مركز خدمة عملاء هيونداي ترحب باى شكوى من مالكي هيونداي

[abaza2107]

ممكن يكون حزام الأمان بيخبط في القايم
وممكن يكون حاجه في درج الباب وانت مش واخد بالك

[mshmshm3]

ممكن يكون حزام الأمان بيخبط في القايم
وممكن يكون حاجه في درج الباب وانت مش واخد بالك

لا عملت كل دة وبردة فى صوت طقطقة بلاستيك بس الصوت دة كان من فترة فى الجنب الشمال واختفى فى مدة قصيرة انا رايح اعمل صيانة ال 10000 قريب هاعدى على السمكرة وشكرا لردودكم

[Hussin]

على فكرة يا باشا كان عندي نفس الصوت وجنني وفي الآخر طلع من مسند الكنبة الخلفية طالما صوت بلاستيك متقلقش لأن ده غالباً بيبقى في حاجة فيبر او بلاستيك مش متقفلة كويس متقلقش

[mshmshm3]

على فكرة يا باشا كان عندي نفس الصوت وجنني وفي الآخر طلع من مسند الكنبة الخلفية طالما صوت بلاستيك متقلقش لأن ده غالباً بيبقى في حاجة فيبر او بلاستيك مش متقفلة كويس متقلقش

10000000000 شكر ياباشا على الرد هاشوف مسند الكنبة فعلا ممكن يكون هو السبب

[Ahmed Sharaf]

العرض شغال في كل مراكز ميكانيكا غبور ... و لو هناك أي مشكلة صادفت أي عميل من المنتدي ... برجاء يتصل بي.

تحياتي

http://www.nilemotors.net/Nile/80394-a-7.html

مهندس عاطف,
كما قلت فى المشاركة أعلاة , فرع قليوب لا يعلم اى شئ عن الخصومات ( وذلك بسؤال مهنس / كيرولس ) ممكن حضرتك تتأكد بنفسك.
شكراً

[ramyfaris]

اولا شكرا لنايل موتور وللمهندس عاطف....اللي عايز اعرف ازاي اتصل بيه ضروري

المشكله باختصار..انا عندي هيونداي ماتريكس مو 2006 عامله 48 الف كيلو بس ولاحظت صوت غريب في الموتور من كام يوم...ورحت ابو رواش انهارده وكانت المفاجأه قالي الموتور عايزعمره وهتكلف 18 الف جنيه!!

عمري ما شفت في حياتي عربيه موتورها يفوت قبل ماتكمل حتي 50 الف كيلو...قلتله دي اكيد عيوب صناعه كل اللي طالع عليه العربيه بره الضمان كأن العربيه بتضرب بالرصاص بعد ما تخرج من الضمان!!

للتوضيح العربيه دي في الصعيد وكان بيتعملها صيانه دوريه ما بين فرع محافظه قنا وما بين فرع ابو رواش لما بنكون في القاهره...بس هو احتمال من اتنين اما عيوب صناعه او فرع قنا ده ملوش فيها خالص.....من فضلكم اللي يقدر يساعدني لأني مش عارف اعمل ايه وحاسس بظلم فظيع وصدمه في نفس الوقت...بستنجد بيكم
جزاكم الله كل خير

[Ralliart]

استاذ عاطف اشكرك على اهتمامك بالناس خصوصاً وحضرتك في توكيل لا يهتم بالناس اصلاً
انا الحمد لله لا امتلك هيونداي واحمد ربنا اني مبتعاملش مع التوكيل ده
بس الحكايه ان واحد قريبي في البحر الاحمر عمل حادثه وطلب مني اسأل على اسعار قطع غيار واجيبهاله افيدوني: حادثة الانترا الشكل القديم
وتفضل احد الاخوه مشكوراً واداني رقم تليفون 35390760 داخلى 102
اتصلت بيه وسألته عن القطع اللي انا عايزها سألني على رقم الشاسيه فقلتله العربيه مش معايا قام قالي مينفعش اقولك على اسعار من غير رقم شاسيه!! فلما اصريت بكل ادب واحترام كان كل رده انه قالي مش فاضيلك وقفل السماعه في وشي!!!!!!!!!!!!!!!!!
مش عارف ده يرضي مين ولا ده توكيل ولا سوق
ولا ايه المعامله دي بصرحه حسيت اني بشحت منه و حمدت ربنا على توكيل ميتسوبيشي مع ان العربيه منتشره كتير زي هيونداي والدنيا بتبقى زحمه بس عمري ما سمعت منهم كلمه وحشه!

[matta]

شكراً جداً ليك يا بشمهندس عاطف علي التعاون معانا وكان
عندي سؤال وهو
عملت صيانة الــ ٥٠٠٠ لعربيتي نيو أكسنت أوتوماتيك وبالمرة كان في تصليحات خفيفة من خبطتين قدام غيرت أكصطدام وفانوس خلفي شمال
مع أنه كان في حاجات ينفع ماتتغيرش بس حسوكة بقة
المهم وأسف على التطويل روحت أخد العربية أه أنا عملتها في مركز أسمه چيمكو في أخر جسر السويس عند سوق القنال وناس محترمين جداً وهم تبع التوكيل
أخدتها لقيت العربية وأنا ماشي الدريكسيون معوج يمين مع إني قايلة يظبط زوايا وترصيص
وده بره صيانة ال ٥٠٠٠ مش عارف لية أمال هو الصيانة في ال٥ عبارة عن آيه، روحتله فعدلي الطارة والدنيا زي الفل وكانت العربية مختلفة مفيش تنطيط والعفشة كانت ناعمة أفضل من الأول وهب وبعد أسبوع كده لقيت التنطيط وكمان في عومة كده غريبة شوية رجع تاني واكتر شوية فأنا مش عارف أعمل آيه.

التنطيط والعومة ديه علي الهادي وحاسس إني بالبلدي كده العربية بتعرج بالأمانة أنا خايف أمشي بيها في حاجة مش طبيعية.

[mrx_79]

اجراءات رفع النترا 2008

السلام عليكم
تحية طيبة للأستاذ عاطف وشكرا جزيلا له علي كل المساعده المقدمة للاخوة الاعضاء
اتصلت اليوم بهيونداي ابو رواش للسؤال عن الخطوات المطلوبة لرفع سياراتي النترا 2008 حتي لا تحدث مشاكل اثناء فترة الرفع لأني ناوي رفعها لفترة طويله وللاسف لم اصل لأي شخص فني يفيدني في هذا الموضع لأني لا املك الخبرة الكافية في هذا الموضوع و تم تركي علي الانتظار فترات طويله و اخيرا تم اغلاق الخط من قبلهم فرجاءا كل استفساري هو ماتحتاجه السيارة من تشحيم او فك البطاريه... الي اخره حتي تظل علي حالتها .

و لكم جزيل الشكر
اخوكم محمد فاروق

[Sh_sunsea]

كان عندي نصيحة للمهندس عاطف بخصوص مركز أبورواش تحديدا بما انه المركز الي بتعامل معاه

ياريت التأكيد على الفنيين يا إما تنظيف إيديهم أول بأول أو تغطية جميع الاجزاء الي ممكن يتعرضولها مش الكرسي فقط - علشان باستلم العربية الفتيس في قمة الزفت - الدركسيون قرفان ألمسه - مقبض الباب شرحه - وشاكرين مجهودكم معانا

[El Prince]

[overline]من فضلكم انا عندى مشكلة مزعجة وهى ان فى صوت طقطقة بلاستيك فى النصف اليمين فى جسم العربية من الداخل وانا سايق ممكن يكون البلاستيك اللى على القايم لاقيته مربوط تمام الصوت دة بيجي طول ما انا ماشى بالعربية انا هاتجنن من فضلكم الافادة فى الرد
[/overline]

نفس المشكله اللى عندى و اللى جايبالى هسهس فى نفوخى

[Ramiy]

السادة

يمكن ارسال اى شكوى للرد عليها لى انا ايضا

بعد اذن المهندس عاطف طبعا
حتى تكون الخدمة على المستوى المطلوب
احد اقراد فريق غبور

[AHMEDCAR]

طيب ماتقول كده من الصبح انك من التوكيل التعبان ده و لما تشوف استاذ عاطف ابقى قوله احمد كار بيسلم عليك

[سيد توحيد]

اولا باشكر ادارة المنتدى وصاحب المنتدى شخصيا على فكرة انا عضو جديد والمنتدى جميل جدا انا بتكلم بخصوص خدمه عملاء هيونداى هو احسن وكيل فى مصر واحسن مركز خدمه فى مصر لكن هو بيوجد قله من العاملين ليسوا على قدر المسئولية انا معايا ماتريكس2008 والكاسيت عطل ولسه فى الضمان فقاموا فى مركز خدمه غبور بقليوب بتغيير الكاسيت بعد معاناه على انه ليس موجود ومع اصرارى تم تركيب كاسيت غيره لكن ايضا به عيوب فنية 0

[minaghopreal]

شكراً مقدماً

يبدو أن الأستاذ/عاطف قد أقلع عن زيارة هذا الموضوع و لكني سأطرح مشكلتي لعلها تجد طريقها إليه ثم تجد طريقها إلى الحل

من فترة كدة فكرت أشتري عربية و بعد المشاورات والمداولات رسى الاختيار على ماتريكس 2010 أوتوماتيك كاش لون سماوي

و هنا بدأت المعاناه
رحت حجزتها من معرض في اسكندرية ( أنا اسكندراني)
قاللي هاتستلمها خلال 3 أيام بعد 3 أيام قاللي العربية اللي كنت هاتستلمها طلع فيها مشكلة وفراملها تقيلة واحنا مش عاوزين نديك عربية أي كلام فاستنى اسبوع كدة
قلت ماشي الصبر حلو

بعديها كلمتهم قالولي بصراحة احنا مستنيين نشوف لك عربية كويسة لأن بيبقى فيه عربيات زيرو ومركوبة وعاملة بتاع 200 كيلو واللي بيركبها بيشيل فيشة عداد السرعة قبل ما يطلع و بالتالي بتلاقيها مش عاملة أكتر من 60 كيلو ....
فاصبر شوية عشان تاخد حاجة كويسة

قلت مفيش مشكلة أصبر شوية واهو في الآخر هآخد حاجة كويسة

بعد الموضوع ده بحوالي عشر أيام قلتلهم خيييييير العربية مش موجودة ولا إيه ؟؟
قالولي على فكرة العربية موجودة أساساً بس بتبقى موديل 2009 و بيضربولها ورق إنها 2010 بس احنا بنعرفها من حاجة اسمها الــ VIN Plate

حسيت انهم بيلعبوا بيا بالرغم من اني سألت على الكلام اللي قالوه ده الناس قالولي إن فيه قدر من الصحة ....

فسحبت مقدم الحجز من عندهم و رحت أحجز عند المصرية لكن لقيتهم عاملين عرض كدة غريب مش عارف وديعة و قسط تاني (بالرغم من اني هشتري كاش )
حاولت افهمه اني عايز اخد كاش وامشي لقيته بيقولي لو مش هتاخد العرض يبقى هتاخد عربيتك في آخر شهر واحد و محدش هيروح معاك يرخصها لك ....

قلت أنا اللي غلطان من الأول أنا أروح لغبور و هو اللي يحل المشكلة (ماحدش يضحك) رحت لقيتهم ناس في منتهى الذوق الصراحة قلت لهم العربية هاتيجي امتى قاللي خلال يومين قلت له أكيد ؟؟؟؟ قاللي طبعاً
قلت يا فرج الله تاني يوم لقيته بيكلمني بيقول لي هو حضرتك عايز لون إيه ؟؟
قلت له سماوي قاللي الحقيقة هو الموجود الأزرق و النبيتي لكن السماوي كمان عشر أيام و طبعاً عشان أنا ساذج قلت مايضرش آخر حاجة بقى باكلمه لقيته بيقول لي ان شاء الله تجيب الفلوس بكرة والعربية تستلمها يوم 25 ديسمبر حسيت إن التاريخ بيعيد نفسه .......


يا ترى فيه حل للمشكلة دي ولا الأحسن أسحب فلوسي وأجيب لانسر 1300 واستلمها خلال يومين (زي ما ابن عمي عمل) ؟؟؟