باور النترا 2010

[alivara]

هو الثبات اللي عايز أسأل عنه لأن كل لما اقول لحد اني عايز اجيبها يقولي الثبات وحش وكده
بس لما بسأله تقصد ايه بالثبات واحد يقولي وحش من 100 والتاني يقولي من 150(لو كده يبقا مش وحش خالص)
انت ايه رأيك؟؟؟

انا بقى اقدر افيدك في موضوع الثبات ده
اكيد طبعا عارف الطريق الزراعي بتاعنا و عارف بيبقى زحمة ازاي و مليان بلاوي و اخر سرعة فيه 90
انا بقى كنت مسافر عليه بتاع 170 كم و طول الطريق ما نزلتش عن 120 كم/س و فترة كبيرة كنت ماشي على 160 كم/س و باخد غرز كتيرة جدا بين العربيات و اعدي ديه و ديه و العربية مستجيبة بطريقة خرافية و بجد كانت بتغريني اني ازود اكتر و اكتر
بجد ثباتها جامد جدا و الباور بتاعها بيساعد في كده كمان

اشتريييييييييها على ضمانتي و لو زعلتك في حاجة واحدة يبقى ليك الكلام
شوف شكل التابلوه من جوة و شكلها من برة و نعومتها و وسعها الرهيب من جوة و فخامتها
انا لو رجع بيا الزمن 100 مرة هشتري النترا برضه
و انا مستني حضرتك تنبقى من الالنتراوية ان شاء الله

[medoo_450]

بص يا باشا بالنسبه للصيانه ممكن تروح اي مركز خدمه معتمد لانه مينفعش التوكيل فى الخليجي . وانا من رائيي ان مركز خدمه احسن لانك بتشوف العربيه . انا كان معايا كليو لحد 140000 و سيراتو لحد 80000 وكان الاثنين توكيل علي طول والصراحه ناس محترمين جدا eim

[mimo116]

شكرا يا استاذ ميدو على الافاده

[tamermagdy]

الف مبرك

[semosoft]

يا باشا متقلقش من الكلام ده خالص انا معايا الينترا و بمشي بيها 210 و ساعات 220 على اسكندرية الصحراوي و مفيش اي مشكلة خالص العربية زي الفل و الاستابيليتي هايلة.

و الف مبرو ك و ربنا يكفيك شرها

[mohamedhamam]

ألف مبرك ربنا يديك خيرها و يكفيك شرها