حادث هيونداي i10 بالصور .... العربية اتدمرت

[Donzi]

ياااااااا ساتر يارب ده ايه الفال الوحش ده ده انا لسه كنت بكرة نازل اشترى i10 وحمرة كمان وحمد الله على سلامتك

الله يسلمك و ماتحطش موضوع فال وحش دي في دماغك العربية دي فعلا عربية كويسة هي عيبها التوكيل و قطع الغيار الغالية لكن في الأستخدام كانت ممتازة

اعمل استخارة و توكل على الله

[hic]

الف حمدالله على سلامتك
و ان شاء الله ربنا يعوضك باحسن منها

[Donzi]

الف حمدالله على سلامتك
و ان شاء الله ربنا يعوضك باحسن منها

الله يسلم حضرتك

اااااااااااااامين يا رب

[mahmoud_afifi]

الف سلامه على حضرتك وفداكي العربيه مع ان الواحد برضه بيبقى زعلان على الي حصل للعربيه بسبب اهمال الاخرين.
حصلي حاجه زي كده بس بسبب سواق ميكروباص مستهتر وما اخدتش منه لا حق ولا باطل.
قعدت فتره بعد الحادثه خايف من السواقه وكنت خايف لا يجيلي عقده بس الحمدلله العقده راحت الا حد ما (بس لسه موجوده).

المهم ربنا يقومك بالسلامه ان شاء الله

[Donzi]

الف سلامه على حضرتك وفداكي العربيه مع ان الواحد برضه بيبقى زعلان على الي حصل للعربيه بسبب اهمال الاخرين.
حصلي حاجه زي كده بس بسبب سواق ميكروباص مستهتر وما اخدتش منه لا حق ولا باطل.
قعدت فتره بعد الحادثه خايف من السواقه وكنت خايف لا يجيلي عقده بس الحمدلله العقده راحت الا حد ما (بس لسه موجوده).

المهم ربنا يقومك بالسلامه ان شاء الله

الله يسلم حضرتك

انا برضو خايفة اتعقد و كمان خايفة انسى السواقة انا كدة بقالي 6 شهور ماسوقتش ربنا يستر

[M.Akef]

قدر الله وما شاء فعل
بس الحادثه مش قويه اوي اظن انها كانت ممكن تتعالك بسعر معقول

[Donzi]

قدر الله وما شاء فعل
بس الحادثه مش قويه اوي اظن انها كانت ممكن تتعالك بسعر معقول

بالعكس دة كل حاجة في العربية باظت بما فيهم الفتيس و الموتور لأنها عربية صغيرة فالخبطة سمعت في كل حاجة فيها و اللي زاد و غطى كمان اسعار قطع الغيار المبالغ فيها جدا

يعني تكلفة التصليح كانت هتوصل ل 20000 تقريبا ، يبقى ابيعها و احط ال 20000 دول و اشتري جديد اضمن

[raya1111]

يا رب يعوض بواحدة زى دى

[Donzi]

يا رب يعوض بواحدة زى دى

الصورة مش ظاهرة ؟؟

[ahmedzizo131]

بسم الله الرحمن الرحيم
الف حمد و شكر لله انك طلعت منهاسليم
و الف الف حمدلله على سلامتك

[M.Akef]

بالعكس دة كل حاجة في العربية باظت بما فيهم الفتيس و الموتور لأنها عربية صغيرة فالخبطة سمعت في كل حاجة فيها و اللي زاد و غطى كمان اسعار قطع الغيار المبالغ فيها جدا

يعني تكلفة التصليح كانت هتوصل ل 20000 تقريبا ، يبقى ابيعها و احط ال 20000 دول و اشتري جديد اضمن

حضرتك انا شفت حوادث اصعب من كدا بكتير و عربيات اتقلبت و شاسيهات اتعوجت و مجموعات تعليق ادمرت و اصحابها صلحوها تاني و مشو بيها عادي حضرتك الضرر كله في منطقه الحوض و ده امر سهل بالنسبه لحادثه
بس بردو كدا كدا انك تبيعي و تجيبي حاجه فبريكه احسن بمراحل
ربنا يسترها مع الجميع

[haneen83]

الف سلامه عليكى الحمد لله انت خرجتى سليمه
بس طمنينا عليكى انتى اخبار صحتك ايه
و عمليات ايه اللى انتى بتعمليها ؟؟ هى اصابتك كانت جامده

[Donzi]

الف سلامه عليكى الحمد لله انت خرجتى سليمه
بس طمنينا عليكى انتى اخبار صحتك ايه
و عمليات ايه اللى انتى بتعمليها ؟؟ هى اصابتك كانت جامده

الله يسلمك و الحمد لله طبعا ان انا خرجت سليمة

انا رجلي اتكسرت بس كسر جامد شوية - يعني كانت سايبة من بعضها خالص جزئين منفصلين - فا عملت الاول عملية اسمها مسمار نخاع و بعدين بعد فترة لقينا الكسر مش بيلحم بسرعة و اتضح ان العظمتين بعيد عن بعض فا عملت عملية تانية عشان العظم يقرب من بعضو

الظاهر العظمتين بعد الانفصال كانو رافضين الصلح و مش عاوزين يرجعو لبعض

[sara2001]

حمدا لله على سلامتك
قدر الله وما شاء فعل وربنا يجازي المتهورين ويعوضك خير
وبسيطه بإذن الله واتمنى تكون آخر عمليه وربنا يتمم شفاؤك

[tamer_a7]

الف سلامه انا ما كنتش متخيل الموضع كان فيه اصابه جامده ليكي كده
نصيحه تانيه قانونيه (مع اني مهندس ماليش في القانون) كاان ليه صديق حصل معاه موقف مشابه لو تعرفي تحتفظي بفواتير المستشفي وما خلافه اعملي كده علشان انشاء الله تاخدي حقك كامل اه هو قضاء الله بس اللي تسبب في شيء لازم يدفع التمن
ومره تانيه الف سلامه عليكي