قبل ماتشتري هيوانداي

[ufarag]

الى كل من يفكر في شراء هيونداي اطلب منك ان تقوم بشئ واحد فقط قبل اتخاذ قرار الشراء ، قم بزيارة فرع ابو رواش و اطلع استراحة العملاء و شوف المنظر و الناس اللى ملطوعة بالتمن ساعات و لو عاوز تنضم اليهم اتوكل على الله و اشترى.

بأمانة ربنا العربية في حد ذاتها كويسة ، بس اللطعة اللى انت هتطلطعها كل 5000 كيلو عشان تعمل الصيانة تغور العربية بسببها.

وعلى فكرة عن تجربة العربية بتطلع من التوكيل دايما بمشاكل ودايما هتحتاج ترجعها تاني ، وطبعا مش هحكيلك على قذارة العربية بعد الشغل.

وبالمرة كتالوج العربية بيقول انها يتعملها صيانة كل عشرتلاف ، لكن التوكيل طبعا بيصر على الخمستلاف عشان تزهق و ماتروحش ويقولك الضمان كل سنة و انت طيب.

[kamatsho]

انتا قصدك على هيونداى عموما ولا ماركه معينه من هيونداى؟

[M.Osman]

قبل ما تشتري هيونداي ...
لازم تعرف ان يوجد عدد ضخم من مراكز الخدمة المعتمدة عشان الصيانات... مش هتحتاج تروح التوكيل اصلاً غير لو فيه مشاكل لا قدر الله

انا بعمل صياناتي في احد المراكز المعتمدة في المنصورة .. اقل من نص ساعة من البيت ... في اقل من ساعة العربية بتكون خلصانة... و بيكون عندي الإختيار اني استنى عربيتي في مكان مكيف او انزل وسط العمال اتفرج عليها اثناء الصيانة
انا بعمل صياناتي كل 10 الاف كم ... بخلاف الزيت طبعاً

احنا اللي بنصعب على نفسنا و لازم نروح المركز الرئيسي ...لية مش عارف؟؟؟

و بعدين مش احسن من بعض التوكيلات اللي ملهومش غير المراكز الرئيسية فقط و ساعتها دي اسمها اللطعة الحقيقية

[ufarag]

لا غبار على هيونداي عموما ، ولكن المشكلة في التوكيل و العذاب اللى هتتعذبه كل ماتروح تعمل صيانة ، منظر الناس يقطع القلب و تحس انك داخل صالة ترانزيت في مطار في دولة من دول العالم الثالث ، كل واحد متذنب و نايم على الكرسي و ملطوع سبع تمن ساعات ، ناهيك عن انك بتسلم العربية زي الفل بتستلمها مليانة شحم , وفي كثير من الاحيان فيها مشاكل ماكنتش فيها لما سلمتها ، ياسادة الموضوع ببساطة ان عدد الناس اللى اشتروا العربيات كتير و كل يوم بيزيدوا و في المقابل التوكيل غير مجهز لاستقبال كل هذه الاعداد ، هو ده برضه مش حق من حقوق المستهلك ان لما يروح يعمل صيانة يعملها في وقت معقول و في مكان محترم ، ويستلم عربيته نضيفة و متظبطة ولا ده مش من حقه ، حد من السادة بتوع حقوق المستهلك راح زار مراكز الصيانة دي قبل كده؟

[ufarag]

سعادتك المركز الرئيسي في ابو رواش هو اقرب مركز لبيتي ، و بعدين الصيانات كل خمستلاف مش عشر تلاف والا سعادتك تفقد الضمان بتاعك.

[raedegypt]

ياعمو الهيونداى دة ماركه عالميه انتشار فى كل بقاع الارض ومن السيارات الغير معقدة وممتازة فى الجودة فى مصر وهنا فى السعوديه والعالم ومن مميزاتها ان اى ميكانيكى بيصلحها وقطعها متوفرة زى الرز فى كل الدنيا وارخص من غيرها نفس الفئه . وبعدين مراكز خدمه منتشرة فى مصر يعنى مش محتاج انك تروح التوكيل نفسه . العربيه الهيونداى ممتازة وسيبك من اى كلام تانى . شوف الانتشار فى مصر والسعوديه والخليج وبعدين اتكلم .

[M.Osman]

سعادتك المركز الرئيسي في ابو رواش هو اقرب مركز لبيتي ، و بعدين الصيانات كل خمستلاف مش عشر تلاف والا سعادتك تفقد الضمان بتاعك.

انا مقصدش حضرتك..

انا اقصد كل الناس

لية الناس كلها مصممة على المراكز الرئيسية ؟؟

بجد المراكز المعتمدة بتبقى تقريباً فاضية.... و بعدين طالما بعمل صيانات دورية و مفيش مشاكل الحمد لله يبقى الأقرب لي و خلاص

اما بخصوص 5 او 10 ألاف و الضمان ... فهنا الميزة في التظبيط مع المراكز المعتمدة

[ufarag]

ياعمو الهيونداى دة ماركه عالميه انتشار فى كل بقاع الارض ومن السيارات الغير معقدة وممتازة فى الجودة فى مصر وهنا فى السعوديه والعالم ومن مميزاتها ان اى ميكانيكى بيصلحها وقطعها متوفرة زى الرز فى كل الدنيا وارخص من غيرها نفس الفئه . وبعدين مراكز خدمه منتشرة فى مصر يعنى مش محتاج انك تروح التوكيل نفسه . العربيه الهيونداى ممتازة وسيبك من اى كلام تانى . شوف الانتشار فى مصر والسعوديه والخليج وبعدين اتكلم .

ياعم و انا قولت العربية وحشة ، اقرأ اللى انا كاتبه تاني ، انا قولت ان العربية كويسة المشكلة في التوكيل و الصيانة ، اما بالنسبة لموضوع المراكز المعتمدة انا حصلت ليا مشاكل مع بعض هذه المراكز بس بصراحة كانت مع عربية تانية و من سعاتها مابحبش اتعامل غير مع التوكيل ده بالاضافة ان ابو رواش هو اقرب ليا من اي مكان اخر.

[lolita]

ياجماعة انتوا بتروحوا الضمان لية العربية بتفضل سليمة لحد مايعدى فترة الضمان و بعد كدة بتفتخ بقها و هما عارفين كدة كويس و بتقعد تفع الاف الجنيهات على الفاضى انا رحت 1000 و 5000 و انسى بعد كدة كلة نصب نصيحة لكل الهيونداوية و فروا فلوسكوا و هاتوا حاجات مفيدة زى مانا عملت جنوط كاوتش ساوند سيستم فاجر و كمان صيفت مرتين هاهاهاهاه

[kamatsho]

ياجماعة انتوا بتروحوا الضمان لية العربية بتفضل سليمة لحد مايعدى فترة الضمان و بعد كدة بتفتخ بقها و هما عارفين كدة كويس و بتقعد تفع الاف الجنيهات على الفاضى انا رحت 1000 و 5000 و انسى بعد كدة كلة نصب نصيحة لكل الهيونداوية و فروا فلوسكوا و هاتوا حاجات مفيدة زى مانا عملت جنوط كاوتش ساوند سيستم فاجر و كمان صيفت مرتين هاهاهاهاه

÷هههههههههههههه
هوا ده الكلام

[lolita]

صدقونى هى دى الحقيقة و حادش عايز يفكر شوية و يسال نفسة انا بروح ادفع فى التوكيل لية

[الريس]

صدقونى هى دى الحقيقة و حادش عايز يفكر شوية و يسال نفسة انا بروح ادفع فى التوكيل لية

خوفا من مشكلة كبيرة او خازوق مستخبي

[katz]

قبل ما تشتري هيونداي ...
لازم تعرف ان يوجد عدد ضخم من مراكز الخدمة المعتمدة عشان الصيانات... مش هتحتاج تروح التوكيل اصلاً غير لو فيه مشاكل لا قدر الله
.................
و بعدين مش احسن من بعض التوكيلات اللي ملهومش غير المراكز الرئيسية فقط و ساعتها دي اسمها اللطعة الحقيقية

+111111111111111111111111111111111
:b4_388:

[tamer_a7]

خوفا من مشكلة كبيرة او خازوق مستخبي

حتي لو فيه مصيبه ل الهوا يعني كده كده العربيه بتاعتك فيها مصيبه او ما فيهاش لبستها لبستها ههههههههههههه
يا معالي الباش الضمان ومراكز الصيانه والافلام دي علشان الناس بتبقي مخضوضه
يا عم ما طول عمرنا لا ضمان ولا غيره وهيه هيه مش هتفتح بقاه الا بعد الضمان

[MEMES]

قبل ما تشترى هيونداي اسأل عن اسعار قطع الغيار وقارن
قبل ما تشترى هيونداي اسأل عن سعر اعاده البيع و قارن
قبل ما تشترى هيونداي اسأل عن مراكز الخدمه و توافرها وقارن
قبل ما تشترى هيونداي اسأل عن اللى اشتراها ومجربها بجد اي موديل وشوف المميزات والعيوب قارن
قبل ما تشترى هيونداي اسأل عن التطور فى الشركه والموديلات الجديده ومدى انتشارها حتى فى اوروبا وامريكا وقارن

بعد كده قرر وربنا يوفقك