استشاره في شراء نيو اكسنت

[zain2007]

السلام عليكم ورحمة الله وبركاته

أولا وقبل أى شيئ أحب أشكر جميع أععضاء هذا المنتدى الاكثر من رائع والاخوه المشرفين على المجهود الرائع فعلا

دى أول مشاركه ليا وأن شاء الله ما تكونشى الأخيره وجزاكم الله خيرا فلقد أستفدت من موضوعاتكم فائده كبيره ولسه عشمانه فيكم تساعدونى أكثر (طماعه شويه)

أنا أستقريت ولله الحمد بعد بحث وتنقيب وتمحيص وصولات وجولات أنى أن شاء الله أشترى نيو أكسنت مع أنى كنت هاموت على البيكانتو لكن السيد المبجل زوجى كان ليه رأى تانى ونزل زن على ودانى لحد ما أقنعنى بالاكسنت

أللى انا أصلا كنت مقتنعه بيها بس كنت بقاوح غلاسه المهم كان سر تمسكى فى الاول بالبيكانتو أنها عربيه صغيره وانا خايفه ما أقدرش أتعود على مقاسات العربيه الكبيرهمع أنى سوقت عربية جوزى كتير بس هو قلق لابد منه

المهم

رحت أمبارح غبور اللى فى شارع السلطان حسين وكان عندهم واحده سوده شكل اللون الاسود عليها جنان لكن الراجل اللى هناك قالى أن اللون الاسود بيحتاج نضافه جباره
فطلبت اشوف النبيتى ورحت شوفتها لكن ما عرفتش اشوف اللون كويس لأنه ودانى الجراج والدنيا طبعا ضلمه فغالبا أستقريت على النبيتى أو الكحلى

طلباتى بقى كلأتى
أنا أن شاء الله هأقسط معاهم تقسيط أسلامى بفايده 8.5 %
أرجو منكم تفيدونى عن الاسئله التاليه
هل العربيه مناسبه ليا وانا عندى طفلين صغيرين وهل ليها مشاكل وممكن تبهدلنى معاها ومشكلة الباور الكهرباء أتحلت ولا أيه
1-الراجل قالى التسليم بيكون فى خلال حوالى من عشرين يوم لشهر ؟هل الكلام ده حقيقى

2-قالى ما ينفعش أن العربيه تتكتب بأسمى لأن زوجى هو اللى هايدفع وعشان تتكتب بأسمى يبقى قدامى حل من الاتنين يا اما أدفع40% مقدم أو أقسط عن طريق كونتاكت والحلين بالنسبالى مرفوضين هل الكلام ده حقيقى يعنى ما ينفعش تتكتب بأسمى

3_ البنك اللى هايقسطلى عنده شرط مش لذيذ وهو ( لو أنا بعد فتره حبيت أكمل باقى تمن العربيه كاش يبقى لازم يكون مر عليا سنه بأدفع أقساط دى حاجه والتانيه لو انا كان معايا مبلغ نقول مثلا خمس ألاف وحبيت أدفعهم مره واحده لكذا شهر ما ينفعش أقل حاجه لازم يكون مبلغ أقساط سنه

4- لو فى حد عنده علم بمعارض تمون بتقسط أسلامى بشروط أحسن من دى يفيدنى علما بأنى أقدر أدفع مقدم الربع وعند غبور برضه كنت هادفع الربع وقسط شهرى حوالى 1300 وفايده 8.5 لو تعرفو حد تانى بالمواصفات دى يبقى ليكم جزيل الشكر

5- أخر سؤال وأهم سؤال أى اللونين أحلى النبيتى أم الكحلى أنا سمعت أن النبيتى بتاعها مطفى هل دى حقيقه ولا

أسفه طولت عليكم بس عشمى فيكم كبير
وليكم الأجر والثواب عند الله




تم تغيير العنوان ليتناسب مع محتوي الموضوع
مشرف هيونداي

[zain2007]

أيه يا جماعه هو انتو مش بتردو غير على الرجاله بس الستات كخ ولا

أيه

[yahiahelaly]

الي اقدر افيد فيه اللون طبع النبيتي احسن من الاسود في النضافه بس انا رئي تشوفي الاخضر جامد جدا عليها

[Sameh]

بسم الله
أولاً الف مبروك مقدماً وأهلا بيكى فى المنتدى
1- 20 يوم لشهر حسب التوفر عندهم وأعتقد مش وقت كبير لو استنيتى ، فى نفس الوقت أكيد فيه معارض تانية عندهم بضاعة حاضرة لو مستعجلين
2- المفروض تتكتب باسمه لأن الشيكات هتبقا باسمه وحساب البنك باسمه والمفروض هيبقا فيه حظر بيع فى الفترة دى ، و إلا إن كل حاجة تبقا باسمك بما فيها شيكات البنك والحساب بس ماعرفش هل ممكن تجيبى مفردات مرتب باسمك عشان الموافقة ؟
3- طبعاً كل البنوك كدة لأن هو مكسبه فى فوايد القسط ومايهموش إن العميل يدفع تمن العربية كاش ، بالعكس هو مش عايز ده يحصل لأن هو مش بيسلفك فلوس عشان ترجعيهاله تانى بسرعة زى ما هى ، هو عايز المدة تطول على قدر الإمكان وياخد فوايد أكتر حاجة ممكنة ، عشان كدة أهم حاجة فى الإتفاق هو أول اتفاق جدولة للقرض (كام سنة ، كام فى الشهر) واى تسديدات كاش بعد كدة غالباً مش بتفرق كتير عن اجمالى المبلغ بالتقسيط لأنهم هيطلعوا شوية رسوم إدارية وشروط زى اللى قالوها دى بحيث ياخدوا نفس مكسبهم اللى اتفقوا عليه من الأول
4- ماعرفش غير كونتاكت بس نسبتهم عالية ، أعتقد فيه حد من الأعضاء يعرف
5- انا شايف ان النبيتى احلى كتير خصوصاً مع فرش بيج

[م.محمد علاء]

إختيار موفق وهو البعد عن اللون الأسود ..معايا صنى لونها إسود..الحقيقه قرفت من غسيلها..بين الغسله والغسله عايزه غسله..تانى حاجه الفرش البيج مش مستحب خاصة فى وجود أطفال لان لونه بيجرب..
أما باقى الحاجات اللى هى عن التقسيط وخلافه..معنديش فكره عنها للأسف

[د.محمود صلاح]

مبروك مقدما واختيار ناجح ان شاء الله , فهى أوسع وأقوى من البيكانتو وبالذات فى السفر والطوالى

[zain2007]

الي اقدر افيد فيه اللون طبع النبيتي احسن من الاسود في النضافه بس انا رئي تشوفي الاخضر جامد جدا عليها

أنا برضه حاسه أن النبيتى مش متعب زى الاسود

أعتقد ما فيش منها أخضر وبرضه هأسألهم

[zain2007]

بسم الله
أولاً الف مبروك مقدماً وأهلا بيكى فى المنتدى
1- 20 يوم لشهر حسب التوفر عندهم وأعتقد مش وقت كبير لو استنيتى ، فى نفس الوقت أكيد فيه معارض تانية عندهم بضاعة حاضرة لو مستعجلين
2- المفروض تتكتب باسمه لأن الشيكات هتبقا باسمه وحساب البنك باسمه والمفروض هيبقا فيه حظر بيع فى الفترة دى ، و إلا إن كل حاجة تبقا باسمك بما فيها شيكات البنك والحساب بس ماعرفش هل ممكن تجيبى مفردات مرتب باسمك عشان الموافقة ؟
3- طبعاً كل البنوك كدة لأن هو مكسبه فى فوايد القسط ومايهموش إن العميل يدفع تمن العربية كاش ، بالعكس هو مش عايز ده يحصل لأن هو مش بيسلفك فلوس عشان ترجعيهاله تانى بسرعة زى ما هى ، هو عايز المدة تطول على قدر الإمكان وياخد فوايد أكتر حاجة ممكنة ، عشان كدة أهم حاجة فى الإتفاق هو أول اتفاق جدولة للقرض (كام سنة ، كام فى الشهر) واى تسديدات كاش بعد كدة غالباً مش بتفرق كتير عن اجمالى المبلغ بالتقسيط لأنهم هيطلعوا شوية رسوم إدارية وشروط زى اللى قالوها دى بحيث ياخدوا نفس مكسبهم اللى اتفقوا عليه من الأول
4- ماعرفش غير كونتاكت بس نسبتهم عالية ، أعتقد فيه حد من الأعضاء يعرف
5- انا شايف ان النبيتى احلى كتير خصوصاً مع فرش بيج

الله يبارك فى حضرتك والله حاسه انى بين أخواتى

أكتر حاجه مضايقانا موضوع أنها مش هاتتكتب بأسمى وما ينفعش أجيب مفردات لأنى ربة منزل
وفعلا أعتقد أن أغلب التقسيط كده منتهى الأستغلال والسرقه عينى عينك وكله برضانا

حكاية الشهر دى أنا مش مستعجله ولا حاجه لكن خايفه يمطوحونى شهرين تلاته هل ده ممكن يحصل
فعلا أنا شوفت النبيتى وكان حلو لكن مش باين قوى عشان شوفته بالليل وطبعا عليه شحم لكن الراجل شال حته من الورق الابيض وشوفت اللون من تحته كان تحفه

أشكرك شكرا جزيلا وربنا يوفقنا جميعا لما يحبه ويرضاه

[zain2007]

إختيار موفق وهو البعد عن اللون الأسود ..معايا صنى لونها إسود..الحقيقه قرفت من غسيلها..بين الغسله والغسله عايزه غسله..تانى حاجه الفرش البيج مش مستحب خاصة فى وجود أطفال لان لونه بيجرب..
أما باقى الحاجات اللى هى عن التقسيط وخلافه..معنديش فكره عنها للأسف

عارف مع أن الاسود كانت جونااااااااان لكن الراجل ربنا يكرمه عشان يثبتلى أنه بيتوسخ بسرعه ضغط عليها بصوباعه عملت بصمه وقتى ووراهالى بعينى وقالى لو هاتجيبى أسود يبقى هاتمشى بالفوطه فى أيدك

بالنسبه للفرش هى الالوان الغامقه بيبقى فرشها بيج زى الاسود والنبيتى والكحلى أما باقى الالوان فرمادى زى الفيرانى والفواتح والفيرانى أنا بكرهه والفواتح نو واى وأبقى أعملها فرشبقى وخلاص

ميرسى جدا على تعبك

[zain2007]

مبروك مقدما واختيار ناجح ان شاء الله , فهى أوسع وأقوى من البيكانتو وبالذات فى السفر والطوالى

طبعا أحسن من البيكانتو 100 مره بس البيكانتو دى كانت فتاة أحلامى باموووووووووت فيها عربيه كيوت وصغنونه لكن جوزى موصر على السيدان بيقولى برستيج أحسن وأقيم

أشكرك من كل قلبى

[zain2007]

الي اقدر افيد فيه اللون طبع النبيتي احسن من الاسود في النضافه بس انا رئي تشوفي الاخضر جامد جدا عليها

أسفه نسيت أقولك ميرسى

[raedegypt]

شوفى انا اسهل لك المهمه. اختارى الاول تحبى لون الفرش بيج ولا رمادى؟ الوان السيارات دواخل بيج كحلى نبيتى اسود ذهبى . الرمادى عندك الفضى والفيرانى والسماوى

احلى الالوان الفواتح السماوى-فضى-ذهبى
الغوامق فيرانى او كحلى والحريم يحبوا النبيتى برضه حلو
والف مبروك

[zain2007]

شوفى انا اسهل لك المهمه. اختارى الاول تحبى لون الفرش بيج ولا رمادى؟ الوان السيارات دواخل بيج كحلى نبيتى اسود ذهبى . الرمادى عندك الفضى والفيرانى والسماوى

احلى الالوان الفواتح السماوى-فضى-ذهبى
الغوامق فيرانى او كحلى والحريم يحبوا النبيتى برضه حلو
والف مبروك

الله يبارك فى حضرتك

أنا فعلا حابه الفرش البيج أكثر من الرمادى

مستنيه بس أشوف الكحلى لأنى ما شوفتهاش

ألف شكر على المجهود

[Diaby]

السلام عليكم انا رائيى ان حضرتك زى ما قولتى كنتى عايزة البيكانتو لكن زوج حضرتك اقنعك بالنيو اكسنت ممكن حضرتك تفكرى فى الi10 عربية شيك جدا وواسعة من جوة والسعر برضوه حيكون اقل وبما ان حضرتك عندك طفلين بس فحتكون مناسبة جدا وبعدين الi10 شكلها حريمى اكتر لو ما امكنش وحضرتك معجبة بالنيو اكسنت يبقى اللون الفضى اولا شيك جدا ومبيبانش فى تراب ولا قدر الله حكات وربنا يوفئك

[ahmedelsyid]

الف مبروك لحضرتك
1- بالنسبة للون اقترح الازرق فهو تحفة عليها
2- بالنسبة للمعرض اعتقد انك يجب ان تسالي لدي سمير ريان سبق ان تعاملت معة واسعارة جيدة
3- اما اللون الداخلي البيج افضل فيسهل نظافتة وشيك
فيما انني افضل i10 فهي تليق بك وامكانيتها مناسبة لربة منزل وسعرها مناسب
الله المستعان