قبل ماتشتري هيوانداي

[dr_abooody]

انا بعمل الصيانة في ايكوماس اللي في دار السلام و دة معتمد و ناس نضيفة جدااا

لو لا قدر الله في حاجة تبع الضمان هتضطر تطلع على ابو رواش

[semsem_uno]

قبل ما تشترى هيونداي اسأل عن اسعار قطع الغيار وقارن
قبل ما تشترى هيونداي اسأل عن سعر اعاده البيع و قارن
قبل ما تشترى هيونداي اسأل عن مراكز الخدمه و توافرها وقارن
قبل ما تشترى هيونداي اسأل عن اللى اشتراها ومجربها بجد اي موديل وشوف المميزات والعيوب قارن
قبل ما تشترى هيونداي اسأل عن التطور فى الشركه والموديلات الجديده ومدى انتشارها حتى فى اوروبا وامريكا وقارن

بعد كده قرر وربنا يوفقك

و اسأل علي الأمان و الأيرباج و واخدة كام نجمة في اختبار التصادم و خامات العربية عاملة ازاي من واحد معاه هيونداي بقاله فترة

[raedegypt]

ياعم ايه قبل ماتشترى هيونداى ؟؟؟؟ انت صاحى هنا معانا فى الدنيا ولا فى كوكب اخر. فاكرك قبل ماتشترى رينو ولا نيسان ولا صينى ولا فيات ولا دايهاتسو ولا بيجو ولا العربيات ال محدش سمع عنها ولا عارف طالعه منين . اكثر مراكز خدمه فى بلدك الهيونداى . ارخص قطع غيار ومتوفرة ومافيش احتكار الهيونداى . حبيبى صلى على النبى احنا فى رمضان ما نكتب اى كلام

[tamer_a7]

و اسأل علي الأمان و الأيرباج و واخدة كام نجمة في اختبار التصادم و خامات العربية عاملة ازاي من واحد معاه هيونداي بقاله فترة

واسال علي فرق السعر وللعلم الاكسيل دي من انجح العربيات اللي نزلت مصر في زمانها (دا بصفتك من ملاك الكسيل زي ما مكتوب) وانا باعتبر الفيرنا امتداد ليها في النجاح والكفاءه
لو حابب تسال علي الامان والاير باجز بجد مش مجرد كلام علي التبلوه واختبارات التصادم يبقي عليك وعلي الالماني ووقتها انت مش هتفكر اساسا في الكوري كله انت راجل رايح تشتري ب300 الف مثلا كوري ايه بقي

[semsem_uno]

واسال علي فرق السعر وللعلم الاكسيل دي من انجح العربيات اللي نزلت مصر في زمانها (دا بصفتك من ملاك الكسيل زي ما مكتوب) وانا باعتبر الفيرنا امتداد ليها في النجاح والكفاءه
لو حابب تسال علي الامان والاير باجز بجد مش مجرد كلام علي التبلوه واختبارات التصادم يبقي عليك وعلي الالماني ووقتها انت مش هتفكر اساسا في الكوري كله انت راجل رايح تشتري ب300 الف مثلا كوري ايه بقي

مش قصدي يا باشا
الأمان مش في السعر الأمان في الشركة اللي بتعمل العربيات يعني فيات مثلا كل العربيات فيها اير باج و هيونداي قليل اوي اللي فيها و الفءات العالية كمان و للأسف في الحوادث العربية بتتعجن و طبعا كله بستر ربنا ده غير عدم الثبات في اغلب العربيات للأسف من ضمنهم الأكسيل بتاعتنا و الفرامل زي الفيرنا
و فعلا الأكسيل من انجح العربيات بتاعت هيونداي و والله كويسة بس للمحافظة انما مش بتاعت سرعة و امان
و الفيرنا بصراحة لولا بس ان مفهاش اير باج و موضوع الفرامل بتاعها ده

يعني من الأخر هيونداي للسواقة العاقلة و العائلات و اللي عايز عربية فيها كماليات بسعر كويس و سيدان زي الفيرنا و كده انما مش غرز و جري و الكلام ده والله ممكن تموت فيها

ياعم ايه قبل ماتشترى هيونداى ؟؟؟؟ انت صاحى هنا معانا فى الدنيا ولا فى كوكب اخر. فاكرك قبل ماتشترى رينو ولا نيسان ولا صينى ولا فيات ولا دايهاتسو ولا بيجو ولا العربيات ال محدش سمع عنها ولا عارف طالعه منين . اكثر مراكز خدمه فى بلدك الهيونداى . ارخص قطع غيار ومتوفرة ومافيش احتكار الهيونداى . حبيبى صلى على النبى احنا فى رمضان ما نكتب اى كلام

فيات ايه و رينو ايه ؟؟؟ مش باينلهم طالعين من امتي؟؟
طالعين مع احترامي من قبل ما دولة كوريا تطلع اصلا و اقل عربية قوايمها صلب و اقل فئة في اي عربية فيات من الجديد و يمكن تلتين القديم اذا مكنش اكتر فيها اتنين اير باج و بيفتحو مع الحوادث مش محطوطين منظر و مش بيفتحو او متشالين منها زي عربيات تانية و الفئات العالية بتوصل ل6 اير باج

و متنساش ان حضرتك بتتكلم علي عربيات اوروبي (فيات و رينو و بيجو اللي مش عاجبينك)
فيات عاملة كراش تيست للعربيات بتاعتها من سنة 1980 ايام ما كانت هيونداي لسة بتعمل الpony

هيونداي = انتشار و عربية سعرها مش غالي اوي و تقضي معاك ونتا محافظ عليها و كماليات تكيفك (عائلية من الأخر) انما مش غرز و تنطيت و جري
انما الأمان و العمر الأفتراضي الطويل و الخامات اللي تعيش و الرفاهية = الأوروبي بدون كلام (للأسف الأكسيل تابلوهها كله مشقق و باهت من الشمس مع انها العربية الوحيدة اللي جايبنلها شماسة و اهي موديل 97) و الأونو موديل 93 (اقفل الأزاز متسمعش سريخ ابن يومين برة ولا حد يسمعك و التابلوه زيرووووووو بمعني الكلمة)
و خد بالك بس علشان متعيبش عالتوكيل بتاع فيات (اوماترا)
التوكيل ينقصه الدعاية فقطططط و احسن من منصور كمان و عندنا اللي يقولولك
و تاني عيب التسليم متأخر
و الأن فاتح اكتر من مركز صيانة الحمد لله

و هيونداي اي مركز و اي حد بيصلحها لأنها اصلا مفهاش اي حاجة معقدة او تكنولوجيا عالية اوي انما الفيات الجديد لازم التوكيل مع انه الحمد لله انتشر جامد بقاله فترة و بدون دعاية عليه طلب
و مهما كان عدد مراكز الصيانة بتاعت غبور بردو مش هيكفي و ليه حق يبقي زحمة جدا كمان ( شوف كام عربية من نوع واحد بس بتعدي من ادامك)
و يا جماعة انا مش بقلل من حاجة الحمد لله كلها عربيات و كلها بتوصل و راحمانا بس بردو العيوب تتقال

[lolita]

خوفا من مشكلة كبيرة او خازوق مستخبي

noooooooooo

[M.Osman]

semsem_uno

جرب حاجات تانية غير الاكسل و الفيرنا....
الهيونداي مش اكسل و فيرنا بس...

[semsem_uno]

semsem_uno

جرب حاجات تانية غير الاكسل و الفيرنا....
الهيونداي مش اكسل و فيرنا بس...

تمام ماشي و جرب بردو حضرتك بعد ما تركب الماتريكس (اللي هي اصلا هيونداي واخداها من فيات ايديا و سمتها ماريكس في 2005) تركب جراند بونتو او بونتو ايفو و شوف فرق الكماليات و العربية ككل و هتلاقي ان مع كده الفيات ارخص (الجمارك اللي بتنزل من عالأوروبي)
و بعد الألنترا و النيو اكسنت تركب فيات لينيا و قوللي رأيك بعد كده
و علي فكرة فكرة انا بتكلم علي خامات الشركة و الأمان مش عالعربيات و انا بشوف موديلات هيونداي من الstellar و موديلات التمانينات اللي كان فيها كراسي كهرباء لحد الجديد
و في فروع تانية لهيونداي بتعمل عربيات فارهة! زي فيات كده ما ليها جناح الفا روميو للعربيات الجميلة و لانشيا للمواتير و فيراري لفئة العربيات الرياضية و مازيراتي منافسة الجاجوار و غيره (بالمناسبة الناس ديه بردو بتعمل عربيات 4 باي 4 )

لو علي ان الهيونداي مش بس فيرنا و اكسيل احب اقول ان في الصين يوجد عربيات بمستوي المرسيدس (بس الخامة ايه و العمر ؟؟ هل زي المرسيدس؟)

[mada_76]

يا جماعة باختصار بالنسبة لمشكلة التوكيل وزي ما قال زميلنا هو غبور مشكلته ان حجم العملاء كبير عليه اوي وهو فعلا محتاج يتوسع اكتر . انا كنت بروح اعمل صيانة في ابو رواش من 9 الصبح بستلم العربية الساعة 6 المغرب . اكيد ده مايرضيش حد .
بالنسبة لمراكز الخدمة دي انت وحظك وفي حالة ان مركز الخدمة ضحك عليك او ركبلك قطعة مش بتاعة عربيتك او بوظلك حاجة ساعتها غبور يقولك انا ماليش فيه .
وده حصل معايا في مركز خدمة ركبولي تيل فرامل بتاع الاكسيل عشان ارخص ومقاليش كده غير بعد ما التيل عمل صوت ورجعتله مرتين . ولما روحت ابو رواش قالولي ملناش فيه احنا بندربهم ونديهم الاسم لكن مالناش عليهم رقابة . هما اللى يتحملوا اخطائهم

لكن نقول الحمد لله انا ليا اصحابي معاهم عربيات تانية بدون ذكر ماركات مش هاقولكوا معندهومش مراكز خدمة وكمان مش بيلاقوا قطع غيارهم غير في التوكيل بس

[semsem_uno]

يا جماعة باختصار بالنسبة لمشكلة التوكيل وزي ما قال زميلنا هو غبور مشكلته ان حجم العملاء كبير عليه اوي وهو فعلا محتاج يتوسع اكتر . انا كنت بروح اعمل صيانة في ابو رواش من 9 الصبح بستلم العربية الساعة 6 المغرب . اكيد ده مايرضيش حد .
بالنسبة لمراكز الخدمة دي انت وحظك وفي حالة ان مركز الخدمة ضحك عليك او ركبلك قطعة مش بتاعة عربيتك او بوظلك حاجة ساعتها غبور يقولك انا ماليش فيه .
وده حصل معايا في مركز خدمة ركبولي تيل فرامل بتاع الاكسيل عشان ارخص ومقاليش كده غير بعد ما التيل عمل صوت ورجعتله مرتين . ولما روحت ابو رواش قالولي ملناش فيه احنا بندربهم ونديهم الاسم لكن مالناش عليهم رقابة . هما اللى يتحملوا اخطائهم

لكن نقول الحمد لله انا ليا اصحابي معاهم عربيات تانية بدون ذكر ماركات مش هاقولكوا معندهومش مراكز خدمة وكمان مش بيلاقوا قطع غيارهم غير في التوكيل بس

يا ساتر
و لما هو مش قد الناس الكتير ديه لسة بيعمل دعاية ليه ؟؟
و انا بصراحة حاجة تحرق الدم لما يقوللك انا مليش دعوة مليش عليهم رقابة
ربنا يسامح و حسبي الله ونعم الوكيل

[emaksoud]

ياعم و انا قولت العربية وحشة ، اقرأ اللى انا كاتبه تاني ، انا قولت ان العربية كويسة المشكلة في التوكيل و الصيانة ، اما بالنسبة لموضوع المراكز المعتمدة انا حصلت ليا مشاكل مع بعض هذه المراكز بس بصراحة كانت مع عربية تانية و من سعاتها مابحبش اتعامل غير مع التوكيل ده بالاضافة ان ابو رواش هو اقرب ليا من اي مكان اخر.

+111111111111111111111111111

[raedegypt]

بص ياعمو انت فى مصر عندك دوام العمل الصبح بدرى ولازم تلحقه قبل الزحمه وترجع سعاتك الساعه خمسه او سبعه ويادوب تروح وتريح وتنزل تجيب طلبات البيت .. بالله عليك فى الطحن دة مين فاضى يروح لتوكيل وينتظر... ياعمى الهيونداى والميكانيكى تحت البيت بيصلحها وشكرآ وعربيه 100 ماكينه وتكيف ورفاهيه .. شكرآ هيونداى معشوقه المصريين .. اى عربيه تانيه محدش فاضى لقصص التوكيلات والاحتكارات وشغل كمبيوتر محدش ناقص من الاخر بلاعه تبلع الكام 100 ال معاه علشان يعيش ويصرف على عياله والمدارس

[M.Osman]

تمام ماشي و جرب بردو حضرتك بعد ما تركب الماتريكس (اللي هي اصلا هيونداي واخداها من فيات ايديا و سمتها ماريكس في 2005) تركب جراند بونتو او بونتو ايفو و شوف فرق الكماليات و العربية ككل و هتلاقي ان مع كده الفيات ارخص (الجمارك اللي بتنزل من عالأوروبي)
و بعد الألنترا و النيو اكسنت تركب فيات لينيا و قوللي رأيك بعد كده
و علي فكرة فكرة انا بتكلم علي خامات الشركة و الأمان مش عالعربيات و انا بشوف موديلات هيونداي من الstellar و موديلات التمانينات اللي كان فيها كراسي كهرباء لحد الجديد
و في فروع تانية لهيونداي بتعمل عربيات فارهة! زي فيات كده ما ليها جناح الفا روميو للعربيات الجميلة و لانشيا للمواتير و فيراري لفئة العربيات الرياضية و مازيراتي منافسة الجاجوار و غيره (بالمناسبة الناس ديه بردو بتعمل عربيات 4 باي 4 )

لو علي ان الهيونداي مش بس فيرنا و اكسيل احب اقول ان في الصين يوجد عربيات بمستوي المرسيدس (بس الخامة ايه و العمر ؟؟ هل زي المرسيدس؟)

انا مقولتش حاجة على فيات..... انا عارف فيات كويس و اتمنى اني اركبها ... بس مش في مصر بسبب التوكيل اللي انا شايفه "هفأ" ..

مينفعش تعمم الأمان و الخامات و الكلام ده كله ...


العربيات الكوري دلوقتي بتاخد 5 نجوم في الآمان ... الi20 و االكيا سييد ...واخدين 5 نجوم ... دا على سبيل المثال بس... مشكلة هيونداي و وسائل الآمان في مصر مشكلة غبورية وليست هيونداوية ... الوكيل هو اللي بيسمع كلام الزبون و بيرخصها .. عشان كدا بيجيبها بدون وسائل آمان ...

الأكسنت لو نزلت بالإيرباجز و كل حاجة كاملة هتبقى بتمن الياريس... و ساعتها الزبون يقولك الياباني احسن ... و من هنا انا شايف ان غبور دا عبقري... لأني عارف ان الناس لسة مقتنة ان الياباني احسن ولا يمكن يشتروا كوري لو وصل لتمن الياباني

جودة الخامات ... مفيش حاجة بيرفكت...
كل حاجة ليها عيوب ... عربية أ ... في حدود السبعينات .. موتورها على قده ... تكييفها برضه على قده ... الفخامة و الثبات ... اه .. اديني

عربية ب ... في نفس رينج السعر... موتور قوي... تكييف تلاجة .... اوسع ... شنطة اوسع ... مش بنفس الثبات ... مش بنفس الفخامة ...كدا يعني

و بعدين موضوع الخامات ده برضه معدتش زي زمان و وجهة نظري ان كله بالمحافطة بيعيش ( ما فيه ناس كانت بتدور على تابلوه سيفيك تسعينيات من فترة في قسم الهوندا ... كدا يبقى خلاص الهوندا بقت زي الإكسل في الخامات و لا هو اللي على طول سايبها في الشمس ؟؟ ) و في نفس الوقت ... احد الأعضاء كان عامل تقرير عن عربيته الجديدة عندكم في فيات ( مش فاكر كانت ايفو جراند بونتو) و بيشتكي ان المية بتدخل العربية من عند باب الشنطة لما بيغسلها !!

الدنيا بتتطور ... و صناعة السيارات معدتش حكر على حد ...
انا ليا التقارير و إختارات الآمان ....مع البراند ... مش البراند لوحدها !

[ashouhdy]

انا بطلت اروح الضمان من بعد صيانة ال 25الف كل مااروح ادفع 500 جنية والصراحة بروح والعربية ذى الفل لكن لو شكيت فى تنتوفة بجرى اشوفها ....

مثال

فى صيانة ال 20 غيرت طنابير فى التوكيل ع حساب الضمان و دفعت بس تمن التيل

كانت تقريبا 140 تيل و مصنعية 70 و شوية غيارات زيت ع مش عارف اية الاجمالى كان كاسر ال 600

لما سئلت ع الطنابير برة لقيتها ب300جنية و التيل ب 120 و الميكانيكى بتاعى 40 جنية يعنى كلة 470 تقريبا

من ساعتها قلت لأ شكرا غبور ملكش لازمة بالذات ان ضمان التكييف لحد 20الف بس !

يعنى عشان اوفر 200 جنية فسعر اى قطعة غيار دفعت قصادها 500 فى خمس زيارات يعنى 2500 جنية

وعربيتى الحمد لله الله ان لك الحمد عاملة بتاع 55الف و داخلة ع 3 سنيين متعملش فيها غير الطنابير و التيل و غيارات الزيت و فلاتر و بوجيهات وشكرا


دى اكبر ميزة فى الهيونداى= الاعتمادية