مركز خدمة عملاء هيونداي ترحب باى شكوى من مالكي هيونداي

[theoldwiseking]

السلام عليكم يا استاذ عاطف،

انا استلمت نيو اكسنت بقالى شهرين، وبصراحة عندي مشاكل فى العربية. التقفيل الداخلى سيئ جداً السقف والفبر بتاع الدركسيون والأبواب بيطقطق والأبواب من جوه بتخرفش وحاسس ان العفشة مش متربطة كويس. يعنى العربية مش متربطة خالص !!!
وبعدين حاصللى مشكلة فى السنتر بعد حوالى اسبوع ورحت مركز خدمة معتمد لغبور فى نفيشة (انا اصلا من الأسماعيلية) قاللى دا المشط بتاع السنتر لازم يتغير وده فى الضمان وهيتغير ببلاش بس هو مش موجود دلوقتى هنجيبه لسيادتك مع الصيانة الجايه !!

اعمل ايه سيادتك فى الحاجات دي؟

[net]

احب اشكر م/عاطف على هذا الدعم الواضح والمجهود الوافر فى العمل على رفعة نايل موتورز وتطورها وتقدمها وشكرا

[mohdfma]

السلام عليكم
عندي ماتريكس 2010 في مشكلة مش مستمرة لكن بتحصل كتير
العربية و انا ماشي بيها بالذات عند النقلات الصغيرة (العربية مانيوال) بتقفش زي مايكون حد دايس علي الفرامل و العربية بتبطأ
لازم اكارك كام مرة على الفرامل لحد ما تفك
رحت التوكيل في قليوب بتاريخ 21 اكتوبر 2009 و خرجت على ان المشكلة اتحلت و للاسف ماحصلش
عايز اعرف اية العيب و اية حلة
شكرا

[Neurovit]

م عاطف ..بخصوص شكمان الفيرنا

اشكرك اولا على ردوك دائما على كل اسئلة الزملاء
حضرتك معايا فيرنا 2008 وعملت صيانة الاف الاولى ثم ال 5 الاف فقط والان السيارة عامله 47 الف وعلبة الشكمان الخلفية الان دايبة ( مش مخبوطة )
ياترى من حقي اغيرها ف الضمان؟

[AHMEDCAR]

صعب ياباشا لانها من المستهلكات

و كامن انت مفوت صيانات كتير جدا جدا اخر حاجه انك تفوت صيانه و تعمل صيانه لكن انت كده فوت كتييير

[aeltamy]

الاخوه الاعضاء بعد السلام عليكمو رحمة الله عندى مشكلة ياريت تفيدونى فى الحل، انا عندى فيرنا 2009 كاملة مانيوال و رحت عملتلها صيانة الالف و الحمد لله ماشية كويس بس انا لاحظت ان الميه بتاعت الريداتيربتنقص من الاربه فرحت تانى المركز وقلتله فكشف على الريداتيربضغط الهواء و قاللى ان مفيش تسريب ميه و كشف على الحرارة بالترمومتر و قاللى الحرارة تمام و زود الميه اللى نقصت و مشيت على كدة بس بعدها بثلاث ايام لقيت ان المية برده بتنقص فهل حد عندة فكرة اعمل ايه و السلام عليكم و رحمة الله

[ahmedabedo]

عاجل جداً للأستاذ/ عاطف عبدالسميع

الأستاذ المحترم عاطف عبدالسميع ... أنا مواطن عادى وناوى بأذن الله أشترى عربيه بالقسط وقبل هذا الخطاب اليك أستقريت على هيونداى النترا .. وشيىء طبيعى أخذت الآراء والأستطلاع على كل مايتعلق بهيونداى خاصة عن طريق النت ...فبصراحة خفت وتراجعت عن شراء أى عربية ماركة هيونداى حيث وجدت السلبيات الآتية بأستثناء سيادتك من هذه السلبيات وليس مجاملة لك ولكن من خلال مدح الناس فى قيامك بحل مشاكلهم من خلال الموقع وواضح أن مراكز خدمة غبور بتعتمد عليك وحدك وهذا أكبر عيب فى قيادة وأسلوب أدارة غبور وطبعاً كلامهم صادق والسلبيات هى :
1/ غبور أسوأ مراكز صيانة فى مصر .
2/ أهمال المهندسين والعمال فى أبورواش ومراكز أخرى بالرد بأى كلام على العملاء أثناء صيانة سياراتهم .
3/ ماذا فعلتم فى موضوع السيدة/ عبير عبدالجواد التى ضيعوا عربيتها وتاهت وأنتهى بها المطاف لورشة خاصة حجزها صاحب الورشة لأن مندوب غبور لم يحضر له قطع الغيار... بالذمة ده كلام وده أسلوب عمل؟؟؟؟؟؟؟؟؟؟
4/ الناس تدفع فلوسها وكاش فى شراء سيارات هيونداى ويماطلوهم فى التسليم وفى خطابات المرور.
5/ أصبح لدى مراكز غبورمبدأ أدفع أولاً وبعدين أسأل على عربيتك عشان مفيش سيولة ماليه بالشركة والأزمة الماليه أثرت عليها ... فى أى منطق هذا .
6/ معنى كده أنا لو نويت أشترى عربية هيونداى النترا حيتعمل معايا كده وممكن أوحش من كده.
7/ على صفحات النت يقال أن معظم العاملين فى هيونداى مش هاممهم حاجه عشان الدكتور رؤؤف غبور صديق شخصى وشريك السيد/ جمال مبارك وعشان كده بيهملوا فى مصالح الناس وفلوسهم.
عموماً هذا قليل من الدروس المستفادة التى خرجت بها عن غبور ومساوىء غبور.
وفى داخلى أتمنى أن ترد عليا فى كل نقطة على حدة لأن صعبان عليا هذا الصرح العظيم يهوى ومؤكد سيؤثر على سمعة هيونداى خاصة لو الشركة الأم فى كوريا الجنوبية وصلتهم هذه السلبيات وأكثر منها.

[Lion_Heart]

م عاطف بالنسبة للعرض الخاص بنايل موتورز ليه مش متفعل فى مركز قليوب ؟؟!!!
و هذا ما حدث بالمركز

http://www.nilemotors.net/Nile/80394-a-7.html

[r0xer]

م عاطف بالنسبة للعرض الخاص بنايل موتورز ليه مش متفعل فى مركز قليوب ؟؟!!!
و هذا ما حدث بالمركز
http://www.nilemotors.net/nile/80394-a-7.html

ياراجل!! دانا فاكر اني كنت هاخد 10% خصم في مركز الهياكل لاني متوقع مبلغ محترم هيتدفع!

الله يطمنك :d هروح انتحر شكلي :d

[Hussin]

صدقني أنا عملت نفس المقارنة زيك لما جيت أشتري عربية ولكن بالسؤال أكتشفت أن هناك مشاكل كثير جداً في مراكز الخدمة والصيانة لمختلف أنواع وتوكيلات السيارات في مصر ولو سيادتك ألقيت نظرة في المنتدى على باقي أنواع السيارات هتلاقي مشاكل كثير جداً أنا أشتريت هيونداي ولكن بصراحة عمري ما فكرت أروح ابو رواش علشان سمعت عن الضغط والزحمة الشديدة هناك مما يؤدي الى حدوث الكثير من الأخطاء وهذا طبعاً ليس بمبرر ولكن هناك الكثير من مراكز الخدمة المعتمدة وهي بالفعل جيدة جداً وهناك التزام ومسئولية على سبيل المثال مركز أبو غالي بالعبور . وشكراً

[Hyundai-CRM]

العرض شغال في كل مراكز ميكانيكا غبور ... و لو هناك أي مشكلة صادفت أي عميل من المنتدي ... برجاء يتصل بي.

تحياتي

[zakiali]

رحت النهارده صيانة أبو رواش .. الأربعين ألف .. كان فيه الصيانه + المشاكل الاتيه :

1- تغيير الزيت بزيت هيلكس الترا - شيل
2- تغيير فلتر زيت
3- تغيير فلتر بنزين
4- تغيير فلتر الهوا
5- تغيير تيل الفرامل
6- تغيير بوجيهات
7- كان فيه مشكله في وصله الشكمان كان عامله صوت عالي .. (تغيير وصله الشكمان)
8- كان عندي مشكله في الحدف + الطاره كانت دايما معووجه يمين مهما زبطت زوايا .


المشكله مهندس الاستقبال بيقولي طالما انك مش بتعمل صيانات الخمسات - اصلي كمن بعمل صيانات العشرات فقط - يبقي انت كده طلعت من الضمان . وقالي انت كده لو هنغيرلك وصله الشكمان تبع الضمان يبقي هتدفع تمن الصيانات الخمسات اللي عدت همه كانو تلاته بس هنخليك تدفع اتنين بس 260 جنيه اضافيه .. المهم كام يعم كله علي بعض قالي تدخل في 1200 جنيه . " مهندس / محمد مسلمه "

هل الكلام ده مظبوط ولو مش مزبوط اعمل ايه اصل العربيه لسه عندهم مبيته النهارده في ابورواش عشاان رحت متأخر


برجاء النصيحه لوجه الله .

0111917808

[أبــوحبيبه ونور]

رحت النهارده صيانة أبو رواش .. الأربعين ألف .. كان فيه الصيانه + المشاكل الاتيه :

1- تغيير الزيت بزيت هيلكس الترا - شيل
2- تغيير فلتر زيت
3- تغيير فلتر بنزين
4- تغيير فلتر الهوا
5- تغيير تيل الفرامل
6- تغيير بوجيهات
7- كان فيه مشكله في وصله الشكمان كان عامله صوت عالي .. (تغيير وصله الشكمان)
8- كان عندي مشكله في الحدف + الطاره كانت دايما معووجه يمين مهما زبطت زوايا .

المشكله مهندس الاستقبال بيقولي طالما انك مش بتعمل صيانات الخمسات - اصلي كمن بعمل صيانات العشرات فقط - يبقي انت كده طلعت من الضمان . وقالي انت كده لو هنغيرلك وصله الشكمان تبع الضمان يبقي هتدفع تمن الصيانات الخمسات اللي عدت همه كانو تلاته بس هنخليك تدفع اتنين بس 260 جنيه اضافيه .. المهم كام يعم كله علي بعض قالي تدخل في 1200 جنيه . " مهندس / محمد مسلمه "

هل الكلام ده مظبوط ولو مش مزبوط اعمل ايه اصل العربيه لسه عندهم مبيته النهارده في ابورواش عشاان رحت متأخر

برجاء النصيحه لوجه الله .

0111917808

حصل معى فى صيانة ال90 الف فى الاكسنت نفس المهندس بس من حظه يومها انه مقالش صراحتنا انى كنت بعدى صيانات ال5 بس كنت كل ما اقوله على صيانة يقولى لا دى كويسة مفهاش حاجة ولما كان بيقولى على حاجات بمزجه كنت بقوله لا مش هغير وفى الاخر اكتشفت انه حافظ مش فاهم اى حاجة ورحت بعدها لمهندس تانى عمل اللى انا عاوزه .

وبعدين يا استاذ زكى
ال
1- تغيير الزيت بزيت هيلكس الترا - شيل
2- تغيير فلتر زيت

مش لازم فى التوكيل انا طول عمرى بغيرهم فى اى بنزينه عادى وارخص

[حماده المصري]

السلام عليكم

ازيك يا باش مهندس عاطف

انا عندي نيو اكسنت ماشيه 145 الف كيلو موديل 2006

حصل عندي ان الباور بطل يشتغل احيانا ولما بيشتغل بيطلع صوت خرخشه وبيتحرك لوحده

راجل معرفه كلم حد مين هيونداي امريكا قالي تروح التوكيل المفروض يكشفوا على الباور بجهاز معين وممكن يتعمل له برمجه

انا روحت التوكيل المهندسه استقبلتني هناك وجابت عامل وبصوا على العربيه قالتلي القطمه بايزها وعايزه تتغير وحضرتك سعرها 7 الف جنيه


ورفضت المهندسه الكريمه ان العربيه تدخل يتكشف عليها واجزمت ان هيا قطمه

واساسا انا القطمه عندي بايزه من ساعه ما خرجت العربيه من الضمان يعني من اول ما عملت 70 الف تقريبا وهي بايزه وهي عمرها ما كانت مشكله الموضوع بدا عندي كنت بغير بليه وقاعدتين موتور عند ميكانيكي عشان البليه كانت فركت ومقدرش استنى كتير طلعت من عند الميكانيكي عندي المشكله دي

يعني حتى لو القطمه بايزه او مبوشه ممكن تبقى مش هي المشكله الي مخليه الباور بايز

وبرضو صديق ليا معاه i30 فصل الباور معاه تماما راح التوكيل وبجهاز اتبرمج ومشي زي الفل

وعايز اعرف ايه مدى استجابه التوكيل لو جبت القطمه دي مثلا من خارج مصر اوريجينال او استيراد هل يقبلوا يركبوها في التوكيل

والي اعرفه انه التوكيل بيقبل تريكب قطع الغيار لو العميل جايبها وبيتكتب قطع الغيار بمعرفه العميل

هوه بصراحه رقم 7 الف على القطمه خصوصا اني ببيع العربيه مينفعش يتدفع فيها رقم زي ده وفي نفس الوقت مينفعش تتباع بباور بايز

حضرتك انا مش عارف اعمل ايه ياريت مشوره حضرتك

[mshmshm3]

[overline]من فضلكم انا عندى مشكلة مزعجة وهى ان فى صوت طقطقة بلاستيك فى النصف اليمين فى جسم العربية من الداخل وانا سايق ممكن يكون البلاستيك اللى على القايم لاقيته مربوط تمام الصوت دة بيجي طول ما انا ماشى بالعربية انا هاتجنن من فضلكم الافادة فى الرد
[/overline]