إعـــــــلان

Collapse

.

,
See more
See less

حكايتي مع النيو اكسنت وغبور-ما حدث وماأتخذته من اجراءآت وما سوف اتخذه

Collapse
X
 
  • Filter
  • الوقت
  • Show
Clear All
new posts

  • لا ياباشا

    المشاركة الأصلية كتبت بواسطة ahmedbakr50 مشاهدة المشاركة
    جربت تبعت ميل لهيونداى كوريا
    زى ما صاحبنا بتاع البريليانس إف أر فى
    أساسا أساسا ان الشكل اللي احنا بنسميه عندنا نيو اكسنت هناك اسمه فيرنا و اللي عندنا أسمها فيفا "الهندي" دي هناك اسمها الأكسنت
    إحنا المساخيط؟؟؟؟http://www.hyundai.com/in/en/Showroo...211142730.html
    Last edited by xyrtrix; 18-04-2010, 09:08 PM. سبب آخر: اضافة رابط

    Comment


    • رأي ان مبداء خدمة او احترام العميل اساسا مش موجود في مصر او لسة لم تطبق بالصورة المطلوبة و دية مش مشكلة غبور بس دية مشكلة كل حاجة في مصر و راي ان دة علشان القوانين الي بتحمي المستهلك لسة جديدة علينا و لم تصبح بعد بالقوة و لا السهولة و لا السرعة المطلوبة ( الدليل ان الاخ صاحب الموضوع طالع عينة و لسة مأخذش حقة ) و دة الي خلي كلام التاجر او الموظف "اخبط رأسك في الحيط" او " اعلي ما في خيلك اركبة" لانة عارف انك هتكبر دماغك من المشاكل و لاو فعلا ركبت اعلي ما في خيلك مش هتوصل لحاجة و ان وصلت لحقك هو مش هيضر الضرر المخيف.
      تحيا لصاحب الموضوع و اتمني انة يأخذ كامل حقة علشان لاو كلنا عملنا زية اكيد هيكون في نتيجة جيدة في احترام المستهلك.

      Comment


      • [quote=enas75;3872570242]
        رنا انا متفهمه وجهه نظرك دي ...بس اللي انتي بتقولي عليه ده مش ايجابيات دي شغله الوكيل المفروضه اللي انتي دفعت عليها فلوس
        ...امتي يبان الوكيل عند حدوث مشكله في العربيه زي الحاله اللي هنا ...وحالات تانيه كتير سمعت عنها من بره المنتدي....وللاسف اثبت الوكيل فشل في التعامل مع هذه الحالات
        او تعامل باسلوب ملتوي ......
        بس الاهم من ده كله ...ان انتي ذكرت وجهه النظر في غير محلها...يعني الموضوع ماهواش ايه مميزات وعيوب الوكيل ...فقولتي وجهه نظرك بناء علي تجربتك البسيطه والجيده معاه
        الموضوع من الاول اشتكي صاحبه من الاول اسلوب وكذب وتحايل التوكيل عليه....سواء حاله فرديه او حتي 10 حالات ....مينفعش اجي اقوله لا الوكيل برده عنده ايجابيات ...ازاي ماهو مشافش منها حاجه
        بصي انتي عملتي زي واحد عنده فرح وفرحان اوي وعمال يوزع بونبون ...وهو مش واخد باله دخل علي عزاء ووزع البونبون علي الناس الحزينه
        ..... تتوقعي الناس حتعمل فيه ايه
        معلش مثال جامد شويه بس حبيت اوضحلك ليه الناس هاجمت...
        لانه مش مكانه ....والكل عارف ان نيتك سليمه ...
        [/
        quote]

        +1

        الرد ده هو نهاية سوء التفاهم, مفيش حد داخل يشتم من غير دليل زي مابرضه مفيش حد داخل يشكر من غير دليل.

        بعد اذنكم يا جماعة بلاش مواضيع جانبية مش هتفيد صاحب الموضوع.


        - سؤال يا دكتور, هل ليك موقف قضائي ولا لسة هتستنى لما حماية المستهلك يخلصوا اللي عندهم؟؟؟
        [CENTER]:argue1:[/CENTER]
        [SIZE=3][B][marq="3;right;3;scroll"] واتناقش مع الجاهل تزداد جهل!!![/marq][/B][/SIZE]

        Comment


        • محدش يقولى هيونداى
          الكلمه دى بتعصيبنى و بتنرفزنى اه و الله
          انا ليه معاه حكايات جميله
          الحكايه الاولى :- معايا انا شخصايا كنت راجع من اسكندريه الطريق الصحرواى انا و صحيبى و كان معايا عربيه فيرنا و مشيين على 90 كيلو متر و مره واحده لقينا العربيه عاملت اربع خمسات على الطريق لولا العنايه الالهيه نجينا منها الحمد لله نزلنا و الناس جابو لينا مياه نخد ريقينا و غسلنا و شنا من الغضه و العربيه بنبص لقينا المقص مقص ايه دى خوصه بتاع العجله قلى ورا اتكسر و احنا ماشيين غير ما عشينا على الطريق و اتكتبالنا عمر جديد و مهاما احكى مش هقول زى مشوفت ده الموقف الاول

          الحكايه التانيه :- مع واحد صحيبى ود زعلت عليه اتعزمت على فرحه و كانت ليلة زفافه راح يجيب
          عروسته من البلد وهو راجع علشان يتزف من قاعة الافراح كان راكب هيونداى متركس بردك عاملت
          معاه قلى نفس عاملتو معايا بس هى اتقلبت بيه فى الصحرا و هو اتبهدل و العروسه اتبهدلة و كان يوم
          و الفرح بتاعه اشتغل لمدة نص ساعه و خسر الفرح و كان مكلفه و الله فوق العشر الالف جنيه بس يعتبر باظ وديه صورته

          و انا و الله ما بفترى باكلام ده على هيونداى الكلام ده حقيقى و يشهد على ربنا
          ودى صورة صحبى و انا معاه فى الصوره و شوفو راسه
          من اثار الحادث

          [SIGPIC][/SIGPIC]

          Comment


          • يا جماعه لازم لازم نساند ابو مارو و نشكل جبهه قويه و صف واحد معاه ضد الاسلوب الملتوي بتاع التوكيل معاه
            لو احنا و عددنا مش قليل نشرنا الموضوع ده علي الايميلات و المنتديات و الفيس بوك و ده اضعف الايمان
            لينكات للموضوع خلي الناس تشوف الوجه القبيح لتوكيل اقبح
            ياتري هل حد ناوي يساهم في حاجه زي كده؟
            هما شكلهم بيمارسو اعتي انواع الضغظ علي ابو مارو علشان يسلم و يرضخ
            احنا بقي هنسانده و نقف معاه
            ايه الاراء؟

            Comment


            • المشاركة الأصلية كتبت بواسطة amir مشاهدة المشاركة
              يا جماعه لازم لازم نساند ابو مارو و نشكل جبهه قويه و صف واحد معاه ضد الاسلوب الملتوي بتاع التوكيل معاه
              لو احنا و عددنا مش قليل نشرنا الموضوع ده علي الايميلات و المنتديات و الفيس بوك و ده اضعف الايمان
              لينكات للموضوع خلي الناس تشوف الوجه القبيح لتوكيل اقبح
              ياتري هل حد ناوي يساهم في حاجه زي كده؟
              هما شكلهم بيمارسو اعتي انواع الضغظ علي ابو مارو علشان يسلم و يرضخ
              احنا بقي هنسانده و نقف معاه
              ايه الاراء؟
              و انا معاك ضد التوكيل
              وربنا ينصرنا
              لالالالالالالالالالالالالالالالالالا ظلم
              انتا مش لوحدك يا ابو مارو
              احنا معاك
              فـــعـ ـ يارب ـ انصرنا ـ على ـ الظالمين ــــــل
              مش كلام
              [SIGPIC][/SIGPIC]

              Comment


              • المشاركة الأصلية كتبت بواسطة slim_shika مشاهدة المشاركة
                بدأت أحس إن التوكيل بيعند وخلاص, مش شايف أي صعوبة في تغير العربية ولا حتى يرضوا الفلوس مع تعويض كمان, يعني هو غبور يا حرام فقير مثلا؟؟
                انا ليل نهار بسأل نفسي السؤال ده ف التوكيل عارفين اكتر مني الحق فين و عارفين حقي ايه ليه بقى الظلم و الافترى انا مش عارف
                يمكن عشان ميفتحوش على نفسهم باب جهنم زي ما ناس بتقول يمكن الله اعلم




                المشاركة الأصلية كتبت بواسطة mmffor مشاهدة المشاركة
                ثانيا وجهة نظر العميل:
                انا راجل كنت راكب مستعمل عربيه بقالها معايا 10 سنين و الحمدلله مريحاني بس قدمت خلاص شكلها بقى مش ولا بد و اعطالها كترت عن الاول و مبقيتش مناسبه للاسرة او لاي سبب و حبيت اغير العربيه و لكن لاني شخص واعي و مدرك عارف ان العربية الجديده على الاقل زي ما الدنيا كلها ما عارفه عمرها ما حتفتح بقها في اول سنتين و يبقى انا وفرت وقتي و فلوسي و عطلتي و بهدلتي! رحت فاضلت و قارنت و استلفت و حوشت و عملت جمعيات او اخدت قروض بفوائد و سألت و قررت اني اجيب العربيه دي و رحت دفعت و خلصت و خدت العربيه من المعرض و فرحان ان العربيه بشوكها و كيسها و متوقع 100% ان العربيه زي ما سعرها اغلى 100% من العربيه اللي كانت عندي اكيد اداءها حيبقى على الاقل 50% افضل اجي اروح بالعربيه الاقي غياراتها تقيله!! و الاقيها بتكركر ولا اجدع حشاش و السحب بتاعها ولا ال 128 اللي كانت عند والدي من 30 سنه! تاني يوم اتصل بالمعرض يقوللي اسفين العربيه ضمان وكيل فعليك و على التوكيل ! اتصل بالتوكيل يقولولي يا افندم دي حاجه طبيعيه العربيه جديده و بعد متليين شويه كله حيبقى تمام و ممكن تجيلنا عند صيانة الالف و حنقرط على العفشة و الفرشه و كله يبقى تمام! الاقي العربيه مش مريحاني خالص و الاداء 50% اقل من السياره القديمة اللي شغاله بقالها 10سنين و بتكنولوجيا بقالها 10 سنين!!!!! اروح بعد اسبوع او 10 ايام لاني كملت الالف اخيرا و مش قادر استنى ان اشوف ايه المشكله بالضبط! الاقي العربيه باشا اللي مكملتش اسبوع جابت اسطوانه!!!! ياللي العربيه القديمه بتعملها كل 60 الف كيلو على الاقل مع الهلك!

                الله ينور عليك انت كنت معايا و لا ايه

                Comment


                • المشاركة الأصلية كتبت بواسطة smax مشاهدة المشاركة
                  رأي ان مبداء خدمة او احترام العميل اساسا مش موجود في مصر او لسة لم تطبق بالصورة المطلوبة و دية مش مشكلة غبور بس دية مشكلة كل حاجة في مصر و راي ان دة علشان القوانين الي بتحمي المستهلك لسة جديدة علينا و لم تصبح بعد بالقوة و لا السهولة و لا السرعة المطلوبة ( الدليل ان الاخ صاحب الموضوع طالع عينة و لسة مأخذش حقة ) و دة الي خلي كلام التاجر او الموظف "اخبط رأسك في الحيط" او " اعلي ما في خيلك اركبة" لانة عارف انك هتكبر دماغك من المشاكل و لاو فعلا ركبت اعلي ما في خيلك مش هتوصل لحاجة و ان وصلت لحقك هو مش هيضر الضرر المخيف.
                  تحيا لصاحب الموضوع و اتمني انة يأخذ كامل حقة علشان لاو كلنا عملنا زية اكيد هيكون في نتيجة جيدة في احترام المستهلك.
                  +111111111
                  بس انا عايز اقول حاجه انا لما عرفت ان العربيه بايظه وفيها دبرياج و انا واقف مع المهندس وجدي ف الاستقبال رديت وقلتله يبقى تاخدوها انا شاري زيرو دي مش عربيتي يعني كنت عايز عربيه زيرو وبس
                  نفس الكلام قلته للمهندس ياسر رغم انكاره عليا الحق ده
                  وكررته برده للمهندس عاطف و رغم عرضه ليا بعمل خصومات او صيانات رديت ببساطه وقلتله طالما مش حقي مش عايزه و لما قالي مفيش قانون حماية المستهلك على العربيات و اتأكد بنفسك من قراية الضمان قولتله برده مش هاخد حاجه مش من حقي

                  او لما روحت اسأل على حقي فجهاز حماية المستهلك مكنتش عايز اعمل ثورة و لا عايز الناس تقول ده برافو عليه متمسك بحقه لا ابدا - لاني شايف انه شييء عادي جدا
                  حاجه بديهيه اشتريت عربيه زيرو عايزها تطلع زيرو غير كده انا مفهمش

                  ويمكن ده السبب اللي مخليني مستحيل اسوق العربيه دي لانها مش العربيه اللي روحت اشتريها باكياسها
                  ويمكن كمان فيه سبب تاني مركبتش عشانه العربيه اني بصراحه بتعذب يوميا ف الموصلات و كمان عندي اسره من 4 افراد بنتبهدل عشان نروح مشوار فتقريبا بدرب نفسي بعذابي اليومي على كره الناس اللي قابله عليا كده عشان اخرة اللي بيحصلي ده اني اكون عندي من الدوافع و المقدره اني اخد حقي بايدي و و الله ما بهزر

                  Comment


                  • لو حد قراء الكلام ده من التوكيل تقريبا هيستغربو... إيه ده فيه حد عايز حقه؟؟ ويعني إيه حق؟؟

                    اللي أنا خايف منه دلوقتي "جهاز حماية المستهلك", لو مجابش حقك ساعتها مش عارف هقول إيه... يا خوفي لا يطلع "جهاز حماية المستورد"
                    [CENTER]:argue1:[/CENTER]
                    [SIZE=3][B][marq="3;right;3;scroll"] واتناقش مع الجاهل تزداد جهل!!![/marq][/B][/SIZE]

                    Comment


                    • المشاركة الأصلية كتبت بواسطة mmffor مشاهدة المشاركة
                      بقولك ايه يا ابو مارو. احنا شعب منستهلش الحسنه ولا المعامله الحلوه ولا نستاهل احترام انسانياتنا و ادميتنا و لا احترام حقوقنا!!!
                      يا جماعه يا اللي بتطبلوا و بتنشدوا معزوفه فرديه الراجل مقالش العربيه الهيونداي وحشه و كون ان التوكيل ابتسم في وش واحد واللا واحد عربيته الحمدلله مطلعش فيها عيوب صناعه ده معناه يطلع يغني معزوفة انا بعشقك!! انت و هوا و هوا حط نفسك مكان الشخص اللي حصله الموقف السئ مش موقفك. انا معايا عربيه الحمدلله حلوه و جميله و مفيش فيها اعطال و التوكيل شايف شغله, كلام جميل و حلو ! واحد غيره بعد ما جاب نفس العربيه بالضبط طلعت بايظه بعد 3 او 4 ايام !!! راحوا مريضيوش يبدلوهالوا بالمخالفه للقانون! و راحوا هددوه! و بعدين قالولوا اعلى ما في خيلك اركبوا!! و في الاخر راحوا المستهلك ادوهم رشوه واللا هددوهم!!!!!!! و بعدين كدبوا و قالوا ان صاحب العربيه دخليعمل صيانة الالف العاديه و هوا ده بس اللي اتعمل!!!!!!!!! يعني عصابة علي بابا كانوا حراميه بس مكانوش بيكدبوا! دول غلبوا عصابة علي بابا نفسها!
                      و نيجي نقول يا عم و انا مالي ما انا عربيتي زي الفل!!! واللا تطعن في نزاهة ابو مارو انه بيلفق كلام و اللا بيبالغ؟ انا مش شاري عربيه مستعمله! انا شاري عربيه زيرو و عايزها زيرو لمدة سنه واللا اتنين على الاقل!!!! يعنب ميتفكش فيها خلال السنة الاولى الا فلتر الزيت و بس!
                      تيجي تطلع عين اهلي في اول اسبوع؟!؟!؟!؟! بلاش منها احسن!
                      و يا رب يا رب كل اللي قعد يمدح في العربيه دي و يشكر في التوكيل يشتري عربيه هيونداي بعد اللي معاه و يجراله فيها نفس اللي جرى مع ابومارو و ساعتها لما يكتب عن اللي حصلوا هنا انا حفتكروا و اقوللوا مش انت اللي كنت بتشكر في غبور! اشرب و ادعيلي زي ما دعيتلك!
                      يا جماعه الوقفه اللي ابو مارو بيعملها و كلنا بنطالب بيها ببساطه لدفع التوكيل الى معاملة عملائه (اللي عندهم عربيات بايظه مش سليمه ) معامله ادميه و احترام القانون ببساطه كده!
                      اللي موسلطلوش الفكره , مع احترامي ليك مش عايزين رأيك ممكن تفتح موضوع مخصوص عن مدى حلاوة التوكيل و ازاي طبطبوا عليك و ازاي ادولك رز بلبن و انت في الاستراحة بتشرب السيجار بتاعك مستني الصيانه اللي خلصت في فيمتو ثانيه و في الاخر ادولك هدية العميل المثالي و انتا ماشي.

                      انما اللي وصلتلوا الفكره ارجو المشاركه لدعم ابومارو على الاقل معنويا طالما احنا مش عارفين ندعمه ماديا.
                      معاك يا ابو مارو و طمنا و انشاء الله لا يضيع حق وراءه مطالب
                      بجد مش عارف اقول ايه انت رائع في ردك
                      فعلا خلاصه الكلام اللي ممكن يتقال
                      لقد أسمعت لو ناديت حيا ولكن لا حياة لمن تنادي
                      ولو نار نفخت بها أضاءت ولكن أنت تنفخ في رماد!!
                      م.معماري/ تامر احمد

                      Comment


                      • ياترى وصلت لأيه يأبو مارو متابعين معاك
                        It’s not about having the perfect relationship.. But its finding someone who matches you and would go through everything without giving up.

                        Comment


                        • معلش يا ابو مارو انا كنت مسافر اسبوع ولسه راجع وقبل ما اغير لبسي دخلت عشان اشوف انت وصلت لايه طمنا

                          معلش اعزرني مش قادر اشوف ادامي ومش هقدر ادور في الصفحات اللي فاتت


                          قلوبنا كلها معاك والله قبل ما اغير هدومي قلت ادخل اشوفك وصلت لايه طمنا الله يكرمك

                          Comment


                          • حصل اية يا ابو مارو

                            Comment


                            • ربنا معاك و ينصرك عليهم ان شاء الله
                              [CENTER][URL="http://microbusmasr.blogspot.com/"][SIZE="6"]ميكروباص مصر[/SIZE]
                              قصص كوميديه يومية[/URL][/CENTER]

                              Comment


                              • المشاركة الأصلية كتبت بواسطة slim_shika مشاهدة المشاركة
                                [quote=enas75;3872570242]

                                +1





                                - سؤال يا دكتور, هل ليك موقف قضائي ولا لسة هتستنى لما حماية المستهلك يخلصوا اللي عندهم؟؟؟
                                في كام حاجه عملتها الاسبوع اللي قبل الجلسه و ده سبب تعجيل الجلسه بالنسبه ليا و بقول تعجيل لما نعرف ان الست اللي بعدي كان بقالها شهرين ونص محدش كلمها

                                وكمان فيه اجراات تانيه هعملها اخر الاسبوع ده و اول الاسبوع اللي جاي

                                انا مش هقدر اقول انا هو ايه اللي انا بعمله عشان ده تقريبا ممنوع و ممكن يضرني بس لو حد حصل معاه اي موقف مشابه انا هساعده و اعرف الطرق ايه زي ما فيه ناس ساعدتني و هي اللي عرفتني ايه اللي هواجهه و ايه اللي حيحصلي و برده الناس دي كلمتني عن طريق المنتدى

                                المشاركة الأصلية كتبت بواسطة msds_eg مشاهدة المشاركة
                                معلش يا ابو مارو انا كنت مسافر اسبوع ولسه راجع وقبل ما اغير لبسي دخلت عشان اشوف انت وصلت لايه طمنا

                                معلش اعزرني مش قادر اشوف ادامي ومش هقدر ادور في الصفحات اللي فاتت


                                قلوبنا كلها معاك والله قبل ما اغير هدومي قلت ادخل اشوفك وصلت لايه طمنا الله يكرمك
                                حمدلله على سلامتك و لا يهمك دي نسخه من مشاركة ايه اللي حصل يوم الخميس اللي فات

                                تلقيت مكالمه من الجهاز من يومين ان فيه جلسه اليوم الخميس الساعه واحده ظهرا

                                تاني يوم اتني من اللي ليهم مشاكل مسبقه مع غبور اتصلوا بيا وقالولي ان ليهم نفس الميعاد فعرفت انها جلسه لعدة اشخاص مش انا بس


                                بعض التفاصيل:

                                اصحاب المشاكل :

                                اول تلاته كان فيه حد كاتب على مشاكلهم فيما قبل هنا ف المنتدى مش اول مره ليهم

                                1- الاستاذ / ....
                                سياره فيرنا بيظهر فيها صدى من كذا مكان بقاله معاهم سنتين
                                يأس من الجهاز ومن غبور ولجاء الى القانون قدم بلاغ و وجه انذار الى غبور- و بصراحه بستفهم ف الجلسه بس انا مش هقول كلام على لسان حد تاني

                                2- الاستاذ / ........
                                سياره النترا ولعت و هي ماشيه كانوا عرضوا عليه عرض فيما قبل رفعوا وعدلوا من قيمة العرض بس بدون رضا من العميل و هو طلب منهم انه يفكر

                                3- مدام / ........
                                سياره اتوس كانت ليها مشكله من قبل كده و كذا مره تخش الصيانه بسبب عيب ف الضفيره بيفضي البطاريه و يوقف العربيه
                                الجلسه اللي فاتت طلبوا من غبور يشوف حل نهائي - الجلسه دي حكموا برد السياره - مبروك ليهم

                                ======
                                فاضل اتنين مشكلتهم جديده اول مره يروحوا جلسه

                                انا و مدام ....
                                اولا انا :
                                باختصار سألوني عن طلباتي فقولت عايز ارد العربيه سألوا ع الكيلو متر فعرفتهم
                                رد استاذ عاطف ان السبب عيب استخدام لكن خبير السيارات اقر بأنه عيب صناعه مستحيل يكون استخدام - لكن قال ان بتصليح العيب ده ممكن ميرجعش يبوظ تاني
                                المهم الجلسه كان فيها مستشار من المحكمه و فيها الممثل القانوني للجهاز
                                كان رد المستشار ان القانون فصفي
                                لكن الممثل القانوني للجهاز قالي هو كل واحد الكلاكس بتاع عربيته ميشتغلش ف ال14 يوم يرجع العربيه
                                وفتحلي تحقيق طب ليه و عملت ايه و لا انت كده موافق و انت كده مالكش حق بصراحه كنت متفاجاء من موقفه و ف الاخر اجل الجلسه لحين ما غبور يقدم ورق يخص الصيانه او اني وافقت و الله ما عارف هو اجل الجلسه ليه
                                الخلاصه اني هتبعت مده تانيه كويسه وده انذار ليكم كلكم للي يحاول يعمل زي

                                الاخيره ف الدخول مدام /.......
                                ست كبيره ف السن معاها بنات و متبهدله بقالها كذا شهر على عربيه اكسنت و اشتكت قبل ال 14 يوم برده
                                بصراحه هي كانت جايه النهارده على اخرها انا مش هتكلم عنها خالص لان بصراحه موقفها يصعب على اي حد و هي دخلتلهم مخليتش
                                وربنا يكون فعونها - وبرده مختدش عقاد نافع

                                المشاركة الأصلية كتبت بواسطة lolita مشاهدة المشاركة
                                حصل اية يا ابو مارو
                                المشاركة الأصلية كتبت بواسطة malakhassan مشاهدة المشاركة
                                ربنا معاك و ينصرك عليهم ان شاء الله
                                مفيش اخبار جديده لما يحصل هقول وربنا يامح اللي كان السبب و الحمد لله على كل شيء

                                Comment

                                Working...
                                X