صور النترا 2011 الكاملة - وداعا للسيراتو

[heshaaam]

هينزل من السعر الفلوونس بيحصل عليها تخفيض 4% كل سنة يعنى فى 2013 يبقى الخصم عدى ال 10 الالاف يعنى عقبال ما تنزل مصر الفلوونس توصل التسعينات ومتنساش البولو والفيات والسيات ولا أوكتافيا تنزل حاجة زى الايه فور ساعتها يبقى النيو سيراتو والالنترا والكروز اما النزول والعروض او الصدأ

[mohamedhamam]

شكراً على الصور يا باشا

[ahmedryan]

اية الجمال دة.. بجد تحفة وفعلا راحت على السيراتو وغيرها

[ahmedelkadi75]

دى يا جماعة صور افانتى الجديدة مش النترا

[atefjerry]

والله العلم عند الله والشعب المصرى مبقاش غلبان زى زمان بيشترى خليجى ومبيهموش وان كان على الصيانه بيشتروا ضمان بس لو وصلت 150 الف الواحد يجبها ولا يجيب فانتازيا ولا انتوا رائيكم ايه يا شباب وليكم حريه الرأى والتعبيربس انصحونىوانا بحب اسال الصح فين مع العلم انا بموت فى الفتيس المانيوال

[seanmichaels]

الالانترا هي الأفانتي و سعرها هيبدأ من 115

[SAMEHNOSHI]

الالانترا هي الأفانتي و سعرها هيبدأ من 115

ازاى يعنى!!!! الشكل الموجود حاليا بيبداء ب 90 الف, حتزيد 25 الف جنية مرة واحدة!!! مش ممكن طبعا, طب ما السيراتو الشكل الجديد تحفة عن الشكل القديم و ماتور احدث من الشكل القديم و زاد 7 الف جنية بس!!! اعتقد انها حتزيد 15 الف عن الشكل الحالى مش 7 علشان الفتيس ال 6 سرعات و الماتور. يعنى سعرها حيبداء من 105 الف, لانها لو نزلت اكتر من كدة الكل حيشترى سيراتو بشكلها الجميل و صاجها الاقوى.

[megaman]

تحفه فنيه رائعه والتصميم حاسس انه خليط من الكروز *السيفيك ولكن بدون نقل حرفى

[M.Osman]

ازاى يعنى!!!! الشكل الموجود حاليا بيبداء ب 90 الف, حتزيد 25 الف جنية مرة واحدة!!! مش ممكن طبعا, طب ما السيراتو الشكل الجديد تحفة عن الشكل القديم و ماتور احدث من الشكل القديم و زاد 7 الف جنية بس!!! اعتقد انها حتزيد 15 الف عن الشكل الحالى مش 7 علشان الفتيس ال 6 سرعات و الماتور. يعنى سعرها حيبداء من 105 الف, لانها لو نزلت اكتر من كدة الكل حيشترى سيراتو بشكلها الجميل و صاجها الاقوى.

اية دا ... ؟
حضرتك ركبت الإلانترا الجديدة و شوفت الصاج بتاعها كمان ؟؟
طب ما تقول يا راجل و احكي كدا ...

[elassar2010]

شكراً على الصور يا باشا

[MohabSaeed]

تصميم العربيه جميل لابعد الحدود
اول مره تعجبنى عربيه من هيونداى بالشكل ده , خطوطها الجانبيه غايه فى الروعه و متناسقه الحمد لله انهم لغو شكل الرولكوستر الى كان فى جانب الالنترا الحاليه

يبقى حاجه اكيده العربيه ديه لو عدت ال130 و بدون كماليات محترمه و عوامل الامان زى العربيات الاوروبى يبقى اتحكم عليها بالاعدام .

*نقطه اخيره حد عنده فكره عن نظام التعليق الخلفى فيها ؟

[hon]

السلام عليكم ورحمه الله وبركاته
والله ياجماعة أنا ليا شوية أراء كدا على الالنترا الجديدة
1-العربيى دة موجهة لمنافسة الكروز ودا باين فى تصمييم الفوانيس زى بتاعت الكروز بس الالنترا أكثر جمالا وأنسيابية
2- السعر ان شاء الله حيبقى فى حدود الكروز بردو من 110 الى 140 حسب التجهيز
3-غبور ميقدرش يعلى أكتر من كدا عشان الاوروبى كل مادا بيرخص حسب الاتفاقية كل سنه4%
ياعنى الاوكتافيا والليون والفلوانس كل مادا بيقربوا من المستهلك وطبعا ركوبتهم وخاماتهم مختلفة كتير عن هيونداى
4- التصميم ثورى وانا شايفة أجمل ما فى الفئة دى على الاطلاق وهى دى لعبة هيونداى الناجحة فى المبيعات
5-واضح فى الصور أن قاعدة العجلات كبيرة نسبيا لو ماخاننيش التصور حيكون فى حدود السيفيك 2.7 والناس كدا ان شاء الله حتشكر فى الثبات بس المشكلة فى وطى العربية من الارض عشان مطبات المحروسة
6- السيراتو ستظل منافس فى السوق لاأعتمادها على التصميم الاوروبى القوى ولو أضيف الفتيس ذو 6 نسب ستكون مرضية جدا أضافة الى جودة الوكيل مقارنة بغبور
وربنا يوفق ويكون فى ضمير فى العربيات الى بتنزل مصر بدل الناس ماتستورد من الخليج والله الموفق