مركز خدمة عملاء هيونداي ترحب باى شكوى من مالكي هيونداي

[yramadan]

أستاذ عاطف - عاجل جدا

أنا بتاع جهاز الأنذار كلمتك الأسبوع الماضى و لم يصلنى اى رد من حضرتك

رقم موبايلى 0105624746
رقم الشاسيه 661852
رقم الموتور 578418
العربية النترا 2009 بأسمى ياسر رمضان البيومى

برجاء المساعدة جزاك الله خيرا

[AHMEDCAR]

السادة الاعضاء

السلام عليكم

عندى استفسار و ارجو المساعدة

انا مسافر لمدة شهر واحد فقط و اريد انا اعرف هاعمل ايه فى عربيتى

هل اكتفى بفصل البطارية فقط ولا فى حاجة تانية على فكرة انا عربيتى

ماتريكس موديل 2007


و شكرا

شهر مش هو الوقت اللى يستدعى انك تعمل حاجه فى العربيه اركنها زى ماهيه و لو فى حد ممكن بحركها فى الاسبول لمده 20 كيلو مره واحده يكون افضل لو ما فيش يبقى خلاص اركنها زى ما هيه و مش ضرورى تفصل البطاريه كمان

انا ركنت عربيه اخويا 6 شهور و كنت يدورها مره كل 15 يوم او اخرج بيها مشوار خفيف كده

[mrasheed]

شكرا على الرد بارك الله فيك

[mohdsaadany]

مهندس عاطف
شكرا لتواجدك معنا فى المنتدى ولى شكوى من الكول سنتر 16101 حيث يجب ان تطلب كثيرا ليرد مرة. يوم الثلاثاء الماضى طلبته أكثر من ست مرات بدون أن يرد وسلمت أمرى لله و لم أعاود الإتصال.
الزملاء ... هل عاصرتم هذه المشكلة من قبل.

[masking]

السلام عليكم ورحمة الله وبركاته

أنا شارى النترا 2005 وعاوز اعمل عليها فحص شامل
هى عاملة حوالى 48 ألف كيلو

فين أحسن مكان قريب من مدينة نصر أو مصر الجديدة يناسب القيام بهذا الفحص ؟

[hamadaaaaa]

السلام عليكم
عندي مشكلة صغيرة ياريت حد يقولي ايه السبب معايا نيو اكسنت 2010 وعملت صيانة الالف والحمد لله وقلت بقي اروح اغسل العربية غسلة كويسه رحت محطة البنزين وغسلت بودي وموتور وبعد الغسيل لفيت ان صوت الانذار مش شغال يعني لمبة الاشارات بس هي اللي بتنور لما افتح الباب واقفلة حتي جربت افتح الباب بالمفتاح برضو لاقيت مفيش صوت بس لمبة الاشارات هي اللي نورت ممكن اعرف ايه السبب في المشكلة دي وايه الحل
محمد سليم صديق وعضو جديد

[AHMEDCAR]

هتلاقى فى ميه دخلت فى السماعه بتاعته اصبر شويه لما الميه تنشف وان شاء الله تشتغل

[hamadaaaaa]

هو بقالوا 3 ايام يعني انا غسلتها يوم السبت والنهاردة الاتنين ممكن يكون الميه عملت فيه حاجة
برجاء الرد علشان انا قلقان اوي

[abaza2107]

ممكن حدرتك تروح لحد بيركب اجهزه انزار تخليه يفكلك السماعه بتاعت الأنزار الي في الكبوت ويكشفلك عليها ولو فيها ميه خليه ينشفها كويس و يركبها وان شاء الله تشتغل
وبعد كده ابقى غطيها بكيس عند الغسيل
وابقى طمنا

[sherifowahba]

عندي مشكلة في فيرنا اوتوماتيك 2004
المشكلة ان العربية بتسخن وتعدي للنصف والتالت اربع وبالذات مع التكييف
سلكت الردياتير وحطيت مياة زرقاء موبيل ولسة العيب
رحت توكيل غبور ابو رواش وقالولي مفيهاش حاجة والغريبة لما جربوها معملتش حاجة ولسة العيب
رحت مركز خدمة الاقصي وكشفوا عليها و عملوا كبس للمحرك علشان التاكد علي جيوان وش السلندر وقالولي مفيهاش حاجة ولسة العيب
قلت ممكن تكون مشكلة في عداد الحرارة نفسة لكن مفيهوش حاجة واثناء السخونة المياة بتغلي ولسة العيب
وهو عيب بيحصل كل فترة مش بصفة مستمرة
وثرموستات المياة الي بيقفل ويفتح في الكوعة متشال
ودي اول مشاركة وطلب ليا عندكم يا هيونداوية ارجو المساعدة فية ولو في ميكانيكي كفاءة في التوكيل او خارجة ولية مكان برة ارجو المساعدة
و شكرا للمساعدة مقدما ونردهلكم ان شاء اللة في قسم البيع والشراء

[r0xer]

حسبي الله ونعم الوكيل مبدئيا كدا في توكيل قليوب نفر نفر...

البداية...


انا كلمت المهندس عاطف يوم الاتنين اللي فات و سألته هل اقدر اروح اكشف على مشكلة في العربية بدون حجز ولالا....وقالي تقدر تروح طالما عطل مش صيانة. وفعلا رحت يومها.

المشكلة كانت إن الطنابير بتسخن لدرجة إن العجل لو حد قرب منه شوية يتلسع!! و دا طبعا غير ان الطاسات تحس انها قربت تسيح من كتر الحرارة و بقت مهترئة كدا.

دخلت لمهندس استقبلني وقالي لا بسيطة هنحلها وبتاع والكلام دا كان الساعة 9

نزلت الساعة 2 الورشة ابص اشوفهم عملو ايه...وياقلبي لا تحزن محدش قرب من العربية و ال ايه مكنتش حاجز قبلها وعشان كدا مش اشتغلوا فيها بعد مرور 5 ساعات!!

المهم كلمت مهندس اسمه عزت بيقولو انه مدير الورشة و هو شخص غير لبق بالمرة ولا يعرف أي شيء عن التعامل مع الادميين و بكل جليطة وقلة ذوق قالي انت مش حاجز وعايز تخلص بسرعة!! طيب زي بعضه هخلي حد يشوفهالك...كأني بشحت منه مثلا!!

ساعة بالظبط وندهوا عليا ونزلت والاقي صدمتين!:

1- محدش فك العجل حتى...والله العظيم ما اتفك حتى و الصنايعي لاقيته غاسل الموتور وبيقولي يابيه ظبتنالك دورة التبريد وغسلنالك الموتور وكله تمام!!!!!!! قلتله المشكلة ان الطنابير بتسخن....قالي اه مهو كله موصل على بعضه!! الكلام دا الساعة 4 ونص!!

طبعا مكنش في اي وقت لا اناهد ولا اعمل اي حاجة لاني كنت مسافر اسكندرية مشوار ضروري جدا جدا

2- لاقيت اسطوانة عمرو دياب وانغام الاوريجينال مسروقين وملهمش وجود!!

اثناء عودتي من اسكندرية لاحظت الاتي :

1- الفرامل بترعش بعد ال100 وتحس إن في حرب في الدواسة!

2- كفاءة الفرامل قلت بنسبة 40%

3- العربية فجأة وبدون اي مقدمات بقت تحدف يمين!!!!! في وسط الطريق كدا وبدون اي سابق انذار...وياسلام لو فكرت افرمل بقا تلاقي الدركسيون هيقطع ايديك ويحود ناحية اليمين...

كل دا غير حرقة الدم والرعب اللي حصلي وخصوصا ان كان معايا العائلة وبقيت طول الطرق بدعي ربنا المشوار يخلص على خير..

حياة اسرة كاملة ممكن كانت تضيع بسبب استهتار وتخـــــلف مهندسي توكيل قليوب حسبي الله ونعم الوكيل فيهم جميعاً .

ياريت بجد يكون في عقاب للناس اللي فاكرة إنها ملكت الدنيا دي...وطبعا مش عارف اروحلهم تاني ولا المرة دي هيفكولي التكييف ويقولو خلاص هيبرد كويس!!!!

[ashouhdy]

حسبي الله ونعم الوكيل مبدئيا كدا في توكيل قليوب نفر نفر...

البداية...


انا كلمت المهندس عاطف يوم الاتنين اللي فات و سألته هل اقدر اروح اكشف على مشكلة في العربية بدون حجز ولالا....وقالي تقدر تروح طالما عطل مش صيانة. وفعلا رحت يومها.

المشكلة كانت إن الطنابير بتسخن لدرجة إن العجل لو حد قرب منه شوية يتلسع!! و دا طبعا غير ان الطاسات تحس انها قربت تسيح من كتر الحرارة و بقت مهترئة كدا.

دخلت لمهندس استقبلني وقالي لا بسيطة هنحلها وبتاع والكلام دا كان الساعة 9

نزلت الساعة 2 الورشة ابص اشوفهم عملو ايه...وياقلبي لا تحزن محدش قرب من العربية و ال ايه مكنتش حاجز قبلها وعشان كدا مش اشتغلوا فيها بعد مرور 5 ساعات!!

المهم كلمت مهندس اسمه عزت بيقولو انه مدير الورشة و هو شخص غير لبق بالمرة ولا يعرف أي شيء عن التعامل مع الادميين و بكل جليطة وقلة ذوق قالي انت مش حاجز وعايز تخلص بسرعة!! طيب زي بعضه هخلي حد يشوفهالك...كأني بشحت منه مثلا!!

ساعة بالظبط وندهوا عليا ونزلت والاقي صدمتين!:

1- محدش فك العجل حتى...والله العظيم ما اتفك حتى و الصنايعي لاقيته غاسل الموتور وبيقولي يابيه ظبتنالك دورة التبريد وغسلنالك الموتور وكله تمام!!!!!!! قلتله المشكلة ان الطنابير بتسخن....قالي اه مهو كله موصل على بعضه!! الكلام دا الساعة 4 ونص!!

طبعا مكنش في اي وقت لا اناهد ولا اعمل اي حاجة لاني كنت مسافر اسكندرية مشوار ضروري جدا جدا

2- لاقيت اسطوانة عمرو دياب وانغام الاوريجينال مسروقين وملهمش وجود!!

اثناء عودتي من اسكندرية لاحظت الاتي :

1- الفرامل بترعش بعد ال100 وتحس إن في حرب في الدواسة!

2- كفاءة الفرامل قلت بنسبة 40%

3- العربية فجأة وبدون اي مقدمات بقت تحدف يمين!!!!! في وسط الطريق كدا وبدون اي سابق انذار...وياسلام لو فكرت افرمل بقا تلاقي الدركسيون هيقطع ايديك ويحود ناحية اليمين...

كل دا غير حرقة الدم والرعب اللي حصلي وخصوصا ان كان معايا العائلة وبقيت طول الطرق بدعي ربنا المشوار يخلص على خير..

حياة اسرة كاملة ممكن كانت تضيع بسبب استهتار وتخـــــلف مهندسي توكيل قليوب حسبي الله ونعم الوكيل فيهم جميعاً .

ياريت بجد يكون في عقاب للناس اللي فاكرة إنها ملكت الدنيا دي...وطبعا مش عارف اروحلهم تاني ولا المرة دي هيفكولي التكييف ويقولو خلاص هيبرد كويس!!!!

نصيحة لوجة الله بما انك فى اسكندرية عليك و على غبور السلطان حسين ممممتتتااااااااززززززززز
عليك و على مدير المركز او المهندس محمد او عمرو

[ashouhdy]

عندي مشكلة في فيرنا اوتوماتيك 2004
المشكلة ان العربية بتسخن وتعدي للنصف والتالت اربع وبالذات مع التكييف
سلكت الردياتير وحطيت مياة زرقاء موبيل ولسة العيب
رحت توكيل غبور ابو رواش وقالولي مفيهاش حاجة والغريبة لما جربوها معملتش حاجة ولسة العيب
رحت مركز خدمة الاقصي وكشفوا عليها و عملوا كبس للمحرك علشان التاكد علي جيوان وش السلندر وقالولي مفيهاش حاجة ولسة العيب
قلت ممكن تكون مشكلة في عداد الحرارة نفسة لكن مفيهوش حاجة واثناء السخونة المياة بتغلي ولسة العيب
وهو عيب بيحصل كل فترة مش بصفة مستمرة
وثرموستات المياة الي بيقفل ويفتح في الكوعة متشال
ودي اول مشاركة وطلب ليا عندكم يا هيونداوية ارجو المساعدة فية ولو في ميكانيكي كفاءة في التوكيل او خارجة ولية مكان برة ارجو المساعدة
و شكرا للمساعدة مقدما ونردهلكم ان شاء اللة في قسم البيع والشراء

أعتقد دة عيب ترموستات الحرارة عشان كدة بيبان ع فترات لما يهنج او يعطل و طالما دورة التبريد سليمة و المروحة سليمة اكشف ع الثرموستات

[r0xer]

والله ياريس للأسف انا رجعت القاهرة و النهاردة بعون الله هروح التوكيل اعمل فضيحة هناك بما اني فاضي واعصابي بردت والحمد لله و ربنا يعينهم عليا :d :d

[BEKASO]

باش مهندس عاطف فيرنا 2009 هينزلوها بفارامل امتا اصلي معايا واخده من غير فرامل تقريبا .. ولما روحت غبور ابو رواش ......

اتفضل يا فندم بس هتسييبها 3 الى 4 ايام و بعدها نحدد التكلفه عليك ولا علينا علما بانها بقالها شهور (حسبي الله و نعم الوكيل)