الحكاية الثانية مع بارومة الفيرنا الفيفا و توكيل غبور و جهاز حماية المستهلك

[m_mekkawy]

انا من رأيى الشخصى تقبل تانى عرض وعوضك على الله

المثل بيقول الخساره القريبه ولا المكسب البعيد

وربنا يعوض عليك وينتقملنا من الظالم

وبرده

انت حر

ده رايى انا كمان

[vernaviva]

المهم بعد ما المهندس هانى نزيه قالى العربية سليمة و مفيهاش حاجة ......... ده على حسب الكرو المحترف اللى بيشتغل تحت ايده على حد وصفه كل اللى عملوه ان زور الشكمان غيروه ........ و لما سالته ماش زور الشكمان و صوت الفتيس و خبط الاسكترا ......... قالى لاد ده له طبعا تاثير................طبعا مردتش طنشت الرد ده لانه مش مستاهل ارد عليه و قلتله طب و عارضين عليا كام انا حبيت اريح دماغى و قلت ادفع فرق بسيط 2000 او 3000 .......... عربية فيها بارومة و عيوب تانية على الاقل حيعملوا حساب الحاجات دة و اذ افاجا بعرض 45000 ............ و لو هانى نزيه ضغط عليهم شوية حتزيد 1000 او 2000 و ده عشان خاطر

رفضت و استلمت العربية طبعا بنفس العيوب و كلمت حماية المستهلك و قلتلهم الموضوع متحلش فالولى الموضوع تم احالته الى اللجنة الهندسية و متقلقش الجهاز حيرجعلك حق ................ اه نسيت اقولكم المهندس الكبير اللى قالى تعالى قبل ضمانك ميخلص بشهر لما قلتله انا حرجع لجهاز حماية المستهلك ......... رد و قالى ............. بص مش حيعملوا حاجة حيكون ردهم زى ردى

المهم حددوا ميعاد الجلسة و كان يوم خميس و هناك اتقابلت مع 2 عندهم مشاكل مع غبور فى الهيونداى برضه ........... واحد دكتور اسنان عربيته فيرنا فيفا مليانة برومة ............... وواحد عربيته النترا 2010 ولعت و هو مسافر ........ المهم اخدنا تليفونات بعض و كل واحد فينا دخل الجلسة........................................

دخلت الجلسة و قالولى طلباتك قلتلهم العربية تتبدل او اخد فلوسى ........... ليه؟؟؟؟؟ علشان العربية فيها برومة و عيوب ميكانيكا و بالنسبة لعيوب الميكانيكا العربية دخلت 8 مرات و خرجت زى ما هى و بيقولى ان الموضوع نفسى يعنى بيتهيالى الاصوات دى.................. ثانية واحدة يا جماعة اروح اخد حباية التهيوءات و ارجعلكم

[m_mekkawy]

ثانية واحدة يا جماعة اروح اخد حباية التهيوءات و ارجعلكم

ههههههههههههه
والله فطستنى من الضحك
بس اقلك الوعى تاحد حباية التهيوءات من غير ما تفطر واهم حاجه اشرب عليها بيبسى عشان تدوب بسرعه وكسرها نصين عشان يبقى مفعولها سريع.

[vernaviva]

اه نسيت اقول ان بعد 8 مرات العربية دخلت الصيانة و طلعت زى ما هيه روحت لوكيل خارجى معتمد من غبور و للاسف خاب ظن عاطف عبد السميع فى موضوع التهيؤات و ادانى تقرير ......... علبة الدريكسيون بايظة و لازم تتغير ........ الفتيس فيه صوت نحرة و لازم مراجعته

المهم دى اول صورة من صور البارومة اللى مطلوب منى اسيبلهم العربية يشيلوا البارومة منها ...... متهيالى حيشيلوا الزجاج الخلفى فيه علشان البارومة جاية من تحته

[vernaviva]

ممكن حد يفيدنى ليه الصورة مش بتتحمل

[vernaviva]

معلش نظام الفلاش بلاير مش غال عندى بس حنزلكوا بالليل كل الصور من جهاز تانى .......... اكملكو الحكاية ............. الحباية قلبتلى معدتى

[vernaviva]

ده رايى انا كمان

شكلك غبوراوى

[vernaviva]

المهم قالولى طلباتك ايه تانى قلتلهم هى نفس الطلبات قالوا لا لازم تقبل عرض غبور 45000 مفيش حاجة اسمها عربية ترجع لانهم ماشيين حسب القوانين الامريكية ................. مش عارف يقصدوا امريكا البلد ولا يمكن يقصدوا امريكا تانية غير اللى نعرف انها بتحترم حقوق المستهلك المهم ............. المهم طلبت اتعرض على اللجنة ................... محدش يفهم غلط ..... مش لجنة العباسية بتاعة التهيأت .......... اوعه ........

[vernaviva]

يعنى بدون الخوض فى تفاصيل الجلسة الاولى اللى مكانتش فى صالحى اساسا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

خرجت اللى منكم مهتم ممكن يفتح جريدة المصرى اليوم على النت و يفتح عدد 2010/2/17 اخر صفحة و ينزل تحت حيلاقينا ناشرين خبر العربيات بتاعتنا .......... واحدة صدت و التانية باظت و الثالثة ولعت

مقلكمش تعليقات الناس على اخبر منهم ا/ عاطف عبد السميع اللى قالى ان العربية الاولى اللى صدت دى صدا فى حجم راس الدبوس و ممكن يتمسع باصبع اليد خشوا و شوفوا الصدا اللى فى حجم الدبوس على موقع نايل موتورز الصور نازلة و اسمه د/احمد و الرد على العربية اللى ولعت ... بيقولك ان الراجل بيشغلها تجارى و بيحط بنزين 80 .......... و الراجل اساسا شخصية محترمة لا بياجرها و لا بيحط بنزين 80 ............. اما انا فكان رده ان شكوتى ابتزازيةةةةةةةةةةة ............. انا ببتزهم لارجاع العربية ........ كله موجود و مطبوع .......... و التقارير موجودة

من ضمن التعليقات اللى اتكتبت كان تعليق لذيذ جدا واحدة بتحب الجهاز موت ............ اسمها د/ عاليا عبد السميع.......... و قالت عيب يا جماعة كده الجهاز محترم .................. مع العلم اننا فى النشر مهاجمناش الجهاز اساسا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

طبعا واضح مين اللى كان بيحط التعليقات

[vernaviva]

أصحاب ٣ سيارات جديدة يشكون فى «حماية المستهلك» لأن: الأولى «صدت» والثانية «باظت» والثالثة «ولعت»

أميرة صالح ١٧/ ٢/ ٢٠١٠أصحاب السيارات يستعرضون المشكلة

«اشترى عربية ع الزيرو وريحك دماغك من التعامل مع الميكانيكى».. نصيحة استمع لها ٣ أشخاص أثناء توجههم لشراء سيارة لكنهم ندموا بعد أن التزموا بها، لأن السيارات الثلاث الجديدة التى اشتروها ظهرت فيها عيوب جعلتهم يندمون على شرائها.
ثلاثة أشخاص لا يعرفون بعضهم البعض، والرابط الوحيد بينهم هو شراؤهم ٣ سيارات «هيونداى» جديدة، الأولى ظهر صدأ على صاجها والثانية ارتفع صوت ناقل الحركة فيها والثالثة اشتعلت أثناء سفر صاحبها بها. الغريب أن أصحاب هذه السيارات - طبقاً لروايتهم - قدموا شكاوى للشركة فأخبرهم المهندسون فى مركز صيانة «أبورواش» التابع لشركة «هيونداى» أن الصدأ فى السيارة الأولى من السهل علاجه وأن صوت ناقل الحركة فى الثانية «طبيعى» وأن اشتعال الثالثة لم يكن إلا صدفة وليس لعيوب صناعية.
أمير صبرى، محاسب فى شركة استثمارية، قال: اشتريت سيارة «هيونداى» وقبل التوجه بها للصيانة سمعت صوتاً غريباً من ناقل الحركة، وعند سؤال مهندسى الصيانة قالوا إنه طبيعى، وبعد عدة زيارات للصيانة لم أصل إلى شىء فقدمت شكوى فى «جهاز حماية المستهلك»، وتم تحويلها إلى لجنة فنية فى جامعة عين شمس لدراسة أسباب الشكوى وهل ترجع إلى عيوب صناعية فى السيارة أم سوء استخدام.
وقال الدكتور أحمد جمال «طبيب» إنه فوجئ بظهور مساحات من الصدأ فى مناطق مختلفة بسيارته، وتم إصدار تقرير «شفهى» من «جهاز حماية المستهلك» يفيد بأن مساحات الصدأ لا تتعدى ٥ سنتيمترات رافضاً إصدار صورة ضوئية من التقرير - طبقاً لروايته.
وتساءل: كيف يمكن لسيارة جديدة أن يصيبها الصدأ؟ مشيراً إلى أن مراكز الصيانة التابعة لشركة «هيونداى» ترفض تماماً ذكر هذه العيوب فى تقارير الصيانة الخاصة بكل سيارة.
وكان الأصعب ما لاقه محمد أحمد عندما اشتعلت سيارته على طريق الصعيد، وعند تسليمها فى مركز الصيانة لم يصل إلى أى اتفاق، مما اضطره إلى اللجوء إلى «جهاز حماية المستهلك» وكان القرار بأن يتقاسم كل من صاحب السيارة ومركز الصيانة تكلفة الإصلاح التى تصل إلى ١٠ آلاف جنيه، ولكن مركز الصيانة أبلغه بأن التكلفة تصل إلى ٧٥ ألف جن

[vernaviva]

اول صورة المفصلة مصدية بتاعة درج تابلوه العربية

فى معاينة العربية من اللجنة الهندسية يقول ايه يعنى دى مفصلة تتنطر و تتغير .......... حسيت انى بوريهم باب المطبخ

[vernaviva]

واحد تانى يقولك يمكن ابنك دلق بيبسى فى درج التابلوه

[vernaviva]

بكره ان شاء الله اكمل باقى القصة

[vernaviva]

المهم لقيت انهم بيتبعوا طريقة ودى الزبون و رجعه علشان يزهق و يقول حقى برقبتى و نفس الحكاية فى الجهاز ............. رحنا نشرين فى جريدة المصرى اليوم بتاريخ 2010/2/17

[wsamir]

متابع باهتمام
و كان رائى انك تاخد الفلوس احسن من عينهم و تجيب عربية تانى
و ربنا يعوض عليك فى اللى خسرته
احسن ما التوكيل يطلعك فى الاخر مجنون :b4_282:و بتفترى عليهم