نصيحه بخصوص شراء هيونداي ماتركيس 2010

[venomixus]

يا باشا الماتريكس 2010 عربية عائلية وجميلة جداً بس هي يعيبها الانذار بتاعها .. كل ما أصلحه يبوظ تاني.. الكاسيت جميل جداً و فيه يو اس بي ... وكمان فيه علبة تخزين أسفل الكنبة الخلفية.
أنا لسة مادخلتش في قطع غيار بس الماتريكس عربية اقتصادية و ممكن تقول زي الالنترا في أسعار قطع الغيار. لو عاوز نصيحتي بلاش الكارينز وخليك في الماتريكس وربنا يوفقك للأحسن

[ASHRAF74]

الماتريكس عربية ممتازة جداً,
وأنا انصافاً ليها هاقولك على عيبها الوحيد وهي العفشة : تعتبر أكبر عيب بالنسبة لي لأنها ناشفة وبتخليك تحس بتفاصيل الطريق
طبعاً هي مش ناشفة زي اللادا أو الشاهين أو الفيرنا لكنها ليست بالطبع بنعومة اللانسر أو الياريس

لكن معروف ان الكوري كله عفشته أنشف من الياباني

على فكرة علشان ماحدش يفهمني غلط العربية ناعمة لكني حاسس بالفرق ده لأني سقت قبلها لانسر وياريس

غير كدة العربية واسعة جداااااااااااا من جوة (صالونها أوسع من الكارينز ) , استهلاكهها للبنزين عالي شوية (العربية أوتوماتيك) , قطع غيارها سعرها كويس جداً .... و طبعاً فرق سعر كبير عن الكارينز مش هاتستفيد بيه غير في التقفيل (كوري أفضل من التركي )