واحد من جوه التوكيل

[enghany]

ممكن بعد اذنك نعرف الالنترا الجديده هاتنزل امتى؟

المفروض شهر 11 الجاي او اول 2011

[enghany]

يا باشا محناج ارش دوكو لعدد 2 باب و الكبوت يتكلفوا كام لأنهم متخربشين

معلش انا اسف معرفش في تكاليف الهياكل لاني في الصيانه المكانيكا

[enghany]

ممكن اعرف من حضرتك تكاليف صيانة 20000كم

بص هي مصنعيتها للفيرنا 240 ج
و بيغير فلتر هواء + بنزين+ بوجيهات بحوالي 200 ج
و ضيف تمن الزيت و الفلتر 5000كم 140 ج بالفلتر
10000 كم 270 بالفلتر

[enghany]

السلام عليكم
منت عاوز اعرف اذا كان التسارع حتى rpm 6 (و قبل الدخول عند العلامة الحمراء فى العداد) هل يؤثر على الموتور ام لا . و هل السياره النيو اكسنت 2008 مصممة لهذه النوعية من القياده ام لا . و لكم جزيل الشكر.
يرجى التوضيح عند الاجابة.

اعتقد ان سيادتك تقصد بوجه عام الحرق او القرص علي العربيه و لا ايه ؟ بص ده بيقصر عمر الموتور لغايه ما تسقط و تعمل عمره اكيد طبعا بياثر:b4_237:

[enghany]

انا معايا فرنا 2010 بعد ما عملت صيانة الالف ظهر صوت حك متقطع فى سير من السيور مش عارف دة يبقى اية مع انة مكنش موجود قبل صيانة الالف؟؟؟

بص ماحصلش حاجه في صيانه الالف خاصه بالسيو لاتجيب العربيه مش يمكن الصوت مش من السيور؟؟ هاتها اي يوم بدري لقليوب او ابو رواش و احنا هنعمل الازم

[enghany]

السلام عليكم
انا معايا اكسنت 2004 gls تقفيل خليجي اوتوماتيك ماتور 1495.
السيارة زي الفل المحرك هادئ و الدورة طبيعية. بغض النظر ان العربية اتوماتيك
انا بمشي بالعشرين لتر بنزين 150 كيلو بس, يعني كل لتر 7.5 كيلو بس.
يا جماعة ساعدوني مش عارف اي اللي بيحصل ؟؟؟؟

الاخ الفاضل راجع الصفحه الاولي للموضوع

[enghany]

لو سمحت كنت عيز اعرف
هو ضمان الطنابير قد ايه
وكذلك ضمان البطاريه

سعاتك بصفه عامه لازم يكون في صيانه دوريه منتظمه علشان اي قطعه غيار تكون في الضمان بالنسبه لاكسنت الطنابير من ضمان العربيه 60000 الف 3 سنوات ايهما اقرب البطاريه سنتان او 40000 ايهما اقرب بس الصيانه اخبارها ايه معاك؟؟؟؟

[enghany]

يا باشمهندس هانى انا عندى ميعاد صيانة ال 15000 النترا وكنت عايز اعملها فى مركز معتمد قريب منى بس عندى مشكلتين فى العربية ظهرو:
اولا الزجاج الامامى جنب السائق لو فتحته اوتو للاخر المرة اللى بعديها اجى افتحه يعمل تكة والزجاج بنزل زى ما تكون حاجة كانت ماسكاه جامد من فوق. لكن لو فتحت الزجاج عادى مش للاخر بيشتغل عادى جدا.
ثانيا ظهر عندى صوت تكة فى الدركسيون وانا بلف يمين تكة صوتها خفيف وتظهر تانى مع تكملة اللفة وهكذا.
يا ترى المشكلتين دول ايه وهل ينفع يتعملو فى المركز ولا لازم اروح التوكيل. وشكرا ليك يا باشا على سعة صدرك

لا يا باشا لازم التوكيل علشان اي قطعه غيار ضمان لازم من التوكيل

[enghany]

م. هاني

انا كنت عندكم في ابو رواش يوم 1 مايو وغيرت سيور ( كاتينة و بليتين و دينامو و تكييف ) عربية النترا 2006 اتوماتيك . و تم التغيير و دفعت 850 جنيه

المهم , كان عندي عيب في الفتيس( اللى انا اساسا جاي علشانه التوكيل )

انه كان لما تجيب الغيار على d او r يعمل صوت طقة و العربية تنط سنة لقدام
المهم كنت طلبت من المهندس انه يحطه على جهاز الاسكانر علشان نشوف العيب منين , وبعد ما قعدت لغاية الساعة 6 مساء , قالي ان الاسكانر بايظ اساسا و ما زال العيب قائم !!

ايه الحل حضرتك ؟؟؟

و كمان سؤال

هل انت المهندس هانى عزيز ( مهندس الاستقبال )

لا انا مش هاني رفعت عزيز ده اولا
ثانيا المشكله ان الجهاز عصل دي حاجه خارجه عن ارادتنا و انا بعتذر عنها
بس في حاجه عايز اقولهالك اذا كانت هذه المشكله لا تظهر بانتظام في السياره ممكن الجهاز مايقرهاش لان الجهاز عايز ال fault or error يظهر علشان يقراه و انا هقولك الحل ايه
1- نغير حساس النقلات a&b ولاهي راحت خلاص ok
2- لو مش كده تبقي لاقدر الله فك فتيس و ربنا يبعدنا عن كده

[MOHAMEDMMMMMMMMM]

فى حاجة غريبة فى النيو اكسنت اتوماتيك عند السير بالعربية اشعر بالنقلات عند الضغط على دواسة البنزين زى ماتكون العربية بتنتش ولكن لايحدث العكس عند خفض السرعة فهل هذ ا طبيعى علما بان السيارة عاملة 4500 ك

[enghany]

كان عندى استفسار بخصوص تكيف الجيتز شغال تمام ومفيش فيه مشكلة على اول ثلاث درجات لكن لما يجى على الدرجة الرابعه صوتوا اكنى ماكينة اشتغلت ياريت لو اعرف الاسباب بعد اذنك ا باشمهندس هانى وشكرا ليك

بص يا جميل ده هتلاقي وساخه في الفلتر بتاع التكييف او ورقه شجر في البلاور ماتقلقش لما تروح الصيانه قولهم و بسيطه خالص

[enghany]

فى حاجة غريبة فى النيو اكسنت اتوماتيك عند السير بالعربية اشعر بالنقلات عند الضغط على دواسة البنزين زى ماتكون العربية بتنتش ولكن لايحدث العكس عند خفض السرعة فهل هذ ا طبيعى علما بان السيارة عاملة 4500 ك

هاتها التوكيل علي طوووووووووووووووووووووووول

[basha_2005]

السلام عليكم

عندى استفسارين لحضرتك بالنسبة لسيارة i30 موديل 2010 وكيل:

1- صوت الكلاكس ضعيف من الأساس ، فهل يمكن تغييره أو تقويته؟ وهل لابد من اجراء ذلك فى التوكيل؟ أم يمكن عمله خارج التوكيل؟

2- أنا من حلوان ، فهل في صيانة الألف كيلو لابد من الذهاب لأبو رواش ، ولا ممكن مكان اقرب تابع للتوكيل؟

شكراً لأهتمامك

[enghany]

السلام عليكم

عندى استفسارين لحضرتك بالنسبة لسيارة i30 موديل 2010 وكيل:

1- صوت الكلاكس ضعيف من الأساس ، فهل يمكن تغييره أو تقويته؟ وهل لابد من اجراء ذلك فى التوكيل؟ أم يمكن عمله خارج التوكيل؟

2- أنا من حلوان ، فهل في صيانة الألف كيلو لابد من الذهاب لأبو رواش ، ولا ممكن مكان اقرب تابع للتوكيل؟

شكراً لأهتمامك

بص ده صوت كلاكس العربيه و التوكيل مش هيعدل عليه او علي اي جزء في السياره بمعني مش هيركب اضافات و لو ركبت بيكون علي مسئوليتك اما صيانه الالف ممكن تعملها في اي مركز معتمد بس خليه يختملك الضمان

[basha_2005]

بص ده صوت كلاكس العربيه و التوكيل مش هيعدل عليه او علي اي جزء في السياره بمعني مش هيركب اضافات و لو ركبت بيكون علي مسئوليتك اما صيانه الالف ممكن تعملها في اي مركز معتمد بس خليه يختملك الضمان

يعنى انا لو ركبته عند حد من بره حخرج من الضمان؟

وبعد اذنك ايه هو اقرب مركز خدمة معتمد قريب من حلوان؟

وشكراً لذوقك؟