بشكركم جميعا و بعتزر اني مبدخلش على الموضوع لأني كنت مستني شوية اجراآت تكمل و اقول عليها مرة واحده
كمان لأن موضوع العربيه ده عطلني كتير قبل كده و مش عايزه يعطلني كتير
بس قبل ما اقول اللي حصل واللي هعمله بعد كده عايز اقول حاجه عشان محدش يقول عليا غاوي مشاكل و انا اللي بجيب المشاكل لنفسي او انا اللي بحب المحاكم لله ف لله
اولا العربيه حتى بعد تغيير طقم الدبرياج بايظه وهتبوظ تاني و ده شيء اتأكدنا منه خلاص وجيبنا بيه ورقه رسميه – غير ان فيه عيبين اخرين مقدرش اقول هما ايه بس هما عيب واضح لكن بسيط و مش مهم قوي و عيب اخر قاتل
عشان كده مقدرش اعمل حاجه غير اني امشي فالاجرآت القانونيه اللي بدأتها
طبعا زي ما احنا عارفين انا قدمت شكوى للجهاز و حضرنا فيه جلسه و خلالها كان المهندس او الفني المسؤل قال ان العيب عيب صناعه لكن زي ما احنا عارفين برده خدت تأجيل
طبعا بعدها ب 15 يوم عملنا ليهم انزار للتأخير عشان القنون بينص ان لازم سرعة الرد و تحديد الجلسه التاليه فخلال ال 15 يوم
المهم بعد الانزار ما وصلهم عرفت ان الشكوى تم حفظها
اتصلت بيهم ف التليفون ردت عليا مقررة اللجنه و قالتلي تم حفظها لعدم تعاون الشاكي قولتلها اتعاون في ايه حضرتك قالتلي تم طلب السياره للكشف عليها و انت رفضت
قولتلها محصلش ده اذا كان مندوب التوكيل اقر بأنها اتغيرلها طقم الدبرياج يبقى منين حد طلب العربيه ده انتوا قدامي سألتوا مندوب اللجنه عايز العربيه فحاجه قال لأ
المهم قالتلي لا يافندم ما انت شكوتك اصلا ان السياره بايظه بالرغم من تغير طقم الدبرياج و قالتلي هقرالك جزء من محضر الجلسه وقرت كلام اول مرة اسمعه قولتلها الكلام ده حصل فين قالتلي ف الجلسه دي احداث الجلسه قولتلها انتي متأكده ان دي شكوتي انا قالتلي اه طبعا
قولتلها متشكر ع التوضيح انا اكيد كنت ناسي اللي حصلي ده انتوا فل و عسل و قفلت
خلاصته من الاول زي ما انتوا شوفتوا كده فمشاركه المهندس هاني رقمم 88 من نفس الموضوع اللي قال سلملي على حماية المستهلك و ناس كتير يمكن محدش اصلا شكر ف الجهاز ده ما عدا انا لدرجه ان فيه واحد معايا بقاله اكتر من سنه مع الجهاز بيزلني دلوقتي و يقولي مش قولتلك – صدقت – شوفت بنفسك
طبعا اللي حصل ده يعتبر انجاز لان فيه ناس بقالها سنه و سنتين و لسه هتروح المحكمه تقعد سنتين او اكتر
نهايته حسب الخطوات القانونيه دلوقتي المفروض ان احنا بنبعت انزار قانوني الاول بعدها نرفع القضيه و على بال ما تاخد جلسه و كده فيها مش اقل من شهرين

![H Angry[1]](https://www.nilemotors.net/Nile/core/images/smilies/H_angry[1].gif)
Comment