كارثه وفضيحه ماتريكس 2006..انا مش مصدق..من فضلكم الحقوني!

[Lion_Heart]

ما تسبش حقك, عليك و على حماية المستهلك و اعمل ملف بالصيانات و الفواتير و كل حاجة و جهز اكتر من صورة من ده كله و ربنا معاك العالم دى ما بتجيش غير بكده .... و لو اتقابلت مع حد من التوكيل ماتروحش باصل الفواتير دى و خلى دايما معاك الصور من الملف لأن دى مستنداتك ,
وده تليفون المهندس عاطف ه تابع معاه و ربنا يسهل لكن خليك مع حماية المستهلك الاول ,

Atef Abdul Samie'a M
Hyundai CRM Manager
GB Auto
Mobile phone: 0126778884

[bassam nagy]

ربنا معاك وعليك وعلى حماية المستهللك

بس فى حاجة غلط ياما مركز الصيانة دة كانوا بياخذوا فلوس ومابيعملوش حاجة ياما زى ماقال المهندس باسم
سبب من الاسباب دى

[a7madramadan]

اسمع كلامي خلص حالك يا مع التوكيل و اتكلم انك هتبلغ حماية المستهلك و هيكلفهم قضية و سمعة لو ما خلصتش معاهم خليك على حماية المستهلك و هيجيبولك حقك من التوكيل الزفت ده

[kasten]

عمرة موتور ب 18 الف
بسم الله ما شاء الله
حقيقى بلد مينفعش معاها حاجه .. ولا زيرو نافع .. ولا يوزد نافع
دانت كنت ممكن غيرت الماتركس ب ال 18 الف دول وجبت حاجه اعلى .. لنا الله
وعماااااار يامصر

[M.almaghraby]

بحد حاجة تقرف

[ramy_gamal]

اهم حاجه جهاز حمايه المستهل هو اللى هيجبلك حقك وربنا معاك بس اهم حاجه حضر فواتير الصيانه وان شاء الله تاخد حقك

[Lion_Heart]

رابط به تجربة مع حماية المستهلك

http://www.nilemotors.net/Nile/107853-a.html

موقع جهاز حماية المستهلك ,

http://www.cpa.gov.eg/events.htm

[m_s_h_a]

واللهى انا مش مصدق دى حاجه تجنن بجد دى اللى بيحصل ده ليه العجب دى لو توك توك هيعيش اكتر من كده عمنا غبور ده عدا السلك مره فيرنا فيفا فيها بارومه وكانت فى الضمان ومره ماتريكس تعمر قبل الخمسين ولسه الرجل دى هيجيب هيونداى الارض مش علشان الموتور قفش لا لانه بجح هو والناس ا للى عنده يقولك بره الضمان قال يعنى لو فى الضمان هيغيره ؟ هيقولك سؤ استخدام الحمد لله انى بعت الماتريكس واستريحت من غربور

[bassam nagy]

حاسس فى حاجة غلط ماهو الموتور شغال فى الفيرنا من 2004 والانترا 2005 والجيتز زى الفل بقالو كذا سنة

[monmonmon]

الله معك يا صديقي

بس احب اقولك ان ممكن عربية تعمر قبل الخمسين الف كمان
الاسباب كتير

اهمها
فلتر زيت بايظ او مسدود
مطب سرب الزيت نتيجة شرخ في الكارتيرة
تسريب في الريدياتير و العربية سخنت و حضرتك مخدتش بالك
قيادة سيئة (حرق على الغيارات او تسقيف مستمر)
و هكذا
و ده طبعا لا يعفى مسئولية التوكيل
انه على الاقل يكشف سبب تفويت او قفش الموتور
و حضرتك حفاظا على حقك لازم تتابع مع جهاز حماية المستهلك
و برجاء متحاولش تصلح حاجة لحد الجماعة دول ما يبتدو يعاينو

و تاني مرة الله معاك و يصبرك

انا معاك فى كلامك

اهم حاجه تحمى المكنة التبريد و التزييت من غيرهم المكنة تموت زى المياه و الهواء بالنسبة لنا

بس الحرق مفيش منه ضرر على المكنة و حتى التسقيف لو فى حدود المعقول بردوا مفيش مشاكل لان فى معظم اوقات السواقة بتتعرض لحدوث التسقيف حتى لو بتحرق او بتنقل بدرى او بتمشى كويس و الكونترول بيقلل من حدة الصفع عن طريق ظبط زمن اعطاء الشرارة (الاشعال)

انا عامل 72 ألف بماتريكس 2007 و حرقت بيها كتيير جداااااااااا جداااااااااااااااااا و الحمد لله زى الفل

لو الحرق تم اثناء وجود خلل فى نظام التبريد او التزييت المكنة هتنهار

و ارجو من صاحب الموضوع فحص العربية جيداااا و التأكد ان مفيش خلل فى التبريد و الزيت و كمان يوضح الصوت عامل ازاى؟ و هل سحب العربية قل عن الاول؟

و انصحك تكشف على الردياتير و مستوى المياه فى القربة
فحص الزيت و مستواه و الطلمبة
عمل اختبار كبس للمكنة
فحص التاكيهات

المشكلة ممكن تطلع هايفه جداااا و الله المعين و لو فعلا فى حاجه ان شاء الله تاخد حقك

[gomangy]

لازم تعمل شكوي في جهاز حماية المستهلك و تبعت إيميلات فيها التفاصيل لهيونداي كوريا .

ومتسناش يا ابن عمي

[kshussein]

ابعت ايمال لهونداى كوريا التوكيل بيترعب منهم

[bassam nagy]

استاذ رامى حضرتك بعدت شكوى لحماية المستهلك وهل فى جديد فى الموضوع من ناحية التوكيل

[ehabradwan]

لو مافيش جديد مع التوكيل و هتعمل عمرة خلاص اهملها عند بيومي و امرك لله هيعملهالك بربع التمن ده و شغله نضيف جدا

[wisambasha]

يا استاذ رامي عملت ايه طمنا