رابطة لملاك النيو اكسنت

[dragon_devil]

بس انا سمعت انى لو ركبت الفوج ليت برة التوكيل دة يلغى ضمان الكهرباء من السيارة عشان كدة لعبت فى ضفيرة السيارة
ممكن لما تخلص صيانة ال 5000 تعرفنى حصل حاجة ولا عدى الموضوع دة
و بالتوفيق انشاء اللة

ياحبى ضفيرة اية بس الى لعبت فيها دول 3 متر سلك جين فى كتاوت وعلى طول على البطارية وبيتركب على نفس مفتاح النور اول تكة بتولع النور بيشتغلوا معاهم فين الضفيرة الى لعبت فيها دية بقى وعلى العموم حطمنك وحقولك كل حاجة ان شاء الله متقلقش كدا وخلى قلبك جامد بقى

[el_nahal2004]

بس انا سمعت انى لو ركبت الفوج ليت برة التوكيل دة يلغى ضمان الكهرباء من السيارة عشان كدة لعبت فى ضفيرة السيارة
ممكن لما تخلص صيانة ال 5000 تعرفنى حصل حاجة ولا عدى الموضوع دة
و بالتوفيق انشاء اللة

السلام عليكم ورحمة الله وبركاته
انا سئلت فى التوكيل على تركيب الشبورة فى الخارج قالولى على حسب الى هيركبها بنضافة او لأ بس قالى ان لو حصلت مشكلة فى الضفيرة حتة لو مش من الفوانيس بيشوف ايه الدواخل الى داخلة على الضفيرة وهما مابيصدقوا
عمتا انا جبت الفوانيس من التوكيل الاصلى بتاعتها وحجزت معاد عشان اروح اركبها فى ابو رواش انشاء الله
انا عن نفسى بفضل بدل العربية مش مجهزة ان هية يركبلها شبورة زى النيو اكسنت ملهاش طبب ولعب فى الضفيرة بفضل ان هية تكون فى التوكيل مش عشان هما احسن من برة لأ عشان تبقى فى ضمانهم هما لو حصلها حاجة ميرجعوش يقلولك الى ركبها ركبها بطريقة غلط
وعلى فكرة بيخدوا 100 تركيب اناسالت بالتلفون لسة لما هروح هشوف
بس هما بيركبوا الاصلى فقط الى من عندهم او مركز بيع معتمد

بس بالنسبة للكهرباء انا مركب سرينة ومركب وحدة رفع وروحت عملت صيانة 5000 وال 10000 ومقلوليش حاجة

[el_nahal2004]

ياحبى ضفيرة اية بس الى لعبت فيها دول 3 متر سلك جين فى كتاوت وعلى طول على البطارية وبيتركب على نفس مفتاح النور اول تكة بتولع النور بيشتغلوا معاهم فين الضفيرة الى لعبت فيها دية بقى وعلى العموم حطمنك وحقولك كل حاجة ان شاء الله متقلقش كدا وخلى قلبك جامد بقى :e_braces[1]:

المفروض او الصح ان يكون الشبورة يكون له زرار لوحدة تحت الهواية الشمال عند السائق ليها طبة ببتشال وبتركب الزرار مثل النيو اكسن السبورت ميكنش ليها علاقة بنور الطابلوة او الصغير عشان كدة بتلعب فى الضفيرة

[dragon_devil]

المفروض او الصح ان يكون الشبورة يكون له زرار لوحدة تحت الهواية الشمال عند السائق ليها طبة ببتشال وبتركب الزرار مثل النيو اكسن السبورت ميكنش ليها علاقة بنور الطابلوة او الصغير عشان كدة بتلعب فى الضفيرة

ياحبى مكان الزرار الى بتقول علية دة عاوز لعب فى الضفيرة عشان تمشى اسلاك لحد جوة مكان الطابة كدا وتشغلة لوحدة على ضفيرة الكهرباء وميكونش لية علاقة بالنور الصغير لاكن سلكتين دخلين على نفس شغل الضفيرة زى مهوة بيشتغل مفيش لعب ولااى حاجة زيادة عن الى معمول اصلا ودة كلام الراجل الى مركب الحاجة وكان معايا واحد من ابورواش قالى زى الفل وركبلى الزينون بارضة وقالى تمام وكويس وشغل الراجل دة نضيف واخد 150 جنية تركيب يعنى اكتر من التوكيل اصلا بس دة عشان هوة فعلا خلانى حاسس ان العربية نازلة كدا وهوة بيعمل مكان الشبورة مبهدلش الاكسدام تحلف ان هية نزلة بيهم يعنى مش معقولة الراجل الى من ابورواش مش بيفهم والراجل الى شغلة كدا مش بيفهم يعنى انا مش حعمل حاجة تلغى الضمان ولا يكون فيها ضرر للعربية وياجماعة الى مش عاجبة حاجة ميعملهاش ومنتعبش نفسنا فى منقشة على الفاضى مش حتنفع ولا حتضر احنا مش صنيعية ولا بنفهم فى الكلام دة فكل واحد ودماغة والى مرتحلوا والى شايف ان هوة صح يعملوا

[hanynino]

ياحبى مكان الزرار الى بتقول علية دة عاوز لعب فى الضفيرة عشان تمشى اسلاك لحد جوة مكان الطابة كدا وتشغلة لوحدة على ضفيرة الكهرباء وميكونش لية علاقة بالنور الصغير لاكن سلكتين دخلين على نفس شغل الضفيرة زى مهوة بيشتغل مفيش لعب ولااى حاجة زيادة عن الى معمول اصلا ودة كلام الراجل الى مركب الحاجة وكان معايا واحد من ابورواش قالى زى الفل وركبلى الزينون بارضة وقالى تمام وكويس وشغل الراجل دة نضيف واخد 150 جنية تركيب يعنى اكتر من التوكيل اصلا بس دة عشان هوة فعلا خلانى حاسس ان العربية نازلة كدا وهوة بيعمل مكان الشبورة مبهدلش الاكسدام تحلف ان هية نزلة بيهم يعنى مش معقولة الراجل الى من ابورواش مش بيفهم والراجل الى شغلة كدا مش بيفهم يعنى انا مش حعمل حاجة تلغى الضمان ولا يكون فيها ضرر للعربية وياجماعة الى مش عاجبة حاجة ميعملهاش ومنتعبش نفسنا فى منقشة على الفاضى مش حتنفع ولا حتضر احنا مش صنيعية ولا بنفهم فى الكلام دة فكل واحد ودماغة والى مرتحلوا والى شايف ان هوة صح يعملوا :e_braces[1]:

انتا ذعلت لية كدة احنا بنتناقش مش اكتر عشان نفيد بعض
احنا قصدنا بس منعملش حاجة التوكيل يتلكك عليها ويخرج السيارة من الضمان

[dragon_devil]

انتا ذعلت لية كدة احنا بنتناقش مش اكتر عشان نفيد بعض
احنا قصدنا بس منعملش حاجة التوكيل يتلكك عليها ويخرج السيارة من الضمان

انا مزعلتش ولا حاجة انا بقول ان الى شايف حاجة صح من وجهة نظرة ومش مقطنع بكلام حد يعمل الى يريحوا ويريح نفسة وانا بحب اتكلم فى حاجة انا جربتها بنفسى انا دخلت صيانة ال 1000 وانا مركب الفلتر الاسبور وجة المهندس بيقولى انتة مركب الفلتر دة لية قولتلة انضف من الى انتة بتركبة وانتة عارف كدا وانا مش حركب حاجة غلط فى عربية لسة مكملتش شهرين خد نفسة كدا وهوة ساكت واستلم العربية ودخل عمل الصيانة الفكرة انك تكون فاهم انتة بتركب اية فى العربية بتاعتك وتكون عارف حد محترم يشتغل فى العربية بتاعتك برضة عشان مترجعش تندم على قرار انتة اخدت وتقول يارتنى ما عملت كدا احنا بنتكلم عن التجارب عشان الناس تستفيد انا دخلت التوكيل وعملت الصيانة وحدخل صيانة ال 5000 قريب انا دلوقتى عامل حوالى 4660 تقريبا ان مكنش اكتر وفى برضة زميل لينا فوق كاتب انة دخل صيانة ال 5000 وال 10000 وهوة مركب الكلام دة وعادى جدا لائنة مش مركب حاجة فيها ضرر للعربية دية فكرة التوكيل تركيب الحاجة بدون ضرر للعربية يعنى مثلا كتبين ان العربية اكبر مقاس للجنوط 14 وانتة رايح مركب 15 او 16 يبقى انتة كدا بتضر العفشة بتاعت العربية والتوكيل مش مسؤال عن الضرر دة لائنة محدد لحضرتك انك تركب مقاس كام بالنسبة لعندى انا مركب الشبورة على اول تكة الى بتفتح ومركبلهم كتاوت مين بقى قال ان الكتاوت بتتركب على الضفيرة ولا ليها علاقة بيها اصلا يبقى كدا لما يجى يتكلم معايا فى التوكيل يقولى انتة لاعب فى الضفيرة اروح مدخل دماغة جوة الكبوت اخلية يشوف ان فى كتاوت عشان حمل الكهرباء الزيادة وانها ملهاش علاقة بالضفيرة اصلا بس كدا ولو انتة خايف من الزنون فى لمبات اسمها فلبس رالى وفى نوع تانى اسمة تنجسرام دول نورهم قوى جدا جدا ومش عاوزين شغل كتير اصلا زى الزنون ودول الموضوعين بتوعهم حلوين جدا

http://www.nilemotors.net/Nile/83963-phillips-rally.html

http://www.nilemotors.net/Nile/163544-tungsram.html

[el_nahal2004]

ياحبى مكان الزرار الى بتقول علية دة عاوز لعب فى الضفيرة عشان تمشى اسلاك لحد جوة مكان الطابة كدا وتشغلة لوحدة على ضفيرة الكهرباء وميكونش لية علاقة بالنور الصغير لاكن سلكتين دخلين على نفس شغل الضفيرة زى مهوة بيشتغل مفيش لعب ولااى حاجة زيادة عن الى معمول اصلا ودة كلام الراجل الى مركب الحاجة وكان معايا واحد من ابورواش قالى زى الفل وركبلى الزينون بارضة وقالى تمام وكويس وشغل الراجل دة نضيف واخد 150 جنية تركيب يعنى اكتر من التوكيل اصلا بس دة عشان هوة فعلا خلانى حاسس ان العربية نازلة كدا وهوة بيعمل مكان الشبورة مبهدلش الاكسدام تحلف ان هية نزلة بيهم يعنى مش معقولة الراجل الى من ابورواش مش بيفهم والراجل الى شغلة كدا مش بيفهم يعنى انا مش حعمل حاجة تلغى الضمان ولا يكون فيها ضرر للعربية وياجماعة الى مش عاجبة حاجة ميعملهاش ومنتعبش نفسنا فى منقشة على الفاضى مش حتنفع ولا حتضر احنا مش صنيعية ولا بنفهم فى الكلام دة فكل واحد ودماغة والى مرتحلوا والى شايف ان هوة صح يعملوا :e_braces[1]:

السلام عليكم ورحمة الله وبركاته
على فكرة انت كلامك مظبوط بس انت الى فهمت كلامى غلط اقرا تانى الى انا كاتبه وانت هتفهمه انا بقولك كون انى هركب الشبورة بزرار لوحدة يبقى كدة هلعب فى الضفيرة لكن مع نور التابلوه انت بتوصل سلكتين زى ماانت بتقول لكن انا عليا لما اجى اركب اركب الشبورة بزرار لوحدة زى ماهية نازلة خليجى بالضبط او اكون حر اقدر اشغلها سواء مع النور الصغير او لأ والعب فى الضفيرة ايه يعنى ماانا هلعب فيها فى التوكيل عندهم بس اركب الصح

[mahmooud135]

محمود جابر نيو اكسنت 2010 نبيتى

[dragon_devil]

السلام عليكم ورحمة الله وبركاته
على فكرة انت كلامك مظبوط بس انت الى فهمت كلامى غلط اقرا تانى الى انا كاتبه وانت هتفهمه انا بقولك كون انى هركب الشبورة بزرار لوحدة يبقى كدة هلعب فى الضفيرة لكن مع نور التابلوه انت بتوصل سلكتين زى ماانت بتقول لكن انا عليا لما اجى اركب اركب الشبورة بزرار لوحدة زى ماهية نازلة خليجى بالضبط او اكون حر اقدر اشغلها سواء مع النور الصغير او لأ والعب فى الضفيرة ايه يعنى ماانا هلعب فيها فى التوكيل عندهم بس اركب الصح

ماشى زى الفل بس حتدفع فى التوكيل كتير وفلوس على الارض وخلاص بتترمى ممكن تنفعك فى حاجة تانية ودية وجهة نظر وعلى العموم انا استمتعت بقى المناقشة معاك ياحبى وربنا يكفينا جميعا شر الطريق ان شاء الله سلام عليكم

[el_nahal2004]

السلام عليكم
ياجدعان بجد انا كل يوم توكيل غبور بيسئ فى نظرى عن اليوم الى قبله


انا شارى فوجات نيو اكسنت من التوكيل
فانوس شمال من ابو رواش
فانوس يمين من قليوب
زرار من توكيل معتمد فى شبرا
ده طبعا كله عشان الفوجات نادرة مش موجودة وانا بحب اجيب الحاجة الاصلية
المهم
كنت عايز اروح اعمل صيانة العربية ال 10000 فقولت اركبهم معاهم عشان يقى مشوار واحد ويوم ضايع واحد
روحت قالولى لازم تحجز يوم لوحد لتركيب الشبورة قولت حااضر ومااشى
حجزت يوم تانى كان طبعا بعد اسبوع عشان انا مش بفضى غير يوم جمعة فقط
ده كان امبارح المهم روحت الصيانة قالتلى لا والله ممنوع تركيب الفوجات للعربية الى مش مجهزة او الى هية مش نازلة فيها فوجات اصلا احنا بنركب بس لو كان فيها فوجات او الى انكسرت زقولتلهم ازاى انا سأل قبل مااشترى الفوجات ان ينفع اركبها وقالولى اه بكل بساطة قالى الى انت سالته روح عنده وخليه يركبهالك
المهم من هنا لهنا روحت لمدير الصيانة اسمه استاذ طلعت قالى والله بس انا ممنوع عندى اعمل اى تغير فى العربية ودى اوامر مش من عندى

طب ازاى انا اروح اشترى فوجات داخلة فى 1000 جنيه عشان اصلية وعشات يرضوا يركبوها
وفى الاخر اروح اركب بره و العب فى العربية برة التوكيل واركب الفوانيس والعب فى الضفيرة عشان اركبها بزرار لوحده ولو حصل حاجة يجى يقوليلى كهربة العربية برة الضمان
يعنى ازاى يبيعوا حاجة هما مش بيركبوها
يعنى مش بتركبوها متبوعهاش

قمة التخلف والله

[dragon_devil]

السلام عليكم
ياجدعان بجد انا كل يوم توكيل غبور بيسئ فى نظرى عن اليوم الى قبله


انا شارى فوجات نيو اكسنت من التوكيل
فانوس شمال من ابو رواش
فانوس يمين من قليوب
زرار من توكيل معتمد فى شبرا
ده طبعا كله عشان الفوجات نادرة مش موجودة وانا بحب اجيب الحاجة الاصلية
المهم
كنت عايز اروح اعمل صيانة العربية ال 10000 فقولت اركبهم معاهم عشان يقى مشوار واحد ويوم ضايع واحد
روحت قالولى لازم تحجز يوم لوحد لتركيب الشبورة قولت حااضر ومااشى
حجزت يوم تانى كان طبعا بعد اسبوع عشان انا مش بفضى غير يوم جمعة فقط
ده كان امبارح المهم روحت الصيانة قالتلى لا والله ممنوع تركيب الفوجات للعربية الى مش مجهزة او الى هية مش نازلة فيها فوجات اصلا احنا بنركب بس لو كان فيها فوجات او الى انكسرت زقولتلهم ازاى انا سأل قبل مااشترى الفوجات ان ينفع اركبها وقالولى اه بكل بساطة قالى الى انت سالته روح عنده وخليه يركبهالك
المهم من هنا لهنا روحت لمدير الصيانة اسمه استاذ طلعت قالى والله بس انا ممنوع عندى اعمل اى تغير فى العربية ودى اوامر مش من عندى

طب ازاى انا اروح اشترى فوجات داخلة فى 1000 جنيه عشان اصلية وعشات يرضوا يركبوها
وفى الاخر اروح اركب بره و العب فى العربية برة التوكيل واركب الفوانيس والعب فى الضفيرة عشان اركبها بزرار لوحده ولو حصل حاجة يجى يقوليلى كهربة العربية برة الضمان
يعنى ازاى يبيعوا حاجة هما مش بيركبوها
يعنى مش بتركبوها متبوعهاش

قمة التخلف والله

ماهوة عشان كدا انا بقول جيبوا الشبورة وركبوها من غير زرار عند اى حد برة مع اول تكة فى النور بتاع العربية زى ما انا عملت واشترى دماغك

[el_nahal2004]

تم تركيب الفوانيس بالزرار الحمد الله

[eng_Bondo2]

السلام عليكم يا شباب ط و رمضان كريم عليكم جميعا
أنا كان عندي سؤال , بالنسبة لخدمة ايليت ' هل في رقم معيَّن نتصل بيه عشان الخدمة دي ؟
أنا لما اشتريت العربية ادوني رقم موبيل لشخص اسمه المهندس عصام , وطلعت النمرة غلط !

[hanynino]

تم تركيب الفوانيس بالزرار الحمد الله

فى التوكيل برضوا ولا برة

[el_nahal2004]

فى التوكيل برضوا ولا برة

لا برة التوكيل بس عند الراجل الى بيركبها فى التوكيل
هو فاتح فى شارع دمشق
اسمه عشم نوار
بصراحة ركبها بنضافة جدا بس خلانى اشترى ستارة بدل الى عندى تحت


فى ناس بتقطع فى الستارة الى موجودة وبتركبها

وعرفت الراجل ده من حد فى التوكيل بعد ماعملت مشكلة كبيرة جدا قام المهندس ساعتها ريحنى وقالى عاليه

عشم نوار هو الى ماسك تركيب جهاز الانزار والزجاج الكهربى فى توكيل هيونداى كله على فكرة