الحكاية الثانية مع بارومة الفيرنا الفيفا و توكيل غبور و جهاز حماية المستهلك

[vernaviva]

يا جماعة حكايتى انى اشتريت فيرنا فيفا فى 2008/5 و منذ استلامى للسيارة و صوت الفتيس مش مظبوط المهم كنت بعمل الصيانات الدورية فى السيارة و كل مرة اشكى من صوت الفتيس ....... بعد سنه غيرو الفتيس لكن رجع صوت الفتيس تانى يوم برضه ظهر صوت خبط فى ارضية السيارة فكشفت عليها بره التوكيل عن وكيل تانى لغبور لقينا ان علبة الدريكسيون بايظة رحت التوكيل و كشفوا و قالوا الن العلبة سليمة و ان ده حالة نفسية سواء صوت الفتيس او خبط علبة الدريكسيون ......... كمان ظهرت بارومة فى شاسيه السيارة و قلتلهم فى التوكيل قالوا الفتيس و علبة الدريكسيون سليمة و البارومة ممكن نعالجها بقطع الاجزاء المصابه و اعادة لحام غيرها و دهانها ............ تخيلوا يرشوا عربية موديل 2008/5 و فين فى الشاسيه المهم رحت جهاز حماية المستهلك الذى اكتشفت انه بيقول ان دى عيوب صناعة لكن مفيش حاجة اسمها عربية ترجع العربية تتصلح فرفضت فعرضوا فى الاول 45000 ثمن للسيارة فرفضت و بعدين عرضوا 52400 فرفضت لانه مش مشكلتى ان العربية مش معالجة ضد الصدا .............. و على فكرة دى ثالث حالة للفيرنا الفيفا لو تفتكرو عربية د/ احمد جمال اللى كان عارض صورها فى المنتدى و كمان واحد اسمه قدرى هابيل مامور جمارك من اسكندرية البارومة مساحتها كبيرة جدا و انا الحالة الثالثة ........ و ان شاء الله حنرفع قضية ................... يا ريت اى حد يبص كويس فى لحامات حوض شاسيه عربيته حيلاقيها مفرقعةو كمان عضم اسفل الزجاج الخلفى للسيارة حيلاقى بقع بارومة و كمان فى سقف السيارة اسفل الكاوتش الاسود اعلى السقف و كمان نزلوا درج التابلوه حتلاقوا المفصلة مصدية ............. يا ريت يا جماعة مستنى ردودكوا ............... و اتصلوا بيا 0117997551

[ASHRAF74]

يا جماعة حكايتى انى اشتريت فيرنا فيفا فى 2008/5 و منذ استلامى للسيارة و صوت الفتيس مش مظبوط المهم كنت بعمل الصيانات الدورية فى السيارة و كل مرة اشكى من صوت الفتيس ....... بعد سنه غيرو الفتيس لكن رجع صوت الفتيس تانى يوم برضه ظهر صوت خبط فى ارضية السيارة فكشفت عليها بره التوكيل عن وكيل تانى لغبور لقينا ان علبة الدريكسيون بايظة رحت التوكيل و كشفوا و قالوا الن العلبة سليمة و ان ده حالة نفسية سواء صوت الفتيس او خبط علبة الدريكسيون ......... كمان ظهرت بارومة فى شاسيه السيارة و قلتلهم فى التوكيل قالوا الفتيس و علبة الدريكسيون سليمة و البارومة ممكن نعالجها بقطع الاجزاء المصابه و اعادة لحام غيرها و دهانها ............ تخيلوا يرشوا عربية موديل 2008/5 و فين فى الشاسيه المهم رحت جهاز حماية المستهلك الذى اكتشفت انه بيقول ان دى عيوب صناعة لكن مفيش حاجة اسمها عربية ترجع العربية تتصلح فرفضت فعرضوا فى الاول 45000 ثمن للسيارة فرفضت و بعدين عرضوا 52400 فرفضت لانه مش مشكلتى ان العربية مش معالجة ضد الصدا .............. و على فكرة دى ثالث حالة للفيرنا الفيفا لو تفتكرو عربية د/ احمد جمال اللى كان عارض صورها فى المنتدى و كمان واحد اسمه قدرى هابيل مامور جمارك من اسكندرية البارومة مساحتها كبيرة جدا و انا الحالة الثالثة ........ و ان شاء الله حنرفع قضية ................... يا ريت اى حد يبص كويس فى لحامات حوض شاسيه عربيته حيلاقيها مفرقعةو كمان عضم اسفل الزجاج الخلفى للسيارة حيلاقى بقع بارومة و كمان فى سقف السيارة اسفل الكاوتش الاسود اعلى السقف و كمان نزلوا درج التابلوه حتلاقوا المفصلة مصدية ............. يا ريت يا جماعة مستنى ردودكوا ............... و اتصلوا بيا 0117997551

يا باشا خد القرشين وشوف لك عربية نضيفة مش كفاية هيغلو بنزين 92

[khpopo]

حسبنا الله ونعم الوكيل اللهم اضرب الظالمين بالظالمين
ان شاء الله ربنا يعوضك عوض الصابرين

[hugan]

52000 احسن من عينهم وانت الكسبان واللمبلغ الخساره فرق السعر ربنا يعوض عليك ويبقي اخف الضررين وانت المستفاد

[vernaviva]

الموضوع مش فلوس بس لكن موضوع استخفاف بعقلك ........... القصة طويلة اساسا من ساعت ما اشتريت العربية و هما بيفتكروا ان اللى بيشترى عربية جديدة و هيونداى يبقى عمره ما ركب عربيات قبل كده ................

انا اشتريت الفيرنا الفيفا فى 5/2008 و من ساعت ما اشتريتها و الفتيس عندى فيه صوت نحرة (ونه) و رحتلهم قبل ما العربية تعمل 1000 و ووجدوا الفتيس ناقص زيت و زودوه و مشيت بيها و رجع الصوت تانى ................ و كانت الاجابات العجيبة من مهندسين الصيانة ........ واحد يقولى لسه الفتيس بيلين ......... واحد تانى يقولى هى كده ............. واحد تانى و كان صريح شوية ..... قالى بص حط زيت تقيل فى الفتيس علشان صوت النحرة يروح و لو كوريا طلبت العربيات الفيرنا الفيفا علشان الفتيسات اوعدك انت حتكون اول واحد ............ طبعا ده اكدلى ان العربية فيها حاجة مش صح ................

[vernaviva]

المهم انا مواظب على الصيانات فى ميعادها بس قلت مش حينفع موضوع صوت الفتيس كده رحتلهم فى ابو رواش و عملت مشكله بخصوص الفتيس و فعلا غيروه بس للاسف استلمت العربية بحالة سيئة بعد تركيب الفتيس ............. الكبوت مش مظبوط ......... باكيتات المسحات مخلوعة ........... الشبكة بتترج .............. المهم ظبط الكلام ده على حسابى بره و كبرت دماغى قلت طالما الفتيس اتصلح مش مشكلة ............... بس للاسف ............ تانى يوم كان صوت النحرة راجع تانى ............ و هنا قررت اروح لجهاززززززززززززززززززززززززز ؟؟؟؟؟؟؟؟؟ايههههههههههههههههههههههه ........... اه حماية المستهلك الغلبان

بتاريخ 12/9/2009 و فضلت مستنى حوالى شهرين كنت كل فترة اتصل بيهم يقولوا احنا بعتنا الشكوى لغبور و لسه مردوش استنى .......... اتصل ........ لسه بعتنا استعجال............. اتصل لسه بعتنا استعجال تانى ........... فى الاخر ادونى نمرة أ/ عاطف عبد السميع انا اللى اتصل بيه............ بيقولولى معلش اتصل انت بيهم ...... ده الجهاز اللى بيقولى.............

[vernaviva]

المهم اتصلت ب أ/ عاطف عبد السميع كا مشكورها مستمع جيد و متفاعل مع موضوعى جدا و طلب حضور السيارة لاصلاحها فورا احنا توكيل كبير و يهمنا العميل اولا ......................... جبت العربية و قلتلهم على العيب بجانب عيب تانى استلمت بيه العربية بعد تغيير الفتيس .......... خبط فى ارضية العربية عند هز الدريكسيون ............ المهم العربية قعدت يومين عندهم ........... و رحت استلمها .................... كل ده اجازات من شغلى .............................و استلمت العربية و جربتها .......... كان مفيش صوت ............ كله تمام ............. بس طلعت بالعربية على المحور ......... مجرد ما العربية تاخد سخونتها ...........و يبدا زيت الفتيس يخف .......... يرجع الصوت تانى و رجع خبط الارضية تانى .............. اتصلت بعاطف تانى طلب احضار السيارة تانى ............ اجازة تانى من شغلى وديت العربية ............. اجازة تانى علشان استلم العربية ......... و خرجت بيها برضه بعد سخونة العربية رجع تانى و الخبط رجع تانى ..........

و اتصلت تانى بالسيد عاطف ......... و قالى هات العربية تالت مرة و اجازة من الشغل اودى العربية و استلم العربية بس المرة دى السيد عاطف اكتشف العيب ............. الا و هو ان العيب نفسى ............ اكيد حالتى النفسية مش مظبوطة فبيتهيالى الاصوات دى و انهم لازم يغيروا السواق ( انا) يعنى .......... المهم خرجت بالعربية و رجعت العيوب تانى ............ اه نسيت اقولكم انى اكتشفت عيب تانى خطير ......... بارومة فى شاسيه العربية ........... فى الرفرف و حوض الموتور فى الشاسيه ........ و عضم الزجاج الخلفى ..........و سقف العربية

انا طبعا حزنت جدا على العربية لان اى عيب ميكانيكى فى داهية ممكن يتصلح الا شاسيه العربية .......... المهم سبت عاطف عبد السميع و اتصلت بنائب مدير كبير فى ابو رواش .................. و راجل كبير و محترم ................ استمع لشكواى بترحاب كبير .............. بس اجاباته كانت عجيبة جدا .............

[vernaviva]

ان عيب الفتيس ده لو كل الفيفا كده ميقدرش يعمل حاجة .......... لكن ممكن استنى بيعت لكوريا يعملوا ابحاث على العيب و استنى الرد حتى لو الضمان بتاع العربية خلص ؟؟؟؟؟؟؟؟؟؟؟؟؟؟؟؟و قاللى هات العربية ........ و رحت برضه اجازة من شغلى و جرب العربية معايا .................... و اجابة اخرى عجيبة ........... سمع صوت الفتيس .............. و قال ........... صوت الفتيس مقبول .................... بس هاتلى العربية قبل نهاية الضمان بشهر و نشوف الفتيس تانى ...................طبعا رفضت ........ طيب و صوت الخبط .......... قالى ده طبيعى المهم دخل العربية الورشة و لموا البوش بتاع علبة الدريكسيون علشان الخبط يروح و قالى احمد ربنا اننا غيرنالك الفتيس ده بتمن عربية 127 ............... يعنى ابوس ايدى وش و ظهر على هذه النعمة .......... و الصدا ......... الصدا ده حنقطع الحتت المصابة بالبارومة .............. و نلحم غيرها و ندهنها ............ انا استغربت ان حوض الموتور يترش ........... طبعا رفضت و كل الفترة اللى فاتت كنت ببعت لكوريا شكاوى و هى بترجعها تانى لعاطف عبد السميع .......... يعنى هى هى .......... المهم بعت ميل للادارة فى غبور .............

بصراحة كان فى اهتمام و اتصل بيا المهندس هانى نزيه و طلب العربية سادس مرة و طبعا كل ده اجازات و دخلت العريبية معاه 3 مرات و تخرج زى ما هيه ............ و عرض عليا 45000 يعنى اخسر تقريبا 20000 فى عيوب صناعة و العربية لسه فى الضمان طبعا رفضت ......... و اتجهت الى حماية المستهلك تانى و قلتلهم المشكلة متحلتش ................... اكمل باقى القصة المرة الجاية

[hugan]

من الاخر حمايه المستهلك مش ها يعمل حاجه الا لو كان ليك ضهر زي المستشار اللي غرم ابو الفتوح مش تمن عربيه لا 200 الف جنيه اذا كان الجهاز بيحولك علي غبور يعني هو الخصم والحكم رايئ طالما العربيه معيوبه في اساسها البارومه يعني يبقي قدر الله واللي تاخده منهم احسن من عينهم والخساره رنا ما يكتبها علي احد بس نصيبك جه كده انما ها تضيع في وقتك وتحرق اعصابك والنا س دي بجد مصيبه مفيش عندهم ريحه الضمير غيلان وبتشرب دم المصريين وفعلا مفيش قانون في مصر يحمي المشتري كله نصب في نصب والله المستعان ويعينك عليهم

[A_A_ELAZIZ]

ربنا يكونفي عونك انا معايا فيفا 2009 وهبقى اشوف الأماكن الى حضرتك قلت علها وهبقى اقولك وربنا يستر

[EngAhmedSayed]

و الله الواحد مش عارف يقول ايه يعوض علينا ربنا فى صناعة العربيات
ممكن نقول الفتيس سوء استخدام و اتغير و نفس العيب يبقى فى مشكله اساسيه لم يتم حلها علبة الدركسيون فيها خبط من اول سنه هنقول و هنظلم شوارع مصر ماشى اما المصيبه الكبرى انو العربيه يبقى فيها بارومه و فين الشاسيه دى مصيبه انا شرحتالك يا استاذ امير خطورة
لحام الشاسيه بيؤدى الى اختلاف زاوية الشاسيه و شاسيه قلى يبقى فيه بارومه
ربنا معاك و ينصرك و على راى المثل
يغورغبور

[vernaviva]

كمان يومين او ثلاثة حنزلكم صور البارومة مع تكملة الموضوع تابعوا لان الموضوع شيق

[ahmedsrs]

ربنا معاك ومنتظرين باقى الموضوع

[د.محمود صلاح]

لا حول ولا قوة إلا بالله ,, في موضوع الاخ أبو مارو ذكر قصة الراجل اللي عربيته فيها بارومة

[عصام غنايم]

انا من رأيى الشخصى تقبل تانى عرض وعوضك على الله

المثل بيقول الخساره القريبه ولا المكسب البعيد

وربنا يعوض عليك وينتقملنا من الظالم

وبرده

انت حر