مركز خدمة عملاء هيونداي ترحب باى شكوى من مالكي هيونداي

[wmostafa]

مبروك
في صيانة الألف هايعالجوا لك موضوع الطارة ... بسيطة ما تقلقش ... ما فيش تليين دلوقتي للعربيات الجديدة و لكن ننصح الحذر حتي صيانة الألف و فيها هانراجع علي الزوايا... لأننا بنعتبرها فحص ما بعد التسليم ... وارد قوي أنك تشم روائح بسبب بعض Under Coat بيكون علي الشكمان و مع حرارة الشكمان بتشم رائحته ... هاتروح خلال 500 كلم ...
منتظرينك في صيانة الألف أن شاء الله

تحياتي

Thank you Eng. Atef... and really appreciate our call today
wish to see you thier .
Regards

[telarius]

انا محتار ازاى احافظ على ضمان الفيرنا فى صيانة الألف كيلو المهندس فى أبو رواش قال المهم اعمل الصيانة كل10000 ك و بعد البهدلة اللى شوفتها فى ابو رواش من تجاهل و عدم الإهتمام بشكوتى قررت اعمل الصيانة فى مراكز معتمدة حيث الضغط اقل و هناك اصروا على الصيانة كل 5000 و ده مكلف جدا من وقتى و فلوسى و دلوقتى محتار اسمع كلام مين من مهنسين غبور المعتمدين عشان ما اضيعش حقى فى ضمان صناعة غبور للفيرنا اللى للأسف فيها عيوب تقفيل فى الفرش لا تحصى
ممكن حد يفيدنى

[medomoselhy]

استاذ عاطف اولا احب اشكرك علي تعاونك مع نايل موتورز و ربنا يكرمك ان شاء الله علي المساعادات و المجهودات مليووون شكر
و برده بشكر كريم و اسره نايل موتورز الرائعه انها وصلت للأستاذ عاطف

استاذ عاطف
انا اشتريت نيو اكسنت عاديه مش اسبورت موديل 2010 و دقعت الفلوس كلها يوم 23\2 اللي فات ده في فرع غبور اللي في المعادي
لحد دلوقتي مااستلمتش العربيه
و لما سألت البياع قالي انو في مشكله ان الكاسيت مش موجود !!!! و لسه الطلبيه ماجاتش !!!!!
انا عارف ان الكاسيت ال ام بي 3 بيركب في مصر هنا
بس انا دلوقتي بحسبها من وجه اخر .. لحد امتي ؟؟؟!!!! هستلم امتي ؟؟!!!!!! احنا قربنا علي 2011
و لما هو الكاسيت مش موجود امال كل ده بيتعمل فيها ايه ؟؟؟؟
و المفروض اني حسب كلام البياع اني استلم في خلال 10 ايام بالكتير اسبوعين
العربيه فين !

[AboMaro]

أ/ عاطف
ارجو ان تتابع موضوع الفتيس ف النيو اكسنت

http://www.nilemotors.net/Nile/124475-a-7.html#post3872428759

و انا عن نفسي متضايق جدا
عربية جديده و صيانة الالف بكرة و شاكك ان فيها اسطوانه (بجد دي كارثه) ...... الله اعلم
ع العموم انا مجهز ليهم ورقه كاتب فيها كل المشاكل و هشوف هيعملوا معايا ايه

على فكره دي المشكلة الاساسيه
ده بالضافة لان التكييف مش شغال
و الكاسيت بايظ
و الابواب قفلها سيء اللي بيرزع لوحده و اللي عايز يترزع عشان يتقفل
ولو قفلت باب و زجاج مفتوح الزجاج يترج كانه شخليله

باللزمه متخيل انا كده ابقى عامل ازاي

ع العموم انا هشيل كل مضايقتي على جنب و اشوف نتيجة صيانة بكره (يمكن يكون مجرد ظبط )و بعد كده اقرر هعمل ايه

مع العلم اني كان معايا اكسنت 1500 مو 98 (حتى الان ندمان اني بعتها)

[labib2010]

استفسار:
- انا كنت بعمل تنظيف للسياره من الداخل وقمت بخلع الدرج الخاص بالاوراق الموجود علي يسار السائق في التابلوه فوجدت خلفه جهاذ يشبه كمبيوتر السياره ولكن مكتوب عليه abs وسيارتي ليس فيها نظام الفرامل abs نرجو الافاده وشكرا....

[labib2010]

-ما هو العمر الافتراضي لعلبه الشكمان الخلفيه في الفيرنا 1600؟

[fars2000]

سيارتى نيو أكسنت 2010 سؤالى هو حول مشكلة السحب فى السيارة والتى لا أعرف ان كانت عادية أم لا فأنا لاحظت أن سحب العربية قل خصوصا فى أى مطلع أو كوبرى مثلا أكون عى سرعة 80 ك فجأة يقل الى 70 ثم ال60 , 40 ك وكأننى أجرها بالعافية مع العلم أن السيارة زيرو بقالها عشرين يوم عامله 500 ك فقط .

[medomoselhy]

استاذ عاطف اولا احب اشكرك علي تعاونك مع نايل موتورز و ربنا يكرمك ان شاء الله علي المساعادات و المجهودات مليووون شكر
و برده بشكر كريم و اسره نايل موتورز الرائعه انها وصلت للأستاذ عاطف

استاذ عاطف
انا اشتريت نيو اكسنت عاديه مش اسبورت موديل 2010 و دقعت الفلوس كلها يوم 23\2 اللي فات ده في فرع غبور اللي في المعادي
لحد دلوقتي مااستلمتش العربيه
و لما سألت البياع قالي انو في مشكله ان الكاسيت مش موجود !!!! و لسه الطلبيه ماجاتش !!!!!
انا عارف ان الكاسيت ال ام بي 3 بيركب في مصر هنا
بس انا دلوقتي بحسبها من وجه اخر .. لحد امتي ؟؟؟!!!! هستلم امتي ؟؟!!!!!! احنا قربنا علي 2011
و لما هو الكاسيت مش موجود امال كل ده بيتعمل فيها ايه ؟؟؟؟
و المفروض اني حسب كلام البياع اني استلم في خلال 10 ايام بالكتير اسبوعين
العربيه فين !

انا اسف بس في حاجه انا نسيت اقولها انهم قالولي ان احتمال الكاسيت يغيروه بحاجه احسن !!!!
هل الكلام ده صح و لا غلط انا مش فاهم حاجه

[folhm]

السلام عليكم

بارك الله فيكم

[khalid75]

انا معايا نيو اكسنت 2010 مانيوال وعملت صيانة الالف فى العبور النهاردة وكان عندى نفس مشكل انعواج الدركسيون ولم يقوموا باصلاحها وكل الى عملوه تفيير زيت وفلتر بنزين وبيقولوا ربطوا العفشه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[fars2000]

أستاذنا العزيز أين أنت سيارتى نيو أكسنت 2010 سؤالى هو حول مشكلة السحب فى السيارة والتى لا أعرف ان كانت عادية أم لا فأنا لاحظت أن سحب العربية قل خصوصا فى أى مطلع أو كوبرى مثلا أكون عى سرعة 80 ك فجأة يقل الى 70 ثم ال60 , 40 ك وكأننى أجرها بالعافية مع العلم أن السيارة زيرو بقالها عشرين يوم عامله 500 ك فقط .

[furyo]

السادة الأعضاء و الزائرين
تحية طيبة و بعد

أعتذر بشدة عن غيابي عنكم و ذلك لمواظبتي علي الدخول علي مثبت (شكراً هيونداي -- ميتسوبيشي) لعدم علمي بهذا المثبت و لولا تصحيح صديقي المهندس /أحمد منذ دقائق ... لبقيت هناك الي مالا نهاية و يمكنكم قراءة مساهماتي هناك ...

سوف أرد علي جميع المشاركات و لكم أرجو من الجميع أن يتصلوا بي علي موبيلي (0126778884) في أي وقت عندما يتطلب الأمر سرعة تلبية أو طوارئ لا قدر الله ...
أكرر أعتذاري ... و أيضاً يجب الوضع في الأعتبار سرعة الشبكة حيث أنني كتبت هذه الرسالة حتي الآن 3 مرات.

أدعو الله أن يوفقني في خدمتكم و أرضاؤكم
و تقبلوا وافر تحياتي
أخوكم

اشكر سيادتكم بشدة
كان لى استفسار و وجدت سعة رحب فى الرد و شرح جميل جدا و اسلوب عالى و رقى فى الاجابة - حيث اننى اشتريت ماتريكس 2010 اوتوماتيك و الحمد للة انى اشتريت ماتريكس هيونداى

شكرا لك يا باشمهندس جدا

م. محمد هندى

[elmontig]

لا احد يسمعني فى التوكيل

السلام عليكم ورحمة الله وبركاته
ظهرت فى السيارة طقة في الدركسيون سيارتي النترا 2009 وذهبت الى التوكيل ابو رواش ثم اسكندرية وقالوا عادى واما فى الاسكندرية قالوا لازم تكون الطقة واضحة عشان نصلحها
والثانية فى توكيل اسكندرية قلت للمهندس اللى بيستلم السيارة في ونة في الرومبيل الخلفي يمين فكان الرد مضحكا قال: غير الكاوتش والصوت العالي يروح بالله عليكم ان كان الكاوتش بهذا السوء فمن المسؤولولا هى اى كلام عشان امشى وخلاص . انا مستاء من التوكيل انصحوني ااذهب الى حماية المستهلك ام احاول مرة اخرى مشكلتى انى مبعرفش ازعق وارفع صوتي عشان كدة محدش عامل حاجة وهذا رقمي لو حد لقى حل 0101942672

[bahaaenany]

أستاذنا العزيز أين أنت سيارتى نيو أكسنت 2010 سؤالى هو حول مشكلة السحب فى السيارة والتى لا أعرف ان كانت عادية أم لا فأنا لاحظت أن سحب العربية قل خصوصا فى أى مطلع أو كوبرى مثلا أكون عى سرعة 80 ك فجأة يقل الى 70 ثم ال60 , 40 ك وكأننى أجرها بالعافية مع العلم أن السيارة زيرو بقالها عشرين يوم عامله 500 ك فقط .

نفس المشكله عندى نيو اكسنت 2010 ماشيه 1300 كيلو فقط
يبدو ان العيب جماعى وكنت فاكر انه عندى فقط

[khalid75]

يا جماعه الى عنده مشكله يروح لاستاذ / عاطف فى ابو رواش وهو هيظبطه (مش ماديا) ولكن فى الاهتمام والشغل الداخلى
- الف شكر يا باشا على عاملته معايا النهارده