المشاركة الأصلية كتبت بواسطة omarelsalhy
مشاهدة المشاركة
المهم كانت قاعده وديه استقبل فيها الراجل كلامنا بكل رحابه
وقالنا خلالها معلومتين بالنسبه ليا انا شايفهم اهم ما في القعده دي :
المعلومه الاولى :
انه كان بيوجهه كلامه لواحده معانا كانت نشرت اليومين اللي فاتو مشكلتها ف الدستور و الاحرار وبيقولها انتوا لما بتعملوا نشر ف اي حته هما بيعاندوا اكتر فردت هي عليه و قالتله و هما كانوا قبل النشر عملولي ايه ما هي هي - طبعا برافو عليها رد مقنع ما هما كده كده مش هيعملوا حاجه صحيح
بس انا طبعا مسكتش وسالته و حضرتك عرفت منين انهم بيعاندوا اكتر فرد و قال جه واحد من عندهم اسمه مش عارف عاطف باين كلنا ردينا وقولناله عاطف عبد السميع قال اه هو ده و كمل كلامه - انا مرديتش اقابله (ده على كلامه)بس هو اتكلم مع الناس بره (قصده الموظفين اللي بره) و قالهم انه مش هيعمل حاجه ف الشاكل دي عشان الشوشرة اللي بتتعمل
سالته سؤال تاني و انتوا بتعملوا ايه لما غبور بيعند ؟؟
و رده عليا هو وقال المعلومه التانيه المهمه :
قالي انا مبتحايلش على حد احنا بنحاول نوصل لحل يرضي الطرفين
قولتله و القانون بيطبق امتى
قالي لو الطرفين ما اتفقوش بنحول الموضوع للنيابه و بعد كده ....... وشرح لفة الموضوع هتكون ازاي حاجه كده تاخدلها بتاع سنتين تلاته
و الحدق يفهم !!
بالمناسبه اللي كانت معانا دي موضوعها بقاله سنتين و هياخد سنتين كمان
سيبك انت احلى ما في المشوار بتاع امبارح ريحة الياسمين اللي ماليا المكاتب اصل الشاي ميتشربش ساده ............... يا ساده

وبجد لو الناس كلها اتعاملت مع مواقفها فى الحياة والبحث عن حقوقها بالاسلوب ده اعتقد ان شكل البلد كان اتغير كتير وبجد الحمد لله ان لسه فى مصر رجالة زى حضرتك وانا متاكد دلوقتى ان ومشكلتك دى الى ربنا يعينك عليها هتخلى الناس الكميلة دول يفوقوا ويستيقظوا من حلم سطوة المال وعلى فكرة انا اول موضع اقراها فى قسم هيونداى كان موضعك وكنت داخل اشوف الالنترا الجديدة واحاول اقنع والدى بشرائها على الرغم ان معايا اللوجان بس قلت الواحد ياخد معلومات بس لما قريت موضوعك الى سهرت عليه لما قريتو كله مره واحدة قررت ان انا حتى لا اعرف سعر او امكانيات الالنترا وانا كنت دائما متخوف من الهيونداى بس كده خلاص قفلت وحتى كان ليا كذا صاحب عايزين ادورلهم على عربيات مستعملة هيونداى بس خلاص كده كلمتهم وخليتهم يدورو فى مركات تانية وكمان كان فى كذا واحد عايز يشترى نيو اكسنت برضو نفس الموضوع خليتهم ينسو الفكرة ومش عايز معنوياتك تقل واوعى تدى اذنك للناس الى بيهبطو عزيمتك انت على حق وربنا هيكرمك وعلى فكرة احب اطمنك ان مهما حصل فى الايام القادمة فى موضوعك انت كده خلاص اخدت حقك ومتعرفش موضوعك ده اثر قد ايه على فكرة الشراء من هيونداى لناس كتيرة يعنى انت اكيد كلفتهم اكتر من تمن عربيتك بمليون مرة و كفاية بس اسلوب العاملين فى غبور وده بيعطى انطباع ازاى الامور شغالة هناك ازاى
وكل ده فى مشكله صيانه وخارج فترة الضمان كمان !! تقول بقى ايه للناس الكميلة الى حظك الوحش وقعك معاهم
Comment