مركز خدمة عملاء هيونداي ترحب باى شكوى من مالكي هيونداي

[furyo]

السلام عليكم ورحمه الله وبركاته

الموضوع ده تم فتحه من قبل ادارة نايل موتورز بناء على عرض التعاون بين ادارة نايل موتورز من جهة
وبين ادارة خدمة العملاء الممثلة في مديرها مهندس عاطف عبد السميع
اللي بناء على مكالمته لي بصفتي احد اعضاء ادارة نايل موتوز هايحاول بكل مجهوده ومجهود ادارتة انه يذلل اي مشكلة تقابل احد اعضاء نايل موتورز في احد المراكز او الخدمة التابعة لهيونداي
مهندس عاطف بناء على كلامه هايكون متواجد هنا هو او احد افراد فريق خدمة العملاء للرد على استفسار او شكوى تقابلكم
وكمان لتلقى اي شكر على اي دعم او معاملة وخدمة جيدة يقابلها الاعضاء من مجموعة غبور اوتو
شكرا مهندس عاطف
ده لينك المحادثة لمزيد من الاستفسار
http://www.nilemotors.net/nile/showthread.php?t=14772
-----------
الموضوع مثبت

كريم منير
إدارة نايل موتورز

السلام عليكم
الاستاذ كريم
شكرا لهذا الموضوع
هذة تجربتى فى صيانة الالف فى توكيل ابو رواش
اقل من عشر دقائق انتظار واتى لى المهندس و قلت لة على ملاحظاتى التى كان من ضمنها:

صوت الموتور عالى و بحس بصوت غريب اثناء السير (لاحظ كلمة اثناء السير)
تقفيل التابلوة غير سليم يوجد فتحة فى التبلوة بجوار القنصول واخرى بجوار علبة من العلب
السيارة بتحدف و الدركسيون معووج
الكلاكس غير منضبط

ميعاد الاستلام كان الساعة 5 و استلمت الساعة 6:15
طبعا تدفع قبل ما تشوف السيارة

بعد الدفع:
و هذا هو فى ريلا تهريج. لقيت العربية مركونة فى مكان مع سيارات كثيرة و فيها المفتاح و مفيش حد يسلمها لك , بمعنى انك تدور على العربية و ـاخذها سواء بعيوبها ام تم تصليحها

عند رؤية السيارة و التقرير
لم يتم تصليح التابلوة و الفتحات
(لقد قمت بضبط عداد الكيلومترات غلى الصفر) لم تتحرك العربية اكثر من الورشة و الدخول مع انى كتبت ملحوظة عن الموتور و الصوت اثناء السير. فى التقرير تم كتابة ضبط الموتولا على الحهاز

اخذت ادور على المهندس اذى استلم منى السيارة و كتب الملاحظات لم اجدة و لقيت مهندس ثانى. فقلت لة
قا ل لى دة حاجات صغيرة . ابقى اعملها فى صيانى الخمسة الاف؟؟؟!!!!!!

الفكاهة:
سألت غن الضمان فكان الرد من احد العاملين هناك فى الاستقبال
لايوجد. المطبعة لسوة مجبتش ضمانات. سألت متى؟ قال لا أعلم . لما المطبعة تبعت. ابقى اسأل فى صيانة الخمسة الاف؟؟؟؟؟؟؟؟؟؟؟؟

ملحوظة:
استهلاك الوقود قبل زيارة التوكيل 1 لتر لكل 10 كيلوكتر
بعد الزيارة الغير سعيدة 1 لتر لكل 8.4 كيلومتر

الصوت زى ماهو فى السيارة

سيارة ماتركس 2010 اوتوماتيك
ما التصرف؟؟؟؟؟؟
شكرا
م. محمد هندى

[telarius]

انا محتار ازاى احافظ على ضمان الفيرنا فى صيانة الألف كيلو المهندس فى أبو رواش قال المهم اعمل الصيانة كل10000 ك و بعد البهدلة اللى شوفتها فى ابو رواش من تجاهل و عدم الإهتمام بشكوتى قررت اعمل الصيانة فى مراكز معتمدة حيث الضغط اقل و هناك اصروا على الصيانة كل 5000 و ده مكلف جدا من وقتى و فلوسى و دلوقتى محتار اسمع كلام مين من مهنسين غبور المعتمدين عشان ما اضيعش حقى فى ضمان صناعة غبور للفيرنا اللى للأسف فيها عيوب تقفيل بداية من الفرش لا تحصى ده غير الصفارة عند الدوران ارتفاع صوت مروحة الرادياتير و الصفارة اللى بتختفى بمجرد لمس الدبرياج (و ده على حسب علمى مشكلة فى بلى الفتيس) و زنة حكاية ما تتسمعش غير لما ارفع السرعة ل 100 كم و اسيب بنزين اللى المهندس فى مركز صيانة معتمد قاللى هظبطهولك و رفض عن الإفصاح بالسبب
ده غير رفضه إيضاح مكان الكود الخاص بلون السيارة

ممكن يا أستاذ عاطف تفيدنى؟

[A_A_ELAZIZ]

السلام عليكم ورحمة الله وبركاته
السيد المهندس الفاضل عاطف عبد السميع
تحية طيبة وبعد
انا من مالكي السيارة هيونداي فيرنا فيفا موديل 2009 ومشترك في خدمة إيليت فرع ابو رواش , حتى لااطيل على سيادتك مشكلتى وببساطة هي اننى عند عمل صيانه 15000كم(تم عملها عند 16250كم) داخل التوكيل تم اخبارى ان تيل الفرامل سيتم تغيره لانه لن يكمل حتى صيانه 20000 كم وبالفعل تم تغيره بتيل ثمنه 150 جنيه وكوده h5810124b00 ,وبعد التغير فوجئت بصوت فظيع في السيارة عند استخدام الفرامل فاخذت اجازة من عملى وذهبت مرة اخرى للتوكيل من الساعة 8.30 صباحا وتم استلام السيارة الساعة 2 ظهرا وقيل لي ان العيب عيب طنابير وتم تغيرها واستلمت السيارة وماهى إلا ايام ورجع نفس الصوت ارجو الإفادة فانا اعمل معيد بكلية الهندسة وعلى وشك مناقشة الماجستر وليس عندى الوقت حتى اضيعه في التوكيل بالإضافة الا المشكلة الثانية وهو من قبل صيانة 5000كم للسيارة والسيارة بها حته يمين كل مره اذهب بها لايتم اصلاح العيب بداً من صيانه 5000 و10000 واخرها 15000 حيث انهم اخبرونى انهم اصلحو العيب وبتجربة السيارة رجعت اليهم مره اخرى واخذوا السيارة ورشه هيونداي الكبيرة وتم وضعها على الجهاز وبتجربة السيارة العيب مازال بها وقيل لى بالحرف "اعمل ضبط زوايا خارج التوكيل " ارحو ان يتسع صدرك لي .
ولسيادتك جزيل الشكر

[amir]

انا الحمد لله مش من ملاك الهيونداي
و ده مش لشكي في جوده السياره انما حمايه لنفسي من الاهانات و المعامله الغير جيده من التوكيل
انا بسأل في موضوع معمول لخدمه ملاك العربيه من التوكيل

http://www.nilemotors.net/Nile/131964-a.html

يا تري ايه الخدمه المميزه دي و خصوصا الردود المتعجرفه من التوكيل علي الراجل صاحب الشكوي؟

[mega3050]

السلام عليكم ؛؛؛؛؛؛؛
قطع الغيار مش مضمونة حتى من التوكيل
وكمان مش اصلية وخصوصا تيل الفرامل جيتز
ياريت تراعوا ربنا فى موضوع قطع الغيار لانى بسبكم غيرت طنابير ولسة العربية جديدة
ومش بتعامل مع التوكيل لانهم مش بشيكوا صح على العربية
وبصراحة دة فى رايى ادنى توكيل سيارات فى مصر
وشكرا

[sh23]

عزيزي /مهندس عاطف
تحياتي
لي إستفسار بسيط عن الماتريكس (2008) الكاوتش مقاس 185/65/ r14 ( الجنط 14*5.5)

* هل يمكن تغيير الجنوط ومقاس الكاوتش إلي 205/55/r15 ( جنط 15*6.5 )وهل لذلك أي تأثير سلبي علي العفشة أو آداء الفرامل
* لو ينفع هل الجنط المقترح موجود في التوكيل أم لا
مع شكري وتقديري

[AnaHyundai]

مساء الخير

انا لسه شارى تيو اكسنت 2010 من ابو غالى و فوجئت و انا بستلم ان الكاسيت اللى فيها رودستار مش هيونداى و لما سئلت كان الرد انها نازله كده من الوكيل
صح و لا لأ

[amir]

مساء الخير

انا لسه شارى تيو اكسنت 2010 من ابو غالى و فوجئت و انا بستلم ان الكاسيت اللى فيها رودستار مش هيونداى و لما سئلت كان الرد انها نازله كده من الوكيل
صح و لا لأ

صح الكلام ده الكاسيت و الانذار بيتركب عند عشم نواره علشان غبور بيستورد العربيات بعد ما يفك منها كل حاجه و بيركب هنا في مصر الكماليات
بس قولنا هل شرايط ولا سي دي؟
ياريت طبعا يكون سي دي

[AnaHyundai]

صح الكلام ده الكاسيت و الانذار بيتركب عند عشم نواره علشان غبور بيستورد العربيات بعد ما يفك منها كل حاجه و بيركب هنا في مصر الكماليات
بس قولنا هل شرايط ولا سي دي؟
ياريت طبعا يكون سي دي

لا سى دى

بس انا بشوف عربيات كتير فى الشارع و و واحد صاحبى جاب واحده اخت بتاعتى و الكاسيت فبها هيونداى

[amir]

لا سى دى

بس انا بشوف عربيات كتير فى الشارع و و واحد صاحبى جاب واحده اخت بتاعتى و الكاسيت فبها هيونداى

طب الحمد لله انها كاسيت سي دي
متدقش قوي بقي في موضوع انه مش هيونداي
دي سياسه توكيل

[mohamedkandel]

عزيزي الفاضل /المهندس عاطف
تحياتي
لي قريب عنده النترا2009 عامله 25000 كم وكان ظهر معاه صوت تزييق وهو بيدوس دبرياج
فراح يعمل الصبانه بتاعت ال25 الف كم قالولوه احنا لازم نغير طقم الدبرياج كله بس انت هتدفع ثمن الاسطوانه 450 ج واحنا هنغير الباقي علي حسابنا بقولوا ليه انك حملت علي الاسطوانه وانت بتدوس دبرياج مع العلم بان الراجل ده اولا بيروح الصيانه فى معادها كل 5000 كم في التوكيل قي ابو رواش وهو طبعا في فترة الضمان والراجل ده سواقته ممتازه بيركب عربيات من سنه 80 يعني بقاله 30 سنه مش لسه بيتعلم ايه العمل دلوقتي

[mohm82]

عروض جميله.... و لكن...!

سلام عليكم
عاملين ايه يا زملائى فى المنتدى؟ اتمنى تكونوا فى احسن حال ان شاء الله.
انا معايا عربية ماتريكس لو مش فاكرينى يعنى.
المهم ,سمعت فى الراديو اخبار انما جميله أوى (و انا عديت الـ60,000 و داخل على صيانه محترمه ماديا و فى عامل الوقت كمان) قال ايه هيونداى عمله هدية فلتر الزيت عند تغيير الزيت فى التوكيل و كمان خصومات تصل الى 70% واووووووووووووووووووو
كلم 16101ّ!
مكدبتش خبر و قلت احجز الصيانه و اتمنى انهم يكونو حسنو الصيانه (الوقت و الفلوس)
التليفون جرس و محدش بيرض!!!!!!!!!!!!!!!
و كل الوقت طول اليوم
حاجة غريبة اوى يعنى مكلفين نفسكم فلوس كتيرة و عروض و مش قدرين تقعدوا بنى ادم يرد على التليفون
طيب لو التليفون مبيردش هل معنى كده ان المركز قافل و محدش بيروح ولا ايه ولا اروح و اجرب حظى؟
حاجه غريبة اكتر عدد عربيات فى مصر و مع ذلك مفيش تطوير.
بجد كل ما احاول انسى الحاجات الى بشوفها فى الصيانه بيرجعوا يعمل حاجه تضايق اكتر
بس عل العموم الحمد لله عديت 60,000 و خلاص الضمان خلص و دى الحاجة الوحيدة الى كانت مصبرانى على التوكيل
بجد انا بعد كده اروح ادور على ميكانيكى اكرملى و اوفرلى فى الوقت و الفلوس
شكرا هيونداى
(اكبر عيب فى عربيتى - التوكيل)
معلش اسف على اسلوبى بس الواحد متغاظ من المعامله دى بجد
اشوفكم (اسمع منكم يعنى) على خير ان شاء الله
صحيح نسيت اقول حاجه لما جيت اغير الكاوتش (اخــــــــــــــــــــــــــيرا) الراجل بتاع الكاوتش مكانش مصدق ان الكاوتش الى جاى فى العربية نوعه Pirrelli و قالى اكيد متغير
و كمان لما جيت اغير الكاسيت اكتشفت ان فيه زى ما يكون كان فيه كاسيت قديم و اتفك (فيه مسامير جوه مكان الكاسيت ماسكة فى حاجة اتقطمت من غير ما تتفك) مش فاهم الكلام ده معناه ايه بالضبط!! (طبعا الانذار المع... اى كلام الى متركب ملوش اى لازمة و اتحسبت علينا فى الفلوس و خلاص.
سلام عليكم اخوانى الكرام

[meklad]

عايز حل

لسلام عليكم
م عاطف لو سمحت انا معايا النترا 2010 والكاسيت مش شغال رحت للتوكيل قالولى ان الفيش بتاعه الكاسيت مش موجوده طيب ياجماعه هتيجى امتى قالولى يوم الخميس قطع الغيار هتوصل وانا دلوقتى بقالى 3 شهور من اول مارحت ولغايه دلوقتى مغيرتش الكاسيت بسبب الفيش دى ودخلت لمدير الصيانه ونفس الكلام وللاسف انا لو رحت تانى مش عارف ايه ايلى هيحصل فياترى فى حل للموضوع ده

[mega3050]

مهندس عاطف / تحية طيبة وبعد
لو سمحت ممكن حضرتك تقولى لية خامات تيل فر امل هيونداى جيتز رديئة
هل التيل صينى او حتى مصرى ولا كورى
المهم التيل مش يقعد فى العربية اكتر من شهر ونصف
وكمان هاغير الطنابير بسبب تيل فرامل غبور
اللى انا مش اشتريتة من حد غير غبور
وع العموم للمرة المليون
انتوا توكيل ليس اهلا للثقة
توكيل بيساعد على خراب بيوت الناس مش العكس

[A_A_ELAZIZ]

فى انتظار رد المهندس عاطف على جميع اسئلتنا بفرغ الصبر