مركز خدمة عملاء هيونداي ترحب باى شكوى من مالكي هيونداي

[sisco]

السلام عليكم

[sisco]

السلام عليكم وكل سنة وانتم طيبين وعندى سؤال للاستاذ عاطف
انا اشتريت سيارة هيونداى نيو اكسنت يوم 14/9/2009 موديل 2010 وبعد مااستلمتها لقيت فيها الاتى:
الراديو مش عاوز يثبت اى محطة وبيجرى فى كل محطة
الولاعة والشاحن مش شغالين خالص تقريبا مفصولين
الطبة اللى موجودة فى الدرج اللى ورا فرامل اليد اللى بنظبط من تحتها الرجلاش بتاع فرامل اليد مش موجودة والموزع قالى ابأى هاتها من التوكيل علشان العربية جاية كده ودى حاجة بسيطة ماتقلقش ومع الاسف كان لازم استلم العربية فى اليوم ده لان وثيقة التأمين كانت طلعت خلاص برقم الشاسيه والموتور بتوع العربية دى اعمل ايه يابشمهندس عاطف ياريت تقولى وانا منتظر ردك السريع

[waellabana]

تحية كبيرة لكل أعضاء نايل موتورز

أحيى جميع اعضاء نايل موتورز على هذا الجهد المبذول والمعلومات القيمة وأخص بالذكر م/عاطف عبد السميع - مع إنى لم أتعرف عليه شخصيا وطبعا شرف ليا إنى اتعرف عليكم واحد واحد واتمنى لكم جميعا دوام الصحة والعافية وان يستمر هذا العطاء.

[waellabana]

سؤال بسيط للإخوة الكرام

الحمد لله أنا أستلمت عربيتى فيرنا 1600 كاملة مانيوال ولونها سماوى فى يوم الجمعة 18-9-2009 من توكيل غبور فرع المعادى وطبعا ده كان العرض الرمضانى وإستلمت بالليل وطبعا العربية ماشاء الله تمام والصراحة كنت خايف من موضوع صوت الماتور العالى اللى بيقولو عليه ولكن الصراحة لم ألاحظ ذلك بس طبعا الكمال لله وحده وأكيد طبعا فى حاجات لازم تظهر معاك من التقفيل المصرى السيئ..
ولذلك انا عندى كام استفسار بسيط كده
انا مقبل على صيانة الألف الأولى وبغض النظر عن تغيير الزيت والفلتر وتربيط العفشة فى ملاحظات كده عاوزها تتحل فأرجو من الأخوة ومن م/عاطف عبد السميع أن يرشح لى مركز جيد لكى تتم فيه الصيانة الجيدة وتصليح عيوب التقفيل علما بإنى ساكن فى منطقة الهرم
ومن السلبيات اللى لقيتها فى السيارة
1- فرش أرضية السيارة من الناحية الأمامية اليمنى - (الكرسى اللى جنب السواق) مش متركب كويس ولو اى حد مد إيده أسفل التابلوه هيلاقيه ملفوف حول بعض كأنك بالبلدى لافف سجادة
2- سخونية أسفل تابلوه السواق والكرسى اللى جنب السواق - منطقة الأرجل وأعتقد دى من فرش الأرضية اللى مش متقفل كويس
3- اخر حاجة بقى ودى الصراحة أغبى حاجة تعكنن اى حد إن طبعا البطارية محطوطة على قاعدة وفى حديدة بتقفل عليها عشان متتحركش للأسف الحديدة دى مصدية والصدأ باين وكمان فى حتة أسفل البطارية مصدية فى جسم العربية.. وللأسف الشديد دى متبانش بالليل وأنا لو كنت خدت بالى منها قبل الإستلام مكنتش إستلمت العربية أو على الأقل كنت سجلت فى التقرير الملاحظات دى..

أرجوا منك ياباشمهندس/عاطف التكرم بإفادتى فى هذا الموضوع وايه اللى انا أقدر اعمله لأنى بعد مالاقيت الكلام ده فى العربية حسيت انى إضحك عليا وحسيت ان العربية الزيرو لازم تبص عليها قبل متستلمها زيها زى المستعمل بالظبط

[waellabana]

أين أنتم ياأعضاء المنتدى الكرام

[أبــوحبيبه ونور]

الحمد لله أنا أستلمت عربيتى فيرنا 1600
3- اخر حاجة بقى ودى الصراحة أغبى حاجة تعكنن اى حد إن طبعا البطارية محطوطة على قاعدة وفى حديدة بتقفل عليها عشان متتحركش للأسف الحديدة دى مصدية والصدأ باين وكمان فى حتة أسفل البطارية مصدية فى جسم العربية..

اولا الف الف مبروك ربنا يرزقك خيرها ويكفيك شرها
انا هرد على جزية معينه عشان دى حصلت معى فى الاكسنت زمان موضوع البطارية اللى فيها حديدة مصدية وانا اعتقادى الشخصى انهم بيغيرو البطارية الاصليه اللى نازله مع العربية بنوع اقل فى الجوده مجرد راى

(على فكرة من التجارب مع غبور والصيانة وسو المعاملة وحاجات كتير قررت انى اغير هيونداى نهائى

[waellabana]

[quote=أبــوحبيبه ونور;3872024338]اولا الف الف مبروك ربنا يرزقك خيرها ويكفيك شرها
انا هرد على جزية معينه عشان دى حصلت معى فى الاكسنت زمان موضوع البطارية اللى فيها حديدة مصدية وانا اعتقادى الشخصى انهم بيغيرو البطارية الاصليه اللى نازله مع العربية بنوع اقل فى الجوده مجرد راى

ياباشا شكرا على ردك .. بس هل المشاكل دى هيحلوها فى التوكيل ولا لأ

[أبــوحبيبه ونور]

[QUOTE=waellabana;3872025418]

اولا الف الف مبروك ربنا يرزقك خيرها ويكفيك شرها
انا هرد على جزية معينه عشان دى حصلت معى فى الاكسنت زمان موضوع البطارية اللى فيها حديدة مصدية وانا اعتقادى الشخصى انهم بيغيرو البطارية الاصليه اللى نازله مع العربية بنوع اقل فى الجوده مجرد راى

ياباشا شكرا على ردك .. بس هل المشاكل دى هيحلوها فى التوكيل ولا لأ

اعتقادى الشخصى ممكن يقلولك
دى مش هتاثر على اى حاجة
اويقولك كل العربيات فيها نفس الموضوع
او ممكن يقولك دا مش صدا دا من التشحيم اللى فى العربية
مبررات كتير بس جرب وشوف هيقلولك ايه وياريت تطمنا عملت ايه وربنا يسهل ويكون الموضوع بسيط

التوقيع
هيونداوى سابقاً جارى البحث والسعى للحصول على جنسية اخرى

[waellabana]

[quote=أبــوحبيبه ونور;3872026894]

اعتقادى الشخصى ممكن يقلولك
دى مش هتاثر على اى حاجة
اويقولك كل العربيات فيها نفس الموضوع
او ممكن يقولك دا مش صدا دا من التشحيم اللى فى العربية
مبررات كتير بس جرب وشوف هيقلولك ايه وياريت تطمنا عملت ايه وربنا يسهل ويكون الموضوع بسيط

التوقيع
هيونداوى سابقاً جارى البحث والسعى للحصول على جنسية اخرى

شكرا ياباشا على إهتمامك وذوقك

[mahmoud_afifi]

السلام عليكم ورحمة الله, انا عربيتي (الانترا 2010) يادوب لسه مكمله ال1000 وعملت صيانتها وفي نفس اليوم لقيت الكاوتش نام على الاخرررر, المهم بعد لما صلحته وجيت اركبه قام مسمار من المسامير اتكسر وانا بركبه , ركبت 4 والخامس اتقطم بسهووله.
ايه العمل ؟؟

[aeltamy]

السلام عليكم و رحمة الله
بداية انا باشكر المهندس عاطف على ذوقه الرفيع و سعة صدرة فى الرد على الشكاوى و الاستفسارات، انا اشتريت عربية فيرنا 2009 كاملة مانيوال و هى عملت 1200 كيلو و انا عايز اروح اعمل صيانة الالف كيلو بس انا عرفت ان توكيل ابو رواش زحمة جدا و لانه بعيد عنى جدا و كذلك ان العمل واخد كل وقتى فهل ممكن اعمل الصيانة و تغيير الزيت فى اى توكيل معتمد و ايه افضل توكيل يكون قريب من مصر الجديدة روكسى و لكم وافر التحية

[batalelo]

استهلاك البنزين مرتفع جدا

ممكن تفيدونى.. عربيتى بتستهلك بنزين كتير جدااا
بتستهلك 20 لتر بنزين لكل 120 كيلو واقصاها 160 كيلو.. وده داخل القاهرة مع التكييف.. لكن بيكون معظم الطريق على الدائرى.. هل ده طبيعى ؟؟

وفى السفر بتستهلك 20 لتر بنزين لكل 230 كيلو.. لكن ده من غير تكييف وطريق سفر مفتوح.. هل ده طبيعى ولا المفروض اكتر ؟؟

العربية 1600 اوتوماتيك.. عامله 50 الف كيلو فقط.. وغيرتلها البوجيهات وفلتر البنزين.. ياترى المشكله ممكن تكون فين؟؟ ولو فى الرشاشات يبقى اروح لحد ينظفها بجهاز الالتراسونك ولا لازم تتغير؟ ولا ممكن يبقى العيب من حاجه تانى.. يعنى المفروض اعمل ايه
وشكرا جد

[m_o_sakr]

I hope to have a real change in GB autop service centers attitude, not any individual cases to be solved by Eng. Atef , but how come, this is GB auto trend from long time ago

[Lion_Heart]

استفسار هل بلية الكاتينة للاكسل نفس بلية الفيرنا ؟؟؟

[Lion_Heart]

استفسار هل بلية الكاتينة للاكسل نفس بلية الفيرنا ؟؟؟

ياريت الافادة