لغز الالنترا

[elmihy]

يا جماعة انا محتار ومحتاج مساعدتكم - انا معجب بالالنترا وعايز اجيب عربية زيرو لكن بسمع عيوب في العربية من نوعية انها بتحك لما الحمولة تكون كاملة وان الباور بيبقى خفيف في السرعات العالية وكان واحد قال لي ان الكلام ده في موديل 2007 فقط وتم علاجه في الموديلات اللاحقه فهل هذا الكلام صحيح وما أخبار ثباتها ودرجات الأمان الخاصة بها وهل هي عربية جيدة أم ان اللانسر والسيراتو افضل
علما بانني اريد شراءها من الوكيل اتوماتيك gl مع 2 ايرباج و ايه بي اس وجزاكم الله خيرا

[samihanwar]

sameh

جيبها وعلى ضمانتى والله عربيه ممتازه وحماله قسيه
وخلى بالك من المكنه بتاعتها اللهم صلى على النبى مسحت ب BMW و Passat الأرض
الخلاصه هاتها ومش هتندم

[Jackson]

حبيب قلبى السياره فعلا بسم الله ماشاء الله انا ليا 3 اصحابى جابوها ... واحد جابها مانيوال واتنين جابوها اتوماتيك 2010 السياره بسم الله ماشاء الله ولا اروع انا سوقت التلاته ونويت ان شاء الله اجيب واحده فى خلال الشهر ده Gl برضوه

سياره جميله جدا

[just_magdy1]

لو مايهمكش موضوع الشكل الجديد اللى هاينزل 2011 هات النترا وانت مطمئن
سيارة فوق الممتازة ولو هاتقارن اداءها باللانسر الالنترا تتفوق ولو هاتقارن اداءها بالسيراتو برضه تتفوق فيما عدا موضوع الشكل الجديد للسيراتو والثبات اللى اعلى بحاجة مش كبيرة
انما الالنترا كسيارة ممتازة

[m2die4]

انا كل الاقدر افيدك بيه ان انا سمعت ان هى عربيه حلوه و موتورها حلو بس لواحد مش كل سواقته غرز , عايزه واحد هادى , موضوع احسن من البى ام و الباسات مش عارف بصراحه منين يعنى , ما نخلى كل حاجه فى حاجتها , بى ام ايه بس دى المسحتها و هو بيفرمل يعنى ؟

و لا طلعت منو و مشفتوش تانى , بجد كده بتقلل من العربيه مش بتزودها

و مع احترامى للجميع واضح ان صاحب الموضوع مقتنع بيها و محدد الفئه ففكره انى اقرنها بعربيه تانيه مش حتأثر قوى بالاخص لو زى دول

و العيوب ( دى شفتها بعينى ) على شارع منزل حرتين عربيه كسرت علي النترا حاجه بسيطه , اللنترا فرمل جامد الفرامل قفشت و العجل كله على اليمين و دخل فى الرصيف على الشمال

و واحد صحبى عومت منه و طلع فوق الرصيف فى منزل المقطم بس كان ( غشيم جداً )

و صديق والدى كان ماشى فى مدينه جديده ( مش متذكر الاسم ) كان فى رمل فى الارض عومت منه و طلع بالجزء ال على الشمال كله على الرصيف , و خوف والدى جداً منها

بس طلاما abs اعتقد مش حيحصل كده بالاخص لو حضرتك جيابها عربيه عيله مش عربيه تمسح البى ام و الباسات

[katz]

علما بانني اريد شراءها من الوكيل اتوماتيك gl مع 2 ايرباج و ايه بي اس وجزاكم الله خيرا

the same is my car
EXCELENT choice

[mkagido]

توكل على الله الالنترا جميله

[Ahmed Sharaf]

توكل على الله , إختيار موفق إن شاء الله ومبروك مقدماً.
العربية معايا بقالها سنة ونصف والحمد لله كويسة جداًً

[Ahmed Sharaf]

جيبها وعلى ضمانتى والله عربيه ممتازه وحماله قسيه
وخلى بالك من المكنه بتاعتها اللهم صلى على النبى مسحت ب bmw و passat الأرض
الخلاصه هاتها ومش هتندم

يا راجل بلاش مبالغة , إزاي يعني؟؟!!

[samihanwar]

Sameh

هو ده اللى حصل
واللى عيز يصدق يصدق واللى مش عايز براحتو
وبرضو لا الBMW جبتها ولا ال passat

[tarekabosdera]

اكيد الالنترا افضل . واقل دليل افتح المواقع الاجنبيه وشوف الالنترا بتتحط في مقارنات مع ايه وانت تعرف ان السيتي لاتستحق ان توضع مع الالنترا في مقارنة

[alihussien2]

السلام عليكم ورحمة الله وبركاته اقول للاخ اللي عايز يشتري انترا انا والحمد لله اشتريت انترا 2010 وبقالها معايا يومين فقط العربية ممتاااااااااااااازة بفضل الله توكل على الله وباذن الله مش هتندم

[Ahmed Sharaf]

هو ده اللى حصل
واللى عيز يصدق يصدق واللى مش عايز براحتو
وبرضو لا الbmw جبتها ولا ال passat

استاذي الفاضل, معني الكلام إن حضرتك تحكي موقف يدل على كلامك , بمعنى انك كنت طرف او شاهد على تنافس بين العربات دي ةتحكيلنا اللي حصل.
دة كل المقصود ( وزي ما حضرتك شايف انا عربيتي النترا!! ) يعنى مش بتريق عليها.

[Ahmed Sharaf]

السلام عليكم ورحمة الله وبركاته اقول للاخ اللي عايز يشتري انترا انا والحمد لله اشتريت انترا 2010 وبقالها معايا يومين فقط العربية ممتاااااااااااااازة بفضل الله توكل على الله وباذن الله مش هتندم

مبروك لحضرتك العربية وإن شاء الله تديك كل خيرها.

[m2die4]

هو ده اللى حصل
واللى عيز يصدق يصدق واللى مش عايز براحتو
وبرضو لا الBMW جبتها ولا ال passat

ايه ده بسم الله ما شاء الله كمان معرفوش يجيبو حضرتك ؟؟؟

احيك بصراحه

انا افضل اكون براحتى و مصدقش , و شكراً لردك