باور النترا 2010

[medoo_450]

يا جماعه انا حبيت اضيف المعلومه ديه عشان الي قلقان من باور الالنترا .

مبدئيا تحفه والعربيه واقفه تحس انك راكب السيارات المتصادمه بتاعه الملاهي وكل متسرع بيتقل . انا مبتكلمش علي الجري انا بتكلم وانا ماشى 60 كان تقل شويه يعني باور مريح فوق العاده و يخليك مطمن انا لسه مرخص الناهرده يعني اول مشوار اول مستلمتها من المعرض كنت ماشى علي عزم الd . المعرض اول الشارع بتاعنا .فحسييت انه خفيف مع دوس البنزين بيتقل . العربيه خليجي تقفيل محترم . لسه مركبتش حتي دواسات هروح انشاء الله اول يوم اجازه اظبط . ولو فيه اي استفسار انا في الخدمه ولو اتاخرت في الرد فده عشان مفيش منتديات بتفتح عندي في الشغل .

هضيف معلومه انا عارف انها تخص قسم كيا .السيراتو الخليجي فيها العزل كويس .

[Hosam_Optrawy]

الف مبروك ربنا يباركلك فيها

[MoHaMed HaMeD]

الف مبروك

[semsem8080]

الف مبروك وربنا يكعطيك خيرها ويكفيك شرها

[medoo_450]

الف شكر يا جماعه علي الرد

[dr_abooody]

الف مبروك و الالنترا عربية محترمة و ناعمة جداا و ثابتة جدااا و ربنا يباركلك فيها

[Depsi]

الف مليون مبروك ، وعقبالى رايح ارخص الاتنين ان شاء الله ، العربية جميلة بس لسة طبعا انطباعى الكامل بعد شوية .
ربنا يحمينا ويكفينا شرها .

[mahamedaraby]

الف مبروك على العربيه الجديده وربنا يديك خيرها ويكفيك شرها ان شاء الله

ممكن تقولنا العربيه بتاعتك نازله بكماليات ايه

وياسلام لو شويه صور يبقى تمام

والف مبروك مره تانيه

[medoo_450]

شوف يا باشا العربيه فيها جنط و فتحه سقف والصراحه كان فيه حاجه رخمه في 2009 و زودوها 2010 كان بينزل الكوسنول من غير مسند زي الكارينز كدا بس كملو في 2010

[mimo116]

عندي استفسار يا استاذ ميدو .. بالنصبه للصيانه بتعمل ايه مع الالنترا الخليجي في موضوع الصيانه الدوريه عشان ان شاء الله ربنا يكرم نويت اجيبها خليجي عشان كل الناس و حتى هنا نصحو بالخليجي عشان التافيل و الاوبشن اكتر و احسن من التوكيل بس هوه الصيانه دي عايز استفسر منها و اروح فين لاقرب مكان ممكن اعمل فيه صيانه انا ساكن في حدائق الاهرام و شكرا ...

[hash_mafia]

الف مبروك و الالنترا عربية محترمة و ناعمة جداا و ثابتة جدااا و ربنا يباركلك فيها

هو الثبات اللي عايز أسأل عنه لأن كل لما اقول لحد اني عايز اجيبها يقولي الثبات وحش وكده
بس لما بسأله تقصد ايه بالثبات واحد يقولي وحش من 100 والتاني يقولي من 150(لو كده يبقا مش وحش خالص)
انت ايه رأيك؟؟؟

[tarekabosdera]

هو الثبات اللي عايز أسأل عنه لأن كل لما اقول لحد اني عايز اجيبها يقولي الثبات وحش وكده
بس لما بسأله تقصد ايه بالثبات واحد يقولي وحش من 100 والتاني يقولي من 150(لو كده يبقا مش وحش خالص)
انت ايه رأيك؟؟؟

سيدي الفاضل متسمعش كلام اي حد بيتكلم عن الالنترا لانه ممكن يكون بيتكلم من باب احساس او تخمين وليس تجربة .

عشان تطمن بس من المعلومات اللي هقولها . انا من ملاك الالنترا 2009 وعامل بيها 10000كم تقريبا .

بالنسبة لثبات الالنترا :

العربية بشكل عام ثباتها جيد جدا على السرعات العاليةومش خفيفة لكن :

لو زودت السرعة عن 100 وعدى من جنبك عربية نقل او ميكروباص او عربية بفارق سرعة كبير هتلاقي العربية انحرفت عن مسارها انحراف بسيييييط جدا مش لدرجة الخطر زي ما في ناس فاكرة .

امال بتقول ثباتها كويس ليه ؟؟

لان على السرعات العالية لما تيجي تلف الدركسيون بمقدار كبير الى حد ما لتفادي شيء مفاجئ او حفرة او بلاعة هتلاقي العربية ما شاء الله في منتهى الأمان والثقل و السيطرة على العربية عالية جداااا .

بس انتبه الكلام ده وانا ماشي على اقل من 120 - 130 بعد كده لازم التحكم في الدركسيون بحرص شديد عشان العربية متفلتش منك .

غير كده في الطرق المستقيمة والمنحنيات الخفيفة فحدث ولا حرج ممكن تقفل العداد براحتك .

[hash_mafia]

متشكر أوي لردك وشكلي هجيبها خلاص لأن بغض النظر عن مميزاتها و عيوبها انا بحب العربية دي مش عارف ليه,بس بردو كان لازم أسأل عشان الحاجات دي العقل فيها ضروري

[Ghost2]

مبروك عليك وربنا يديك خيرها يا رب

[alivara]

فعلا الباور بتاعها خرافي انا بحبه جدا بتلاقي الدركسيون خفيف اوي في ايدك و ده بيفيدك في الزحمة و الحفر و كل ما تسرع الباور يتقل شوية
بجد انا بعشق حاجة اسمها النترا و كل مرة بسوق فيها العربية بعتبرها نزهة جميلة الا طبعا لما بتتخبط بتبقى مش نزهة خالص ههههههههه

بس ياريت تحاول ما تغامرش بيها خالص في الأول عشان العين
انا قعدت اطنطط بيها هنا و هنا لحد ما اتخبطت مرتين في الاكصدام و مرة في الصاج و هي لسة 4000 كم مش عارف ده معدل عالي للخبطات و لا ايه بس ربنا ستر
و ربنا يباركلك فيها