نصيحه بخصوص شراء هيونداي ماتركيس 2010

[echonight]

انا عاجبني الاستيل ده من العربيات والي موجود قدامي وعاجبني الماتركس و الكارينز بس الكارينز غاليه ومعييش تمنها وعاوز اعرف ايه ظروف الماتركس الجديده
ايه عيوبها وهل فعلا بنفس كفائه الموديل القديم ولا اوحش وايه الاوبشن الي فيها و الكاسيت بتعها ام بي ثري ولا اوديو ولاشرايط
وشكرا مقدما

[dodocai]

انا عاجبني الاستيل ده من العربيات والي موجود قدامي وعاجبني الماتركس و الكارينز بس الكارينز غاليه ومعييش تمنها وعاوز اعرف ايه ظروف الماتركس الجديده
ايه عيوبها وهل فعلا بنفس كفائه الموديل القديم ولا اوحش وايه الاوبشن الي فيها و الكاسيت بتعها ام بي ثري ولا اوديو ولاشرايط
وشكرا مقدما

يمكنك الاطلاع على مشاركتى المتواضعة قد تفيدك فى بعض تساؤلاتك فى الرابط المذكور أدناه.

http://www.nilemotors.net/Nile/112686-2010.html

تحياتى

[raedegypt]

هيونداى وكيا شركه واحدة . علشان تكون فى الصورة فموضوع احسن وافضل الاتنين مصنع واحد . فشوف ال يناسبك فى السعر ووفر فلوسك فالنهايه الاتنين شركه واحدة

[ilavm]

بيتهيألي الكارينز اكبر
فهيبقى حسب استخدامك
minivan
small van

[echonight]

شكرا جزيلا علي الموضوع الي انت عامله عن الماتركس فعلا موضوع وافي بس كل العيوب الي حضرتك ذكرتها كانت مش موجوده في الموديل السابق انا أخويا كان معاه ماتركس 2006 كان جايبها زيروا ولغايت معمل بيها حادث بعد سنتين من الشراء مكتش فيها غلطه هو بس كان بيشتكي من غلاء قطع الغيار.علي كده الماتركس القديمه احسن من الجديده

[minaghopreal]

شوف الموضوع ده بعدين نتكلم : http://www.nilemotors.net/Nile/113151-a.html

[echonight]

شوف الموضوع ده بعدين نتكلم : http://www.nilemotors.net/nile/113151-a.html

كلام جميل وانا فعلا مش محتاجه الزياده في الحجم بتاعت الكارينز و في نفس الوقت معنديش استعداد ادفع 20000 الف فرق. ياريت تقولي ايه اخبار الماتركس معاك

[dodocai]

قد تكون هذا الشكاوى فى سيارتى أنا فقط ، وأعتقد أن ليس هناك اختلاف جوهرى بين القديم والحديث الا انه تجميع تركى ويوجد كثير يمتلكون ماتريكس تركى منذ عام 2008 ولا يوجد شكوى جوهرية ، الا أن الاختلاف فى بعض الكماليات التى لا تجدها فى موديلات 2009 و 2010 ، ولكن السيارة اجمالا سيارة عملية ، وبمقارنة الكارينز أعتقد لو يفرق معاك السعر فى هذه الحالة المقارنة لصالح الماتريكس.

[bishoo33]

الماتريكس سيارة خالية من المشاكل
الكارينز حلوة ولكن اللى حتدهولك الكارينز حتدوهلك الماتريكس بالأضافه الى رخص قطع الغيار وانتشارها فى الماتريكس عن الكارينز
سعر اعاده البيع أعتقد من السهل ان تجد زبون بشترى منك الماتريكس بعدما تزهق منها وبسعر كويس وبسرعة بينما الكارينز ستكون فرصتها أقل

[echonight]

قد تكون هذا الشكاوى فى سيارتى أنا فقط ، وأعتقد أن ليس هناك اختلاف جوهرى بين القديم والحديث الا انه تجميع تركى ويوجد كثير يمتلكون ماتريكس تركى منذ عام 2008 ولا يوجد شكوى جوهرية ، الا أن الاختلاف فى بعض الكماليات التى لا تجدها فى موديلات 2009 و 2010 ، ولكن السيارة اجمالا سيارة عملية ، وبمقارنة الكارينز أعتقد لو يفرق معاك السعر فى هذه الحالة المقارنة لصالح الماتريكس.

ممكن أعرف ايه الكمالايات الي مش موجوده عي مةديل 2010

[dodocai]

ممكن أعرف ايه الكمالايات الي مش موجوده عي مةديل 2010

الكماليات الغير متوافرة فى موديلات 2009 و 2010 :
عدم توافر طاولتين فى المقاعد الأمامية
عدم وجود أدراج تخزين أسفل المقاعد
عدم توافر مخرج كهربائى فى شنطة السيارة
عدم وجود مسند يد وحامل للأكواب فى المسند فى المقعد الخلفى
عدم وجود مساحة للزجاج الخلفى
عدم وجود أدراج تخزين فى شنطة السيارة
عدم وجود جيوب للمقاعد الأمامية من الخلف
عدم وجود لمبات اضاءة فى الأبواب الأمامية أثناء فتح الأبواب ، موجود مكان اللمبات والغطاء البلاستيك فى موديل 2010 ولا يوجد اللمبة نفسها
عدم وجود جلد فى فرش أرضية السيارة للمقاعد الأمامية
انذار ومفتاح منفصلين

[minaghopreal]

كلام جميل وانا فعلا مش محتاجه الزياده في الحجم بتاعت الكارينز و في نفس الوقت معنديش استعداد ادفع 20000 الف فرق. ياريت تقولي ايه اخبار الماتركس معاك

الماتريكس عربية ممتازة جداً,
وأنا انصافاً ليها هاقولك على عيبها الوحيد وهي العفشة : تعتبر أكبر عيب بالنسبة لي لأنها ناشفة وبتخليك تحس بتفاصيل الطريق
طبعاً هي مش ناشفة زي اللادا أو الشاهين أو الفيرنا لكنها ليست بالطبع بنعومة اللانسر أو الياريس

لكن معروف ان الكوري كله عفشته أنشف من الياباني

على فكرة علشان ماحدش يفهمني غلط العربية ناعمة لكني حاسس بالفرق ده لأني سقت قبلها لانسر وياريس

غير كدة العربية واسعة جداااااااااااا من جوة (صالونها أوسع من الكارينز ) , استهلاكهها للبنزين عالي شوية (العربية أوتوماتيك) , قطع غيارها سعرها كويس جداً .... و طبعاً فرق سعر كبير عن الكارينز مش هاتستفيد بيه غير في التقفيل (كوري أفضل من التركي )

[modypic]

تسداء أنا كمان عندى نفس المشكلة بين الماتريكس و الكارينز

[echonight]

كلام مقنع جدا يا جماعه وعلي فكره أنا سقت الكارينز كانت مع واحد صحبي وعلي فكره وسعه لدرجه بايخه و شنطتها واسعه جدا بس فعلا غلي شان عربيه جديده حتلاقي قطع الغيار بتاعتها في السما.وكمان التابلوه بتعها شيك جدا بس ساعات بحس وانا شايفها ماشيه انها اتوبيس صغير علي عكس الماتركس ملمومه شويه ودي حيحسها الي ساق الماتركس وساق الكارينز

[seanmichaels]

الكارينز قطع غيارها مش غالية للدرجة, بس فرق السعر كبير على الفاضي, و الماتريكس أوسع من الداخل, ممكن ترجع الكنبة للوراء عشان تستفيد بمساحة أكبر في الماتريكس, تستطيع ترجع الكنبة كلها لورا مش الظهر بس.