مركز خدمة عملاء هيونداي ترحب باى شكوى من مالكي هيونداي

[zoza]

السلام عليكم
كل عام وانتم بخير
عندى استفسار للباشمهندس عاطف
انا عندى ماتريكس من شهر 5 / 2008 والمشكلة من اول شهر لاحظتها فى الكلاكس بيعلق مرة يشتغل ومرة يقطع لمدة يومين مثلا ثم يعود لوحدة وانا مش عارف السبب وفى صيانة 1000 قلت دة قلولى حنشوف ومفبش مشاكل واشتغل شويه ورجع تانى مش عارف ده من ايه
ارجو الإفادة اذا كان فى حاجة ممكن اعملها وشكرا جزيلا

[Hyundai-CRM]

كل عام و أنت بخير ... أرجو أحضار سيارتك لأي من مركز قليوب أو أبو رواش بالقاهرة أو أسكندرية (السلطان حسن) ...

تحياتي

[congestal]

ارد الاستفسار عن شيء مهم
السيارة الانترا ايه الفارق بين الخليجي و الوكيل علي العلم ان الخليجي تاتي بكماليات اعلي مثل الجنوط و فتحة السقف و اير باجز و سيارة الوكيل ليس بها هذه الكماليات
و لماذا غبور تمتنع عن صيانتها ارجو الرد ضروري لاني علي وشك شراء النترا 2009 و لا اعرف ما الفرق بين الاثنين علي العلم ان الخليجي يمكن عمل صيانتها في ابو غالي و كثير من المراكز .
و شكرا

[Nile_Storm]

الراجل ده يا جماعه لو اتكلمت للصبح مش هيوفي الجمايل بتاعته
تليفونات للساعه 2 بالليل و فضل معايا لغايه اما المشكله اتحلت

الف شكر يا باشمهندس بجد من كل قلبي

[zoza]

شكرا يابشمهندس عاطف على إهتمامك وأنا إن شاء الله حتصل بحضرتك بعد مأذهب لصيانة 10000 لو فى أى مشاكل شكرا لك

[mohamed ellithy]

يا ريت يا باش مهندس عاطف تقولنا حكاية الفرق بين الالنترا المصرى و الخليجى و ياترى ليها صيانة فى غبور و لا لآ ؟؟؟؟؟؟؟
و ايه السبب ؟؟؟؟؟؟

[a.fouad]

فيرنا 2008 ومشاكلي معها

السلام عليكم،

كل سنة واسرة نايل موتورز وكل الأعضاء بخير وسعادة. احب في البداية اشكر مهندس عاطف على مجهوده الجبااااار اللي لاحظته من مشاركات الاخوة الاعضاء...في الحقيقة انا ليا اكتر من مشكلة مع عربيتي الفيرنا موديل 2008 كاملة مانيوال عاملة دلوقتي 18000:

1- صوت زنة في التابلوه
2- غيار الريفيرس مش بييجي بسهولة - احيانا- لدرجة اني في بعض المرات بحاول معاه 3 مرات واكتر
3- العجلتين الاماميتين اتاكلوا من الداخل (الجنب اللي ناحية الرفارف من جوة)
4- عايزة ظبط زوايا كل 2000 كم وبعد كده تبدأ تعمل اصوات طول ما هي ماشية ومع الملفات والفرامل الخفيفة
5- انا حاسس ان الفرامل فيها مشكلة واتسببت في اني عملت حادثة لان الفرامل ملمتش كويس (معنديش خبرة كبيرة في العربيات)
6- في صوت فظيع طالع من العجل من ناحية الشمال زي صوت تكتكة طول ما انا ماشي في الاول فكرت في حاجة في العجل نزلت وبصيت ومشيت ايدي على العجل كويس وغسلته كويس والصوت لسة موجود بالعكس ده بقى بيزيد مع الوقت
7- من بعد الحادثة اللي حصلتلي وانا بلاقي الزجاج الداخلي بيتوسخ كتير اوي زيادة عن الطبيعي فمش عارف الحادثة دي ممكن تكون اثرت على ايه؟ (الحادثة كانت في الاكصدام الامامي ناحية اليمين - الاكصدام اتكسر و الرفرف اتعوج وبالتالي غطاء الكبوت مبقاش مطبع في مكانه زي الاول)
8- بجد بتاكل بنزين بشكل فظيييييييييييييع
9- بعد ال 120، الطارة بتتهز جامد جدا

بالمناسبة، أنا كنت اشتكيت قبل كده من موضوع الحدفة في صيانة الالف وكانت النتيجية اني رجعت من التوكيل بمشكلة جديدة فبعت ميل لمركز خدمة العملاء وبصراحة الناس اهتمت وحاولوا يعملوا اللي في ايدهم عشان يحلوا المشكلة... انا بس كان نفسي يبقى ده هو الطبيعي مش لازم شكوى الاول عشان اخد الخدمة اللي بدفع تمنها .... مع احترامي الكامل غبور مش بيعمل حاجة لوجه الله ولا هو مديني العربية ببلاش ولا بيعملي الصيانة بمقابل بسيط بالعكس دول أغلى من توكيلات كتيييير... فياريت ناخد خدمة توازي اللي بندفعه فيها

ليا ملاحظة أخيرة، المفروض ان كل الناس تتعامل في التوكيل بنفس الاسلوب بغض النظر هما يعرفوا مهندس فلان او علان ... ده رأيي.

وشكرا ليك مقدما على اهتمامك
مهندس/ أحمد فؤاد

[lion_hh2006]

السلام عليكم و رحمة الله
اولا احب اشكر م/كريم منير
وكذلك المهندس عاطف
وانا عندى بعض الملاحظات مش عاوز اقول شكاوى بس قبل ما اقول ملاحظاتى ا
حب اقول ان المهندسين فى مركز خدمة اسكندرية بيعاملونا كويس جدا و فى منتهى الادب و دى حقيقة مش مجاملة
نيجى بقى للملاحظات
1- اولا ليه مانعين ان صاحب السيارة يتابع سيارته اثناء اعمال الصيانة عشان يبقى مطمن حتى و يبقى شايف بعينه اللى بيتعمل فى عربيته(لان الوقاية خير من العلاج)
2-عيب جدا على مركز خدمة فى محافظة زى اسكندرية و بيخدم عدد كبير جدا من العملاء انه ميكنش فيه جزء خاص للسمكرة و الدوكو لان الواحد مش المفروض يسافر عشان يعمل خدش مثلا و الا حيضر يعملة بره التوكيل
3- فيه ملحوظة عامة من ناس كتير جدا من الاخوة المشاركين و غيرهم ان العربيه تدخل مركز الخدمة فيها عيب تطلع باتنين او تلاته أو يفضل العيب زى ما هو .لدرجة انى بقيت قلقان اروح مركز الخدمة
و شكرا جزيلا لسيادتكم على مجهودكم الرائع مع الاخوه المشاركين و اتمنى الرد على ملاحظاتى
ملحوظة عندى سؤال فنى يخص عربيتى هل اسالة هنا وللا فين
سلام عليكم

[ashraf122]

الاخ العزيز المهندس عاطف معلش انا عارف ان مشاغلك كتير بس معلش انا حتعبك باستفسار ، انا عندى ماتركس 2008 ولسة العربية مخبوطة و هى راكنة تحت البيت طبعا فيها رفرف يمين و فنوس و شنطة والله واعلم العفشة فيها حاجة ولا لا و العربية متامن عليها و عملت محضر كنت عايز اعرف اعمل اية يعنى اجى ابورواش الاول ولا اروح شركة التامين و بعد كدة هى تاخذ وقت قد اية

[a.fouad]

الاخ العزيز المهندس عاطف معلش انا عارف ان مشاغلك كتير بس معلش انا حتعبك باستفسار ، انا عندى ماتركس 2008 ولسة العربية مخبوطة و هى راكنة تحت البيت طبعا فيها رفرف يمين و فنوس و شنطة والله واعلم العفشة فيها حاجة ولا لا و العربية متامن عليها و عملت محضر كنت عايز اعرف اعمل اية يعنى اجى ابورواش الاول ولا اروح شركة التامين و بعد كدة هى تاخذ وقت قد اية

انت مقولتش انت مأمن مع شركة ايه؟ عشان الأعضاء اللي مأمنين في نفس الشركة ممكن يساعدوك في الاجراءات اللي المفروض تعملها. بس غالبا انت لازم تروح شركة التأمين الأول (إلا لو انت مأمن مع غبور نفسهم فمعرفش هيكون ايه النظام) تعمل إخطار حادث وبعد كده بتروح التوكيل وبيعملوا مقايسة وبعد كده بيروح مندوب شركة التأمين عشان يصدق على اللي هيتعمل او - كالعادة- يحاول يقلل التكاليف اللي هما هيتحملوها على قد ما يقدر والله أعلم.

[AhmedSarhan]

أول حاجة بتتوجه لأقرب نقطة شرطة أو قسم و تعمل محضر اثبات حالة و متنساش تاخد رقمه و انت ماشى

تانى حاجة بتتوجه لأقرب مركز صيانة معتمد يعملك مقايسة بالتلفيات و تكاليف الاصلاح

تالت حاجة بتتوجه لشركة التأمين و هما بيدولك استمارة تملأها و بترفق معاها المقايسة

بعد كدا تتوجه لأقرب مركز صيانة معتمد تسيب عربيتك عنده لحد المهندس بتاع شركة التأمين مييجى يعاين العربية و يناقش مهندس مركز الصيانة فى تفاصيل المقايسة و تكلفتها وبعدها يبدأ العمل الفعلى فى الاصلاح

بطء الاجراءات بيبقى من شركة التأمين اللى ممكن تأخر ارسال المهندس لمركز الصيانة فلازم تقرص عليهم...كمان متنساش تنسخ صور من كل الأوراق اللى سبق و اتكلمنا عنها دى

أخيرا هيأ نفسك ان العربية بالميت هتاخد حوالى من اسبوعين لثلاثة عشان متحرقش فى دمك و أعصابك

قدر الله و ما شاء فعل...و ان شاء الله ربنا يعوضك

و الاخوة الأعضاء هنا ان شاء الله يوضحولك لو فى أى استفسارات تانية

[ashraf122]

انت مقولتش انت مأمن مع شركة ايه؟ عشان الأعضاء اللي مأمنين في نفس الشركة ممكن يساعدوك في الاجراءات اللي المفروض تعملها. بس غالبا انت لازم تروح شركة التأمين الأول (إلا لو انت مأمن مع غبور نفسهم فمعرفش هيكون ايه النظام) تعمل إخطار حادث وبعد كده بتروح التوكيل وبيعملوا مقايسة وبعد كده بيروح مندوب شركة التأمين عشان يصدق على اللي هيتعمل او - كالعادة- يحاول يقلل التكاليف اللي هما هيتحملوها على قد ما يقدر والله أعلم.

الاخ a.fouadاشكرك على ردك انا مامن تبع شركة الجمعية المصرية للتأمين التعاونى و فية ناس قلقونى منها كتير

[ashraf122]

الاخ العزيز المهندس عاطف معلش انا عارف ان مشاغلك كتير بس معلش انا حتعبك باستفسار ، انا عندى ماتركس 2008 ولسة العربية مخبوطة و هى راكنة تحت البيت طبعا فيها رفرف يمين و فنوس و شنطة والله واعلم العفشة فيها حاجة ولا لا و العربية متامن عليها و عملت محضر كنت عايز اعرف اعمل اية يعنى اجى ابورواش الاول ولا اروح شركة التامين و بعد كدة هى تاخذ وقت قد اية

الاخ العزيز الاستاذ عاطف كنت اتمنى انك ترد عليا بس واضح انك مشغول ، انا بكرة حروح ابورواش علشان اعمل مقايسة و بعد كدة اروح شركة التأمين كنت اتمنى ان اعرف من حضرتك هل المقايسة ممكن تخلص فى نفس اليوم و ممكن اخذ العربية معايا لغاية ما اوصل لحل مع شركة التأمين

[P407]

السلام عليكم وكل سنة وانتو طيبين انا عارف انها جية متاخرة واننا بقالى كتير ما زرتش المتندى بس بجد انا كنت مشغول طول فترة الصيف سفر,خروج كل يوم,كورسات,شراءالعربية بس كنت عايز اسال استاذ عاطف على حاجة احنا كنا استلمنا عربية هيونداى فيفا halfoption يوم 2008/7/13 من غيركاست من معرض اسمة سيتى كار ورا رضوان العجيل الموجود فى شارع الطيران ودة على اساس ان هو فهمنا ان الهاف اوبشن منها بينزل من غير كاست ولما استلمت الضمان تانى يوم لقيت ان هو شامل ضمان على الكاست ولما قلتلة الكلام دة قالى ان السعر ال انا مشترى بية العربية سعر العربية من غير الكاست وانها جاية من المنطقة الحرة من غير الكاست فهل الكلام دة صحيح فعلا لو مش صحيح اية الاجراء الممكن اخدة معاة
ويخلية يسلمنى الكاست

[ahmed.zahra]

بشمهندس عاطف أرجو من حضرتك الاهتمام برسالتي أنا عربيتي ماتريكس و عاملة 68000 كم انا عندي مشكلة في حرارة العربية المؤشر مش بيعلى و لا المياة بتنقص بس بلا قي المياه بتغلي في قربة المياة بعد اي مشوار و ديتا مركز أوتو ماجد و مركز معتمد لديكم و أخبروني ان السيارة كانت محتاجة تاخد هواء فقط و ان العربية زي الفل و 100/100 اتطمنت و مشيت و بعد 15 يوم قلت اكشف على المياه لقيت ان القربة فاضية تماما حطيت مياه و مشيت و بقة القربة بتفضى كل يوم مع ان مش بعمل اكتر من 60 كيلو في اليوم. رحت لمركز الصيانة تاني كشفوا عليها و قالولي العربية عايزة وش سلندر. هل الكلام ده طبيعي و منطقي. انا نفسي اعرف ايه سبب المشكلة دي بالظبط و اعالجة