مركز خدمة عملاء هيونداي ترحب باى شكوى من مالكي هيونداي

[em_eassa]

مهندس / عاطف

بجد مشكور جدا على المجهود ده لكل اعضاء المنتدى.
وعلى اجابتك لسئلتنا كلنا
وده هيخلينى اطمع فى طلب من حضرتك

انا كنت عملت حادث الحمد لله و سلمت العربية فى هياكل - قليوب من تاريخ 29/1/2009
بس واضح انه عندكم ضغط جامد - ولما كلمت المهندس شلبى قال انى هستلم فى 24/2/2009

فهل فيه مجال انه ممكن استلمها قبل التاريخ ده مع العلم انه تغير كبوت وشبكه وسمكره بسيطه فى الباب.

فهل فيه حل لموضوع الوقت ده

وشكرا على ااهتمامك

[Hyundai-CRM]

ربنا يسهل ... أرجو أرسال Sms ببيانات عربيتك علي رقم موبيلي ... و هاحاول أن شاء الله أسرعهالك.
غالي و الطلب رخيص ...

تحياتي ...

[em_eassa]

انا بشكر حضرتك جدا

وبجد ربنا يجزيك خير عن سعة صدرك لأسئلتنا واهتمامك بها

وربنا يوفقك

[semsem85]

بجد او مرة اخد بالي من الموضوع ده وحبيت اعلق واقول اللي حصل معايا عشان دي امانه وبصراحة معرفش هل بشمهندس عاطف هو اللي قابلته في ابو رواش ولا لا ولو هو اكيد هيفتكرني
انا اسلام اللي جيت اخر يناير بالاتوس اللبني موديل 2000
وبصراحة ياجماعة انا لسه شاري العربية وناس كتير خوفتني من التوكيل
انه مش كويس وغالي يعني
وكنت عاوز اغير سير كاتينة اكيد دي اول حاجة بتتعمل رحت لاكتر من ميكانيكي وسالت علي القطع المطلوبة
بس قولت اروح التوكيل اضمن
حجزت ورحت اول حد قابلته مهندس عاطف حكيتله موضوعي قالي هنعمل صيانة ال80 العربية كانت عاملة 83 بس بصراحة اتفاجئت بالمبلغ 1600 ج طبعا مكنتش عامل حسابي
وبصراحة قبلها كان معايا فيورا مكنتش حاسس بحاجة خالص
والراجل مشكور حاول يحللي المشكلة قالي المهم سير كاتينة ودينمو وتكيف وفلتر بنزين ولو في حاجة اعملها في وقت تاني او بره في اي مركز خدمة قولت ماشي تقريبا كام قال مبدئي 850 قولت يعني مش كتير قالي مش هيزيد ممكن يقل ومشاء الله اخد العربية وتقريبا ساعة ونص سمعت اسمي طبعا اول حاجة قولت كام قالي ابسط ياعم تقريبا 760 بصراحة فرحت وشكرته ونصحني بشوية حاجات بس بجد راجل زوق اوي واستقباله ممتاز وقالي قبل متيجي كلمني احجزلك
بجد او ماشوفت الموضوع كان لازم اشكره علي اهتمامه

[semsem85]

كنت عاوز اعرف يابشمهندس افضل زيت ايه ممكن اغيره عشان قدامي 200ك واغير
العربية :اتوس
موديل: 2000

[Hyundai-CRM]

أغلب الزيوت زي بعضيها ... المهم الـ Grade بتاعة الزيت .. يفضل 20 - 40 SJ فما فوق.

تحياتي

[semsem85]

أغلب الزيوت زي بعضيها ... المهم الـ Grade بتاعة الزيت .. يفضل 20 - 40 SJ فما فوق.

تحياتي

معلش يابشمهندس اعذرني انا مش فاهم اللي حضرتك بتقولوا
ممكن تفهمني يعني ايه
وقولي علي نوع معين يكون كويس للعربية وانا اتعامل معاه
وشكر علي سعة صدرك

[memo1271971]

السيد المهندس عاطف عبد السميع تحيه طيبه لسيادتكم وبعد
منذ حوالى إسبوعين ذهبت لمركز خدمة هيونداى بأبو رواش لعمل صيانة ال50000ألف وكانت السياره والحمد لله جيده وبدون أى صوت وقبل إستلامى للسياره سألت مهندس الإستقبال هل فى حد ممكن يجرب العربيه قاللى طالما إنها بره تبقى زى الفل قمت بإدارة السياره وأتجهت لمنزلى فى العاشر من رمضان (100كم )كان المركز بيقفل وعندما وصلت للعاشر من رمضان ركنت سيارتى وجيت أدورها (وطفيت الكاست) سمعت صوت هزه غريبه لم أسمعها فى سيارتى منذ ثلاث سنوات ووجدت رجرجه فى التابلوه وفى اليوم التالى إتجهت إلى أبو رواش (200كم )ذهاب وإياب وبعد فحص السياره أفاد السيد مهندس الإستقبال بأن العيب هو مواسير البنزين (مش متربطه كويس )طب إيه اللى فكها المهم الحمد لله الموضوع عدى بس هل من المفترض إن الواحد يروح بعربيته التوكيل يخرج بيها فيها عيب مع إنه جاى بيها سليمه ومن يعوض العميل عن ضياع وقته وجهده ونقوده سؤال أرجو من سيادتكم الرد عليه مع وافر الإحترام والتقدير
للأسف لم أتلقى أى رد ولو حتى يطيب الخاطر
هل وقت ونقود العميل لا تهم شركة غبور لهذه الدرجه
لا أعتقد ذلك وأتعشم فى الرد

[AHMEDCAR]

افضل زيت هو 20w50

[r0xer]

السلام عليكم

السيارة : هيونداي فيرنا 1600 . عاملة 13 الف كيلو متر الحمد لله بدون أي مشكلة ولكن من اسبوع ونص فقط ظهرت المشاكل تباعا! ففجأة اكتشفو في التوكيل ان حساس الاوكسجين معووج او مكسور...والغريب في الامر اني لم اقم بأيييييي صيانة خارج التوكيل ومفتحتش الكبوت عمري اصلا غير لو براجع الزيوت والمياه...غير كدا والله عمرها ما اتفحت برة!! و اخيرا..تظهر مشكلة في الفتيس لتكمل نكد عليا !

المهم
انا هحجز ان شاء الله صيانة يوم الخميس القادم. وذلك لوجود مشكلة في الفتيس وهي كالتالي :


1- عند النقل من النقلة الثانية للثالثة تظهر نتشة محسوسة في اليد بشكل واضح جدا جدا.

2- هذه النتشة لا تحدث إلا عندما يكون "الأر بي ام" تعدى ال3 ونص.

3- هذه النتشة لا تحدث سوى بعد القيادة بربع ساعة؟ او العربية تسخن مش عارف!!!! "اظن حاجة تضحك صح؟"

4- حتى لو مورت و جبت التالت والعربية على 45 مثلا برضو تحدث نتشة في الفتيس.

5- النتشة لا تحدث إلا عندما يكون الار بي ام تعدى ال3 ونص او 3 على الاقل. اما لو نقلت النقلة قبل ذلك فلا تظهر تلك النتشة!؟



-------

للعلم فقد ذهبت للتوكيل بقليوب قبل ذلك لحل تلك المشكلة ولكن اقنعوني بأنها كانت من رجلاش الدبرياج و انهم ظبتوه خلاص..طبعا انا مش فاضي كل يوم اروح التوكيل عشان خاطر اناكف معاهم واقولهم لا والنبي دي فيها المشكلة وانتو بتهرجو!!

طبعا شيء مقرف يعني التهرب من مشكلة ممكن يصلحوها حتى لو مش هيعرفو يصلحوها يقولو الواحد يشوف حل لكن ميبقاش مخنوق ومقريف من عربية لسة مكملتش 15 الف كيلو!

فياريت ياباشمهندس عاطف حضرتك تساعدني في الموضوع دا لانه فعلا خلاني قرفان من العربية كلها!!


------

[Hyundai-CRM]

السادة :
memo1271971
r0xer
أرجو الأتصال علي رقم موبيلي أو أرسال أرقام موبيلاتكم للأتصال عليكم حتي يمكن الترتيب لأزالة جميع ملاحظاتكم أن شاء الله.

تحياتي

[Karim_Monir]

السادة :
memo1271971
r0xer
أرجو الأتصال علي رقم موبيلي أو أرسال أرقام موبيلاتكم للأتصال عليكم حتي يمكن الترتيب لأزالة جميع ملاحظاتكم أن شاء الله.

تحياتي

السيد الباشمهندس عاطف عبد السميع
لدي شكوى ارجو ان يتسع وقتكم الضيق للاستماع اليها
بقالي كتير قوي ماشوفتكش ولا سمعت صوتك

ممكن تحن عليا بشوية وقت من اللي بتديهم لاعضاء نايل موتورز وتيجي المقابلة الجمعة الجاية
ولا يعني لازم ابيع الكرولا واشتري هيونداي عشان اسمع صوتك او اشوفك

[Hyundai-CRM]

بالنسبة لنوع الزيت لا يمكن التوصية علي نوع محدد و لكن يمكن التوصية علي مواصفات الزيت ... و زي ما أحمد قال 20-50 ممتاز و 20-40 كويس برضه بس 20-50 أفضل و لكن هايكون سعره شوية أغلي ... شوف خليك في الماركات الكبيرة ...

تحياتي ..

[Hyundai-CRM]

يعني أنا قد كده يا أستاذ كريم ... أنت عارف و الله انا قد أيه بعزك و بحترمك و أنت عارف أن ليا الشرف أن أكون بصحبتكم أن شاء الله ... و الله انا علي المنتدي بقوم بدورين ... شغلي و أخوتي ليكم ... و أخوتي ليكم شرف كبير لي ...
ربنا يجعلنا جميعا عند حسن ظننا ببعض و يجمعنا علي طاعته و حسن عبادته ...
أن شاء الله معاكم ...

[dr_walid]

السلام عليكم
هى صيانة ال100000 ممكن اعرف حالة العربية و الحاجة اللى محتاج اغيرها و يعنى اية ضبط الموتور الكترونيا