طب لو فيرنا اوتوماتيك ولا مانوال

[nasroo]

ازيكم يا فيرناوية - دي اول مشاركة ليا عندكم في قسم الهيونداي انا معايا لانوس 99 والشركة عندي هتديني فيرنا زيرو الافضل اختار اوتوماتيك ولا المانيوال وايه اللي المفروض اخد بالي منه وانا بستلم العربية لاني بصارحة قلقت اوي من حكاية البارومة والقصص اللي عمال اقرا فيها بقالي يومين عن الفيرنا والنيو اكسنت واللي غبور بيعمله في الناس ياريت تساعدوني قبل ما استلم وكمان تقولوا لي رايكم اعمل ايه في الانوس ابيعها ولا ايه مع اني مظبطها ومعدل فيها جامد

[Ahmed Anwer]

هات الأتوماتيك عشان علي الأقل تحس انك عملت نقلة نسبية

عن اللانوس ،،

يعني زودت اوبشن في عربيتك مش من مانيوال لمانيوال و نفس الفئة

و بخصوص عربيتك دي حاجة ترجعلك

لو امكانياتك تسمح احتفظ بالاتنين ،، او حتي تدي واحدة للمدام تستخدمها

الاستلام ،، راجع علي العربية كويس ،، و ربنا يسترها

[mrdiver]

الاتنين تمام انا معايا حاليا ال2007 المنيوال 1600
ابن خالي معاه ال 2005 الاوتو ماتيك برده 1600 جنط 14
ابن خالى معندووش اي مشاكل مع الاتوماتيك بتاع الفرنا
لو انت ليك في الشد متتنزلش عن المنيوال فى 1600 الفرنا بجد
مشهتعلم على اللى حواليك لا ديه هتمتعك بجد
لو سوقتك هادية خليك في الاتوماتيك وريح دماغك من الدبرياج والزحمة
بالنسبة للمراجعة راجع على الفرش كويس بتاع البيبان
الميكانيكا معتقدش انك ممكت تأبل مشكلة فى عربيا هيونداي وزيرو كمان

[dolly13]

اهلا بيك فى قسم الهيونداى
واضح انك بدات تتقبلها
وصدقنى مش هاتندم
بس نصيحة اخوية فى الكورى المانيوال احسن بكتير
ربنا يوفقك

[mrdiver]

على فكرة يا دولى انا ابن خالى معاه الاوتوماتيك
وداخلة في خمس سنين مجاش في يوم وقال ان فيه حاجة انكسرت او باظت

[dolly13]

لا انا مش قصدى ان الاتوماتيك الكورى بيبوظ بسرعة
انا قصدى ان سحب العربية بيبقى ضعيف قوى
انا جربتها كذا مرة وحسيت بكدة
وجربت برده اللانسر الاوتو 1600 وطبعا الفرق رهيب
ده كان قصدى

[ahmedverna]

بص زى ماقالك مستر دريف لو ليك فى الشد يبقى المانيوال اما لو بتمشى هادى يبقى الاتوماتيك طبعا

[Ahmed Anwer]

يا جماعة مين اللي قالكم ان سحب الفيرنا الأتوماتيك وحش ؟؟؟

سحب الفيرنا الأتوماتيك ممتاز ،،،

و فيه ناس زمايلنا في المنتدي جربوها بنفسهم

[M.Osman]

لو رجع بيا الزمن ... كنت جبتها اوتوماتك... مش عشان المانيوال وحش ..لأ ... بس عشان اريح نفسي

[mrdiver]

بص زى ماقالك مستر دريف لو ليك فى الشد يبقى المانيوال اما لو بتمشى هادى يبقى الاتوماتيك طبعا

باشا النيك نيم مستر دايفر مش درايف .. دايفر يعنى غواص
ثانيا انت عارف يا ابو حماد انا بجد بحس بطيبة واخلاق عاليين جدا مع الناس اصحاب الفرنا
وبفرح جدا لما بشوف حد منهم بيدخل يناقش وشكرا يا جميل على مدخلتك
وعلى فكرة الفرنا الاوتوماتيك فيه غيار اسمه l ودة للجرى والفرك والذي منه وفيه زرار بيقفلها على 80 متتجوازهمش
الاوتوماتيك اغلى ب 6 الاف جنيه ولذيذ جدا في القيادة الكلاسيك وكمان مقاس جنطها اكبر 14
انا برده عربيتى كاملة 1600 بس ينقصها الجنط ال14 ((اسمحلى اعمل ريبورت سريعللفرنا يا احمد باشا))
الفرنا فى كلا الاحوال من وجهة نظر شخص بيركب عربيات من 17 سنة وبيسوق ترلات من 9 سنين وعندى خبرة كبيرة بين الاتنين اقدر اقولك ان الفرنا صفقة نااااجحة جداا
اولا الصاااج والاكصدمات انا مجربهم وبصراحة اقسم بربي انى مصدقتش
ثانيا العربيا خفيفة ومعرفش ايه العربيا الاخف هيا العربيا الانجح مفيش حاجة اسمها خفيفة
فيه حاجة اسمها ضايعه فى المنورات
ثالثا العربيا على شاسيه كريستالة 98 اللى الكل قال عال توازنها ومنورتها جبارة ((بس أول متحط على الكبوت علامة هيونداي ابتدة فئة من الشعب المصري تزاول نشاطها( ديه هيونداي ورق وزفت) بس عادى))
رابع الفرامل هتلاحظها بنفسك اقوى من اللنوس كتييير
الموتور ال1600 دة تجربها انت وربنا يستر عليك مشهينفع نتكلم عنه
العربيا فى الملفات تمام وأسألنى انا بمارس هويتى المفضلة بعد الساعه 4 الفجر على البحر من المندرة لحدكيلوباترا في 6 دقايق
الفتيس بتاعها المنيوال ميعرفهوش غير اللى ركبها منتهى السلاسة والنعومة
العزل بالنسبة للدوشة والعربيات تمام
البور مظبوط ليها جدا
العفشة اعتمادية عالية
الات الجر حمالة اسيا بصراحة اكتر من الانوس
تجميع بيكسر ال 200 عن تجربة انا وناس بالهبل (( بس منصحكش)) خطر جدا
تكييف تلاجة
الشنطة اكبر من اللنوس
الابعاد واضحة اكتر من الانوس
العربيا سنترهاجميل
الاضواء جواه العربيا كفايا اوى حتا لليجانزا بالنسبة للصالون
بالنسبة للنور الواطى والعالى برده عاليين جدا مش محتاج زينون
العربيا لو نسيت الكاسيت والنور العالى بمجرد مبتشيل مفتاح الكونتاك بتفصل كل حاجة معادا اضائة الصالون لو انت سايبها ومشغالها
الكاسيت بتاعها جميل جدا وسماعتها لذيذة هتسمع صوت حلو منغير متغير حاجة
طبعا سي دى امبثري
مخدع لكرسي السائق
الكرسي بيتحرك فى 6 اتجاهات
قطع الغيار رخيصة ومعمرة
اي ميكانيكى بيشتغل فيها
_____________
ثالثا العيوب
العربيا بجد محتاجة عفشة رياضية بسبب انها بتجرى جاامد ومغريا اوى
لو انت ليك فى الجري نصيحة ليك تكبر الطنابير وتغير التيل لاكبر
الموتور صوته عالى وبصراحة بيبئه مزعج مع القيادة لمدة كبيرة
لان العزل بتاع الموتور مش موجود
التكييف مفهووش فلتر
العربيا صالونها اضيق من الانوس بالنسبة للعرض فقط
بتستهلك بنزين بصراحة يمكناكتر من اللنسر ال 1600
بدون انحياز ديه هيا الفرنا((مميزات وعيوب )) وملكش دعوة بالكلام التانى ويشهد عليا ربنا في كلامى

[nasroo]

اهلا بيك فى قسم الهيونداى
واضح انك بدات تتقبلها
وصدقنى مش هاتندم
بس نصيحة اخوية فى الكورى المانيوال احسن بكتير
ربنا يوفقك

انا بس كنت قلقان من اللي بسمعه مش حكاية كره ولا حب
انا لما كنت في السعودية كان كل الشركات بتدي موظفينها اكسينت (اللي هي الفيرنا ) وكانت زي الفل وماحدش اشتكى منها

لو رجع بيا الزمن ... كنت جبتها اوتوماتك... مش عشان المانيوال وحش ..لأ ... بس عشان اريح نفسي

انا قدامي اختيارين يا إما 1600 هاف اوبشن مانيوال ودي هستلمها بعد اسبوعين أو اوتوماتيك وطالما هي اوتوماتيك بيتهيئلي هتبقى فول اوبشن ودي هستلمها بعد شهرين لان غبور بيقول ان الانتاج عنده محدود ومش هيقدر يسلم قبل شهر 8

باشا النيك نيم مستر دايفر مش درايف .. دايفر يعنى غواص
ثانيا انت عارف يا ابو حماد انا بجد بحس بطيبة واخلاق عاليين جدا مع الناس اصحاب الفرنا
وبفرح جدا لما بشوف حد منهم بيدخل يناقش وشكرا يا جميل على مدخلتك
وعلى فكرة الفرنا الاوتوماتيك فيه غيار اسمه l ودة للجرى والفرك والذي منه وفيه زرار بيقفلها على 80 متتجوازهمش
الاوتوماتيك اغلى ب 6 الاف جنيه ولذيذ جدا في القيادة الكلاسيك وكمان مقاس جنطها اكبر 14
انا برده عربيتى كاملة 1600 بس ينقصها الجنط ال14 ((اسمحلى اعمل ريبورت سريعللفرنا يا احمد باشا))
هي الاوبشنز هي اللي هتخليني اجيب الاوتوماتيك وكمان الجنط ال14 ده بس في سؤال هل الفرامل اللي راكبه على الجنط ال14 هي اللي راكبه على الجنط ال13 ولا بتختلف زي الانوس لان الانوس ال14 فراملها اكبر من ال13 وانا عامل التعديل ده في عربيتي اللانوس غيرت الكالبرات والجنط والتيل
الفرنا فى كلا الاحوال من وجهة نظر شخص بيركب عربيات من 17 سنة وبيسوق ترلات من 9 سنين وعندى خبرة كبيرة بين الاتنين اقدر اقولك ان الفرنا صفقة نااااجحة جداا
اولا الصاااج والاكصدمات انا مجربهم وبصراحة اقسم بربي انى مصدقتش
ثانيا العربيا خفيفة ومعرفش ايه العربيا الاخف هيا العربيا الانجح مفيش حاجة اسمها خفيفة
فيه حاجة اسمها ضايعه فى المنورات
ثالثا العربيا على شاسيه كريستالة 98 اللى الكل قال عال توازنها ومنورتها جبارة ((بس أول متحط على الكبوت علامة هيونداي ابتدة فئة من الشعب المصري تزاول نشاطها( ديه هيونداي ورق وزفت) بس عادى))
رابع الفرامل هتلاحظها بنفسك اقوى من اللنوس كتييير
دي مهمة جداً بالنسبة لي
الموتور ال1600 دة تجربها انت وربنا يستر عليك مشهينفع نتكلم عنه
ده لا خلاف عليه
العربيا فى الملفات تمام وأسألنى انا بمارس هويتى المفضلة بعد الساعه 4 الفجر على البحر من المندرة لحدكيلوباترا في 6 دقايق
الفتيس بتاعها المنيوال ميعرفهوش غير اللى ركبها منتهى السلاسة والنعومة
العزل بالنسبة للدوشة والعربيات تمام
البور مظبوط ليها جدا
العفشة اعتمادية عالية
الات الجر حمالة اسيا بصراحة اكتر من الانوس
تجميع بيكسر ال 200 عن تجربة انا وناس بالهبل (( بس منصحكش)) خطر جدا
تكييف تلاجة
الشنطة اكبر من اللنوس
الابعاد واضحة اكتر من الانوس
العربيا سنترهاجميل
الاضواء جواه العربيا كفايا اوى حتا لليجانزا بالنسبة للصالون
بالنسبة للنور الواطى والعالى برده عاليين جدا مش محتاج زينون
العربيا لو نسيت الكاسيت والنور العالى بمجرد مبتشيل مفتاح الكونتاك بتفصل كل حاجة معادا اضائة الصالون لو انت سايبها ومشغالها
الكاسيت بتاعها جميل جدا وسماعتها لذيذة هتسمع صوت حلو منغير متغير حاجة
طبعا سي دى امبثري
مخدع لكرسي السائق
الكرسي بيتحرك فى 6 اتجاهات
قطع الغيار رخيصة ومعمرة
اي ميكانيكى بيشتغل فيها
كل ده في الاوتوماتيك بس ولا المانيوال كمان اصل لو في المانيوال اخدها حالاً ومش هستنى لشهر 8 اما لو في الاوتوماتيك بس يبقى استنى عشان خاطر عيون الرصة اللي حضرتك حطيتها دي
_____________
ثالثا العيوب
العربيا بجد محتاجة عفشة رياضية بسبب انها بتجرى جاامد ومغريا اوى
لو انت ليك فى الجري نصيحة ليك تكبر الطنابير وتغير التيل لاكبر
الموتور صوته عالى وبصراحة بيبئه مزعج مع القيادة لمدة كبيرة
لان العزل بتاع الموتور مش موجود
التكييف مفهووش فلتر
بس انا قريت هنا ان في حد اشترى فلتر من بره وركبه لان مكانه موجود تقريبا
العربيا صالونها اضيق من الانوس بالنسبة للعرض فقط
بتستهلك بنزين بصراحة يمكناكتر من اللنسر ال 1600
بدون انحياز ديه هيا الفرنا((مميزات وعيوب )) وملكش دعوة بالكلام التانى ويشهد عليا ربنا في كلامى

الف الف شكر ليك يا دايفر باشا على المساعدة الجبارة والتقرير الرائع ده
بس ياريت لو تقول لي ازاي الاوتوماتيك بيتساق لان شكلها كده فيها حاجة ماعرفهاش حكاية زرار الجري ده واللي بيقفل السرعة - اصلي طول عمري بسوق مانيوال بس



وشكلي كده هلاقي عندكم ناس زي الفل في كل حاجة - زي الناس اللي في قسم الدايو اللي كنت حاسس اني مش هلاقي زيهم في المنتدى لكن نايل موتورز شاكله كده مجتمع جميل جداً في التعامل بين اعضاؤه يا ريت مصر كلها تبقى نايل موتورز

[mrdiver]

انا بس كنت قلقان من اللي بسمعه مش حكاية كره ولا حب
انا لما كنت في السعودية كان كل الشركات بتدي موظفينها اكسينت (اللي هي الفيرنا ) وكانت زي الفل وماحدش اشتكى منها


انا قدامي اختيارين يا إما 1600 هاف اوبشن مانيوال ودي هستلمها بعد اسبوعين أو اوتوماتيك وطالما هي اوتوماتيك بيتهيئلي هتبقى فول اوبشن ودي هستلمها بعد شهرين لان غبور بيقول ان الانتاج عنده محدود ومش هيقدر يسلم قبل شهر 8


الف الف شكر ليك يا دايفر باشا على المساعدة الجبارة والتقرير الرائع ده
بس ياريت لو تقول لي ازاي الاوتوماتيك بيتساق لان شكلها كده فيها حاجة ماعرفهاش حكاية زرار الجري ده واللي بيقفل السرعة - اصلي طول عمري بسوق مانيوال بس



وشكلي كده هلاقي عندكم ناس زي الفل في كل حاجة - زي الناس اللي في قسم الدايو اللي كنت حاسس اني مش هلاقي زيهم في المنتدى لكن نايل موتورز شاكله كده مجتمع جميل جداً في التعامل بين اعضاؤه يا ريت مصر كلها تبقى نايل موتورز

بص يا باشا طلاما هيدوهالك نص اوبشن خليك فى الاوتامتيك بتنزل فول اوبشن اجبارى
العربيا الفرامل بتاعتها انا معرفش لو فيه اختلاف ولا لاء عشان مبفتيش لو فيه امل واحد فى المليون يكون كلامى غلط
بالنسبة للؤوتوماتيك العربيا جميلة ونظام تحديد السرعه 80 واقفل على كدة كان تقريبا زرار فى الفتيس بيداس عليه بيخليها 80 ومتطلعش عن كدة مهما تدوس
وبالنسبة للؤتوماتيك هو هتخاف منه فى الاولبس بعد كدة مشهتعرف تركب غير اوتوماتيك لانه سهل رقم واحد اتنين مريح تلاتة ممتع جدا وادمااان اسئالنى انا الاوبترا كانت معايا فى 2006 كرهتنى فى المنيوال ولما كان معايا البرافو حسيت بالذل بسبب ال6 غيارات منيوال
سوقته بتبتدى تدور العربيا والفتيس على p وبتدوس فرامل تحط الغيار على d والعربيا بمجرد مبتشيل رجلك بتمشى براحة وبمجرد مبتلمس الاكسراتير بتمشى وتجرى معاك لحد متقفل عدادها
ولو هتقف في اشارة نصيحة حط الفتيس على ال n بعد مبتقف بتدوس فرامل وتغير من d ل n
ولما تركن العربيا ال p بتسيبها عاليه عشان تعشق كانك شادد البريك بتاع العربيا الr علشانترجع لورا برده بتدوس فرامل لحد ما العربيا تقف وتحط ال r بس اهم حاجة تحطها فى دماغك لازم تحط فرامل وتخد بالك انك وانت بتشيل الفرامل العربيا بتتحرك سواء ادام او وراه
بالنسبة لل80 وقفل دة زرار فى العصاية on - of يقفلهالك على 80 او يفتحهالك طبعا مفيش دبريااج وداعا خلاص الاول والتانى والتالت دول نظام تسقيط وانا مبرجحش موضوع التسقيط فى الاوتوماتيك العادى ممكن لقدر الله الفتيس يقفش والنتيجة مشهتبئه كويسةالكلام على كل العربياات طبعا مش الهيونداي بس عدا الاستيب ترونيك والايزى ترونيك دول بتوع كدة
صحيح انا نسيت اقولك ان الفرنا ممكن تتزحلق سنا في ملف لو انت ققارص اوى بس مش هتعووم عكس الانوس والنوبيرا انا مجرب الموضوع دة كتييييير ومتعود عليه لان فيه ملفات على البحر واللهى بدخلها 100 وبعضها 120 بس طبعا دة موضوع احترافى طويل جدا في الشرح
على فكرة صاج الفرنا اقوى من كل اليابانى عن تجربة تالت مرات
وهتلائي سمعتها كويسة بين الخليجين برغم انها مش بفلوس هناك
عكس هنا خالص فى مصر
انا بحب العربياه ده جدا جدا برغم امتلاكى للؤبترا 2006 والاوكتافيا 2008 كاملة ومثبت منيوال والبرافو امتلاكتها شهر ونص وكانت هاي لاين كل حاجة عدا البزوكا والتربو 90 حصان بس ومش تي جت
انا حبيتها لانها عمرها مخزلتنى اصااد عربيات بتمنها تالت وازيد
بس راعيها هترعيك ديه قاعدة العربيات الاساسية
ومبروووك مقدقما يا باشا

[mrdiver]

يا جماعة مين اللي قالكم ان سحب الفيرنا الأتوماتيك وحش ؟؟؟

سحب الفيرنا الأتوماتيك ممتاز ،،،

و فيه ناس زمايلنا في المنتدي جربوها بنفسهم

الوحيدة اللى تجمعها زفت ولو على مطلع او رصيف صغير لازم تحرق جامد فى المنيوال هيا الاوبترا بس الاوتوماتيك بتاعها رهييييييييييب حتاه فى الشد برده الاوتوماتيك
الفرنا مش وحشة خالص فى الاوتوماتيك
اما بالنسبة للنسر مكنة 1600 سوبر اكشن موديل السنة
معرفش يعمل اي حاجة مع فرنا 1600 منيوال جى ال اس 2007
وخصوصا السرعات العاليا اللى اللنسر بتتفوق فيه على الكورولا
ويعيب اللنسر برده استهلاك عالى للبنزين وتنكها كبر من تنك الفرنا بتلاتة لتر
لانسر بوومة اجمل واريح صالوون ممكن تقعد فيه وترتاح ومساحات هايلة ورا وقدام
اي استفسار اخوكم موجود

[mrdiver]

ومعلومة مهمة جدا يا جماعة ومحدش يزعل منى انا برده من عشااااق اللنسر بسبب اداء محركها وعفشتها الهايلة فى مطبات او نقر او ثبات
بس برده عن تجربة اللنسر سيئه جدا فى الفرامل بتتزحلق بطريقة غريبة ومبالغ فيها وال a p s مش فعال او العربيات اللى جربتها فى اللنسر مش مظبوطة فى الفرامل
وكمان صاجها اديله 5 على عشرة لو الفرنا هتاخد 8 على عشرة
وكمان الاكصدامات بتاعت اللنسر زينة بس لان اقل صدمة بتبهدل الكبوووت تماما ولو اي حد ريح عليك بتلائي الاكصدام بئه شكله غريب
اتمنى مكنش ازعجت حد اوحد زعل منى

[shouk_1987]

لو رجع بيا الزمن ... كنت جبتها اوتوماتك... مش عشان المانيوال وحش ..لأ ... بس عشان اريح نفسي

+111111111

يا جدعان الواحد ما بييشدش كل يوم بس بدوس دبرياج كل لحظة
على فكرة أنا بعشق المانوال بس البلد ديه خلااااص