الحقونى - الالنترا الجديدة

[sokasoon]

السلام عليكم ورحمة الله وبركاتة
بفضل من الله عز وجل اشترينا الالنترا الجديده فى المكتب من حوالى شهر

وبعد مرخصنا وبدءنا نستخدمها علشان تلين وتدخل الخدمة فى المكتب فوجئنا بالتالى

لما الموبايل بيرن نور العربية بيطفى ويشتغل لحد ما ارود على الموبايل

عملنا الالف كيلو وقلنا نروح نعمل الصيانة بتاعت الالف الاولى ونقولهم على المشكلى دى

المفاجئه : المهندسين قالولى ده عادى وده الطبيعى فى بعض العربيات والبعض الاخر لا وانت حظك جه كدا

قلتله يعنى لو ماشى فى الطريق ليلاا ومفيش نور على الطريق الاقى عربيتى تطفى وتقيد لوحدها ده انا ممكن كدا اروح فى مصيبه

المهم بعد ما خلصت صيانة الاف ومشيت والمشكلة قائمة واحد من الى كان موجودين خارج التوكيل سئلى فى ايه لانى وانا بستلم فرجت عليهم كل الى فى التوكيل .
قلتله على المشكلة قلى خلى بالك لان ده كمان ممكن الايرباج يفتح
يفتح دى مصيبه تانيه
وللى الان مش عارف اعمل ايه

ارسل ميل لهيوندى كوريا ولا اعمل ايه

اسف على الاطاله

...................................

انت تلزق استيكرعلى ابواب العربية وتكتب فيها اغلق الموبايل قبل دخول السيارة

او

الموبايل خطير جدااا على السيارة ويسبب الارتعاش من فضلك اغلق الهاتف المحمول قبل دخول السيارة

إمضاء هيونداى

الله يكون فى عونك كل يوم مشاكل وشكاوى من توكيل هيونداى الله يكون فى عون كل الهيونداوييييية

[outosend]

ازيكو ياشباب ده اول يوم ليا فى المنتدى الرائع ده
وانا كنت هاشترى النترا اوتوماتيك2008 وكنت محتار بينها وبين الدايهاتسو الماتيريا انا عارف ان شكلها مش بيعجب ناس كتير بس عربيه اعتقد تستحق الاحترام
عايز من الناس اللى جربو الالنترا يقولولى ايه الاخبار والعيوب واشتريها ولا بلاش لانكو قلقتونى من موضوع التوكيل ده

[cazanova555]

يا جماعه انا واحد صحبي معاه الاسبرانزا و24 ساعه بنلف بيها في اليوم والموبيل ع التابلوه وصحبي ده عنده شركه وكل شويه يجيله مكالمه ومفيش اي حاجه بتصحل من الكلام ده مع العلم ان دي سياره صيني وهيونداي كوري

انا راي العيب في التصنيع ولازم حل

[mgaberh]

نفسى ان اعامل فى مصر معامله آدميه مره واحده.
قرأت مره على النت ان فى امرأه امريكيه تملك سياره جديده و بعد ايام قابلتها مشكله مع السياره. تخيلوا ما هى المشكله ؟
انها عندما تذهب وسط المدينه و تشترى ايس كريم لها فقط ثم تحاول تدور السياره لا تدور , و عندما تذهب الى وسط المدينه و تشترى ايس كريم لها و للعائله ثم تدور السياره تدور معها فأرسلت الى الشركه رساله و قصت عليها الحكايه.
ماذا فعلت الشركه؟؟؟؟؟؟؟؟؟؟؟؟؟؟؟؟؟؟؟؟؟؟؟ تخيلوووووووووووااااااااااااااااااااا
انتدبت مهندس او فنى مش فاكر يعمل حاجه اسمها shadow test
اى اختبار الظل و هو ان يركب معها السياره و يلازمها مثل ظلها فى هذا المشوار.
و ركب معها فعلا و كررا المشوار مرتين. فماذا وجد؟؟؟؟؟
وجد انه هناك فيوز له علاقه بالحراره و هذا الفيوز لا يرجع الى حالته الأصليه الى بعد مرور 10 دقائق حتى تدور السياره.
لذلك كانت السيده عندما تشترى ايس كريم لها فقط كانت تستغرق 5 دقائق فقط فكانت لا تدور معها السياره, و كانت عندما تشترى ايس كريم للعائله كانت تستغرق اكثر من 10 دقائق فكانت تدور معها السياره.
تم عمل الازم و حلت الشركه المشكله فى جميع سياراتها.
لو لم اكن مصريا لتمنيت ان اكون هئ هئ مصريا

[ahmedsami640]

انا برده عندي نفس المشكلة في الالنترا 2008

[alivara]

ازيكو ياشباب ده اول يوم ليا فى المنتدى الرائع ده
وانا كنت هاشترى النترا اوتوماتيك2008 وكنت محتار بينها وبين الدايهاتسو الماتيريا انا عارف ان شكلها مش بيعجب ناس كتير بس عربيه اعتقد تستحق الاحترام
عايز من الناس اللى جربو الالنترا يقولولى ايه الاخبار والعيوب واشتريها ولا بلاش لانكو قلقتونى من موضوع التوكيل ده

انا زى حضرتك ناوى اشترى الانترا 2008 فول اوبشن بس الموضوع ده قلقنى و اول مرة اسمع الحكاية ديه بس برده الانترا جميلة جدا و مش حخلى اى حاجة تأثر على قرارى

[MOHAMED ABD EL SHAFY]

يعنى ايه الموبيل او خطوط الكهرباء تؤثر على كهربة السيارة
ايه الافتكاسات دى
انت راكب عربية فوق ال 100 الف يعنى لازم تكون على الشعرة
يعنى بكدا ممكن حد يموت بسبب رنة موبيل تجيلة وهوا مسافر
عجبى
ايه العبط اللى بيحصل دا
هل فيه سيارة اخرى بيحصل فيها كدا كنا ممكن نقول ماشى الحال بس اكيد فيه مشكلة ومحدش فى التوكيل فاهم يحلها

[MOHAMED ABD EL SHAFY]

طب المشكلة دى مع موبنيل ولا فودا فون
لو مع فودا فون او موبنيل فقط هيقلولك فى التوكيل روح لشركة الموبيل يصلحوا العربية

[yasermohameds]

ممكن يكون العيب فيك ااقولك حاجه اعمل لها زار او حاول تشوف لها البخت

[حماده المصري]

ده عيب التدخل المصري في اي حاجه

روح الصيانه وادخل لمديير الصيانه وقوله

ودي عامه مشكله كهربا واكيد من السنتر المصري


كلم مدير الصيانه وهو اكيد راجل متفهم

انا من سنتين حصلت معايا مشكله في عربيتي ودخلت لمدير الصيانه وكان راجل محترم واسمه ياسر في توكيل ابو رواش

عامه المهندسين في اي توكيل ممكن يطنشك ويطلعلك اي كلام ويمشيك وممكن هو هو نفس المهندس يحللك مشكله عربيتك

من تجربتي مع غبور مفيش مهندس مش فاهم لكن كلهم شغالين بمزاجهم

[ADELKAMALY]

ياجماعة أنا حصل معايا الموضوع ده بس نور التابلوه بس هو اللي بيفصل لحظياً ولمبة الحزام تنور بعد النور مايرجع علي طول ومازال بيحصل هذا الكلام وأنا بتعامل مع مركز أبو غالي العبور وكشفوا علي العربية بالكمبيوتر وقالوا كل حاجة سليمة وزي الفل ولحد دلوقتي مش عارف إيه السبب بس هاجرب موضوع الموبايل ده أو أبراج المحمول لأن الموضوع ده إتكرر في منطقة بعينها كذا مرة وكنت ملاحظ أن فيها أبراج محمول قريبة جداً في مدخل المقطم من ناحية الأتو ستراد
ياريت اللي يعرف حاجة يقول عليها ويوضحها علشان نعرف السبب الحقيقي
طالما ماحدش من المهندسين بتوع التوكيل عارف حاجة
أو نرسل لهيونداي كوريا ونعرف المشكلة

:arghh:

[ADELKAMALY]

ياجماعة أنا حصل معايا الموضوع ده بس نور التابلوه بس هو اللي بيفصل لحظياً ولمبة الحزام تنور بعد النور مايرجع علي طول ومازال بيحصل هذا الكلام وأنا بتعامل مع مركز أبو غالي العبور وكشفوا علي العربية بالكمبيوتر وقالوا كل حاجة سليمة وزي الفل ولحد دلوقتي مش عارف إيه السبب بس هاجرب موضوع الموبايل ده أو أبراج المحمول لأن الموضوع ده إتكرر في منطقة بعينها كذا مرة وكنت ملاحظ أن فيها أبراج محمول قريبة جداً في مدخل المقطم من ناحية الأتو ستراد
ياريت اللي يعرف حاجة يقول عليها ويوضحها علشان نعرف السبب الحقيقي
طالما ماحدش من المهندسين بتوع التوكيل عارف حاجة
أو نرسل لهيونداي كوريا ونعرف المشكلة

:arghh:

[MOHAMED ABD EL SHAFY]

وممكن فى الاخر تلاقى الموضوع يطلع ابسط من البساطة ممكن يكون عزل لوحة التحكم مش مظبوط فتؤثر عليه ترددات الموبيل اكيد ليها حل بس العباقرة فى غبور اكبر من كدا بكتييير

[crazylambada]

اصلا الانترا فيها مشكلة في الكهرباء بتاعتها
روحوا مركز مودرن سيرفس جروب اللي انا كنت بتدرب فيه
و هو مركز خدمة معتمد للبيجو و الهيونداي
و اسالوا عنده كام عربية النترا زيرو لم ترخص بعد و لا تدور
واسالوا قعدوا يحاولوا فيها قد ايه
؟؟؟؟؟؟؟؟؟؟؟؟؟؟؟؟؟؟؟

[MOHAMED ABD EL SHAFY]

طب عندهم حل للمشكلة دى