تزييق في الفيرنا

[Ashraf_Ibrahim]

ازيكم يا شباب
اخباركم ايه؟!
انا عربيتي فيرنا 2010
كنت بسمع فيها صوت تزييق في الجزء الخلفي منها قبل ماعمل صيانة الألف
المهم رحت الصيانة وقلتلهم على الموضوع دا وربطولي العفشة وكدة وراح الصوت
ما كملتش بيها 100 كم غير ورجع الصوت تاني قلت مش مشكلة لما اروح صيانة ال 5000 اقلهم يعملوه
المهم رحت عملت الصيانة فعلا وقلتله على المشكلة وقلي خلاص هنكشف على العفشة كلها
رجعت ما كملتش المشوار غير والصوت رجع تاني
الصوت بيظهر في المطبات على السرعات المنخفضة جدا -اقل من 10 كم-
عايز اعرف المشكلة دي من العفشة فعلا واللا من البيبان ودي مشكلة في الهيكل نفسه ؟!

[mshmshm3]

عندي نفس المشكلة لحد دلوقتي بقالها سنتين وده صوت فيبر الجزء اللى ورا

[fineart607]

انا عندى الصوت ده بس مع المارشدير من عند الطابلوه

[Ashraf_Ibrahim]

عندي نفس المشكلة لحد دلوقتي بقالها سنتين وده صوت فيبر الجزء اللى ورا

ممممممم
الفيبر دا المقصود بيه الاكصدام وكدة واللا تقصد بيه ايه؟!
معلش اعذرني عشان انا لسة جديد
العربية بقالها معايا 3 شهور لسة

انا عندى الصوت ده بس مع المارشدير من عند الطابلوه

لا المرشدير المفروض ليه زنة مميزة لما ترجع بسرعة
انا الصوت عندي وانا ماشي لقدام وفي المطبات على سرعات قليلة بس انما غير كدة مفيش فيها اي صوت


*بالمرة يا شباب
وانا ماشي ومشغل التكييف بكون سامع صوت الهوا جوا العربية
هل دا عادي واللا فيها مشكلة في العزل بتاعها واللا الازاز واللا ايه بالظبط؟!
بس هنا بقا على السرعات العالية -80 وانت طالع-

[fawzyyyy]

عندي نفس المشكلة لحد دلوقتي بقالها سنتين وده صوت فيبر الجزء اللى ورا

نفس المشكلة و بيبقي صوت طقطقة صغيرة كده

[Ashraf_Ibrahim]

نفس المشكلة و بيبقي صوت طقطقة صغيرة كده

اول مرة اسمع عن صوت الطقطقة دا

*طب بالنسبة لصوت الهوا جوا كابينة القيادة ايه نظامه؟!

[ahmedsamir5edr]

صوت الهوا ده طبيعي في معظم الفيرنا .. سوء عزل مش اكتر
ممكن تدور علي مواضيع كيفيه علاج العيب ده في المنتدي

[Ashraf_Ibrahim]

صوت الهوا ده طبيعي في معظم الفيرنا .. سوء عزل مش اكتر
ممكن تدور علي مواضيع كيفيه علاج العيب ده في المنتدي

طيب خير الله المستعان

*انا كلمت غبور من لحظات وقلتله على المشكلة وقلي انه عملي شكوى وان حد من مركز الصيانة هيكلمني عشان يحدد معاد صيانة عشان يحللي المشكلة دي وانها مشكلة متكررة وكدة

لما نشوف ايه هيحصل :b4_048:

[mshmshm3]

[QUOTE=Ranger;3872959635]ممممممم
الفيبر دا المقصود بيه الاكصدام وكدة واللا تقصد بيه ايه؟!
معلش اعذرني عشان انا لسة جديد
العربية بقالها معايا 3 شهور لسة

الفيبر ده البلاستيك اللى على القوايم لونه رمادي وهتلاقيه على القوايم ورا بردو وده بيطلع صوت زى طقطقة او تزييق بسيط على السرعات الخفيفية

[Ashraf_Ibrahim]

تسلم يا جميل على الشرح

[mshmshm3]

ممكن استفسار طيب !! لو فكيت القوايم دي ورشيت على المكان اللى بتكبس فيه wd-40 كدة ممكن مش تزيق ؟

[Adham]

اغسل عفشة العربية بالجاز ثم بالماء و الصابون في المحطة

و بالذات السست الخلفية

[mshmshm3]

اغسل عفشة العربية بالجاز ثم بالماء و الصابون في المحطة

و بالذات السست الخلفية

يافندم العيب مش في العفشة العيب في الفيبر اللى جوه من الاهتزاز بيطلع صوت ناتج عن احتكاك فيبر القوايم في معدن القايم نفسه

[M.Osman]

انا كان عندي صوت تزييق ... راح لما ربطت مسامير فرش الأبواب كويس ... لأن الأبواب كانت اتفكت لما كنت بركب سنتر (لأن عربيتي كانت فاضية !)

[mshmshm3]

انا كان عندي صوت تزييق ... راح لما ربطت مسامير فرش الأبواب كويس ... لأن الأبواب كانت اتفكت لما كنت بركب سنتر (لأن عربيتي كانت فاضية !)

ده ممكن يكون سبب المشكلة بس انا بصيت على المسامير لاقيتها مربوطة وعلى صواميل الباب كمان