رابطة لملاك النيو اكسنت

[Nanona2011]

يا جماعة انا معايا اكسسنت 2006 اتوماتيك العربية فيها مشكلة فى التكييف هو شغال كويس جدا طول ما العربية ماشية او ما اكون فى اشارة التكييف يضعف اوى ولو الاشارة طولت شوية التكييف كانو مش موجود وفى حاجة كمان التكييف والعربية ماشية بيكون ساقع جدا لدرجة ان هو ساعات بيطلع بخار ساقع غير الفلتر والعربية مش بتسخن خالص ولا بتستهلك نية ودورة المية كلها سليمة كشفت عليها وباردو نفس المشكلة محدش ممكن يعرف دى من ايه

انا معنديش معلومات كتير عن العربيات بس سمعت صدفة معلومة من حد قالي انه الموضوع ده بيحصل معاه لانه كان بيدور العربية وهو مشغل لتكييف عشان كدة لازم حضرتك توقف التكييف قبل ما تدور علشان تحافظ عليه

حاجة تانية ما تجرب حضرتك تكشف على فريون التكيف؟

[Dejavu_exara]

هو طبعا شكرا على رد حضرتك بس هو انا مش بشغل العربية والتكييف شغال خالص المشكلة بتظهر بعد ما العربية بتمشى والتكييف يشتغل وكويس جدا بس بكون فى اشارة او حاجة التكييف بيطلع نفس الهوا بس مش ساقع مش عارف ليه

[hit_man]

أنا معايا نيو أكسنت 2010 اتوماتيك أسود هي عامله 78000 بس بحس انها خفيفة جدا جدا جدا على الطريق وكمان وانا ماشي باخد اي مطب على كوبري العربية بتتهز وبتتنطط للأسف فكنت عاوز اعرف هو ده كاوتش ولا مساعدين ولا ايه بالظبط ..

[nourhany]

سلام عليكم يا جماعة، لو سمحتو عايزة أعرف رايكو..أجيب هونداي نيو اكسنت أوتوماتيك ولا كيا ريو أوتوماتيك مع العلم إن سعر اكسنت دلوأتي 90000 والريو 87000, الاكسنت فيها مفتاح ريموت و 1600 والريو 1400 فيها تراه ملتي فنكشن و-cd اوريجنال بس مفيهاش ريموت وكمان فيها غمازات و-ipod، اه رايكو؟؟
ولا أوفر فلوسي وأجيب فيرنا أوتوماتيك؟؟ أنا طبعاً استخدمي بسيط، أروح الشغل وأوصل أولادي المدرسة وخلاص..شكرا مقدما

[Nanona2011]

[QUOTE=nourhany;3873777201]سلام عليكم يا جماعة، لو سمحتو عايزة أعرف رايكو..أجيب هونداي نيو اكسنت أوتوماتيك ولا كيا ريو أوتوماتيك مع العلم إن سعر اكسنت دلوأتي 90000 والريو 87000, الاكسنت فيها مفتاح ريموت و 1600 والريو 1400 فيها تراه ملتي فنكشن و-cd اوريجنال بس مفيهاش ريموت وكمان فيها غمازات و-ipod، اه رايكو؟؟
ولا أوفر فلوسي وأجيب فيرنا أوتوماتيك؟؟ أنا طبعاً استخدمي بسيط، أروح الشغل وأوصل أولادي المدرسة وخلاص..شكرا مقدما[/QUOTE

عليكم السلام ورحمة الله وبركاته
لو عاوزة عربية محترمة تشرفك خليكي في الاكسنت
لو عاوزة تقارني يبقا بين الاكسنت و الفيرنا وطلعي الكياااا ريو برا المقارنة احسن

علشان كدة انا برشح
اكسنت - فيرنا - ومش برشح الريو خااااااالص

[Nanona2011]

أنا معايا نيو أكسنت 2010 اتوماتيك أسود هي عامله 78000 بس بحس انها خفيفة جدا جدا جدا على الطريق وكمان وانا ماشي باخد اي مطب على كوبري العربية بتتهز وبتتنطط للأسف فكنت عاوز اعرف هو ده كاوتش ولا مساعدين ولا ايه بالظبط ..

طالما بتمشي طبيعية في الطرق العادية و مش بتتهز غير على المطبات يبقا المساعدين لان المساعدين هم الي بيمتصو الصدمات

[el_nahal2004]

سلام عليكم يا جماعة، لو سمحتو عايزة أعرف رايكو..أجيب هونداي نيو اكسنت أوتوماتيك ولا كيا ريو أوتوماتيك مع العلم إن سعر اكسنت دلوأتي 90000 والريو 87000, الاكسنت فيها مفتاح ريموت و 1600 والريو 1400 فيها تراه ملتي فنكشن و-cd اوريجنال بس مفيهاش ريموت وكمان فيها غمازات و-ipod، اه رايكو؟؟
ولا أوفر فلوسي وأجيب فيرنا أوتوماتيك؟؟ أنا طبعاً استخدمي بسيط، أروح الشغل وأوصل أولادي المدرسة وخلاص..شكرا مقدما

السلام عليكم ورحمة الله وبركاته

الاكسنت افضل من الريو كقوة ماتور - الثبات واحد تقريبا على الطريق -استهلاك البنزين الاكسنت افضل-الاكسنت 112 حصان-الاتوماتيك بتاعها حلو جدا مفهوش عيوب
افضل الاكسنت بكل المقايس

[hoobz]

السلام عليكم يا جماعة

انا كنت بسأل عن النيو اكسنت 2007 ، سمعت ان كان السنة دي فيه شكاوي من الباور ستيرنج و صلحوه بعد كدة

حد سمع عن الموضوع ده ؟ و لا ده كان حاجة فردية و مش متكررة ؟

[mtradwan]

عاى فكرة الإثنين واحد النيواكسنت والريو لكن انا افضل النيواكسنت ... والرأى رأيك

[samirsaid1]

حد ركب عندة عتب فى النيو اكسنت

[dagadeeg]

السلام عليكم
انا عندى نيو اكسنت 2006 مانيوال
المشكلة عندى الدركسيون كل ماحركه اسمع صوت ومن يومين كدة كل شوية الباور يتقل جداً ( بحس ان الدركسيون بقا زى الحجر و مش بعرف الفه يمين اوشمال) وبتظهر على الشاشة eps
رحت لكهربائى كويس جداً و كشفت على الكتاوت فى الباور وبالمرة كشفت على كهربة العربية كلها وغيرت البوجيهات ( بس البوجيهات دى ككان عشان الكاسيت كان بيقطع)
المهم ان المشكلة برده متحلتش
اعمل ايه فى الباور بتاع الدريكسيون ده يا جماعة

[ezzatfox]

السلام عليكم
انا عندى نيو اكسنت 2006 مانيوال
المشكلة عندى الدركسيون كل ماحركه اسمع صوت ومن يومين كدة كل شوية الباور يتقل جداً ( بحس ان الدركسيون بقا زى الحجر و مش بعرف الفه يمين اوشمال) وبتظهر على الشاشة eps
رحت لكهربائى كويس جداً و كشفت على الكتاوت فى الباور وبالمرة كشفت على كهربة العربية كلها وغيرت البوجيهات ( بس البوجيهات دى ككان عشان الكاسيت كان بيقطع)
المهم ان المشكلة برده متحلتش
اعمل ايه فى الباور بتاع الدريكسيون ده يا جماعة

موديلات 2006 كان الباور كهرباء .. و eps دى اختصار لل electric power steering معنى كدة ان حضرتك عندك مشكلة فى الباور و اعتقد ان الافضل تروح مركز خدمة معتمد او تروح التوكيل .. بلاش كهربائى و ميكانيكى الا اذا كان متخصص و فاهم اوى فى العربية .

[hanoy]

انا عندى نيو اكسنت 2010 فضي مانيوال عامله 12000
المهم انا عملت صيانة الالف بس كان في اسيوط عند انترنشونال جروب
قولتلهم العربيه حاسسها مش بتسحب كشفو علي البيوجيهات قالولي لا مفيهاش حاجه
بعدين اتسحبت منهم صيانة هيونداى فطبعا مصينتهاش تانى ربطت العفشه برا بس
المشكله الاساسيه اللي عندي ان العربيه بتسحب قوي لما اكون لسه شغلها بتبقي صاروخ في السحب لاكن بعد مبمشي بيها كتير بحس انها مش بتجمع كويس وبتخشن وانا بسافر بيها علي الزراعي بس وده كله مطبات
يعني مثلا الصوت بتاع الموتور بيعلي مع الغيار التانى لغاية 40 ده وهي سخنه
لاكن لما بكون لسه مشغلها ممكن تجيب علي التاني 60 بسهولهبدون ميعلي صوت الموتور
لغاية لما اتخنقت منها
عاوز اعرف ممكن يكون فيها ايه؟؟؟؟؟؟؟؟؟؟؟

[hanoy]

ارجو المساعده من الرابطة

[Dejavu_exara]

شوف العربية بتسخن ولا لان السخونة بتاثر على السحب بكتيير