مركز خدمة عملاء هيونداي ترحب باى شكوى من مالكي هيونداي

[Matrixawy]

حرام ليه ؟
أولا:ً اللي بيركبك الأنذار فني هيونداي ... يعني خبرته ليها قيمة و مصروف عليها ... و ده بيضمنلك أن الفك و التركيب و المواد المستعملة (فيش ... وصلات ... الخ) كلهم معتمدون من هيونداي .. و الأهم بدون فتاوي.
ثانياُ: كل اللي هيتعملك مضمون ضمان الوكيل اللي هو ضمان السيارة.
ثالثاً: و الأهم اي أضافة أو أصلاح في كهربة العربية أو بالأحري الـ Electronics يجب أن يتم لدي الوكيل لأنه ببساطة أي مشكلة تتربت علي سوء التركيب أو الأصلاح ممكن تكلف كتير و هنا السؤال .. الشاب اللي علي الرصيف اللي ممكن يركبهولك بـ 20 جنيه ممكن يدفعلك ثمن الـ ECU أن راحت بسبب سوء التركيب؟

أما عن نوع الأنذار فأرجو قبل أن تشتري الأنذار أن تستشير مهندسي الصيانة عند صيانة الألف .. فهناك أنواع تسبب (قفلة) بكهربة العربية و ممكن تبوظلك الدنيا ... و يفضل النوع المعتمد من غبور

أرجو الأتصال علي 16101 لتحديد حجز لصيانة الـ 1000 بسيارتك .. و هي مجانية للأجور فقط.

و تقبل وافر تحياتي

الاستاذ الفاضل عاطف
مع احترامى الشديد لك واضح من كلام حضرتك عن هذا الموضوع انه كلام نظرى بحت و ارجو من سيادتك
ان تنزل و ترى بنفسك اجهزة الانذار التى تركب عندكم حيث انى عانيت منها كثيرا و تعطلت اكثر من مرة و تركيبها فى منتهى السؤ و الاهمال و يكفى ان اقول ان شريط اللحام الاسود مدلدل منها و ظاهر مع الاسلاك و لا يوجد وصلات او فيش محترمة كما تقول حضرتك و كله شريط لحام و الصق و شغل عك على اعلى مستوى و ان القطعة الخاصة بحساس الاهتزاز وقعت من مكانها اكثر من مرة عندى و وجدتها مربوطة بسلكة قصيرة كل شوية تتفك من مكانها و غير مثبت بمسمار او لصق جيد ان ما رأيته شىء سىء جدا و لا يدل على ان هذا شغل توكيل ابدا و بصراحة عمرى ما شوفت تركيب جهاز انذار بهذا السؤ و ليس هذا فقط بل انه راكب غلط ايضا لانه لا يضىء نور الفلاشر معه بل يضىء النور الصغير و اللى اعرفه ان الفلاشر هو اللى بيضىء مع الانذار و ليس النور الصغير ارجو تقبل النقد بصدر رحب و اعتقد ان تركيب سيىء بهذا الشكل و بى 200جنية يعتبر حرام جداااااااااااا

[kemks]

معلش سؤال للافاده لجميع الاعضاء

ما مده تسخين محرك السياره وهل تفرق من محرك انجيكشن او كربرتير عادي
مع بحثي في الانترنت وجدت المواضيع ناس بتقول لمده 30 ثاينه و ناس بتقول من 3 الي 5 دقائق و ناس بتقول 8 دقائق او 10 دقائق

و في ناس بتستني لغايه لما مؤشر الحراره بيرتفع او يتحرك بس
و في ناس بتقول اول لما مؤشر rpm ينزل عن الواحد او علي الواحد عشان اول لما الواحد بيدور بيبقي المؤشر فوق الواحد

انا بقي اليومين دول بقيت بستني اول لما المؤشر بيبقي عند الواحد او تحته بحاجه بسيطه و بعدين بطلع

وياتري لو سخنت و مشيت و وقفت نص ساعه مثلا بأجي الاقي المحرك سخن امشي علي طول و لا استني شويه

شكرا علي الافاده و الموضوع المميز هذا

[faqfaq]

مع إحترامى وتقديرى للمهندس عاطف, لكن المشكلة الحقيقية لاتكمن فى شخصه بل فى شركة كبيرة مثل غبور فالمصداقية فى خدمة مابعد البيع لاتحل من الردود ولكن لابد أن تكون هناك وقفة حقيقية من المالكين الحاليين لهيونداى أو الذين ينوون الشراء
فلو نظرنا الى المشكلة بموضوعية للاحظنا أن معظم الشكاوى تصب فى مكان واحد وهو عدم المصداقية, فإذا كان ذلك يحدث من الفرع الريئيسى فما بالك بالتوكيلات فى المحافظات الذين يتم ضمهم الى خدمة عبور لمجرد شراءهم بعض الأجهزة الحديثة
وفريق "بلية ", فالأجهزة لاتعمل وحدها !!!!!
الأمثلة كثيرة ... الإصماعبلبة, العبور ,......,........!!!!
بعد تلك التجربة المريرة لا فارق عندى بضمان أو بدون ,,,, أو تأمين أو بدون....

[AHMEDCAR]

احب فى الاول اشكر استاذ عاطف على اللى عمله معايا يوم الجمعه اللى فاتت و اكيد هو يعرفنى لان انا صحيتو من النوم يوميها و كمان احب اشكر المهندس محمد رمضان بفرع قليوب بجد الاجل ده قمه فى الاحترام و اسبكوا مع معاناتى مع الصانيعيه الحكايه
انى قولت اسروح اعمل صالصيانه و فى نفس الوقت استفيد من الكشف المجانى على العربيه و بصراحه لا لقيت كشف مجانى ولا حاجه كان يوم روتينى عادى فى التوكيل المهم سلمت العربيع للمهندس الساعه 8.30 وطلعت الاستراحه و على الساعه 9 لقيت العربيه دخلت الصيانه و الكبوت مفتوح فضلت على الحال ده من 9 الى 10 قولت مابدهاش انزل اشوف فى ايه و كانت الصدمه العربيه كانت دايره سلانسيه الساعه دى كلها و محدش قربلها فيصيت على البنزين علشان مظلمش حد و بجد ساعتها حسيت ان الصنيعى اللى شغال فيها ادانى على قفايا و ذللك نظرا ان البنزين بقى حاجه رخيصه المهم ماسكتش و كلمت المهندس عاطف اللى بجد بعتنى للمدير هناك و كان بجد راجل محترم و عرف يمتص غضبى و بعاتنى بعد كده للمهندس محمد رمضان اللى عملى كل حاجه فى العربيه و كمان فى عيب انا روحت عليه 3 مرات ان العربيه وهيه بارده بتشتغل 3 بوجيهات بس لمده 30 ثانيه و بعد كده تتظبط و بعد كده روحت على الهياكل علشان اغير كالون الشنطه المهم قالولى الكالون عايز يتغير بس المهندس بتاع الضمان مش موجود تاعلى يوم الالاحد او روح دلوقتى ابورواش طبعا كنت هاولع فيهم و فى العربيه بجد والله لدرجه اناى اتنرفزت و خبط باب الشنطه بايدى و اضبق المهم غيروا الكالون تانى ناس مابتجيش غير بالعين الحمرا بجد انا كنت بسمع انك لازم تزعق لكن انا ماكنتش بصدق و عرفت الحقيقه المره يوم الجمعه بجد والله

[Matrixawy]

احب فى الاول اشكر استاذ عاطف على اللى عمله معايا يوم الجمعه اللى فاتت و اكيد هو يعرفنى لان انا صحيتو من النوم يوميها و كمان احب اشكر المهندس محمد رمضان بفرع قليوب بجد الاجل ده قمه فى الاحترام و اسبكوا مع معاناتى مع الصانيعيه الحكايه
انى قولت اسروح اعمل صالصيانه و فى نفس الوقت استفيد من الكشف المجانى على العربيه و بصراحه لا لقيت كشف مجانى ولا حاجه كان يوم روتينى عادى فى التوكيل المهم سلمت العربيع للمهندس الساعه 8.30 وطلعت الاستراحه و على الساعه 9 لقيت العربيه دخلت الصيانه و الكبوت مفتوح فضلت على الحال ده من 9 الى 10 قولت مابدهاش انزل اشوف فى ايه و كانت الصدمه العربيه كانت دايره سلانسيه الساعه دى كلها و محدش قربلها فيصيت على البنزين علشان مظلمش حد و بجد ساعتها حسيت ان الصنيعى اللى شغال فيها ادانى على قفايا و ذللك نظرا ان البنزين بقى حاجه رخيصه المهم ماسكتش و كلمت المهندس عاطف اللى بجد بعتنى للمدير هناك و كان بجد راجل محترم و عرف يمتص غضبى و بعاتنى بعد كده للمهندس محمد رمضان اللى عملى كل حاجه فى العربيه و كمان فى عيب انا روحت عليه 3 مرات ان العربيه وهيه بارده بتشتغل 3 بوجيهات بس لمده 30 ثانيه و بعد كده تتظبط و بعد كده روحت على الهياكل علشان اغير كالون الشنطه المهم قالولى الكالون عايز يتغير بس المهندس بتاع الضمان مش موجود تاعلى يوم الالاحد او روح دلوقتى ابورواش طبعا كنت هاولع فيهم و فى العربيه بجد والله لدرجه اناى اتنرفزت و خبط باب الشنطه بايدى و اضبق المهم غيروا الكالون تانى ناس مابتجيش غير بالعين الحمرا بجد انا كنت بسمع انك لازم تزعق لكن انا ماكنتش بصدق و عرفت الحقيقه المره يوم الجمعه بجد والله

و الله كل ما بشوف الكلام دة فى المنتدى بشعر بأحباط و بحس انى وقعت فى فخ بشرائى هيونداى و خاصة انى اتبهدلت انا و سيارتى اكثر من مرة فى التوكيل بسبب جهاز الانذار المضروب اللى بيركبوه و كل شوية يعطل و الاستاذ عاطف بيقول انه جهاز معتمد و جبار و اجرة تركيبه فقط 200 جنية امال لو ماكنش معتمد كان حصل اية اكتر من كدة .

[kemks]

مفيش رد علي مشاركه مده تسخين السياره و لللاهميته لي سوف اقوم بعمل موضوع خاص به و شكرا لكم

[Hyundai-CRM]

لو قرأت كتيب مالك السيارة كنت عرفت ما هو المطلوب عند تشغيل المحرك ... التسخين مش ضروري ... المهم أنك تنتظر حوالي 30 ثانية حتي يرتفع الزيت لجميع أجزاء المحرك.

تحياتي

[Matrixawy]

حرام ليه ؟
أولا:ً اللي بيركبك الأنذار فني هيونداي ... يعني خبرته ليها قيمة و مصروف عليها ... و ده بيضمنلك أن الفك و التركيب و المواد المستعملة (فيش ... وصلات ... الخ) كلهم معتمدون من هيونداي .. و الأهم بدون فتاوي.
ثانياُ: كل اللي هيتعملك مضمون ضمان الوكيل اللي هو ضمان السيارة.
ثالثاً: و الأهم اي أضافة أو أصلاح في كهربة العربية أو بالأحري الـ Electronics يجب أن يتم لدي الوكيل لأنه ببساطة أي مشكلة تتربت علي سوء التركيب أو الأصلاح ممكن تكلف كتير و هنا السؤال .. الشاب اللي علي الرصيف اللي ممكن يركبهولك بـ 20 جنيه ممكن يدفعلك ثمن الـ ECU أن راحت بسبب سوء التركيب؟

أما عن نوع الأنذار فأرجو قبل أن تشتري الأنذار أن تستشير مهندسي الصيانة عند صيانة الألف .. فهناك أنواع تسبب (قفلة) بكهربة العربية و ممكن تبوظلك الدنيا ... و يفضل النوع المعتمد من غبور

أرجو الأتصال علي 16101 لتحديد حجز لصيانة الـ 1000 بسيارتك .. و هي مجانية للأجور فقط.

و تقبل وافر تحياتي

لماذا حضرتك تجاهلت الرد عليا ؟
لماذا كلام حضرتك مخالف للواقع ؟
لماذا جهاز الانذار فى الماتريكس بيعطل بأستمرار و بيهنج فى حين ان حضرتك بتسوق له بشكل واضح و تقول انه معتمد و موثوق به و هو عكس ذلك تماما لان هذه شكوى عامة ممن اشتروا الماتريكس و ليست خاصة بى فقط ؟
لماذا تركيب جهاز الانذار و تربيط اسلاكه بشريط لحام مع الضفيرة مثل اى كهربائى فى الشارع و ليس به فيشة واحدة او وصلات معتمدة كما تقول ؟
لماذا لا يضىء نور الفلاشر مع الانذار بدلا من النور الصغير ؟
ارجو الا تتجاهل هذه الاسئلة مرة اخرى و تفسر لى هذه الاشياء التى هى مخالفة تماما لما ذكرته حضرتك .

[kemks]

لو قرأت كتيب مالك السيارة كنت عرفت ما هو المطلوب عند تشغيل المحرك ... التسخين مش ضروري ... المهم أنك تنتظر حوالي 30 ثانية حتي يرتفع الزيت لجميع أجزاء المحرك.

تحياتي

شكرا علي الرد بس انا لا املك المانويل للعربيه ارجو لو اعطائنا موقع او رابط لتحميل المانويل العربيه
ACCENT 2000, 1500CC

وشكرا لك

[Hyundai-CRM]

صعب أنك تلاقي رابط تحميل له ... و لكن ممكن يكون أسهل لو وفرتهولك ... أنت و حظك هاحاول الاقيلك واحد .. و تابع معايا بالتليفون 0126778884

تحياتي

[Hyundai-CRM]

عفواً لا يمكن تجاهلك أطلاقاً ... و أنا أعتذر مقدما لو وصل لك شعور مثل هذا ... و لو ليك ملاحظات علي جهاز الأنذار خلينا نحلها لك ... ما تنساش أن جهاز أنذارك ضمانه من ضمان السيارة و يستبدل فوراً.

تحياتي

[Matrixawy]

عفواً لا يمكن تجاهلك أطلاقاً ... و أنا أعتذر مقدما لو وصل لك شعور مثل هذا ... و لو ليك ملاحظات علي جهاز الأنذار خلينا نحلها لك ... ما تنساش أن جهاز أنذارك ضمانه من ضمان السيارة و يستبدل فوراً.

تحياتي

اتمنى ان يكون هذا الحل لكل من يعانون من هذا الجهاز و ليس لى لوحدى .
و يكفى ان تعلم حضرتك اننى ذهبت الى توكيلكم اكثر من عشر مرات فى خمس اشهر فقط بسبب هذا الجهاز و طبعا هذا اهدار للوقت و المال بالنسبة لى و لو كنت اشتريت جهاز انذار من السوق لكان افضل منه و ارحم لى و لكن انتم تهددون الناس بأن ذلك يعتبر لعب فى الضفيرة و تخرج السيارة من الضمان اى انكم مقيدين الناس بهذا الجهاز و مسبب لهم عذاب و للعلم كل مرة يقولوا لى ان الجهاز اتصلح و اكتشف انهم غيروه بواحد اخر مستعمل يشتغل يومين و يعطل تانى فهل هذا هو الاستبدال الذى تقصده .ام ماذا ؟؟؟
ثم ان حضرتك قلت انكم تركبونه افضل من الناس اللى برا و بتركبوا فيش و وصلات معتمدة و اقسم بالله العظيم ما فى شىء مما تقوله عندى و كل الاسلاك المتصلة بجهاز الانذار مربطة بشريط لحام مثلما يفعل اى صنايعى برا التوكيل.
فما تعليقك على هذا ؟؟؟؟؟؟
و ايضا يوجد خطاء فى تركيب معظم اجهزة الانذار فى الماتريكس الجديدة و هو تشغيل النور الصغير بدلا من الفلاشر مع الانذار .
فما تعليقك على هذا ايضا ؟؟؟؟؟
فى حين انك قلت ان ثمن تركيب جهاز الانذار فقط 200جنية لانكم تركبونه افضل من برا و بوصلات و فيش معتمدة و هذا ليس صحيح
برجاء الرد على ما عرضته عليك نحن نريد حلول جذرية للعذاب الذى نراه فى توكيلكم و لا اريد حل خاص بى فقط بل حل لكل الناس الذين يتعاملون معكم و الذين لا يصلون الى النت كى تحل حضرتك مشاكلهم .
و مع احترامى الشديد لحضرتك اذا كنت تدخل هنا و تقول عن جهاز الانذار مثلا كلام غير واقعى و مخالف تماما للحقيقة فهذا امر خطير و يحمل معانى كثيرة و يتسبب فى فقد المصداقية لحضرتك و للموقع ايضا لان هذا الموضوع مفتوح هنا لحل المشاكل و ليس للداعية لغبور او تحسين صورته فقط او تسجيد الناس حفاظا على سمعته لذلك اتمنى ان يكون الكلام اكثر شفافية و صدقا الا اذا كنت لا تعلم حقيقة ما يحدث فى توكيلكم فهذا امر اخر .
ارجو يتسع صدرك لما قلته و لا تضايقك صراحتى .

[Hyundai-CRM]

مش زعلان أطلاقاً من صراحتك ... و منتظرك بأبو رواش

تحياتي

[msalah2008]

مش زعلان أطلاقاً من صراحتك ... و منتظرك بأبو رواش

تحياتي

اولا وبغض النظر عن ان يكون الموضوع بتاع الانذار ده خلص او لسه فانا متأكد ان شاء الله انه هاينتهى طالما ان الاستاذ عاطف قام بمتابعتها بنفسه ولكن فانا ارى من خلال متابعتى لشكاوى الاعضاء من اعمال الصيانه ان كل شكاواهم التى طرحوها من خلال هذا الموضوع على الاستاذ عاطف قد تم حلها بعد تدخله فيها شخصيا ولكن................
مايقلقنى وانا فى اول طريقى مع هيونداى هل يجب ان يتدخل الاستاذ عاطف فى كل شىء حتى تحصل على خدمه سليمه هل هذه هى سياسة العاملين داخل مركز الصيانه ام نستطيع ان نعتبر هذه مجرد هفوات صغيره وسط زحام الاعمال؟
اسأل هذا السؤال الى الاستاذ عاطف شخصيا لأنى قد حجزت لصيانة ال 1000 وهذه اول مره اتعامل مع مراكز الصيانه ولى بعض الملاحظات على العربيه وهى فيرنا 1600 مانيوال ولكنى خائف من كثرة الاشياء والملاحظات التى اقرئها وخصوصا ان بدايتى مع التوكيل نفسه عندما اشتريت العربيه لم تكن موفقه لانى عندما ذهبت مع مندوب الترخيص قمت بتفويل العربيه بالبنزين على اساس انى سوف ارجع بالرخصه ولكن لم يحدث وبالتالى وحسب التقليد المتبع داخل التوكيل انك لا تستلم العربيه الا بعد الترخيص بالتالى رجعت العربيه على التوكيل ومؤشر البنزين لم يتجاوز حرف ال F وعندما استلمت اللوحات والرخصه بعد ذلك بعشرة ايام نظرا للازمه الخاصه باللوحات ذهبت لاستلام العربيه فوجدت بها ما يعدل الربع فاذا كانت هذه البدايه فانا لا اريدها ان تصبح من جميع الجهات

وعلى فكره فى التوكيل كمان لم استلم الدليل الخاص بالعربيه فهل هذا الدليل استطيع الحصول عليه وقت الصيانه؟

اسف للإطاله على حضرتك ولكن ارجو الرد
وشكرا

[AHMEDCAR]

سعد قال مافيش فايده يا صفيه غطينى و صوتى عليا