى برا التوكيل بكام.

3- قالولى انها عربية مبتستحملش حتعوز تغير مساعدين ادام شوية والتكيف حيفصل منك وكلام كتير اوى عن العربية زبالة وعفشتها زبالة وانت سايق العربية تحس انك راكب 128 مش عارف اعمل ايه بجد انا احترت يقولولى ان الزراير اللى فى التبلوه بتقع بيقولولى كمان افتح الباب بتعها وشوف سومك الباب اد ايه ورقة مش عارف الكلام دة كله حقيقى ولا ايه ولو سمحت جاوبونى بسرعة واللى يكتب يجاوب على كله ابوس ايديكووو

واسف جدا على يعن انى طولت فى الكلام

حضرتك كده انتا بتتكلم فى توك توك مستحيل يكون فيها العيوب ده كلها وبالمبالغة ده لا طبعا

هيا فعلا بعد ال 120 بتخف بس مش لدرجة ان الهوا يقلبها هيا عربية مدينة يعنى مش للسباق والسرعات العالية

بالنسبة لموضوع ال abs صراحة معنديش خلفيه ياريت اى حد سأل فى الموضوع ده فى التوكيل يفيدنا بس هوا عموما الموضوع مش سهل ده شغل كله كهرباء وحساسات وحاجات دقيقه

بالنسبة للمساعدين والعفشه عفشة الفيرنا ممتازه ولا غبار عليها ناعمة وبتستحمل وفى اخوه هنا فى المنتدى يعرفو ناس عملو كيلومترات كتيره جدا من غير تغيير أجزاء فيها

زراير ايه اللى بتقع لا مفيش الكلام ده طبعا هيا الخامات بتاعتها أقل من خامات الفئات الأعلى انا معاك بس مش بالتهويل ده

وانتظر رأى باقى الاعضاء

[Emadsamy]

1- العربية ورقة على الطريق يعنى لو انت ماشى 180 او 190 ممكن الهوا يقلبك

:pointi~2[2]:
يا مفترى

[nab!l]

ياباشا دى عربية مدينة ملهاش دعوة بالسرعات دى

[ufarag]

شوف يأخي ، انا العربية دي ركبتها في السعودية (بس للامانة كانت تركي) ، عربية في منتهى الجمال وثابتة وراسية ومافهاش اي مشاكل والفتيس بتاعها جميل مابيعضش ، والعربية مطلوبة جدا في السعودية وسعرها مابينزلش وعلى فكرة هي اسمها الحقيقي اكسنت و مافيش حاجة اسمها فرنا ، موضوع ان العربية مش ثابتة بعد 120 ، اولا انا مش غاوي سرعة ثانيا ، مافيش عربية بالتمن ده بتبقى ثابته في السرعات الكبيرة ،
تكييفها كويس جدا انا كنت راكبها في السعودية في الرياض وما ادراك مالرياض في الصيف.
اما بالنسبة لل abs فعلى حد علمي (وممكن اكون غلطان) مابيزودش كفائة الفرامل ، على العكس بيقللها ، بس هو مفيد لمنع الانغلاق ، يعني سعادتك لو ماشي على طريق بيزحلق ودي حاجة مابتحصلش كتير وجيت تفرمل جامد هتفقد تحكمك في العربية لو معندكش abs ، غير كده لو الabs شغال عمال على بطال هيزود المسافة اللى العربية ممكن تقف فيها عند الفرملة والله اعلم ، وبالتالي هو مش حاجة انت لازم تركبها اللهم لو الدنيا طول النهار بتمطر عندنا او ماشي على طريق مليان زيت او رملة!.

[El Prince]

العربيه الفيرنا " جيده " بالنسبه الى سعرها و أسعار قطع غيارها ..
هاتها لو قدرتك الماليه فى حدود سعرها
لكن لو تقدر تزود يبقى أكسنت أحسن , بس خلى بالك فيه برده زياده فى أسعار قطع الغيار ..

[HEEEEERO]

الف الف الف الف شكر يا جماعة بجد لاهتمامكوا بجد بس انا عايز اعرف فى ناس قالولى جيب الانوس احسن مش عارف ايه رايكو انتوا وانا عايز رايكو مش عشان انتوا ركبين فيرنا

[Marwanelbendary]

بلاش فيرنا

وهات لانوس

ولو تقدر تزود هات نيو أكسنت

[good09]

لانوس افضل

[A.Gameil]

2- تانى حاجة بقى والاهم الفيرنا ينفع يركبلها abs فى التوكيل ولا لاء ولو ينفع يعملو فى حدود كام ولو فى التوكيل مش بيوفقو يبقى برا التوكيل بكام.

متهيألي مينفعش

وفي ناس قالوا ممكن تركبلها كوتش عريض علشان ثبات العربية على الطريق بس أعتقد إنه لو عريض أوي ممكن يأثر على العفشه

[HEEEEERO]

طب معلش يا جماعة بالنسبة للى قال هات لانوس طب اقدر اعرف ايه العيوب اللى ضايقتكوا فى الفيرنا ؟؟؟؟؟؟؟؟؟؟؟

[m_s_h_a]

لا للفيرنا عن تجارب ناس كتير اصحابى لو ناوى تسافر او تمشى على طرق سريعه لكن لو ناوى تركبها داخل المدينه بس ودى مستحيل يبقى ممكن
الموتور قوى جدا على بودى خفيف جدااااااااااااا وفرامل سيئه طبعا المعادله كدا معروف النتيجه

[bishoy02010]

سيبك من الفيرنا واللانوس وهات لوجان انا كنت فى نفس حيرتك ديه :)

[gebreel]

سيبك من الفيرنا واللانوس وهات لوجان انا كنت فى نفس حيرتك ديه :)

+1111111

و لو مصمم على كوري و عربيات متجربة هاتلك لانوس او نيو اكسنت غير كدة تبدأ تعلى على الانترا بقى و هتلاقي في قسم المقارنات حاجت كثير بين ال4 اختيارات اللي قدامك

[esam_comm]

لانوس افضل

مين قال لانوس افضل طب ازاي عربيه متغيرش شكلها من قديم الازل ولا كمان الموتور ده قديم وتكنولوجيا قديمه فحت 8 صبابات وكمان 85 حصان مابالك بقي بالفرنا شكل جديد وموتور وهمي وعفي جدا طبعا كل حاجه ليها مزايا وعيوب وعلي فكره انا ماعنديش اي حاجه في الاتنين بس سوقتهم اكتر من مره بس الفرنا بامانه احسن بكتييير ومحدش بعد اذنكم يقولي دي اذواق انا بتكلم بالارقام:pointi~2[2]: