السرعة القصوى للنيواكسنت

[amrsabet]

الى الاخوة الاعضاء السلام عليكم ورحمة الله وبركاته انا كان ليا استفسار لكل مالكى هيونداى نيو اكسنت انا ليا صديق مصور عربيته وهو جايب 200 كم فى طريق مصر الاسكندرية الصحراوى وكان معاه 4 فى العربية وبقوللى ان عربيته تجيب ال 220 كم وهوا راجع من الاسكندرية ومراهنى على 1000 جم
ممكن اعرف ده ممكن يحصل ولا لا لانى مش مصدق بصراحة لان 200 فى عرببة 1600 مانيوال ممكن اصدقها لكن 220 اعتقد انه صعب شويه
ياريت الساده مالكى العربية يفيدونى بالرد .

[mhf_77]

هجاص طبعاً
النيو اكسنت اخرها 177 ده كلام الكوريين الللى صنعوها و عارفين كل مسمار فيها ويمكن يكون هو حرق بعد كده بس على الفاضى
ثم ان النيو اكسنت بعد 160-170 ورقة شجر فى مهب ريح
قوله واحد معاه النيو اكسنت من 3 سنين اول دفعة نزلت مصر
وبيقولك شد الغطا وانت نايم عشان اليومين دول برد

[ramyar]

والله في عضوه معاكم هنا في هونداي كانت جايبه بعربيتها 200 وللعلم عربيتها نيو اكسنت

[m7mda7md]

الله اعلم
بس اللي خلي الفيرنا بتجيب ال 200 النيو اكسنت مش هتجيب؟
بس عموما اعتقد صعب 220
اتكل علي الله و راهن

[memmed_esmat]

اعتقد انه جاب السرعه دي لاني قبل كده جبتها بدايو لانوس في طريق اسكندريه بس الطريق كان نازل لتحت بس وانا راجع اخري كان 150 في نفس المكان

[د.محمود صلاح]

ممكن تصل ل 200 مع اتجاه الريح وبحمل خفيف وبنزين 95 مثلاً

[amrsabet]

انا لقيته مصور ال 200 بالموبايل فعلا لكن 220 انا حاسس انا صعب جدا ولا ايه رايكم ؟

[ahmed5670]

انا امبارح جبت 200 فى طريق السويس وrpm كان خمسة و شوية تقريبا..
و يا mhf العربية ما شاء الله بتجيب.. كنت مصور فيديور مرة من 0 - 180!!

[ahmed5670]

فيديور=فيديو D:

[mor000]

عادى جدا جدا انه يجيب ال 200 انا باجيب 200 ولو الطريق يساعدنى اقفل 220 صدقنى مش هجص زى ما واحد بيقول النيو اكسنت اللى معايا اوتوماتيك صدقنى عادى جدا

[AMIRELGOHARY]

هاقول حاجة وياريت حد عنده خبرة ميكانيكية يأكد كلامى او ينفيه.
انا اخرى 140 لو جريت بس بلاحظ ات ال RPM عامل اقل من 3000 والسرعة 120. يبقى بحسبة بسيطة معدل السرعة الى الRPM هو 25 ، و ال 200 تبقى محتاجة RPM على 5000 و ال 220 محتاجة 5500.
الحسبة مجرد استنتاج فياريت الرد يكون موضوعى

[medo2o1o]

يا جماعة بتحسوا بايه و انتم ماشيين على 200
نفسى اجرب الاحساس ده بس فى عهد اخدته على نفسى مانعنى فا حاولوا توصفولى الاحساس plz

[MNBahr]

في إيه يا جماعة أكيد تقدر تجيب 220 و ممكن بعد مايقفل العداد يبدأ يعد من الأول بس يتغطى كويس و مفيش حاجة مستحيلة

[BassamHafez]

انا امبارح جبت 200 فى طريق السويس وrpm كان خمسة و شوية تقريبا..
و يا mhf العربية ما شاء الله بتجيب.. كنت مصور فيديور مرة من 0 - 180!!

عربيتك مانيوال ولا اوتو

اصل في المانيوال لو جابت ال 200 اصلا بتبقى على اربي ام 6.5

[BassamHafez]

هاقول حاجة وياريت حد عنده خبرة ميكانيكية يأكد كلامى او ينفيه.
انا اخرى 140 لو جريت بس بلاحظ ات ال rpm عامل اقل من 3000 والسرعة 120. يبقى بحسبة بسيطة معدل السرعة الى الrpm هو 25 ، و ال 200 تبقى محتاجة rpm على 5000 و ال 220 محتاجة 5500.
الحسبة مجرد استنتاج فياريت الرد يكون موضوعى

يا جماعه الكلام ده ممكن في حاله الوتوماتسك بس في المانيوال الوضع مختلف لان على سرعه 120 على الخامس الر بي ام بيبقى على 3.5 وعلى سرعه 140 الر بي ام بيبقى على 4