إعـــــــلان

Collapse

.

,
See more
See less

رابطة مالكى الجميلة اكسنت من1998 الى 2006

Collapse
X
 
  • Filter
  • الوقت
  • Show
Clear All
new posts

  • المشاركة الأصلية كتبت بواسطة amirshan مشاهدة المشاركة
    السلام عليكم
    بص ياباشا بالنسبة لغطاء وش التاكيهات دا و عشان تخليه يمنع اى تسريب للزيت أقولك على طريقه متجربة و تعملها بنفسك و مش هتحتاج عدة غير بيبه 10 و كمان بنسه و تجيب انبوبة سيلكون حرارى ب 10 جنيه من اى بتاع اكسسوارت و اول حاجه تفك الخراطيم اللى متوصلة على الوش و تشيل الأفيز باستخدام البنسه و بعد كدا ب البيبه العشرة تفك الالمسامير اللى رابطه الوش و على ما اتذكر هما 6 مسامير و بكدا الوش يكون طلع معاك
    ياريت بقى لو كان فى شوية بنزين و مش جاز عشان الجاز بيبوظ الجوان و تغسل الغطاء بعد ماتفك الجوان منه و تسيبة ينشف و بعد كدا و انتا شايل الجوان تملا مكان الجوان ب السليكون و بعد كدا تحط الجوان مكانة على السليكون و تربط الوش تانى مكانه بعد ما تكون بردوا نضفت المكان اللي هايركب عليه الوش من الزيت عشان السليكون يمسك و أهم نقطة بقي
    انك تربط الوش بس مش قوي عشان كل ما هاتربط الوش السليكون هايكون لسة طرى فا هيطلع من مكانة فالحل هوا انك
    بعد كام ساعة كدا على ما يكون السليكون نشف ربط الوش دا كويس اوى براحتك وشوف النتيجة ؟؟
    بس طبعا لحد ما السليكون ينشف اوعى تدور العربية
    طبعا حد هيقولى لية الحوار دا كلة ما نجيب الجوان دا ب 10 ولا 20 جنية و بلاش حوار السليكون دا
    لازم تعرف ان غطاء وش التاكيهات دا فايبر ف بلغة الصنايعية بيقفع يعنى ماباقاش مظبوط و بقى معووج فعشان كدا بنستعمل السليكون و لو هاتجيب غطاء استيراد هايعدى 200 جنيه
    أسف على الإطالة
    و بالنسبه لخرطوم الفايز مكانه بيكون طالع من الغطا بتاع التاكيهات
    وانا عندى كتالوج الأكسنت بس انا دلوقتى في الشغل ولما اروح هبقى ارفعهولك بس حد يقولى ازاى

    أخي الكريم ردك على الموضوع فعلا عملي ولكن مين عنده وقت لكده..... على أي حال أنا أرجو من حضرتك أنك ترسل لي نسخة من الكتالوج على بريدي الألكتروني - ده لو سمحت - وهو gehad@yahoo.com أنا سيارتي أكسنت 98 خليجي 1500 سي سي
    والسلام عليكم ورحة الله وبركاته

    Comment


    • المشاركة الأصلية كتبت بواسطة sameh73eg مشاهدة المشاركة
      هو وضع المؤشر قب النص ده حاجه عاديه وبعدين معروف ان الاكسنت مبتسخنش يعنى وبعدين المروحه ممكن تشتغل وتفصل بسرعه اما بالنسبه للتكيف فالمروحتان بتشتغل مع بعض عل شان بيكون السخونه اعلى لاكن مش هتحس بالسخونه ولاحظ السخونه على طريق سريع هتلاقى ان الموئشر بيقل كمان عن المنتصف متخفش اهم حاجه انه ميكنش المؤشر بيعدى النص وكمان متكنش المياه بتنقص

      السلام عليكم
      أنا كان عندي حالة شبيهة بكده ... المهم عربيتي ما كانتش بتسخن أبدا ومؤشر الحرارة على طول في أقصي ثلث التدريج كله بتاع الحرارة ... لكن من شهرين او ثلاثة لاحظت أن مؤشر الحرار قرب من النص وثابت عليه ... وكمان لا حظت أن المية الخضراء اللي فغي القربة بتنقص.
      المهم رحت لميكانيكي قال لي غير ماكينة الحرارة (الترموستات) غيرته وسعره 35 ج بعده. استمر الوضع على ما هو عليه فرحت له تاني فقال فيه ترموستات لازم يتغير .... غيرته وسعره 15 ج (صيني الصنع) ...
      الآن .... الوضع على ما هو عليه .... أمبير الحرار عند النص برغم كل الإصلاحات دي ... والميه لسه بتنقص .... وفي يوم لاحظت تسرب مياه نازل على جسم الموتور ... الميكانيكي قال لي دي طبة المية فيها خرم صغير بيسرب نقطة نقطة على بسيط ... غيرها ... المهم لم أجدها ... فقال ممكن نلزق الخرم بلزق خاص للمعادن. وقد كان ..... ولالآن لم يتم أي تحسن مطلقا.
      الأمبير عند النص
      الميه بتنقص
      وعوضي على الله في القطع اللي اتغيرت
      والمصنعية اللي لهفها الميكانيكي
      .....................................
      حد عنده رأي يفيدني بيه؟
      بأترحم على أيام زمان لما كنت أطلع من مصر القديمة لشغلي في ميدان التحرير وأمبير الحرارة ما طلعشي ولا ملليمتر واحد على المقياس بتاعه.

      معليش طولت عليكم ... سامحوني

      Comment


      • المشاركة الأصلية كتبت بواسطة modyslim مشاهدة المشاركة
        معدل الاستهلاك عندك كده عالى جدا
        انا معايا برضه اكسنت 2000 1500cc ومعدل استهلاك البنزين جوه البلد تقريبا الصفيحه بتعمل 200 كيلو
        حاول تراجع على الدايره عندك اغلب الظن ان فى تهريب عندك خرطوم مقطوع اى حاجه مش مربوطه كويس والبنزين بيهرب منها
        جرب تدور العربيه وتفتح الكابوت ولاحظ لو فى ريحة بنزين ولا لأ

        إكشف على حساس الهواء .... 100% هو السبب

        Comment


        • المشاركة الأصلية كتبت بواسطة mimo_15 مشاهدة المشاركة
          قواعد تثبيت الماتور عندي كانت الجلد بتاعتها بدات تبوظ ( الماتور بقى قاعد ع الحديد نفسة)

          ف اول ما ابدا اهدي او اريح فرامل وارجع اسند بنزين تروح العربية تترج وتتخضخض زي التنتيشه بس الماتور ساحب
          غير كده ان العربية كانت وانا قاعد جواها حاسس بهزة الماتور ومسمع لدرجه كبيره جوه الكبينه
          بس الحمد لله لما غيرتها بقيت تمام قوي قوي
          يعني اكني لما اقفل القزاز مش مشغل العربية نهائي ( اختفى الهز والرعشة الي كانت بتحصل في الاول )

          انا رحت اخيرا عند ميكانيكي فاهم بعد لف كبير والله ركبلي الاربع قواعد بسرعه وبسهوله جدا من غير ما يطلع الماتور ولا يعمل حاجه تانية
          كل الي كان بيعمله انه بيحط الكوريك تحت الحته الي عايز يغير القاعده فيها ويروح يرفعها ويفك القديمه ويركب الجديده بكل سهوله
          اخد ف الاخر 50 جنية بصراحه حلوه ع شغله

          واي استفسار انا موجود

          فين الميكانيكي ده ...... ؟؟؟

          Comment


          • المشاركة الأصلية كتبت بواسطة loverless مشاهدة المشاركة
            فين الميكانيكي ده ...... ؟؟؟

            المنيا
            [CENTER][SIGPIC][/SIGPIC] [/CENTER]

            Comment


            • أعزائي ملاك الأكسنت انا نفسي انضم لكم وبدور على اكسنت 98- 2000 كوري وياريت لو خليجي 1300 سي سي .. حالة موتور لا تقل عن 85-90 % تكييف قوي ومتكونش راشه دواخل وتكون فول أبشن ومش محتاجه مصاريف وبعيد عن التجار او السماسره ومشكور جدا ويا ريت العروض عالخاص samer00x@yahoo.com

              Comment


              • السلام عليكم ورحمة الله وبركاته
                للأسف الناس هنا مفيش منها أهتمام بقسم الأكسنت نهائي ودي حاجة بجد تدايق مقارنة بباقي الأقسام مع ان العربية بتعتنا دي ليها أحترمها في كل مكان وبجد تستاهل أهتمام أحسن من كدا ودا اللي خلاني أعمل جروب مخصوص ليها علي الفيس بوك أتمني ان الناس تهتم وتشارك.
                وكل سنة وانتم طيبين جميعا
                Hyundai Accent 98 - 2006

                Comment


                • انا معايا اكسنت موديل 2000 و 1500cc عندى مشكلة جديدة وهى واقفة صلنسية ال rpm بيوطى فجاه كذا مره وبعدها تبطل ولما اشغل التكييف ال rpm بيوطى
                  اللى عنده الحل يرد عليا

                  Comment


                  • لو سمحتم أنا عاز اعرف سعر الكابلن الداخلية للاكسنت مو 2000 اوتوماتيك ولكم كل تقدير

                    Comment


                    • المشاركة الأصلية كتبت بواسطة mfmsh3m مشاهدة المشاركة
                      لو سمحتم أنا عاز اعرف سعر الكابلن الداخلية للاكسنت مو 2000 اوتوماتيك ولكم كل تقدير
                      السلام عليكم و رحمة الله و بركاته
                      سعر الكبالن يتراوح بين 300 جنيه للانواع الصيني
                      ولكن الانواع الكوري حوالي 400 جنيه
                      الايطالي 550 جنيه

                      انا بقى عايز اسأل حضرتك كم سؤال كده بما ان عربيتك اوتوماتيك
                      اخبار الفتيس معاك ايه عموما لان في واحد صاحبي عايز يجيب الاكسنت الاتوماتيك بس انا معرفش عنها اي حاجة لانها مش منتشرة..فيا ريت حضرتك تقولي اخباره معاك ايه
                      والعربيه عموما بقالها معاك اد ايه و هل مشاكلها عادية ولا اكمنها اوتوماتيك الموضوع مختلف
                      و الف شكر مقدما
                      السلام عليكم
                      Engineering Is Not Just A Career
                      It Is A Life Style

                      Comment


                      • المشاركة الأصلية كتبت بواسطة osamahammam مشاهدة المشاركة
                        انا عايز اشتري اكصدامات بس مش عارف اعمل ايه ؟؟؟؟؟؟؟؟؟؟
                        في ناس بتقول ان الصيني رديء افيدوني
                        شكراً

                        انا اشتريت اكصدام امامى كان كورى تقريبا و كان عامل حوالى 130 جنيه و ممتاز جدا و ظبط وش العربيه
                        [CENTER]اللهم أرنا الحق حقاً وارزقنا إتباعه وأرنا الباطل باطلاً وارزقنا اجتنابه[/CENTER]

                        Comment


                        • المشاركة الأصلية كتبت بواسطة madmode مشاهدة المشاركة
                          السلام عليكم
                          انا معايا اكسنت 2002 كورى 1500 وبصراحة عربية ممتازة بقالها معايا 5 سنين ما عملتش معايا اى مشكلة وبصراحة عربية تحفة بس الشق اللى فى التابلوه بس هو اللى معقدنى فى حياتى وعلى فكرة انا بلاقى حاجات ليها كتير يابانى تبقى احسن من الاصلى يعنر ركبتلها طلمبة مية من سنة الاصلى الهيونداى كانت ب 90 جنيه واليابانى كانت ب 130 او ب 120 مش فاكر بس اليابانى ايه جاية بجواناتها شكلها تحفة وتقفيل وخامة ايه طبعا ركبت اليابانى وركبت من فترة المساعدين ال kyb الاربعة قدام وورا بصراحة تحفة التحف بصراحة العربية عمرها ماعملت معايا فصل وحش اصيلة بجد وكل ما دماغى تلعب انى ابيعها واغير مالاقيش فى نضافتها ولا فى قطع غيارها على فكرة انا كمان فى العربية وش الابانوس وفى التابلوه هما قاللولى ان اللى نزل من العربية دى ببوش ابانوس من جوه قليل جدا هل الكلام ده صحيح ؟؟ وايه رايكوا يا جماعة بافكر اجيب فيرنا اتوماتيك كسر زيرو علشان زهقت من المانيوال ونفسى اركب اتوماتيك ايه رايكوا يا جماعة كل الناس والميكانيكية اللى باروح لهم بيقولولى ان العربية دى احسن من الفيرنا وانا محتار ابيع ولا لا انا فى اتنين زمايلى فى الشغل قاعدين مستنيين ردى فى حكاية البيع دى ايه رايكوا الاكسنت والا الفيرنا ؟؟؟؟؟:b4_033:
                          ربنا يباركلك فيها ، بالنسبه للوش الأبانوس ده بيتباع قطع غيار و متوفر فى شارع دمشق
                          [CENTER]اللهم أرنا الحق حقاً وارزقنا إتباعه وأرنا الباطل باطلاً وارزقنا اجتنابه[/CENTER]

                          Comment


                          • اخى العزيز Towfeq شكرا على اجابتك السريعة و أظن ان هذه الاسعار خاصة بالسيارة المنوال وارجو افادتى باسماء المحل , السيارة معايا من 6 سنوات تقريبا وماشية 135000كم لم يحدث أننى اشتكيت من الفتيس فانا اذهب بها الى وكيل معتمد لأجراء الصيانات الدورية وهو أتوماجد سيرفيس ناس فاهمه شغلها والفتيس الاوتوماتيك لهذا النوع قطع غياره متوفرة و رخيصة حتى فى التوكيل وانصج بان يكشف على الفتيس فى مركز صيانة معتمد قبل الشراء مركز الصيانة الذى اذهب الية بيأخد 50 جنيه على كشف الفتيس واليك اسعار صيانه 130000كم
                            1 - فلتر هواء أكسنت 1500 = 45
                            2 - فلتر زيت فتيس أتوماتيك =149
                            3 - طاقم تيل فرامل امامى = 195 و بيتغير بعد 20000كم بالضمان
                            4- بوجيه عدد 4 = 48 و بيتغير كل 10000كم
                            5 - طبه زيت محرك = 20
                            6 - زيت محرك شل 10000 = 227
                            7 - زيت باور 5ك = 127
                            8 - فلتر زيت = 18
                            9 - سيلكون جوانات = 29
                            10 - جوان كارتيرة فتيس = 15
                            11 - تربيط عافشة و تبط الموتور و تغير لمبات و غسيل العربة
                            اجمالى المصنعيات + الضريبة = 179
                            و نصحتى ان هذه السيارة فوق الممتازة فى حالة عدم اهانتها عند الميكانكية

                            Comment


                            • فين اوتو ماجد سيرفيس دة لو سمحت
                              [FONT=Comic Sans MS][SIZE=5][COLOR=#665353]The worst is Not come Yet[/COLOR][/SIZE][/FONT]

                              Comment


                              • لسلام عليكم يا شباب انا عندي مشكله في السحب العربيه مش بتلبي زي الاول و حاسس انها خفيفه كده و مع التكييف بقي بقيت بطيئه الاستجابه جدا كمان الفرامل مش مظبوطهالعربيه اكسنت 2005 1300 افيدوني يا شباب وياريت لو حد يعرف ميكانيكي عنده ضمير في شبرا يبقي عمل فيا معروف

                                Comment

                                Working...
                                X