واحد من جوه التوكيل

[enghany]

[overline]
الساده الفاضل
اذا كان احد من قراء المنتدي عنده استشاره او مشكله و يريد الستشاره
فاهلا به بدون ذكر اسماع والله المعين
[/overline]

[Mo.Kareem]

السلام عليكم اخى فى الله
انا عندى مشكلة غريبة شوية ، انا معى هيونداى اكسنت اوتو موديل 1998 ،1500 ccالعربية بسم الله ماشاء الله زى الفل ، وفيها مشكلة غريبة شوية وهى البنزين بتعمل فى العشرين لتر 150 كم ، لفيت بيها على كل دكاترة مصر d: وكله بيقول العربية زى الفل وحطتها على الاسكانر وبرضه مفيش فيها مشاكل ، حتتها على جهاز co فى البنزينة وطلع الحرق بتعها مثالى ، ومش عارف المشكلة فين وهل ياترى العربية كده مظبوطة ولا فيها حاجة واحنا مش عارفين نوصلها

[enghany]

طيب ممكن اعرف الموتور عامل كام كيلو ميتر

[M.Elhamy]

بعد اذنك كنت عايز اعرف ممكن أجيب فجات ودراع واركبهم في التوكيل "Elantra 2010" ولو ممكن التكلفة كمان ؟

[osos_lion]

ممكن تبوص علي موضوع عضه الفتيس بتاعت النيو اكسنت؟

[khaled_ali]

فرامل نيو اكسنت

لسة مستلم السيارة اليوم والمشكلة في الفرامل ان دواسة الفرامل لما ادوس عليها تروح للاخر والفرامل ضعيفة ممكن اعرف العيب فين

[NoRmAl]

لسة مستلم السيارة اليوم والمشكلة في الفرامل ان دواسة الفرامل لما ادوس عليها تروح للاخر والفرامل ضعيفة ممكن اعرف العيب فين

معلش يعنى
يا باشا لو لسه مستلم النهارده
روح رجع العربيه من مطرح مشتريته
ومتحولش تحل حاجه
ترجع العربيه فورااااااااااااااااااً

[mr_sameh]

اهلا بالاخ enghany ويارب تفيد كل محتاج لنصيحة

[Mo.Kareem]

طيب ممكن اعرف الموتور عامل كام كيلو ميتر

ربنا يخليك على الرد ، الموتور عامل كتير انا طبعا معرفش بس حوالى 180 الف ، وعلى فكرة انا لسه عامل شوية شغل فيه مغير صبابات ومغير اولهات ومغير شوية حاجة كده يعنى نص عمرة ، والموتور كويس الحمد الله والسحب زى الفل ، ومغير فلتر هوا ، وبنزين ولسه مغيرتش فلتر زيت الفنيس هغيره الاسبوع ده ان شاء الله ، واتمنى من الله يكون عندك حل
تحياتى

[enghany]

با لنسبه للاخ الكريم cd kareeem شوف يا سيدي هما 3 حاجات ممكن يعملوا معاك كده
1- تاكد من و ضع السياره علي جهاز scan للتاكد من الحساسات
2- (هام) تاكد من ان الرشاشت لا يوجد بها تسييل injector nozzle
3-وهو غالبا العيب المحتار فيه الجمييع و هو التاكد من وضع سير الكاتينه فان كان السير مرخي او مشدود او الكاتينه ماخرررره او مقدمه هتعمل الاعراض اللي حضرتك بتقول عليها و بالتوفيق

[enghany]

يا اخي الكريم فتيس النيو اكسنت حاراته بعيده هي طبيعته كده و لتقليل ذللك ارجو اتباع الاتي
1- اذا كنت تضع دواسه تحت بدال الدبرياج شلها تماما
2- فك و تشحيم و ظبط عصا الفتيس
3-اذا كان بدال البرياج تقيل اذا اتت في حاجه لتغيير طقم الدبرياج و الله الموفق

[enghany]

بالنسبه الي الاخ m.elhammmy
ماينفعشى تركب قطع غيار جايبها من بره في التوكيل علشان لو عملت مشاكل في العربيه مايكونش التوكيل مسؤل عنها و الله الموفق

[enghany]

ال الاخ khaled _ali
ما تقلقش خالص اي يوم الصبح بدري هات العربيه التوكيل و هنحل لك المشكله دي علي طول بس اوعي توديها لحد بره و بالتوفيق

[enghany]

الاخ mr_sammeh شكرا لذوق شخصكم الكريم

[mshmshm3]

من فضل حضرتك يا مهندس هاني انا معايا فيرنا 2008 1600 سي سي لما بمشي على الاول لحد 3 ار بي ام و اجي انقل على التاني الفتيس بيعض كأني مش دايس دبرياج وقلتلهم علي الموضوع ده فى ابو رواش كتييييييييييييييييييييييير ومش بيعملو حاجة وكل مرة يقولوا ربط خلوص دبرياج اعمل ايه دلوقتي على الرغم ان الموضوع ده مش بيحصل في اى نقلة تانية وشكرا جزيلا لحضرتك