مركز خدمة عملاء هيونداي ترحب باى شكوى من مالكي هيونداي

[عبدالحميد]

1000 شكر

العربية الفرينا بتاعة الأسكندرية
بأذن الله تروح قبل الضمان ما يخلص للصيانة و كلمني من هناك علشان أوضح مع مدير الصيانة حالة عربيتك.

تحياتي

الحقيقة مفيش أحسن و لا أذوق من كدة

مش عارف أشكرك إزاى يا باشمهندس عاطف - ربنا يكرمك و يجازيك كل خير و إن شاء الله هاكلم حضرتك

عبدالحميد البربرى

[MRBEBO]

بشمهندس عاطف كنت عاوز اعرف عناوين معارض غبور نفسه

وهل اللون السماوي لنيو اكسنت 2010 مانيول عادي متوفر ؟؟ والتسليم بعد كام يوم من دفع مقدم الحجز ؟؟؟

الف شكر

[osamaos20022]

الف شكر الي المهندس عاطف لما قام به لحل مشكلتي
التفاصيل ان شاء الله اول ما اروح

[Hyundai-CRM]

اتصل علي 16661 هو ده الرقم المختصر للمبيعات هايقولولك أقرب فرع مبيعات ليك.
الألوان و العربيات متوفرة أن شاء الله ..
بالتوفيق
تحياتي

[hazem982002]

[overline]
اناعندى ماتريكس 2010 وانا سافرت وتركت السيارة 10 ايام ووجدت البطارية نامت لما جيت ادور دورت بوصلة لكن للاسف الكاسيت ما اشتغلش ومافيش اى باور رايح له لمبة الباور طافية وهل كدة البطارية فيها مشكلة مع العلم انا لم اعمل بعد صيانة الالف كيلو السيارة عاملة430 كيلوفقط وماالحل ايها الاخوة الافاضل المحترمين المحترفين لحل مشكلة الكاسيت والراديو[overline][/overline]

[Hyundai-CRM]

منتظرينك في الصيانة سواء الألف أو دلوقتي ... زي ما تحب ... لو فيهم مشكلة هايتغيروا

تحياتي

[MRBEBO]

بشمهندس عاطف ممكن حضرتك ترد على الموضوع ده

http://www.nilemotors.net/Nile/134452-a.html

لان مفيش حد عنده معلومات بخصوصه

وشكرا لمجهود حضرتك معانا

[Hyundai-CRM]

تحت أمرك ... حاضر

[msy123]

تغيير زيت الجير بوكس

ما هو ميعاد تغيير زيت الجير بوكس الاوتوماتيك بالنسبة للالنترا 2008 و ما هى الصيانات الوقائية له ؟ عداد السيارة 36000

شكرا

[ezzatfox]

م/ عاطف بعد اذن حضرتك كان ليا استفسار عن عرض هيونداى 15% على المصنعيات و 15% على قطع الغيار
هل ما زال العرض سارى .. و لو سارى ازاى نستفيد منة .. يعنى نعمل اية و لا نكلم مين لما نروح نعمل الصيانة و شكرا لحضرتك .

[shtaher2368]

ياشمهندس عاطف هل من الممكن أجراء صيانات الالنترا الحليجى بالتوكيل وذلك طبعا بمقابل مادى وذلك بدلا من البحث عن ميكانكية تحت السلم واللعب بسيارة جديدة بدون خبرة أو كفائة فنية أعتقد أن السيارة هيونداى ومن واجب غبور الاهتمام بها أيضا وهذا سوف يكون بمقابل مادى طبعا للعلم السيارة احضرتها معى من السعودية فهل اتركها لمن هب ودب ليخرب بها ام اذهب بها الى التوكيل

[karee]

م/عاطف اشكر لحضرتك الاهتمام ولكن حدث مشكله عند صيانه 15000 كم ر النترا موديل 2008 حيث وجدت زيت على الموتور بعد الصيانه مع وجود صوت عالى للموتور
قمت بالعوده مره اخرى ل ابورواش قاموا بغسل الموتور ولا يزال صوت الموتور كما هو + باور الدركسيون اصبح ثقيل برجاء الافاده
م/تامر ابراهيم المغازى
موبايل 0111160180

[kimo_sniper]

السلام عليكم . مؤخرا أنضميت لفريق الفرناوية في نايل موتورز . اشتريت من حوالي شهر فيرنا 2010 مانيوال فول اوبشن . عاملة لحد دلوقتي 1640 كيلومتر .وهي بصراحة عربية جميلة ولكن و اه من كلمة لكن صادفتني مشكلتين و كنت عاوز أعرف اعمل ايه ؟ . اولا : الدريكسيون ما بيتحركش لا لفوق ولا تحت . المفروض في الفول أوبشن تقدر ترفع الدريكيسيون او تنزلة لكن الدراع المسئول عن تحريكة طبقا للكاتلوج ماسك حديد .
ثانيا : فوجئت أن زجاج الكهرباء لباب الراكب بجوار السائق تقيل جدا في الطلوع وساعات بيعلق بينما في النزول فريررة وبصراحة انا متضايق جدا و خاصة ان العربية يدوبك ما كملتشي شهر ولسه عامل صيانة الالف .ألحقني يا باشمهندس عاطف وشكرا .

[mawro72]

عناية المحترم المهندس عاطف
تحية طيبة وبعد
انا والدى عنده النترا مانيوال 2007 واخى عنده النترا مانيوال 2009 ولحبى الشديد فى العربية دى وفى تعامل التوكيل فى ابو رواش باستثناء الانتظار فى بعض الاحيان خصوصا ايام الجمعة والسبت المهم اشتريت النترا 2010 اوتوماتيك الملاحظه ياباشمهندس ان الفرامل ضعيفة شوية عندى بالنسبة للنفس النوع بس المانيوال فى المانيوال مجرد لمسه صغيره العربية بتكلبش فى الارض بس عربيتى الاوتوماتيك لازم ادوس سنه زياده علشان تتوقف العربية لسه فى التليين وزى التعليمات مش بادوس على الفرامل فجأة بدون داعى علشان التيل يطبع براحته عموما اسف للإطاله بس السؤال هل ده راجع لأن العربية اوتوماتيك والا فى عيب فى الفرامل يعنى مثلا واخده هوا كمان وانا برخص فى المرور لاحظت ان الموتور مترب ومتسخ جدا وده مضايقنى انى ما شوفتوش وانا باستلم العربية والعربية عامله 700 كيلو لغاية دلوقتى ارجوك تطمنى ياباشمهندس واسف لازعاجك ومقدر تعبك طبعا

[mgkandeel]

ممكن يا باشمهندس عاطف تقولي الفرق بين الفيرنا فيفا والفيرنا
وانه الافضل على الطريق من حيث الثبات كلام مش دعايه لمنتج على حساب الاخر