استشاره في شراء نيو اكسنت

[zain2007]

مفيش شروط خالص دة انتى رايحة بعربية زيرو ودى ورقها يخلص هوا
الوثاق للتأمين ممتازة و صاحبها كويتى يعنى معاهم فلوس :)))))
هما بيصوروا العربية و الرخصة و تدفعى و الورق يخلص و شكرا

على فكره أنا عملت سيرش على جوجل عن موضوع التأمين وطلع حرام زى ما قولتلك بأجماع الأقوال والله تعالى أعلى واعلم
حاول تعمل سيرش و تتأكد بنفسك

[ashouhdy]

على فكره أنا عملت سيرش على جوجل عن موضوع التأمين وطلع حرام زى ما قولتلك بأجماع الأقوال والله تعالى أعلى واعلم
حاول تعمل سيرش و تتأكد بنفسك

الله أعلم
أنا التأمين عندى أجبارى عشان بقسط مع البنك .....
والله مش عارف مش حفتى و ربنا لا يحوجنا ليهوم

[تامر.محمد]

بص أنا مش متأكده أذا حلال أو حرام أنا بأقول أنا سمعت ولازم هتأكد من المعلومه طبعا قبل ما أتصرف لكن فى حاله انه حرام مش هايهمنى انه مبدأفى كل دول العالم اللى هايهمنى وقتها نفسى خاصة أنى لو طلع حرام وانا التزمت بالشرع وما أمنتش مش هأبقى تخلفت عن الدول

ثانى حاجه بقى زى ما قولتلك هأسأل ولو طلع حلال تفتكر أامن مع الشركه اللى أنت قولت عليها دى كويسه وانت أتعاملت معاهم وشروطهم مقبوله يعنى

باحيي حضرتك

انا ايام ما كنت باشتري اللي وصلت له ان التأمين عشان يبقى حلال لازم يبقى تكافلي
يعني بعد ما الشركة تخلص السنة تحسب الفرق بين اللي دخل لها و اللي طلعته للعملا , و تاخد منه نسبة معينة فيما أذكر و ترجع الباقي للمودعين , ده اللي وصلت له خلال بحثي و الله اعلم طبعا

انا ما اعرفش شركة في مصر بتعمل كده بصراحة

[zain2007]

الله أعلم
أنا التأمين عندى أجبارى عشان بقسط مع البنك .....
والله مش عارف مش حفتى و ربنا لا يحوجنا ليهوم

معلش الله المستعاد وان شاء الله ربنا يقضى عنك دينك فى أسرع وقت ان شاء الله

[zain2007]

باحيي حضرتك

انا ايام ما كنت باشتري اللي وصلت له ان التأمين عشان يبقى حلال لازم يبقى تكافلي
يعني بعد ما الشركة تخلص السنة تحسب الفرق بين اللي دخل لها و اللي طلعته للعملا , و تاخد منه نسبة معينة فيما أذكر و ترجع الباقي للمودعين , ده اللي وصلت له خلال بحثي و الله اعلم طبعا

انا ما اعرفش شركة في مصر بتعمل كده بصراحة

بالظبط كده الله يفتح عليك وده نفس اللى انا وصلتله

التأمين الحلال هو التأمين التعاونى وده طبعا مش موجود

وبعدين طالما احنا بنحاول نتحرى الحلال يبقى أن شاء الله ربنا هأيسلم

و بلا تأمين بلا يحزنون

الله خير حافظ وهو أرحم الراحمين

[ashouhdy]

بس الشركة اللى انا فيها أسمها الوثاق للتأمين التكافيلى تبقى حلال يعنى ولا اية ؟؟؟؟؟؟؟؟؟؟؟؟ بس هما لا ادونى فرق فلوس ولا حاجة !

[zain2007]

بس الشركة اللى انا فيها أسمها الوثاق للتأمين التكافيلى تبقى حلال يعنى ولا اية ؟؟؟؟؟؟؟؟؟؟؟؟ بس هما لا ادونى فرق فلوس ولا حاجة !

بص اللى انا أعرفه أنه حلال هو التأمين التعاونى ممكن يكون هو نفسه التعاونى بس مجرد اختلاف أسماء حاول تسأل

[weta]

ايه اخبار انطباعك ? وايه اخبار الابعاد اصل انا ضعيف في السواقه ?

[zain2007]

ايه اخبار انطباعك ? وايه اخبار الابعاد اصل انا ضعيف في السواقه ?

الحمد لله رب العالمين ربنا كرمنى وأستلمتها النهارده ورخصت

ربنا كان معايا ومشوار المرور خلص فى حوالى ساعه ونصف

أول ما ركبت العربيه ما كنتش عارفه أسوقها وبطلت منى وروحت البيت وانا متضايقه جدا

لكن خرجت بيها بالليل وسوقتها الحمد لله رب العالمين زى الفل

طبعا ما أتعودتش لسه على أبعادها اكيد لازم هتاخد كام يوم لحد ما اتعود ربنا يعديهم على خير

لكن عامة العربيه جميله بسم الله ما شاء الله وكل ما بتمشى بيها بتبقى احسن
طبعا ما لحقتش أحكم عليها لكن حكم مبدئى مش ندمانه أبدا

وعقبال الجميع يا رب

[faraha]

مبروك العربية يارب تاخدى خيرها ويكفيكى شرها
بس تعرفى انا ماكنتش اعرف ان التامين حرام جزاكى الله كل خير على تنبيهنا
بصراحة العربية الاوتوماتيك انقاذ للى زى حالاتى اللى بيتلخموا ومبتدئين فى موضوع السواقة لكن متهيالى اللى بيسوقوا كويس مش هاتفرق معاهم
ياريت تقوليلنا اخبار العربية معاكى ايه دلوقتى واتعودتى على ابعادها ولا لسه

[kar!m]

ربنا يبارك لك فيها

[nasa]

الف مبروك مقدما بإذن الله
و إختيار ممتاز
و بالنسبة لمشكلة الباور الكهرباء دا لو إعتبرناها مشكلة أصلا الباور من أول موديل 2008 بتنزل باور زيت عادي فماتقلقيش و تحت أمر الاخوة في اي استفسار
أصل ان متابعها من زمان و اشتريتها في نوفمبر 2008 موديل 2009