استفسارات بخصوص الفيرنا .

[د.محمود صلاح]

شكرا لحضرِتك dolly13
هي عندك الكاملة اوتوماتيك ؟

[د.محمود صلاح]

تكملة للإستفسارات بالنسبة للفول اوبشن اوتوماتيك :-

21- هل باب الشنطة مبطن من الداخل ؟ وكذلك الكبوت ؟
22- الزجاج الخلفي فيه مذيب ثلوج ؟
23- هل نور الصالون بينطفي تدريجيا بعد غلق الباب ؟
24- هل البطارية جافة ؟
25- هل التانك له فتحة من تحت الكنبة الخلفية لصيانة العوامة ؟
26- هل وضع احزمة الامان بيتغير للأسفل والاعلى ؟

[shouk_1987]

تكملة للإستفسارات بالنسبة للفول اوبشن اوتوماتيك :-

ممكن أقولك اللى فى الفول المانيوال بعد إذنك طبعا يا دكتور

21- هل باب الشنطة مبطن من الداخل ؟ لا وكذلك الكبوت ؟ لا
22- الزجاج الخلفي فيه مذيب ثلوج ؟ نعم
23- هل نور الصالون بينطفي تدريجيا بعد غلق الباب ؟ نعم
24- هل البطارية جافة ؟ لا بطارية نسر ماياه 55A
25- هل التانك له فتحة من تحت الكنبة الخلفية لصيانة العوامة ؟ نعم و لتغيير فلتر البنزين أيضا (لو هى دى العوامة)
26- هل وضع احزمة الامان بيتغير للأسفل والاعلى ؟ لا

بس إنت ما شاء الله أسألتك متخصصة أوى و لو رحت لغبور نفسه مش هيعرفها :)

[د.محمود صلاح]

بس إنت ما شاء الله أسألتك متخصصة أوى و لو رحت لغبور نفسه مش هيعرفها :)

معلش دي الحاجات الأساسية اللي المفروض تبقى في أي عربية .. واللي أنا اتعودت عليها في جميع العربيات اللي ركبتها ( في بياناتي ) واللي كل سؤال من دول اتعكيت فيه في مشكلة سابقة لعربيات سابقة

[shouk_1987]

معلش دي الحاجات الأساسية اللي المفروض تبقى في أي عربية .. واللي أنا اتعودت عليها في جميع العربيات اللي ركبتها ( في بياناتي ) واللي كل سؤال من دول اتعكيت فيه في مشكلة سابقة لعربيات سابقة

يا راجل كل ده أساسى إنت شكلك مش عارف الوكلاء المصريين عاملين إزاى
ده لو يطول يديهالك من غير عجل هيديهالك عشان يهبش فى كرشه اللى يقدر عليه
تقبل تحياتى

[dolly13]

انا معايا الكاملة مانبوال وبصراحة بحس ان المانبوال افضل من الاتو

[mazharsafwat]

بالتوفيق ان شاء الله واحييك على اختيارك الفيرنا افضل فئاتها, وانا انقل رسالة لى بعثتها لاحد الاصدقاء حول الفيرنا الاوتوماتيك وارجو برضه لصاحب السؤال ان يدخل على كونتاكت كارز ويشوف تقييم السيارة ويقارنه بغيره من تقييم باقى الفئة السعرية وده مهم جدا تحديد الفئة... واليك تعليقى:هى سيارة جميلة جدا ومتوازنة فى كل شئ: السعر :يلائم امكانياتها جدا جدا ولا تكاد تلاحظ اى فرق بينها وبين من اعلى منها فى حدود ال100الف... كلهم زى بعض لذلك هى افضل بالسعر 74الف, وهى تعتبر الهاى لاين بتاع الفيرنا لان التوكيل مهتم جدا بتقفيلها خامات كويسة مفيش تعليق عليها(سيبك من اللى بيفتى وبس)الجنوط 14 والكاوتش185فهى اعلى واثبت من باقى الفرناوات(حلوة الفيرناوات دى) تكييف ممتاز_بس لازم تجربه كويس عند الاستلام_كاسيت سى دى جيد جداونظام صوتى جيد و4سماعات جيدين.... الصالون واسع بيشيل 3من احجام كبيرة,الاسرة عندى4ابناءاعمار مختلفة بيقعدوا كلهم ورا وطبعا المدام قدام,ولى صديق187سم ولم يشتكى...اضائة الصالون ممتازة ورا وقدام هناك اضائة.... الاضائة تخفت تدريجيا بعد غلق السيارة.مصابيح شبورة..مرايات جانبية كهرباء..مذيب للصقيع..مسند يد للسائق مقابض نيكل من الداخل..الابواب مبطنة ..اريال كهربائى. اهم حاجة تجربة السيارة والتشييك على كل شئ قبل الاستلام.....بالنسبة للاوتوماتيك مفيش له مشاكل طول ماانت سواقتك هادية وسلسة مافيهاش عفرتة..وهو مرييييييييييح جدا وهو نفس الفتيس بتاع الجيتز والالينترا2006وكذلك الماتريكس ومحدش اشتكى منه ولى صديق معه الاوتوماتيك من2004 ولم يحدث عطل واحد..اه لم يحصل عطل واحد...وهناك زرار الاوفر درايف الذى يسقط نقلة ويثبت لك السرعة عند80مهما دوست لن تتخطى ال80(ايه رأيك؟؟). الشئ الوحيد اللى ممكن انبه عليه هو استعمال السيارة الجيد وخصوصا الفرامل لانك هاتستعمل الفرامل كتير واكتر من المانيوال لذلك لازم تكون شديده وده هايحتاج منك تشييك عليها من فترة لفترة.. انا اللى معايا فيرنا 2010فول اوبشن اوتوماتيك..بعد دراسة ومقارنات لمدة6شهور وجدت ان كل اللى اعلى من الفيرنا الاوتوماتيك سعرا لغاية100الف مافيهوش اى زيادة حقيقية تغرينى بالفرق وطبعا الشكل جميل وفيه لون طالع جديد زيتونى كده او قريب من اللون ده برضه حلو ..انا اللى معايا نبيتى.)))))

[د.محمود صلاح]

شكراً لحضرتك mazharsafwat

انا لسه في طور الدراسة والتقصي ..

وبالفعل كنت داخل أسأل على نقطة الكيك داون هل هي موجودة في اوتوماتيك الفيرنا ولا لأ ؟ ( أكبس البنزين للآخر العربية تسقط نقلة عشان تسحب )

[د.محمود صلاح]

-----------
تحديث جزاكم الله خيراً :-

هل زراير الزجاج الكهربائي مضاءة مع فتح نور التابلوه ؟ وذلك للأربع أبواب ؟