المعاه فيرنا 1600 موديل 2009 و 2010 يتفضل يقول رايه فيها بصراحه

[shooda2020]

المعاه يا اخواني الكرام العربيه الفيرنا البيسموها عربيه المصريين
انا حاسس ان اللقب ده اصلا ماخدوش التاكسي
بس بجد العربيه مش وحشه
هيا عيوبها معروفه
فرامل ضعيفه
عزل داخل السياره مش تمام
التقفيل طبعا زفت زفت
فنفسي اعرف ايه راي باقي الاعضاء المعاهم فيرنا موديل 2009 و 2010
شكــــــــــــــــــــــــــــــــــــرا

[ahmad--ezzat]

التقفيل عادى...والعربيه عمليه جدا اعتماديه....بس محدش يديها اكتر من حجمها عشان بتغاظ

[dolly13]

انا معايا 2009 وعملت بيها 35 الف وفى حدود القيادة الامنة يعنى لحد 130 ك فهى حلوة جدا والفرامل هاتسعفك جدا
بالنسبة للتقفيل فهو عادى جدا مش فخم يعنى معقول ويمشى
بالنسبة لسعرها لسوق السيارات المصرى فهى تستحق ثمنها عن جدارة
طبعا عفشتها الناعمة اهم مايميزها على الاقل بالنسبة لى وربنا يوفقك

[د.محمود صلاح]

منشرة .... اقتصادية في الصيانة ..... سعرها فيها ....

[micromoud]

موتور جبار تكييف تلاجه قطع غيار متوفره فرامل تسعفك داخل المدينه على السرعات العاديه عربيه عائليه عفشه ناعمه وشكلها محترم

[kisho55555]

عربية كويسة لغاية 100 كم/س ... بعد كدا طيارة ورق ..

عفشة ناعمة ومريحة ... متنفعش مع مطبات الهوا الكتيرة ...

الموتور الكبير عليها1600 ... طلعة جبارة من الصفر ...

التكييف مش بياثر على السحب بدرجة كبيرة عشان الموتور كبير نسبيا ..

الشكل معقول ومش مستفز ...

يعيبها ضعف الصاج والفرامل لانها خفيفة ...

[dr.amr]

انا بركبها تاكسي كتير قوي ياجماعه

وبحس ان عفشتها مش ناعمه

بحس ان عفشتها ضعيفه شويه

[kamatsho]

انا بركبها تاكسي كتير قوي ياجماعه

وبحس ان عفشتها مش ناعمه

بحس ان عفشتها ضعيفه شويه

ده مجرد احساس زى ما انتا قولت لكن مش حقيقه ولا واقع

[ADELHASANALSHAAIRYN6]

موتور جبار تكييف تلاجه قطع غيار متوفره فرامل تسعفك داخل المدينه على السرعات العاديه عربيه عائليه عفشه ناعمه وشكلها محترم- علشان كدة الفيرنا هى السيارة رقم 1 فى مصر وصعب حاليا عربية تحتل مكانها

[zezmograby]

كفاية ان العربية تمنها فيها بجدارة
تقفيل مصري بس نضيف جدا
صاجها الخفيف دا ميزة وعيب والميزة اكبر
لانة مبيضغطش علي الموتور وبالتالي العمر الافتراضي للموتور بيزيد
والعيب هو الثبات والفرامل
الثبات مش وحش للدرجة ياعني 140 علي طريق نضيف كويس
والعربية بتقفل عدادها لحد 210ومليون واحد قفلة ايوا بتعدي 200
YouTube - ‪Hyundai Verna 200+KM‬‎

[ahmad--ezzat]

كفاية ان العربية تمنها فيها بجدارة
تقفيل مصري بس نضيف جدا
صاجها الخفيف دا ميزة وعيب والميزة اكبر
لانة مبيضغطش علي الموتور وبالتالي العمر الافتراضي للموتور بيزيد
والعيب هو الثبات والفرامل
الثبات مش وحش للدرجة ياعني 140 علي طريق نضيف كويس
والعربية بتقفل عدادها لحد 210ومليون واحد قفلة ايوا بتعدي 200
youtube - ‪hyundai verna 200+km‬‎

اى عربيه لو ماشيه على طريق كويس مستقيم هتبقى ثابته....خد غرز ومناورات على 140 هتعرف ان الفيرنا خفيفه.....

انا راى ان العربيه دى عمليه جدا فى كل حاجه بس اللى يعرف يوظفها....

[osama_ruan]

ملحوظة بس ازاي ابقي سايق علي طريق وبالسرعة دي والمرايات مقفولة دي سواقة بطريقة كلو مقدر ومكتوب؟

[M.Osman]

هو لية كل ما حد يطلب رأي عن الفيرنا نلاقي الفيديو بتاع الـ200+ ده؟

هو ده مقياس ان العربية حلوة يعني؟

[SAMEHNOSHI]

عربية سهلة الصيانة... قطع غيار رخيصة و منتشرة... تكييف كويس... ماتور قوى... عفشة نعمة... سهلة فى البيع و سعر اعادة البيع كويس...اقتصادية فى المصاريف... تسارع جامد... صالون ضييق... صاج ورق... دهان سيىء... فرامل ضعيفة على السرعة العالية...ثبات مقبول لحد سرعة 120كم... بتوطى عند التحميل نتيجة للعفشة النعمة.
هيا معايا و الخلاصة انا شايفها ممتازة على سعرها و هى احسن اختيار فى الفئة ديه بس هتها فول اوبشن.

[ADELHASANALSHAAIRYN6]

موتور جبار تكييف تلاجه قطع غيار متوفره فرامل تسعفك داخل المدينه على السرعات العاديه عربيه عائليه عفشه ناعمه وشكلها محترم