كارثه وفضيحه ماتريكس 2006..انا مش مصدق..من فضلكم الحقوني!

[ramyfaris]

اولا شكرا لنايل موتور وللمهندس عاطف علي مجهوداتهم في المنتدي....ويا ريت حد يقولي ازاي اتصل بالمهندس عاطف ضروري

المشكله باختصار..انا عندي هيونداي ماتريكس مو 2006 عامله 48 الف كيلو بس ولاحظت صوت غريب في الموتور من كام يوم...ورحت ابو رواش انهارده وكانت المفاجأه قالي الموتور عايزعمره وهتكلف 18 الف جنيه!!

عمري ما شفت في حياتي عربيه موتورها يفوت قبل ماتكمل حتي 50 الف كيلو...قلتله دي اكيد عيوب صناعه كل اللي طالع عليه العربيه بره الضمان كأن العربيه بتضرب بالرصاص بعد ما تخرج من الضمان!!

للتوضيح العربيه دي في الصعيد وكان بيتعملها صيانه دوريه ما بين فرع محافظه قنا وما بين فرع ابو رواش لما بنكون في القاهره...بس هو احتمال من اتنين اما عيوب صناعه او فرع قنا ده ملوش فيها خالص.....من فضلكم اللي يقدر يساعدني لأني مش عارف اعمل ايه وحاسس بظلم فظيع وصدمه في نفس الوقت...بستنجد بيكم
جزاكم الله كل خير

[dr-mohamed]

مش عارف بس متهيالي لو جبت موتور استيراد هايبقي ارخص بكتير
كان لنا تجربة سابقة في فورد فيستا والتوكيل قال ان العمرة هتكلف 20 الف قلنا له شكرا واشترينا واحد استيراد ب5 الاف جنيه

[Most_H]

مش عارف بس متهيالي لو جبت موتور استيراد هايبقي ارخص بكتير
كان لنا تجربة سابقة في فورد فيستا والتوكيل قال ان العمرة هتكلف 20 الف قلنا له شكرا واشترينا واحد استيراد ب5 الاف جنيه

1+

[gebreel]

قصة الموتور الاستيراد دي خليها اخر حاجة و لازم تاخد حقك منهم لأن ده استهبال فعلا و طالما كنت بتعمل الصيانات الدورية شوف الفواتير بتاعتها و كلمهم على قصة ان دي مش عيب استخدام ولا حاجة لو معرفتش تطلع معاهم بنتيجة يبقى تطلع على حماية المستهلك و هما عندهم هيئة متخصصة بفحص العربيات و هتحدد اذا كان عيب صناعة ولا عيب استخدام ولا عيب صيانة و لو عيب صناعة او عيب صيانة يبقى في كل الاحوال غبور باشا مطالب انو يعملهالك بدون تحمل ده حقك و متسيبوش بس طمنا انت كنت بتعمل الصيانة بانتظام و في التوكيل ولا برة؟ لأنك لو عملت حاجة واحدة بره ممكن يتلككوا

[ramyfaris]

يا جماعه انا مش بفكر اغير موتور خالص ده بجد حرام...العربيه تعتبر جديده
انا نفسي اتصل بحد محترم بالتوكيل...وانا كل حاجه بعملها في التوكيل

[MoToRiZeR]

لازم تعمل شكوي في جهاز حماية المستهلك و تبعت إيميلات فيها التفاصيل لهيونداي كوريا .

[NoRmAl]

حضرتك متستناش وروح لحمايه المستهلك

[ramyfaris]

واوصله ازاي حمايه المستهلك ده؟؟؟

[wisambasha]

واوصله ازاي حمايه المستهلك ده؟؟؟

اتفضل يا باشا ادي الموقع بتاعهم

جهاز حمايه المستهلك

وادي تليفوناتهم 19588
فاكس 35392647

اي خدمة طالما فيها خدمة لعمنا غبور

[Samir_Adel]

قصة الموتور الاستيراد دي خليها اخر حاجة و لازم تاخد حقك منهم لأن ده استهبال فعلا و طالما كنت بتعمل الصيانات الدورية شوف الفواتير بتاعتها و كلمهم على قصة ان دي مش عيب استخدام ولا حاجة لو معرفتش تطلع معاهم بنتيجة يبقى تطلع على حماية المستهلك و هما عندهم هيئة متخصصة بفحص العربيات و هتحدد اذا كان عيب صناعة ولا عيب استخدام ولا عيب صيانة و لو عيب صناعة او عيب صيانة يبقى في كل الاحوال غبور باشا مطالب انو يعملهالك بدون تحمل ده حقك و متسيبوش بس طمنا انت كنت بتعمل الصيانة بانتظام و في التوكيل ولا برة؟ لأنك لو عملت حاجة واحدة بره ممكن يتلككوا

+1

[kasten]

لا حول ولا قوة الا بالله

[نور القمر]

كان لسه من حوالي كام شاب اشترى متوسيكل صيني واتكسر من سوء الصناعة في نفس اليوم والمحل مرضيش يبدله حماية المستهلك جابت له منهم تعويض 100 الف جنيه
يعني اللي بيكسب القضية بياخد تعويض مش بس حاجته ترجع سليمة
يلا عقبالك يارب ولينا الحلاوة ولبتوع غبور عيش وحلاوة

[KSA2011]

بص يا باشا شوف حد تانى خليه يكشف عليها

[Ghamrawy]

كان لسه من حوالي كام شاب اشترى متوسيكل صيني واتكسر من سوء الصناعة في نفس اليوم والمحل مرضيش يبدله حماية المستهلك جابت له منهم تعويض 100 الف جنيه
يعني اللي بيكسب القضية بياخد تعويض مش بس حاجته ترجع سليمة
يلا عقبالك يارب و[gdwl]لينا الحلاوة ولبتوع غبور عيش وحلاوة [/gdwl]

فعلا تعبير فى محله جدا
بس ممكن اعرف ايه اللى حصل فى الموتور ؟

[الريس]

الله معك يا صديقي

بس احب اقولك ان ممكن عربية تعمر قبل الخمسين الف كمان
الاسباب كتير

اهمها
فلتر زيت بايظ او مسدود
مطب سرب الزيت نتيجة شرخ في الكارتيرة
تسريب في الريدياتير و العربية سخنت و حضرتك مخدتش بالك
قيادة سيئة (حرق على الغيارات او تسقيف مستمر)
و هكذا
و ده طبعا لا يعفى مسئولية التوكيل
انه على الاقل يكشف سبب تفويت او قفش الموتور
و حضرتك حفاظا على حقك لازم تتابع مع جهاز حماية المستهلك
و برجاء متحاولش تصلح حاجة لحد الجماعة دول ما يبتدو يعاينو

و تاني مرة الله معاك و يصبرك