طب لو فيرنا اوتوماتيك ولا مانوال

[kamatsho]

بالنسبه للجنوط ال 15 والكاوتش النضيف هتتكلف فى حدود 3000 بس هتحس بثبات عالى ان شاء الله وفرق كبير جداااااا


لكن بالنسبه لموضوع تحويل السياره من مانيوال الا اتوماتيك فـ انا من رائيي حراااااااااام تعمل الحكايه دى عشان هتغير حاجات كتيييييييييير غير الفتيس وهتكلفك كتييير برضو ومعظم الصنايعيه مش خبره فى الحوار ده ويا جت يا مجتش

لو عايز اتوماتيك يبقى تبيع اللى معاك وتشترى الاتوماتيك جاهزه

[د.محمود صلاح]

الف مبروك .. وننتظر تقييم حضرتك للعربية والسعر وطريقة الشراء والإستلام ووو الخ

[bassem.naguib]

كنت عاوز أسأل سؤال بخصوص التكييف بتاع الفيرنا .. من حيث الأداء وتأثيره على السحب (أنا عارف أنه لازم يأثر على السحب بس بنسبة كام تقريباً) .

ونقطة عدم وجود فلتر للتكييف ده بيأثر على الصالون (دخول أتربة مثلاً وما شابه) .. وهل في مكان لتركيب فلتر تكييف بس غبور مش حاطط الفلتر .. ومدى تأثير تركيب الفلتر (لو ينفع) على أداء التكييف .

[nasroo]

الف مبروك .. وننتظر تقييم حضرتك للعربية والسعر وطريقة الشراء والإستلام ووو الخ

الله يبارك فيك يا دكتور
بالنسبة للسعر وطريقة الشراء هي تمنها 72000 وده تم عن طريق الشركة اللي انا شغال فيها لانها واخده عقد ب100 عربية فيرنا من غبور منها اوتوماتيك ومانيوال انا كنت عاوز المانيوال لاني بحب القيادة المانيوال بس لاقيت الاوتوماتيك فول اوبشن ففكرت فيها عشان كده

[bassem.naguib]

ألف مبروك للأستاذ nasroo استلام العربية .. وربنا يبارك ليك فيها .. ويبعد عنك شرها .. أمين

ومستنيين التقييم الشامل بعد شوية .. والفروقات اللي حسيت بيها بينها وبين اللانوس .

[amrdat]

مبروك

استلمتها امبارح يا جماعة اوتوماتيك فول اوبشن 1600 الحمد لله بس انا حاسس انها في المطالع عزمها ضعيف مش زي الانوس لما بجيبها على الاول او التاني ممكن اطلع بيها على الحيطة ولا يمكن عشان لسا بلين انا ماشي بيها 100 كم بس

مبروك يمزجانجي
وربنا يديك خيرها ويكفيك شرها قول امين

وابقا سلملى علىكامبوجين فى سكتك يبرنس

عاملت اية فى اللانوس

[nasroo]

ان شاء الله بعد صيانة الالف هقول الفروقات اللي بينها وبين الانوس بس انا مستني شوية لبعد فترة التليين عشان يبقى الراي دقيق شوية

[kamatsho]

كنت عاوز أسأل سؤال بخصوص التكييف بتاع الفيرنا .. من حيث الأداء وتأثيره على السحب (أنا عارف أنه لازم يأثر على السحب بس بنسبة كام تقريباً) .

ونقطة عدم وجود فلتر للتكييف ده بيأثر على الصالون (دخول أتربة مثلاً وما شابه) .. وهل في مكان لتركيب فلتر تكييف بس غبور مش حاطط الفلتر .. ومدى تأثير تركيب الفلتر (لو ينفع) على أداء التكييف .

بالنسبه لتكييف الفيرنا ممتاااااز تلااااااجه بصراحه
بالنسبه لتأثيره على السحب فهوا تأثير بسيط جدا غير ملموس الفرق بس انك وانتا مشغل التكييف وقرصت على الغيار الاول العربيه مش بتأمرك لكن من غير تكييف وكبست على البنزين سنه بسيطه حتى هتلاقى الكاوتش بيفرك ويأمرك
وبالنسبه لموضوع الفلتر هوا فعلا بيدخل اتربه للعربيه فى الصالون وطبعا فيه مكان لتركيب الفلتر ده وفى ناس معانا فى المنتدى مركباه وانا ناوى ان شاء الله اركبه برضو تأثيره على اداء التكييف اكيد هيفررق طبعا وهيبقى الهوا نقى الا حدا ماا

[bassem.naguib]

بالنسبه لتكييف الفيرنا ممتاااااز تلااااااجه بصراحه
بالنسبه لتأثيره على السحب فهوا تأثير بسيط جدا غير ملموس الفرق بس انك وانتا مشغل التكييف وقرصت على الغيار الاول العربيه مش بتأمرك لكن من غير تكييف وكبست على البنزين سنه بسيطه حتى هتلاقى الكاوتش بيفرك ويأمرك
وبالنسبه لموضوع الفلتر هوا فعلا بيدخل اتربه للعربيه فى الصالون وطبعا فيه مكان لتركيب الفلتر ده وفى ناس معانا فى المنتدى مركباه وانا ناوى ان شاء الله اركبه برضو تأثيره على اداء التكييف اكيد هيفررق طبعا وهيبقى الهوا نقى الا حدا ماا

شكراً يا كماتشو على الرد .. بس أنا أقصد تأثير الفلتر لو اتركب حيكون بالسلب في الأداء ولا عادي (حيبقى تلاجة برضه زي ما بتقول بعد تركيب الفلتر) .

أكيد الفلتر حيمنع دخول الأتربة .. وخاصة الجو في البلد زي ما أنت شايف .

ومكان تركيب الفلتر موجود عادي ولا حيبقى فيه تعديلات وكلام من ده .

[hosambarakat]

يا باشا مبروك السيارة ومنتظرين التقرير المتين... وبعدين ما تشغلشى بالك بموضوع الفيلتر من دلوقت انت لسه فى الالف الاولى وماعندكشى اى مشكلة كله زيرو وانسى .....ولازم تعرف ان التكييف بيأثر على السحب بكل تأكيدوخصوصا فى الاوتوماتيك بس فى سرعة النقلة بس يعنى مثلا لما تكون عايز تتخطى اللى قدامك لازم تعمل حساب مسافة اكبر بينك وبين المقابل علشان تتخطى مستريح ..وكذلك لو انت مهدى وعايز تزود السرعة بشكل مفاجئ هاتكون ابطأ معاك... بس برضه انت معاك احلى موديل فى الفيرنا 2010اوتوماتيك وهى الهاى لاين بتاع الفيرنا والف مبروك