السرعة القصوى للنيواكسنت

[saber2010]

يا جماعه الكلام ده ممكن في حاله الوتوماتسك بس في المانيوال الوضع مختلف لان على سرعه 120 على الخامس الر بي ام بيبقى على 3.5 وعلى سرعه 140 الر بي ام بيبقى على 4

أؤيد هذا الكلام بشدة

انا معايا نيو اكسنت اقصى حاجة جبتها كانت 150 و RPM كان 4.5

اعتقد ان 200 ممكن تيجى على RPM 6 او 6.5 ودى فى راييى ساعة ما بتكون نويت تبيع العربية او مأمن عليها وعايز تخلص منها Total loss

عموما ربنا يكفينا جميعا شر السرعة لان على السرعات دى العربية بتكون out of control

[mohabelnegm]

أنا كتجربة للعربية مرة واحدة على طريق شرم -الطور جبت بيها 185 و دى كانت أعلى سرعة للعربية .

[ahmed5670]

200 كان ال rpm 5 و شوية.. ممكن 5.5 أو 5.7 مثلا.. ملحقتش أركز فيه أوى، التركيز بيبقى على الاودوميتر و الطريق!

[ahmed5670]

كان عندى استفسار برضه.. الناس بتقول العربية متجيبش على أى أساس؟ حد جرب و مجبتش معاه ولاً الناس بتخمن كده هوبا اسكالوبا؟!! أصل أنا شايف الناس مبهدلة الراجل تريقة على الفاضى!
بالمناسبة أنا بصيت على فيديو عندى ال 180 الrpm.كان5.1 .. و الفيديو موجود للى عايز يتأكد!! عشان بس صابر كان بيقول ال rpm عند ال 200 يبقى 6.5!!

[ahmed5670]

العربية مانيوال يا بسام.. معلش لسه شايف سؤالك دلوقتى.. و بالنسبة لحوار ال 6.5 أنا رديت عليه ^

[R A N A]

والله في عضوه معاكم هنا في هونداي كانت جايبه بعربيتها 200 وللعلم عربيتها نيو اكسنت

بالضبط والعضوة دي هي انا (للأسف مجاش في بالي موضوع تصوير العداد بصراحة لإني كنت بشد مع عربية تانية) وجبتها على طريق العين السخنة في مقابلة بروتون يعني في شهود عيان اللي كانوا بيشدوا معايا
وجبت بيها 200 وكان ممكن ازود عن كدة كمان بس الصراحة خفت لأني كنت اول مرة اسوق في الطريق ده ورغم اني بسوق بإيد واحدة لكن مع السرعة دي كان لازم اكلبش في الدريكسيون بايدي الإتنين عشان العربية كانت خفيفة على السرعة دي وده شئ طبيعي فيها
بس الـ RPM مش متذكرة كان على كام وقتها بس يمكن كان على 5 او ازيد شوية

[BassamHafez]

كان عندى استفسار برضه.. الناس بتقول العربية متجيبش على أى أساس؟ حد جرب و مجبتش معاه ولاً الناس بتخمن كده هوبا اسكالوبا؟!! أصل أنا شايف الناس مبهدلة الراجل تريقة على الفاضى!
بالمناسبة أنا بصيت على فيديو عندى ال 180 الrpm.كان5.1 .. و الفيديو موجود للى عايز يتأكد!! عشان بس صابر كان بيقول ال rpm عند ال 200 يبقى 6.5!!

يا باشا لا طبعا مش هوبا سكلوبا هاهاهاها

انا معايا العربيه موديل 2009 مانيوال وباكدلك انه لا يمكن يكون الار بي ام على سرعه 200 لو العربيه جابتها اصلا على 5 او 5.5 لان انا جربت الموضوع كذا مرة ومستعد اقابلك واوريهولك في عربيتي الار بي ام على سرعه 140 بيبقى على 4 وعلى 180 بيبقى مش اقل من 5.5 او 5.25 يبقى ازاي على 200 ما يوصلش ل 6 و 6.5 كمان

وعلى فكرة العربيه بعد 150 او 160 تجميعها بيبقى بطييييييييئ وبتاخد وقت لحد ما توصل ل 180 او 190 ما بالك بقى بال 200 وده عن تجربه عمليه

[BassamHafez]

بالضبط والعضوة دي هي انا (للأسف مجاش في بالي موضوع تصوير العداد بصراحة لإني كنت بشد مع عربية تانية) وجبتها على طريق العين السخنة في مقابلة بروتون يعني في شهود عيان اللي كانوا بيشدوا معايا
وجبت بيها 200 وكان ممكن ازود عن كدة كمان بس الصراحة خفت لأني كنت اول مرة اسوق في الطريق ده ورغم اني بسوق بإيد واحدة لكن مع السرعة دي كان لازم اكلبش في الدريكسيون بايدي الإتنين عشان العربية كانت خفيفة على السرعة دي وده شئ طبيعي فيها
بس الـ rpm مش متذكرة كان على كام وقتها بس يمكن كان على 5 او ازيد شوية

اولا وقبل كل شئ احب احيي حضرتك على جرئتك في السواقه لان صعب يكون في بنت عندها قلب تجري على اسرعه دي

ثانيا نخش في الموضوع :)

هي العربيه مانيوال ولا اتوماتيك ويا ترى بقى مين علم على مين النيو اكسنت علمت على البروتون ولا العكس وكانت بروتون ايه (جين تو ولا بيرسونا ولا واجا ولا ساجا)

[R A N A]

اولا وقبل كل شئ احب احيي حضرتك على جرئتك في السواقه لان صعب يكون في بنت عندها قلب تجري على اسرعه دي

ثانيا نخش في الموضوع :)

هي العربيه مانيوال ولا اتوماتيك ويا ترى بقى مين علم على مين النيو اكسنت علمت على البروتون ولا العكس وكانت بروتون ايه (جين تو ولا بيرسونا ولا واجا ولا ساجا)

ميرسي يااستاذ بسام
العربية بتاعتي مانيوال موديل 2010 واللي كان بيشد قصادي بروتون ويرا

بالنسبة لمين علم على مين خليهم هما يقولوا
عشان احنا علمنا على بعض كتير يعني مرات انا سبقته ومرات هو سبقني بس مين علم اكتر عدد مرات مش عارفة بصراحة
بس فضلنا نشد لحد ماوصلنا لسرعة 200 سوا على الطريق وبصراحة انا كنت اكتفيت اوي بالـ 200 دي وقلت كفاية كدة لإني اصلا كنت تعبت من السواقة ومكنتش نايمة كويس كمان فمرضيناش نزودها اكتر من كدة او نكمل شد تاني واتفقنا انه خلاص كفاية شد ونمشي عادي بقي .
بس انا فاكرة اول جملة قالهالي لما نزل من عربيته بعد ماخلصنا شد قاللي
" بصراحة انتي مفتريـــــــــــــــة "
قلتله انا كنت بجري في حالي انت اللي جيت تشد قصادي
ها بقي؟ بنعرف نسوق ولا سواقة البنات وحشة زي مابتسمع؟
راح قاللي لأ دانا ابصم بالعشرة وبعد كدة هاخلي بالي منهم

بس واحنا مروحين شديت مع عربيات تانية جين تو وبيرسونا وواجا بس كنا على سرعة 160 - 170
بس الصراحة 200 دي اعلي Score جبته في حياتي كلها ومعتقدش اني ممكن اجربه تاني وناس كتير نصحوني بكدة عشان فعلا العربية بتكون خفيفة جدا والعمر مش بعزقة يعني.

[BassamHafez]

ميرسي يااستاذ بسام
العربية بتاعتي مانيوال موديل 2010 واللي كان بيشد قصادي بروتون ويرا

بالنسبة لمين علم على مين خليهم هما يقولوا :f_eyeb1[1]:
عشان احنا علمنا على بعض كتير يعني مرات انا سبقته ومرات هو سبقني بس مين علم اكتر عدد مرات مش عارفة بصراحة
بس فضلنا نشد لحد ماوصلنا لسرعة 200 سوا على الطريق وبصراحة انا كنت اكتفيت اوي بالـ 200 دي وقلت كفاية كدة لإني اصلا كنت تعبت من السواقة ومكنتش نايمة كويس كمان فمرضيناش نزودها اكتر من كدة او نكمل شد تاني واتفقنا انه خلاص كفاية شد ونمشي عادي بقي .
بس انا فاكرة اول جملة قالهالي لما نزل من عربيته بعد ماخلصنا شد قاللي
" بصراحة انتي مفتريـــــــــــــــة "
قلتله انا كنت بجري في حالي انت اللي جيت تشد قصادي
ها بقي؟ بنعرف نسوق ولا سواقة البنات وحشة زي مابتسمع؟
راح قاللي لأ دانا ابصم بالعشرة وبعد كدة هاخلي بالي منهم

بس واحنا مروحين شديت مع عربيات تانية جين تو وبيرسونا وواجا بس كنا على سرعة 160 - 170
بس الصراحة 200 دي اعلي score جبته في حياتي كلها ومعتقدش اني ممكن اجربه تاني وناس كتير نصحوني بكدة عشان فعلا العربية بتكون خفيفة جدا والعمر مش بعزقة يعني.

والله انتي شوقتيني اجرب عربيتي مع عربيتك في الشد

مع العلم ان انا عملت حادثة قبل كده بلانوس بسبب بنت برضو كانت بتشد معايا باكسيل بس كنت مظبطها غرز والحادثة حصلت بسبب غرزة غير مدروسه (اتهورت شويه لانها كانت بصراحه مش مدايني فرصه خالص كانت لازقه ورايا غرزة بغرزة)ومن ساعتها قررت ما شدش مع بنت تاني

بس واضح انك هتخليني اطلع بدله الرالي بتاعتي تاني بعد ما لتراب غطاها :)))

عموما فرصه سعيده ونتمنى نشوفك في مقابله النيو اكسنت الجايه

[R A N A]

والله انتي شوقتيني اجرب عربيتي مع عربيتك في الشد

مع العلم ان انا عملت حادثة قبل كده بلانوس بسبب بنت برضو كانت بتشد معايا باكسيل بس كنت مظبطها غرز والحادثة حصلت بسبب غرزة غير مدروسه (اتهورت شويه لانها كانت بصراحه مش مدايني فرصه خالص كانت لازقه ورايا غرزة بغرزة)ومن ساعتها قررت ما شدش مع بنت تاني

بس واضح انك هتخليني اطلع بدله الرالي بتاعتي تاني بعد ما لتراب غطاها :)))

عموما فرصه سعيده ونتمنى نشوفك في مقابله النيو اكسنت الجايه

هههههههههههههههههه
انا لما بقول لحد على موضوع الشد والـ 200 ده بيهزأوني ويتهموني بالجنان بصراحة ويقولولي بلاش تهور ومينفعش كدة وبصراحة هما عندهم حق .
عموماً انا يومها مكنتش عاوزة اشد بس هي جت بظروفها كده يعني
بالنسبة للمقابلة مش عارفة هاقدر اجي ولا لأ وهل هايكون في بنات تانيين عشان اكيد مش هاينفع اجي لوحدي طبعاً.
بس طريق اسكندرية الشد عليه مش حلو اوي عشان التحويلات الجديدة دي.
انا مرة شديت عليه قصاد فيرنا برده (بس من غير قصد انا كنت بجري لوحدي افتكرني بتحداه وانا مش في دماغي اصلا) شديت معاه شوية وبعدين زهقت واللي معايا قالولي سيبك منه بس هو كان غبي لما عديته وجبته قدامي عشان اخلص منه قعد يتغابي وبقي يفرمل قدامي عشان البس فيه وفضل قارفني طول الطريق لحد ماهديت خالص وسبته يغور .
عموما اذا كان في بنات تانيين في المقابلة وظروفي سمحت اجي يومها هاجي بإذن الله حتى عشان تجربوا عربيتي وتشوفوا لو فيها حاجة برده.

عموما فرصة سعيدة جدا يااستاذ بسام.

[m7mda7md]

انا مرة شديت عليه قصاد فيرنا برده (بس من غير قصد انا كنت بجري لوحدي افتكرني بتحداه وانا مش في دماغي اصلا) شديت معاه شوية وبعدين زهقت واللي معايا قالولي سيبك منه بس هو كان غبي لما عديته وجبته قدامي عشان اخلص منه قعد يتغابي وبقي يفرمل قدامي عشان البس فيه وفضل قارفني طول الطريق لحد ماهديت خالص وسبته يغور .

الفيرنا كانت هتكسب طبعا
بس حاجه غريبه اوي بجد
بنت ماشيه علي 200

[m7mda7md]

طب ايه رأيكو بأه
اول امبارح بنت طلعت مني و كانت عاوزه تشد
مرضتش اطلع منها و الله بس فضلت لازق فيها عشان متفتكرش اني مش عارف اجيبها
اتاري في بنات بتشد و تجيب 200 كمان

[R A N A]

الفيرنا كانت هتكسب طبعا:f_eyeb1[1]::c_laugh[1]:
بس حاجه غريبه اوي بجد
بنت ماشيه علي 200

هههههههه
الموضوع مش موضوع فيرنا ولا اكسنت
الرك ع السواق مش العربية ده أولاً
وثانياً انا كنت ماشية في حالي وبجري لوحدي لاقيته جه شد معايا معرفش ليه؟
ومش فاهمة ايه سبب الحركة الغبية اللي عملها دي؟ خلاص طلعت منه مرة وسبته يطلع مني مرة وخلصنا على كدة
انا لما بشد مع حد مينفعش اعمل معاه حركة زي دي الا اذا كنت عاوزة أأذيه ومعتقدش ان في سبب يخلينا نأذي حد بالشكل ده ونتسبب في حدوث حادثة ابداً.

[ahmed5670]

اهو يا عم بسام.. مجبتش حاجة من عندى.. و الrpm على 180 بيبقى 5.1