لغز الالنترا

[mavrck75]

بصراحة ما تجيبش النترا

العربية الالنترا ماكنة ممتازة بس العيوب خد عندك يا سيدى
1- واطية و بتحك فى المطبات
2- صاج ضعيف جدا
3- برضه عفشة الكورى مش حلوة يعنى عفشة مش ناعمة تسمع صوت الدبدبة فى الطريق المكسر بعكس عفشة اليابانى امتصاص كامل للصدمات و هدوء و مش بترج العربية معاك فى المكسر
4- خامات ضعيفة فى صدر العربية و الفرش الداخلى أسفل التابلوه و فرش الأبواب ضعيف
لو أنا مكانك تجيب كيا كارنز أحسن
ماكنة زى الالنترا بالظبط
عفشة أحسن من السيراتو و من الخلف مقصات مش قنطرة زى السيراتو
صالون واسع
احساس بعربية عالية يعنى شبه 4x4

[dr_abooody]

العربية ناعمة جدااا و قوية جداا من حيث العفشة و هادئة جدااا ما تحسش بيها خالص من كتر الهدوء

لكن اكتر حاجة مديقاني ان صاجها ضعيف و دة طبيعي عشان عربية كوري

و بتحك مع الحمولة و دة بسبب المطبات الجميلة بتاعتنا انا يا ما حكيت ما حصلش حاجة عادي

بس ما شاء الله العربية تقفيلها ممتاز و استهلاكها كويس جدااا في البنزين دة غير انها كمان حمالة قاسية و عملية جدااا
هاتها و على ضمانتي مش هتندم

[yasserelsayad]

ايه ده بسم الله ما شاء الله كمان معرفوش يجيبو حضرتك ؟؟؟

احيك بصراحه

انا افضل اكون براحتى و مصدقش , و شكراً لردك :ta_clap[1]:

ايوه الالنترا تطلع من 316 والباسات بسهولة على فكرة ومن جيتا كمان

[m2die4]

ايوه الالنترا تطلع من 316 والباسات بسهولة على فكرة ومن جيتا كمان

تطلع حضرتك قلت تطلع , و انا مش معترض على تطلع فى اول مشاركه انما كمان متجبهومش معلش مش حصدق و ال 316 انا عارف انها ضعيفه بس مش قوى برده و الاستاذ صاحب المشاركه معمم على البى ام رغم انى متأكد ان هو يقصد 316 لان اى فئه اخرى مش حيشوفها و الجيتا و الفانتزيا و الباسات كلهم تطلع منهم , بس مش حيجبوها معتقدش بصراحه !!!

حتى هو رفض النقاش و قال المش عايز يصدق ميصدقش و قال مش حيعرفو يجبوها

[AMIRELGOHARY]

جيبها وعلى ضمانتى والله عربيه ممتازه وحماله قسيه
وخلى بالك من المكنه بتاعتها اللهم صلى على النبى مسحت ب bmw و passat الأرض
الخلاصه هاتها ومش هتندم

على فكرة موضوع الجرى مش هو بس اللى يقول العربية كويسة. لازم مع استمرار الجرى والسحب ان يبقى الموتور سليما ومايفوتش.
وعموما اذا كانت مسحتهم معاك ربنا يبارك لك فيها. لصاحب الموضوع اتوكل على الله طالما هى اللى على قدر فلوسك. ولو فيه مجال للتفكير فكر فى الكارينز

mavrck75 +1111111111

[alihussien2]

السلام عليكم يا اخوانا كل الكوري صاجه ضعيف وااقصد المصنوع في كوريا زي الافيو والاوبترا واللانوس والكيا والهونداي .... الخ

[ufarag]

العربية حلوة وجميلة و الدركسيون بتاعها متطور جدا ، عيب واحد فيها هو السوست اللى ورا ، لما بيكون فيها حمولة بتوطى وبتحك ،ده عيب يمكن اصلاحه بتغيير السوست ، ولا بد ان نطالب جميعا التوكيل بحل هذه المشكلة.

[samihanwar]

sameh

الموضوع كلو انى انا وأخويا وكنا ماشيين على الكورنيش الساعه 2 بليل قابلو 3 من صحابو 2 كانو راكبين ال bmw 316
وواحد كان راكب الباسات وعلى فكره العربيتين كانو اوتوماتيك
ومره واحده شدو مع بعض وادوها غرز واخويا اداها غرز وطلع منهم وجاب كمان ال 220 ولو فى ارقام بعد ال220 كانت جبتهم وبردو محدش جابو
لدرجه ان صحابو قالولى انت مصقط مكنه وهو قعد يضحك عليهم
والحمد الله عدت على خير يا رجاله

[mshmshm3]

تطلع حضرتك قلت تطلع , و انا مش معترض على تطلع فى اول مشاركه انما كمان متجبهومش معلش مش حصدق و ال 316 انا عارف انها ضعيفه بس مش قوى برده و الاستاذ صاحب المشاركه معمم على البى ام رغم انى متأكد ان هو يقصد 316 لان اى فئه اخرى مش حيشوفها و الجيتا و الفانتزيا و الباسات كلهم تطلع منهم , بس مش حيجبوها معتقدش بصراحه !!!

حتى هو رفض النقاش و قال المش عايز يصدق ميصدقش و قال مش حيعرفو يجبوها

استاذي الفاضل طبعا الكوري حاجة والالماني حاجة طلعة العربية الالماني مش قوية زي طلعة الكوري والياباني ده بالنسبة للطلعة لكن تعالى بعد الطلعة والعربية خدت وضعها طبعا الالماني هايتفوق على الكوري والياباني ودي ميزة الالماني الكورى و الياباني غلبه في الطلعة لكن مين اللى هايصمد من حيث الثبات والسرعات العالية اكيد الالماني بس دي كل الفكرة لكن ما ينفعش مقارنة بين موبايل وريسيفر مع احترامي للالنترا دي عربية ممتازة جدا وانا بحبها جدا بس ما تتقارنش ب بي ام دابليو

[yasserelsayad]

استاذي الفاضل طبعا الكوري حاجة والالماني حاجة طلعة العربية الالماني مش قوية زي طلعة الكوري والياباني ده بالنسبة للطلعة لكن تعالى بعد الطلعة والعربية خدت وضعها طبعا الالماني هايتفوق على الكوري والياباني ودي ميزة الالماني الكورى و الياباني غلبه في الطلعة لكن مين اللى هايصمد من حيث الثبات والسرعات العالية اكيد الالماني بس دي كل الفكرة لكن ما ينفعش مقارنة بين موبايل وريسيفر مع احترامي للالنترا دي عربية ممتازة جدا وانا بحبها جدا بس ما تتقارنش ب بي ام دابليو

يا باشا دى مش مقارنة عربية بعربية و لثبات العربية دى لسرعة التجميع والالنترا تتفوق على معظم الالمانى الـ 1600 فى الطلعة و بعد الطلعة وقليل قوى لو عربية عرفت تجبها بعد لما تعدوا ال 100 لانها سهل اوى تقفل العداد بتعها

[sound]

الف مبروك وربنا يبارك فيها.
الالنترا اختيار موفق جدا انا معايا النترا مانيوال 2010 والعربيه ما شاء الله اداء فوق الممتاز.
توكل على الله بس نصيحه لوجه الله هات فئة الاتوماتيك المحتويه على فرامل ABS.وكمان ركبلها جنوط 16وانسى الثبات يا نجم بجد حيكون معك عربيه اعتماديه ومحترمه .والجنط حيزود الثبات ويا عينى لو ركبت زينون وسنسور بارك يبفى مش ناقصلك حاجه.

[mshmshm3]

يا باشا دى مش مقارنة عربية بعربية و لثبات العربية دى لسرعة التجميع والالنترا تتفوق على معظم الالمانى الـ 1600 فى الطلعة و بعد الطلعة وقليل قوى لو عربية عرفت تجبها بعد لما تعدوا ال 100 لانها سهل اوى تقفل العداد بتعها

طيب كدة ايه الميزة في الالماني غير الاوبشن والرفاهية ؟؟؟؟؟؟؟؟ الكورى مفيش ثبات على السرعات العالية على عكس الالماني

[m2die4]

الموضوع كلو انى انا وأخويا وكنا ماشيين على الكورنيش الساعه 2 بليل قابلو 3 من صحابو 2 كانو راكبين ال bmw 316
وواحد كان راكب الباسات وعلى فكره العربيتين كانو اوتوماتيك
ومره واحده شدو مع بعض وادوها غرز واخويا اداها غرز وطلع منهم وجاب كمان ال 220 ولو فى ارقام بعد ال220 كانت جبتهم وبردو محدش جابو
لدرجه ان صحابو قالولى انت مصقط مكنه وهو قعد يضحك عليهم
والحمد الله عدت على خير يا رجاله

ايوه كده يا باشا مش تقول العايز يصدق يصدق والمش عايز ميصدقش ليه معامله العبيد دى بس بردو عملى احتمال 99.9 ان اخو حضرتك كان بيلعب جامد او كسر عليهم او مش هامه , كل دى اسباب تخلى العربيتين يسبوه غير ظروف الطريق , يعنى ممكن نقول حاله فرديه صعب انها تتعمم او تتكرر

استاذي الفاضل طبعا الكوري حاجة والالماني حاجة طلعة العربية الالماني مش قوية زي طلعة الكوري والياباني ده بالنسبة للطلعة لكن تعالى بعد الطلعة والعربية خدت وضعها طبعا الالماني هايتفوق على الكوري والياباني ودي ميزة الالماني الكورى و الياباني غلبه في الطلعة لكن مين اللى هايصمد من حيث الثبات والسرعات العالية اكيد الالماني بس دي كل الفكرة لكن ما ينفعش مقارنة بين موبايل وريسيفر مع احترامي للالنترا دي عربية ممتازة جدا وانا بحبها جدا بس ما تتقارنش ب بي ام دابليو

هو ده قصدى و انا علشان بكره الكلام بس كلمت واحد صاحبى معاه الانترا و قلتله عايز اسوقها و فى طريق فاضى و واسع وقفت و طلعت و فعلاً تطلع منهم انما ميجبوهاش للمره المليون مصدقش يعنى انا متفق مع رأى حضرتك من الاول ده غير انى حاسيت بعدم ثبات رهيب لانى كنت لسه نازل من الفانتزيا

[eng_ahmedryad]

لو مايفرقش معاك أن شكلها هايقدم كمان كام شهر ، توكل على الله ، إن شاء الله صفقة رابحة .

[tefeamer]

هو ده اللى حصل
واللى عيز يصدق يصدق واللى مش عايز براحتو
وبرضو لا الbmw جبتها ولا ال passat

يا استاذ انا معايا النترا برضه لكن نكون واقعيين انت بتتكلم على سعه لترية اعلى وعدد احصنه اكبر وبلد الصنع المانى يبقى ازاى يمكن يكون اللى سايق البى ام او الباسات مش عايز يشد اصلا